İdman Akademiyasında ilin yekunlarına dair tədbir keçirilib

Dekabrın 25-də Azərbaycan Dövlət Bədən Tərbiyəsi və İdman Akademiyasında ilin yekunlarına dair tədbir keçirilib.Azərtac xəbər verir ki, tədbirdə Prezident Administrasiyasının gənclər siyasəti və idman məsələləri şöbəsinin müdiri Yusuf Məmmədəliyev, gənclər və idman naziri Azad Rəhimov, Milli Olimpiya Komitəsinin vitse-prezidenti Çingiz Hüseynzadə, idman federasiyalarının rəhbərləri və idmançılar iştirak ediblər.Əvvəlcə 2017-ci il ərzində Azərbaycan idmançılarının qazandıqları nailiyyətlərə və ölkəmizdə keçirilən mötəbər idman yarışlarına dair videoçarx nümayiş olunub.Sonda ilin ən yaxşı məşqçisi, hakimi, federasiyası, idman klubu, idman verilişi və jurnalisti, idmançıları nominasiyaları üzrə qaliblər mükafatlandırılıb.xeber100.com

Şahmat və blits üzrə dünya çempionatları keçiriləcək

Dekabrın 26-dan 30-dək Səudiyyə Ərəbistanın paytaxtında sürətli şahmat və blits üzrə dünya çempionatları (King Salman World Rapid və Blitz Chess Championships) keçiriləcək. Keçən il olduğu kimi, bu il də yarışlar kişi şahmatçılar və qadın şahmatçılar arasında eyni vaxtda təşkil ediləcək.Azərtac xəbər verir ki, turnirin mükafat fondu 2 milyon dollardır. Bu məbləğin 1,25 milyon dolları kişi şahmatçıların, 750 min dolları qadın şahmatçıların yarışına aiddir.Bir çox məşhur qrossmeysterlər, o cümlədən dünya çempionları Maqnus Karlsen (klassik), Vasili İvançuk (rapid) və Sergey Karyakin (blits) yarışda iştirak edəcəklərini təsdiqləyiblər. Azərbaycanı çempionatda beynəlxalq dərəcəli qrossmeyster Şəhriyar Məmmədyarov təmsil edəcək.Səudiyyə Ərəbistanı kralı Salman bin Əbdüləziz Əl Səudun adını daşıyan dünya çempionatında rapid üzrə yarışlar dekabrın 26-dan 28-dək olacaq. On beş turdan ibarət bu yarışlar İsveçrə sistemi üzrə keçiriləcək. Blits üzrə çempionat dekabrın 29-30-da keçiriləcək və 11 qoşa turdan ibarət olacaq.Açıq yarışlarda 250-dən çox kişi şahmatçı, 150 qadın şahmatçı iştirak edəcək.xeber100.com

Gimnastika Federasiyasının məlumatı

Rusiyanın paytaxtı Moskvada idman gimnastikası üzrə Mixail Voroninin xatirəsi həsr olunmuş beynəlxalq turnir keçirilib. Azərbaycan Gimnastika Federasiyasından apasport.az saytına verilən məlumata görə, yığmamız yarışda 3 medal qazanıb.Gimnastlarımızdan Marina Nekrasova və Yuliya İnşına ilk olaraq, komanda hesabında fərqləniblər. İdmançılarımız yalnız Rusiya və Özbəkistan komandasından geri qalaraq, 95.950 xalla turnirin bürünc medalına sahibləniblər.Ayrı-ayrı alətlər üzrə finallarda isə Marina şəxsi hesabına da medal yazdırmağı bacarıb. Sevimli proqramı olan sərbəst hərəkətlərdə çıxışı gimnastımıza gümüş medal (12.266 xal) qazandırıb. Növbəti uğurlu çıxışını Marina gimnastika tirində nümayiş etdirib. Bu alətdə icrasına görə hakimlərdən 12.433 xal alan idmançımız, ikinci bürünc medalını qazanıb.Heyətimizin gənc təmsilçisi Samirə Qəhrəmanova isə öz yaşıdları arasında çöxnövçülükdə 23-cü yerdə qərarlaşıb.Kişi gimnastlar arasında isə ölkəmizi Cavidan Babayev, Timur Bayramov və Səməd Məmmədli təmsil ediblər. Ən yaxşı nəticəni Cavidan sərbəst hərəkətlərdə, Səməd isə turnikdə göstərib. Hər iki idmançımız final çıxışlarını 8-ci yerdə bitiriblər.xeber100.com

İspaniya La Liqasında ilin sonuncu turunda…

İspaniya La Liqasında ilin sonuncu turunda "Real"la "Barselona" üz-üzə gəlib.APA-nın məlumatına görə, “Santyaqo Bernabeu” stadionunda baş tutan görüşdə qonaqlar sevinib.Çempionatın hazırkı lideri “Barselona” rəqibinə 3 cavabsız qol vurub. “Real” – “Barselona” 0:3 Suares, 54, Messi, 65-p., Vidal, 90+2.xeber100.com

“Sevilya” baş məşqçi Eduardo Berissonu istefaya göndərib

“Sevilya” baş məşqçi Eduardo Berissonu istefaya göndərib.Apasport.az saytının məlumatına görə, bu barədə La Liqa təmsilçisi açıqlama yayıb. Buna səbəb argentinalı mütəxəssisin rəhbərliyi altında komandanın uğursuz çıxış etməsi olub.Əndəlüs klubu hazırda La Liqada 17 oyundan sonra 29 xal toplayıb və turnir cədvəlinin 5-ci pilləsində qərarlaşıb. İspaniya mətbuatında yayılan xəbərlərdə “Sevilya”nın Beritsonun yerinə “Barselona”nın sabiq çalışdırıcısı Luis Enrikeni gətirəcəyi deyilir.Qeyd edək ki, baş məşqçinin bir müddət əvvəl prostat vəzi xərçəngindən əziyyət çəkdiyi və əməliyyat oldunduğu haqqında xəbər yayılmışdı.xeber100.com

“Qalatasaray”ın rəsmi açıqlamasına əsasən…

İqor Tudoru baş məşqçi postundan qovduqdan sonra vakant yerə namizəd axtaran “Qalatasaray”ın siyahısında Fatih Terimin də olduğu haqqında xəbər vermişdik.Apasport.az saytının məlumatına görə, hətta idarə heyəti üzvləri arasında mübahisələrə səbəb olan təcrübəli mütəxəssis maraqlı mesajla diqqət mərkəzinə gəlib.Terim rəsmi tvitter hesabından klubun adını əlavə edərək “Harda qalmışdıq, “Qalatasaray”? yazıb.Bundan bir neçə dəqiqə sonra isə klubdan rəsmi açıqlama verilib və Fatih Terim ilə danışıqlara başlandığı bildirilib.Onun bu həftə “Göztəpə” ilə oynanılacaq Super Liqa matçında komandanın başında olması gözlənilir.Qeyd edək ki, bu, məşhur məşqçinin “Qalatasaray”a 4-cü qayıdışıdı. Daha əvvəl 1996-2000, 2002-2004 və 2011-2013-cü illərdə İstanbul klubuna rəhbərlik etmiş Terim 2000-ci ildə “sarı-qırmızılar”la UEFA Kubokunu qazanıb.xeber100.com

Milli komandaların növbəti reytinq cədvəli açıqlanıb

FIFA futbol üzrə milli komandaların növbəti reytinq cədvəlini açıqlayıb.Azərtac AFFA-ya istinadla xəbər verir ki, ötən ayla müqayisədə Azərbaycan milli komandasının mövqeyində dəyişiklik baş verməyib. Millimiz 281 xalla 117-ci yerdə qərarlaşıb.Reytinq cədvəlinə 1602 xalla Almaniya millisi başçılıq edir. Braziliya yığması 1483 xalla ikinci, Portuqaliya isə 1358 xalla üçüncü pillədə yer alıb.xeber100.com

Həndbol Federasiyasının məlumatına görə…

Azərbaycanın həndbol hakimləri beynəlxalq oyunlara təyinat alıblar.Azərbaycan Həndbol Federasiyasından Azərtac-a bildiriblər ki, Vaqif Əliyev və Ələkbər Ağakişiyev 2019-cu ildə təşkil ediləcək dünya çempionatının seçmə mərhələsinin oyunları çərçivəsində keçiriləcək Slovakiya-Finlandiya görüşünü idarə edəcəklər. Matç gələn il yanvarın 7-də Slovakiyanın Povazska Bıstritsa şəhərində oynanılacaq.Təcrübəli referimiz İsgəndər Əsgərov isə dünya çempionatının seçmə mərhələsi çərçivəsində yanvarın 13-də keçiriləcək Rusiya-Finlandiya oyununda Avropa Həndbol Federasiyasının (EHF) nümayəndəsi olacaq.xeber100.com

“Qarabağ” futbol klubunun hazırlıq planı dəqiqləşib

Ağdamın “Qarabağ” futbol klubunun qış hazırlıq planı dəqiqləşib.Azərtac kluba istinadla xəbər verir ki, Ağdam təmsilçisi yanvarın 9-da bir araya gələrək Türkiyəyə yollanacaq. Antalyada keçiriləcək təlim-məşq toplanışı fevralın 4-dək davam edəcək. Komandamız toplanış zamanı 6 yoxlama oyunu keçirməyi planlaşdırır.“Qarabağ”ın artıq 3 rəqibi və bu oyunların keçiriləcəyi vaxt məlum olub. Komandamız yanvarın 20-də Polşanın “Lexiya”, beş gün sonra Ukraynanın “Mariopol” və fevralın 3-də isə Monteneqronun “Mladost” komandası ilə qarşılaşacaq.xeber100.com

“Zirə” klubunun Antalyadakı qış təlim-məşq toplanışında

“Zirə” futbol klubunun Antalyadakı qış təlim-məşq toplanışında yoxlama matçında qarşılaşacağı rəqiblərdən ikisi müəyyənləşib.Azərtac kluba istinadla xəbər verir ki, Bakı təmsilçisi yanvarın 27-də Polşanın “Krakoviya”, üç gün sonra isə Rusiyanın “Avanqard” klubları ilə qarşılaşacaq.Daha bir yoxlama matçı isə fevralın 2-də keçiriləcək.xeber100.com