“Anji” futbol klubunun rəsmi açıqlamasına əsasən…

Azərbaycanlı futbolçu Ayaz Quliyev “Anji”dən ayrılıb. Apasport.az saytının məlumatına görə, bu barədə klub rəsmi açıqlama verib.Bildirilib ki, transfer hüququ “Spartak”a məxsus olan Quliyevlə müqaviləyə qarşılıqlı razılaşma əsasında son verilib. 21 yaşlı futbolçu son iki mövsümü Dağıstan klubunun heyətində keçirib. O, 2016/17 və 2017/18 mövsümündə ümumilikdə 22 matçda meydana çıxıb və 1 qola imza atıb.Qeyd edək ki, Ayaz Quliyev milli komandamıza namizəd futbolçulardan biridir. Yığmamızın baş məşqçisi Qurban Qurbanov onun yaxşı çıxış edəcəyi halda, milliyə çağrıla biləcəyini demişdi.xeber100.com

“Beşiktaş”ın hücumçusu “Everton”a keçib

“Beşiktaş”ın hücumçusu Cenk Tosun “Everton”a keçib.Apasport.az saytının məlumatına görə, gözlənilən transfer artıq rəsmiləşib.Türkiyə millisinin forvardı üçün Liverpul təmsilçisi “qara qartallar”a 28 milyon avro ödəyəcək.Futbolçu ilə 4.5 illik müqavilə imzalanıb ki, Cenk “Everton”da illik 4 milyon avro qazanacaq.Qeyd edək ki, bu transfer türk futbol tarixinin ən bahalı keçidi olub. Mövsümün əvvəlində “Başakşehir”dən “Roma”ya keçən Cengiz Ünder üçün 15 milyon avro ödənmişdi.xeber100.com

“Qalatasaray”komandanın heyətində təmizliyə start verib

“Qalatasaray”a yenidən baş məşqçi təyin olunan Fatih Terim artıq komandanın heyətində təmizliyə start verib.Apasport.az klub saytına istinadən xəbər verir ki, Naycel De Yonqun müqaviləsinə xitam verilib.Hollandiyalı futbolçu bu mövsüm heç bir oyunda meydana çıxmayıb.Qeyd edək ki, daha əvvəl “Milan” və “Mançester Siti” kimi klublarda da çıxış etmiş De Yonq 2016-cı ilin avqustunda 2.5 milyon avro qarşılığında 2il müddətinə “Los Anceles Qalaksi” klubundan transfer edilmişdi.xeber100.com

Antalya şəhərində keçiriləcək təlim-məşq toplanışı çərçivəsində

Azərbaycan milli komandasının daha bir yoldaşlıq oyunu keçirəcəyi dəqiqləşib. Apasport.az saytının məlumatına görə, yığmamız Türkiyənin Antalya şəhərində keçiriləcək təlim-məşq toplanışı çərçivəsində ilk matçına yanvarın 30-da çıxacaq.2018-ci ilin ilk qarşılaşmasındakı rəqib Moldova millisi olacaq. Bu, yığmamızın yeni baş məşqçisi Qurban Qurbanovun postunda debüt matçı kimi tarixə düşəcək.Qeyd edək ki, millimizin Antalyadakı digər oyunu xeyli əvvəldən dəqiqləşmişdi. Qurbanovun yetirmələri fevralın 2-də Gürcüstan yığması ilə qarşılaşacaq.xeber100.com

F-1 Qran-Prisi 2020-ci ildə keçirilə bilər

Yanvarın 10-da Formula-1 yarışlarının icraçı direktoru Çeyz Keri Qran-Prinin Danimarkada keçirilməsi imkanlarını müzakirə etmək üçün Kopenhagen meri Frenk Censenlə görüşəcək.F1News.ru saytı xəbər verir ki, görüşə sənaye naziri Brayan Mikkelson, texnologiyalar və inkişaf üzrə mütəxəssis Helqe Sander və Saxo Bankın keçmiş sahibi Lars Seyer Kristensen dəvət olunub.Söhbət keçmiş Formula-1 pilotu Yan Maqnussenin təşəbbüs qrupuna daxil olduğu və çəkilməsində iştirak etdiyi Kopenhagenin tarixi mərkəzindəki 4,5 kilometrlik yol xəttindən gedir. Yerli mətbuat görüləcək işlərin büdcəsini 40-65 milyon avro məbləğində dəyərləndirir.Bununla bağlı qərar fevralın 1-dək qəbul ediləcək və müsbət nəticə əldə olunduğu halda Danimarka Qran-Prisi 2020-ci ilin təqviminə daxil edilə bilər.xeber100.com

“Zirə” futbol klubu mövsümün hazırlığına start verib

“Zirə” futbol klubu mövsümün ikinci yarısının hazırlığına start verib.Azərtac kluba istinadla xəbər verir ki, komanda Bakı Olimpiya Stadionunda bir araya gəlib. İlk olaraq baş məşqçi Ayxan Abbasov mövsümün qalan hissəsi ilə bağlı futbolçularla söhbət edib.Komandanı qarşıda çətin oyunlar gözlədiyini bildirən A.Abbasov futbolçulara tövsiyələrini verib. O, həmçinin yeni oyunçuları komandaya təqdim edib və onlara uğurlar arzulayıb.Yalnız yerli futbolçuların iştirak etdiyi məşqə komandanın yeni transferləri də qatılıb. Legionerlər isə bir neçə gündən sonra çalışmalara qoşulacaq.xeber100.com

“Qəbələ” futbol klubunda yeni təyinat gerçəkləşib

“Qəbələ” futbol klubunun məşqçilər korpusunda yeni təyinat gerçəkləşib.Azərtac xəbər verir ki, 2017-2018-ci il mövsümünün ilk yarısında əvəzedicilərin baş məşqçisi olan Elmar Baxşıyev klubdakı fəaliyyətini əsas komandada davam etdirəcək. Əvəzedicilərin “sükanı arxası”na keçənədək də bu komandada çalışmış 37 yaşlı mütəxəssis “qırmızı-qaralar”ın məşqçisi təyin olunub.O, Roman Qriqorçukun başçılıq etdiyi məşqçilər korpusunda Ramin Quliyevi əvəzləyib. Sonuncunun “Qəbələ”dəki fəaliyyəti 17 yaşadək futbolçulardan ibarət Azərbaycan millisinin baş məşqçisi təyin edildiyi üçün başa çatıb.Xatırladaq ki, 2015-ci ilin iyunundan “Qəbələ”nin əvəzedicilərinin məşqçisi kimi fəaliyyət göstərən E.Baxşıyev ötən ilin yayında bu komandanın baş məşqçisi təyin olunmuşdu.xeber100.com

Beynəlxalq Masters turniri başlanılıb

Bakıda keçirilən Fuad Cəfərov Memorialı çərçivəsində beynəlxalq Masters turniri başlanılıb. Turnirdə 22 şahmatçı, o cümlədən 7 qrossmeyster iştirak edir.Azərtac xəbər verir ki, turnirdə Azərbaycan şahmatçıları ilə yanaşı, Gürcüstan, İran və Rusiya təmsilçiləri də mübarizə aparırlar.Memorial çərçivəsində 5 turnir keçirilir. FIDE beynəlxalq normalı turnir İsveçrə sistemi üzrə keçirilir və 9 turdan ibarətdir. Vaxta nəzarət: 90 dəqiqə + birinci gedişdən başlayaraq hər gediş üçün 30 saniyə.Open-turnirdə 139 şahmatçı İsveçrə sistemi üzrə 7 turda mübarizə aparır. Vaxta nəzarət: 90 dəqiqə + birinci gedişdən başlayaraq hər gediş üçün 30 saniyə.2008-ci il təvəllüdlü və ondan kiçik yaşlı 58 şahmatçının iştirak etdiyi uşaq turniri İsveçrə sistemi üzrə keçirilir və 7 turdan ibarətdir. Vaxta nəzarət: 60 dəqiqə + birinci gedişdən başlayaraq hər gediş üçün 30 saniyə.“Sürətli şahmat” yarışında 40 şahmatçı iştirak edir. Vaxta nəzarət: 10 dəqiqə + birinci gedişdən başlayaraq hər gediş üçün 5 saniyə. Blits-turnirdə 33 komanda iştirak edir. Vaxta nəzarət: 3 dəqiqə + birinci gedişdən başlayaraq hər gediş üçün 2 saniyə.Fuad Cəfərov Memorialı Respublika Şahmat Mərkəzində keçirilir.xeber100.com

İngiltərə Premyer Liqasının 22-ci turunun sonuncu matçı keçirilib

Yanvarın 3-də İngiltərə Premyer Liqasının 22-ci turunun sonuncu matçı keçirilib.Azərtac xəbər verir ki, tura “Arsenal” ilə “Çelsi” arasında keçirilən London derbisi ilə yekun vurulub. Maraqlı idman mübarizəsi şəraitində keçən görüş 2:2 hesabı ilə başa çatıb.Matçın birinci hissəsində hesab açılmayıb. İkinci hissəyə sürətli hücumlarla başlayan “Arsenal” matçın 63-cü dəqiqəsində hesabı açıb. “Topçular”ın heyətində Cek Vilşer fərqlənib. Bundan sonra “Çelsi” hücumlarının kəsərini artırıb. Bunun məntiqi nəticəsi kimi, Antonio Kontenin yetirmələri Eden Azar və Markos Alonsonun qolları ilə hesabda irəli çıxıblar 2:1. Lakin “Zadəganlar” üstünlüklərini qoruya bilməyiblər. Matçın sonuncu dəqiqələrində Hektor Bellerin “Arsenal”a bərabərlik gətirən qolu vurub.xeber100.com

İtaliya kubokunun bütün yarımfinalçıları müəyyənləşib

Futbol üzrə İtaliya kubokunun bütün yarımfinalçıları müəyyənləşib.Azərtac xəbər verir ki, sonuncu yarımfinalçının adına yanvarın 3-də keçirilən “Yuventus”-“Torino” matçından sonra aydınlıq gəlib.Turin derbisində üstün tərəf olan “Qoca sinyora” sensasiyaya imkan verməyərək, rəqibini 2:0 hesabı ilə məğlubiyyətə uğradıb. Meydan sahiblərinin heyətində qolları Duqlas Kosta və Mandzukiç vurublar.Massimiliano Alleqrinin yetirmələri yarımfinalda “Atalanta” ilə qarşılaşacaqlar.Digər yarımfinal qarşılaşmasında isə “Latsio ilə “Milan” üz-üzə gələcək.xeber100.com