Bədii gimnastika üzrə Bakı çempionatı başa çatıb

Milli Gimnastika Arenasında bədii gimnastika üzrə Azərbaycan birinciliyi və bölgələrarası kubok, eyni zamanda, batut gimnastikası üzrə Azərbaycan birinciliyi və Bakı çempionatı başa çatıb.Azərtac xəbər verir ki, dörd gün davam edən yarışlarda “Ocaq Sport” Klubunun, Bakı Gimnastika Məktəbinin yetirmələri, Sumqayıtdan, Qusardan, həmçinin Gürcüstandan olan təmsilçilər mükafatçılar sırasında yer alıblar.Turnirin sonunda Arenada əsl gimnastika coşqusu yaşanıb. “Qızıl yaş” adlı şouda tamaşaçılar bu dəfə adət edildiyi kimi yarış meydançasında azyaşlı gimnastları deyil, məhz onların məşqçilərini izləyiblər. Yığma komanda ilə yanaşı, digər klublarda çalışan məşqçilər bir neçə gün ərzində böyük şouya ciddi hazırlaşıblar. Uzun fasilədən sonra meydançada öz yetirmələri qarşısında çıxış etmək həyəcanının öhdəsindən məşqçilər məharətlə gəliblər.Bununla da gimnastika üzrə dördgünlük birgə yarışlara yekun vurulub.xeber100.com

II Dünya İntellektual Oyunları start götürüb

Çinin Huayan şəhərində II Dünya İntellektual Oyunları start götürüb.Azəərtac xəbər verir ki, yarışlar çərçivəsində 5 növ - bric, dama, şahmat, qo, Çin şahmatı və ma-conq stolüstü oyunlar üzrə görüşlər keçiriləcək.Şahmat turnirində yarışların üç növdə təşkili nəzərdə tutulub. Şahmatçılar dekabrın 10-11-də rapid yarışında mübarizə aparıblar. Dekabrın 12-13-də blits, dekabrın 14-15-də isə bask şahmatı (eyni zamanda, iki şahmat taxtası üzərində müxtəlif rəngli fiqurlarla oyun) yarışlar keçiriləcək.Şahmat turnirində Asiya, Amerika, Afrika və Avropa ölkələrindən 12 qadın və 12 kişi şahmatçı iştirak edəcək. Azərbaycanı kişi şahmatçıların turnirində Şəhriyar Məmmədyarov və Rauf Məmmədov təmsil edirlər.Proqramın ilk növü rapid olub. Turnir iştirakçıları iki gün ərzində İsveçrə sistemi üzrə 7 turda yarışıblar.Turnirin yekununa görə, kişi şahmatçıların yarışında 4,5 bal toplayan rusiyalı Dmitri Andreykin qalib olub. Azərbaycanlı qrossmeyster Şəhriyar Məmmədyarov və vyetnamlı Le Kuanq Lyem eyni xal toplayıblar. Əlavə göstəricilər nəzərə alınaraq, Azərbaycan təmsilçisi gümüş medala layiq görülüb. Rauf Məmmədov isə 12-ci yerlə kifayətlənib.Bu Oyunlar Çində 2008-ci ildən keçirilir. Bütün bu illər ərzində beş növ üzrə yarışlarda qazanılan medalların sayına görə ufalı Aleksandr Georgiyev və Tamara Tansıkkujina rekordçudurlar. Onlar Dünya İntellektual Oyunlarında hərəyə 7 medal qazanıblar. Aleksandr Georgiyev 4 qızıl medala sahibdir.Proqramın digər iki növü blits və bask şahmatı olacaq. Bask şahmatında rəqiblər iki şahmat taxtası üzərində eyni zamanda mübarizə aparırlar.xeber100.com

“Australian Young Masters GM Norm” turnirində

Azərbaycanın beynəlxalq şahmat ustası Kənan İzzət Avstraliyanın Adelaida şəhərində keçirilən “Australian Young Masters GM Norm” turnirində 9 mümkün xaldan 6,5 xal toplayaraq yarışları birinci yerdə başa vurub.Azərtac xəbər verir ki, avstraliyalı Bobbi Çen də idmançımızla eyni xal toplayıb, rusiyalı qrossmeyster Vasili Papin liderlərdən yarım xal geridə qalıb.Beynəlxalq turnirdə Azərbaycan, Avstraliya, Rusiya, Hindistan, Fransa və İndoneziyadan ümumilikdə 10 şahmatçı iştirak edib. Turnir İsveçrə sistemi üzrə 9 turdan ibarət olub.xeber100.com

Kyokşin Karate Federasiyasının məlumatı

Azərbaycan idmançıları Rusiyanın Yekaterinburq şəhərində Ümumdünya Kyokşin İttifaqı (KWU) tərəfindən keçirilən üçüncü dünya çempionatında iki bürünc medal qazanıblar.Azərbaycan Kyokşin Karate Federasiyasından Azərtac-a bildirilib ki, 50 ölkədən 300 idmançının qatıldığı yarışda ölkəmizi federasiyanın prezidenti Allahverdi Rüstəmovun rəhbərliyi ilə yeddi idmançı təmsil edib.Karateçilərimizdən Emin İsmayıllı (65 kq) və Valeh Cəfərov (70 kq) çempionatın bürünc medallarına layiq görülüblər.xeber100.com

Azərbaycan kubokunun final mərhələsində

Futbol üzrə Azərbaycan kubokunun dörddəbir final mərhələsinin cavab oyunlarının vaxtı müəyyənləşib.Azərtac xəbər verir ki, cavab qarşılaşmalarına dekabrın 14-də start veriləcək. İlk oyun günündə “Kəpəz”–“Keşlə” və “Neftçi”–“Zirə” klubları üz-üzə gələcəklər.Dekabrın 15-də isə “Səbail”–“Qəbələ” və “Sumqayıt”–“Qarabağ” komandaları qarşılaşacaqlar.Xatırladaq ki, dörddəbir final mərhələsinin ilk oyunlarının nəticələri belə olub: “Keşlə”–“Kəpəz” - 2:0, “Zirə”–“Neftçi” - 1:0, “Qəbələ”–“Səbail” – 1:0, “Qarabağ”–“Sumqayıt” – 2:1.xeber100.com

Gimnastika Federasiyasının 30-cu iclasında…

Dekabrın 9-da Azərbaycan Gimnastika Federasiyasının (AGF) İcra Komitəsinin 30-cu iclasında federasiyanın yeni baş katibi seçilib.AGF-dən Azərtaac-a bildiriblər ki, iclasda əvvəlcə Bakı Gimnastika Məktəbi və “Ocaq” İdman Klubunun rəhbərləri həmin qurumların fəaliyyətini əks etdirən təqdimatla çıxış ediblər. Təqdimat zamanı gimnastika növləri üzrə fəaliyyət göstərən bölmələr haqqında məlumat verilib. Son bir ildə gimnastikanın inkişafı istiqamətində görülmüş işlər, o cümlədən gələcək planlar müzakirə edilib.Həmçinin iclasda gimnastların lisenziyası üzrə qaydalarına və AGF tərəfindən təltif olunan xatirə medalları haqqında əsasnaməyə təklif edilən dəyişikliklər təsdiqlənib.İclasda federasiyanın baş katibinin, gimnastika növləri üzrə kompleksli elmi tədqiqat qrupunun rəhbərinin və gimnastika növləri üzrə yığma komandaların baş məşqçilərinin illik hesabatları da dinlənilib.Sonra Avropa Gimnastika İttifaqına (UEG) prezident seçilmiş Fərid Qayıbovun AGF və UEG arasında maraqların mümkün toqquşmasını nəzərə alaraq federasiyada tutduğu baş katib vəzifəsindən azad olunması ilə bağlı icraiyyə komitəsinə ünvanladığı ərizəsi qəbul edilərək təsdiqlənib.Azərbaycan Gimnastika Federasiyasının baş katibi vəzifəsinə 2007-2009-cu illərdə federasiyanın baş katibinin köməkçisi, 2009-cu ildən bu günədək müavini vəzifəsində çalışmış Nurlana Məmmədzadə seçilib.N.Məmmədzadə 1979-cu ildə Bakıda anadan olub. 1996-2000-ci illərdə Təfəkkür Universitetinin ingilis dili ixtisası üzrə filologiya fakültəsində təhsil alıb, 2003-cü ildə isə həmin ixtisas üzrə Xəzər Universitetinin magistr dərəcəsini əldə edib.xeber100.com

“Yuventus” və “İnter” klubları Turində üz-üzə gəlib

İtaliya çempionatının liderləri “Yuventus” və “İnter” klubları Turində üz-üzə gəlib. Əzəli rəqiblərin turnir cədvəlində yerdəyişmələrə gətirib çıxara biləcək qarşılaşması böyük maraq doğururdu.Azərtac xəbər verir ki, “Yuventus” doğma meydanında “İnter”in qapısına yol tapa bilməyib. Qarşılıqlı hücumlar və gərgin idman mübarizəsi şəraitində keçən görüş heç-heçə qurtarıb – 0:0. Beləliklə, liderlərin sırasında gözlənilən dəyişiklik baş verməyib. Hazırda 16 turdan sonra hesabında 40 xal olan “İnter” turnir cədvəlində liderliyini davam etdirir. “Yuventus” və “Napoli” 38 xalla ikinci-üçüncü yerləri bölüşürlər. “Napoli” klubu rəqiblərinə nisbətən bir oyun az keçirib.Xatırladaq ki, “Yuventus” və “İnter” İtaliya A seriyasında indiyədək 175 dəfə qarşılaşıblar. Bu oyunların 81-də “Yuventus”, 48-də “İnter” qalib gəlib, 46 oyun isə heç-heçə başa çatıb.xeber100.com

Velosiped İdmanı Federasiyasının məlumatı

“Gənc Velosipedçilər” İctimai Birliyinin təşkilatçılığı, Azərbaycan Velosiped İdmanı Federasiyasının, BMT-nin Əhali Fondunun və Biləsuvar rayon gənclər və idman idarəsinin dəstəyi ilə dekabrın 11-14-də seminar və veloyürüş keçiriləcək.Azərbaycan Velosiped İdmanı Federasiyasından Azərtac–a bildirilib ki, Biləsuvar rayonunun Xırmandalı və Aşağı Cürəli kəndlərində, o cümlədən rayon mərkəzində yaşayan və velosiped idmanı ilə maraqlanan qızlar və oğlanlar üçün “Sağlam həyata doğru və velosiped idmanında gender bərabərliyi” mövzusunda dörd günlük seminar-təlim təşkil olunacaq. Seminarın sonunda iştirakçılar təşkil olunacaq veloyürüşdə mübarizə aparacaqlar.xeber100.com

Azərbaycan kubokunun dörddəbir final mərhələsinə start verilib

Futbol üzrə Azərbaycan kubokunun dörddəbir final mərhələsinə start verilib.Azərtac xəbər verir ki, mərhələnin ilk oyunda "Keşlə" klubu "Kəpəz"i qəbul edib. Matçın 18-ci dəqiqədə Pərdis Fərcad hesabı açıb. Görüşün 41-ci dəqiqəsində Rəfael Məhərrəmli hesab arasındakı fərqi iki topa çatdırıb. Beləliklə, meydan sahibləri 2:0 hesabı ilə qələbə qazanıblar.Günün ikinci oyununda "Neftçi" "Zirə"nin qonağı olub. Görüş meydan sahiblərinin minimal hesablı qələbəsi ilə yekunlaşıb. Matçda yeganə qolu 86-cı dəqiqədə David Manqa vurub.Dörddəbir final mərhələsinin növbəti oyunları dekabrın 11-də "Qəbələ" - "Səbail", "Qarabağ" - "Sumqayıt" klubları arasında keçiriləcək.xeber100.com

Kikboksinq üzrə “Glory” seriyalı növbəti turnir keçirilib

Hollandiyanın Rotterdam şəhərində kikboksinq üzrə “Glory” seriyalı növbəti turnir keçirilib.Azərtac xəbər verir ki, Azərbaycanın və “Qəbələ” idman klubunun təmsilçisi Alim Nəbiyev də “Glory 49”un iştirakçısı olub.Yarımorta çəki dərəcəsində çıxış edən idmançımız turnirin sabiq çempionu hollandiyalı Niki Holtskenlə qarşılaşıb. Üç raund davam edən döyüşdə rəqibini aşkar üstələyən A.Nəbiyev hakimlərin yekdil qərarı ilə qələbə qazanıb. Bununla da “Glory” reytinqindəki xal hesabını 466-ya çatdıran Alim siyahıda 6-cı pillədə qərarlaşıb.Xatırladaq ki, Rotterdamdakı uğur Alimin “Glory” seriyasında 2-ci qələbəsi olub. Oktyabrda Fransanın Lion şəhərində yerli idmançı Cimmi Vienota qalıb gələn idmançımız bu dəfə aktivinə növbəti qələbəni yazıb.xeber100.com