Rusiyada keçiriləcək DÇ-2018-in matçında

Rusiyada keçiriləcək DÇ-2018-in açılış matçında meydan sahibi Rusiya ilə Səudiyyə Ərəbistanı yığması qarşılaşacaq.Apasport.az saytının məlumatına görə, iyunun 14-də keçiriləcək oyun mundialların tarixinə düşəcək. Belə ki, milli komandalar arasında reytinq sıralamasının tətbiq olunduğu 1993-cü ildən bəri ilk dəfə açılış oyununda çempionatda iştirak edən komandalar arasında ən aşağı reytinqli iki komanda ilk matçda üz-üzə gələcəklər.FİFA-nın son açıqlanan reytinq sıralamasında Rusiya 65, Səudiyyə Ərəbistanı isə 63-cü sırada qərarlaşıb.Reytinq sıralaması hesablanandan bəri keçirilmiş dünya çempionatlarının aşılış oyunlarında aşağıdakı komandalar qarşılaşıblar. DÇ-1994. ABŞ – İsveçrə DÇ-1998. Braziliya – Şotlandiya DÇ-2002. Fransa – Seneqal DÇ-2006. Almaniya – Kosta-Rika DÇ-2010. CAR – Meksika DÇ-2014. Braziliya – Xorvatiya.xeber100.com

Atıcılıq Federasiyası reytinq cədvəlini açıqlayıb

Beynəlxalq İdman Atıcılıq Federasiyası reytinq cədvəlini açıqlayıb. Apasport.az saytının məlumatına görə, dekabr üçün müəyyənləşən siyahıda Azərbaycan snayperləri də yer alıblar.Güllə atıcılığı üzrə millimizin lideri Ruslan Lunyov ötən ayla müqayisədə mövqeyini qoruyub. O, 25 m məsafəyə atəş açmada 8-ci, 10 m-də 28-ci pillədədi. Lunyovun aktivində müvafiq olaraq, 733 və 82 xalı var.10 m məsafəyə atəş açmada qadınların siyahısında Nigar Nəsirova isə irəliləyib. O, 54-cü pilləni 53-ə dəyişib.Stend atıcılarının cədvəlinin ön sıralarında isə Azərbaycan idmançısı yer almayıb.xeber100.com

Çempionlar Liqasının sonuncu turu çərçivəsində

"Fikrimcə, bu, mövsümdə ən yaxşı oyunumuzdu. Çünki xal və qələbə hər zaman gözəldi". Apasport.az saytının məlumatına görə, bunu İtaliyanın "Roma" klubunun futbolçusu Lorenzo Pelleqrini deyib.21 yaşlı yarımmüdafiəçi A seriyasında SPAL-a 3:1 hesabı ilə qalib gəldikləri oyunu şərh edib. Komandasının üçüncü qolunu vuran Pelleqrini bildirib ki, artıq Çempionlar Liqasının sonuncu turu çərçivəsində "Qarabağ"la keçiriləcəkləri matçı düşünmək olar: "Qol vurduğum üçün xoşbəxtəm. Ancaq əsas komandanın qələbəsidi. SPAL-a qarşı yaxşı oyun sərgilədik. İndi biz çərşənbə günü keçiriləcək "Qarabağ"la matçı düşünürük. Həmin görüş bizim üçün çox əhəmiyyətli olacaq. Bu səbəbdən də biz artıq həmin oyuna köklənməliyik".Qeyd edək ki, "Roma" - "Qarabağ" görüşü dekabrın 5-də olacaq.xeber100.com

Türkiyə Sultanlar Liqasına start verilib

Qadın voleybolçular arasında Türkiyə Sultanlar Liqasına start verilib. Apasport.az saytının məlumatına görə, tur çərçivəsində Azərbaycan millisinin hücumçusu Polina Rəhimovanın şərəfini qoruduğu “Fənərbaxça” “Çanakkale Bld” klubunu qəbul edib.Görüş “sarı-lacivərdlilər”in asan qələbəsi ilə başa çatıb – 3:0 (25:16, 25:21, 25:10). Rəhimova matçda 9 xal toplayıb.Bu qələbə sayəsində xalını 26-ya çatdıran “Fənərbaxça” müvəqqəti də olsa, ilk pilləyə yüksəlib.xeber100.com

Dünya çempionatının yeni loqotipi təqdim edilib

Formula-1 rəhbərliyi Abu-Dabidə keçirilən mövsümün sonuncu Qran-Prisindən sonra çempionatın yeni loqotipini təqdim edib. Yeni loqotip gələn mövsümdən etibarən istifadə olunacaq.Azərtac xəbər verir ki, çempionatın sonuncu mərhələsinin qalibi “Mercedes”in finlandiyalı pilotu Valtteri Bottas olub. Mövsümün yekunlarına görə çempion titulunu isə onun komanda yoldaşı, britaniyalı pilot Luis Hamilton qazanıb.xeber100.com

Azərbaycan Premyer Liqasında XIV tura start veriləcək

Bu gün futbol üzrə Azərbaycan Premyer Liqasında XIV tura start veriləcək.Azərtac xəbər verir ki, üç günü əhatə edəcək turun ilk matçında “Qarabağ” doğma meydanda “Neftçi”ni qəbul edəcək.Turun ikinci günündə “Sumqayıt” klubu “Kəpəz”in, “Zirə” isə “Səbail” klubunun qonağı olacaq.Turun sonuncu qarşılaşmasında isə “Qəbələ” və “Keşlə” klubları qarşılaşacaqlar.Qeyd edək ki, turnir cədvəlinə 31 xalla “Qarabağ” başçılıq edir. “Qəbələ” klubu 28 xalla ikinci pillədədir. İlk üçlükdə isə 27 xalla “Zirə” qərarlaşıb. Digər pillələrdə müvafiq olaraq “Sumqayıt” (17), “Neftçi” (16 xal), “Səbail” (13), “Keşlə” (8) və “Kəpəz” (7) yer alıblar.xeber100.com

“Çağırış kuboku” turnirinin final mərhələsindəki oyununun vaxtı açıqlanıb

Bakının kişi voleybolçulardan ibarət “Lokomotiv” komandasının “Çağırış kuboku” turnirinin onaltıdabir final mərhələsindəki ilk oyununun vaxtı açıqlanıb.Azərtac xəbər verir ki, Bakı təmsilçisinin Portuqaliyanın “Fonte Bastardo” komandası ilə görüşü dekabrın 5-də keçiriləcək.Saat 18:00-da start götürəcək oyun Azərbaycan Voleybol Mərkəzində təşkil olunacaq.xeber100.com

Futzal üzrə beynəlxalq turnir keçiriləcək

Futzal üzrə Azərbaycan milli komandası dekabrın 2-dən 7-dək İranın İsfahan şəhərində keçiriləcək “4 Top Nations” turnirində iştirak edəcək.Azərtac AFFA-nın saytına istinadən xəbər verir ki, Bakıdakı məşqlərini yekunlaşdıran millinin beynəlxalq turnir üçün heyəti açıqlanıb.Heyətdə Samir Həmzəyev, Emin Kürdov (hər ikisi EKOL), Rövşən Hüseynli, Rizvan Fərzəliyev, Eduardo Mello Borges, Everton Kardosa, Karvalho Vilela dos Santos, Thiaqo Teles Martins, Qabriel Bastos, İsa Atayev, Ramiz Çovdarov (hamısı “Araz”), Villiams Oliveira do Nascimento (Al Dhafra, Birləşmiş Ərəb Əmirlikləri), Renat Sultanov və Seymur Məmmədov (hər ikisi “Marafon Futsal”) yer alıblar.xeber100.com

Güllə atıcılığı idman növü üzrə Azərbaycan çempionatı keçirilib

Sumqayıt Paralimpiya İdman Kompleksində Milli Paralimpiya Komitəsinin güllə atıcılığı idman növü üzrə açıq Azərbaycan çempionatı keçirilib.Azərtac xəbər verir ki, kişilər arasında P-1 kateqoriyasındaKamran Zeynalov bütün rəqiblərini qabaqlayaraq birinci olub.Vladislav Kalmıkov gümüş, Rafiq Əliyev isə bürünc medal qazanıblar.Qadınlar arasında P-2 kateqoriyasında isə Lalə Mirzəzzadə fəxri kürsünün ən yüksək pilləsinə qalxıb. Yelena Taranova yarışı ikinci, Aybəniz Babayeva isə üçüncü pillədə başa vurublar.xeber100.com

Almaniya Futbol İttifaqının təşkilatçılığı ilə…

Almaniya Futbol İttifaqının (DFB) təşkilatçılığı ilə Frankfurtda “İnternationalen Spielanalysekongress der DFB-Akademie (AFİ Akademiyasının Beynəlxalq Oyun Analizi Konqresi)” konqresi keçirilib.Azərtac AFFA-ya istinadla xəbər verir ki, DFB-nin dəvətinə əsasən, 16 yaşadək futbolçulardan ibarət Azərbaycan milli komandasının baş məşqçisi Vüqar Məmməd və məşqçi Etibar İbrahimov konqresdə iştirak ediblər.xeber100.com