“Qarabağ” klubu Azərbaycan çempionatlarında 500-cü qələbəsini qazanıb

“Qarabağ” klubu Azərbaycan çempionatlarında 500-cü qələbəsini qazanıb. Bu, Azərbaycan Premyer Liqasının XVIII turuna təsadüf edib. Peşəkar Futbol Liqası xəbər verir ki, baş məşqçi Qurban Qurbanovun yetirmələri səfərdə “Səbail”ə qalib gəliblər – 3:0. Ağdam klubu 1992-ci ildən keçirilən yarışın tarixinə 500 qələbə qazanan ilk komanda kimi düşüb. Bu yubiley 871-ci oyunda qeydə alınıb. “Qarabağ”ın ilk qələbəsi 1992-ci il mövsümünə təsadüf edib. Mayın 6-da Kürdəmirin “Şirvan” komandasını qəbul edən Ağdam təmsilçisi 6:0 hesabı ilə qalib gəlib.xeber100.com

Braziliyalı hücumçu “Atletiko” klubundan ayrılıb

Braziliyalı hücumçu Mateus Kunya “Atletiko”dan ayrılıb. “Vulverhempton” 23 yaşlı futbolçunun transferini açıqlayıb. Braziliyalı hücumçu mövsümün sonunadək icarədə olacaq. Əgər mövsümün sonunda onunla müqavilə bağlansa, bu müddət 2027-ci ilə kimi hesablanacaq. Kunyanın alınmasının “Vulverhempton”a 40-50 milyon avroya başa gəldiyi bildirilir. Futbolçu bu mövsüm La Liqada 11 matçda yalnız 2 məhsuldar ötürmə edib. Qeyd edək ki, Mateus Kunyanın transferi ilə “Arsenal” da maraqlanırdı.xeber100.com

Azərbaycan Premyer Liqasının XVIII turunda

Rahid Əmirquliyev Azərbaycan çempionatlarında 450-ci oyununu keçirib. “Səbail”in kapitanının yubileyi Azərbaycan Premyer Liqasının XVIII turuna təsadüf edib. Peşəkar Futbol Liqasına istinadla xəbər verir ki, o, Bakı klubuna qədər şərəfini qoruduğu “Qarabağ”la görüşdə yubileyini rəsmiləşdirib. Bu matçda onun komandası məğlub olub - 0:3. Azərbaycan çempionatlarında ən çox oyun keçirən futbolçu olan 33 yaşlı yarımmüdafiəçi yarışda 2003-2004-cü il mövsümündə debüt edib. O, 2003-cü il iyulun 12-də səfərdə keçirilən “Şəfa” – “Şahdağ” matçında (1:0) meydana çıxıb. 450 oyunda 34 qol vuran R.Əmirquliyev ölkə çempionatlarında 4 klubun formasını geyinib. O, “Şahdağ”da 57 (7 qol), “Xəzər Lənkəran”da 254 (23 qol), “Qarabağ”da 37 (3 oyun), “Səbail”də 102 (1 qol) dəfə şans qazanıb.xeber100.com

2022-ci ilin komandalar üzrə ən yaxşı baş məşqçi adına namizədləri açıqlanıb

Beynəlxalq Futbol Tarixi və Statistikaları Federasiyası (IFFHS) 2022-ci il üçün milli komandalar üzrə ən yaxşı baş məşqçi adına namizədləri açıqlayıb. Qurumun rəsmi saytına istinadən xəbər verir ki, siyahıda 20 mütəxəssis yer alıb. Qalibin adına 2023-cü ilin yanvarında səsvermə nəticəsində aydınlıq gələcək. Zlatko Daliç (Xorvatiya), Didye Deşam (Fransa), Fernandu Santuş (Portuqaliya, istefa verib), Lui van Qal (Niderland, istefa verib), Qaret Sautqeyt (İngiltərə), Çeslav Mixneviç (Polşa, istefa verib), Murat Yakın (İsveçrə), Lionel Skaloni (Argentina), Tite (Braziliya, istefa verib), Qustavo Alfaro (Ekvador), Valid Reqraqi (Mərakeş), Aliu Sisse (Seneqal), Otto Addo (Qana), Riqobert Sonq (Kamerun), Jalel Kadri (Tunis), Qreq Berhalter (ABŞ), Qraham Arnold (Avstraliya), Moriyasu Hadzime (Yaponiya), Paulu Bentu (Cənubi Koreya) və Herve Renard (Səudiyyə Ərəbistanı) namizədlər sırasında yer alıblar.xeber100.com

Azərbaycan Premyer Liqasında mövsümün ilk hissəsinə yekun vurulub

Futbol üzrə Azərbaycan Premyer Liqasında mövsümün ilk hissəsinə yekun vurulub. İlin və XVIII turun sonuncu oyununda “Zirə” klubu “Kəpəz”i qəbul edib. Qarşılaşma 2:2 hesabı ilə yekunlaşıb. “Zirə”nin heyətində Rəhim Sadıxov və Sertan Taşkın fərqləniblər. Gəncə təmsilçisinin qollarını isə Fərid Nəbiyev və Nicat Süleymanov vurublar. Matçda 4 qırmızı vərəqə də göstərilib. 18-ci dəqiqədə "Zirə"dən Coşqun Diniyev, 4 dəqiqə sonra onun komanda yoldaşı Nemanya Ancelkoviç meydandan qovulub. 57-ci dəqiqədə "Kəpəz"in heyətində Elçin Əlicanov, 90+1-ci dəqiqədə isə Giorgi Kantariya eyni halla üzləşib. Qeyd edək ki, turun əvvəlki matçlarında "Neftçi" evdə "Şamaxı"nı 3:0, "Sabah" səfərdə "Sumqayıt"ı 6:0, "Qarabağ" "Səbail"i 3:0 hesabı ilə məğlub edib, "Qəbələ" isə öz meydanında "Turan Tovuz"la qolsuz sülhə razılaşıb.xeber100.com

Türkiyə güləş üzrə dünya çempionatına ev sahibliyi edəcək

Gələn il Türkiyə güləş üzrə dünya çempionatına ev sahibliyi edəcək. Bu barədə Dünya Güləş Birliyi (UWW) qərar qəbul edib. On yeddi yaşadək güləşçilər arasında qitə birinciliyi iyulun 31-dən avqustun 6-dək İstanbulda təşkil olunacaq. Həmin vaxt böyüklər arasında dünya çempionatı Serbiyanın paytaxtı Belqradda keçiriləcək.xeber100.com

“Sumqayıt” futbol klubu tarixi antirekordunu təkrarlayıb

"Sumqayıt" futbol klubu tarixi antirekordunu təkrarlayıb. Peşəkar Futbol Liqasının rəsmi saytı xəbər verir ki, Azərbaycan Premyer Liqasının XVIII turunda evdə "Sabah"a 0:6 hesabı ilə uduzan "gənclik şəhəri" təmsilçisi ən ağır məğlubiyyətlərindən birini yaşayıb. Komandanın digər acınacaqlı nəticəsi də eyni hesabla olub. 2018/2019-cu il mövsümünə təsadüf edən matçda "Qarabağ" "Sumqayıt"a 6 cavabsız qolla qalib gəlib. Qeyd edək ki, “Sabah”ın vurduğu 3-cü qol “Sumqayıt”ın Premyer Liqada buraxdığı 500-cü top olub. 346-cı matçda bu rəqəmə çatan "kimyaçılar" bu qədər qol buraxan 8-ci komandadır.xeber100.com

“Qarabağ” klubu Azərbaycan Premyer Liqasında növbəti qələbəsini qazanıb

Ağdamın “Qarabağ” klubu Azərbaycan Premyer Liqasında növbəti qələbəsini qazanıb. Yarışın XVIII turu çərçivəsində keçirilən oyunda Ağdam təmsilçisi “ASCO Arena”da “Səbail”in qonağı olub. Görüş “Qarabağ”ın 3:0 hesablı qələbəsi ilə başa çatıb. Matçda Ramil Şeydayev, Musa Qurbanlı və Abdullah Zubir fərqləniblər. Qeyd edək ki, turun əvvəlki matçlarında "Neftçi" evdə "Şamaxı"nı 3:0, "Sabah" səfərdə "Sumqayıt"ı 6:0 hesabı ilə məğlub edib, "Qəbələ" isə öz meydanında "Turan Tovuz"la qolsuz sülhə razılaşıb. Tura dekabrın 25-də keçiriləcək "Zirə" - "Kəpəz" görüşü ilə yekun vurulacaq.xeber100.com

Azərbaycan Premyer Liqasının XVIII turunda iki qarşılaşma keçiriləcək

Bu gün futbol üzrə Azərbaycan Premyer Liqasının XVIII turunda iki qarşılaşma keçiriləcək. İlk oyun günündə "Neftçi" "Şamaxı"nı qəbul edəcək. Oyun saat 16:00-da “Bakcell Arena” baş tutacaq. Günün digər oyununda "Sabah" Sumqayıtda eyniadlı komandanın qonağı olacaq. “Kapital Bank Arena" keçiriləcək qarşılaşma saat 18:30-da başlayacaq. Qeyd edək ki, ilin son turunun "Qəbələ" - "Turan Tovuz" və "Səbail" - "Qarabağ" oyunları dekabrın 24-də, "Zirə" - "Kəpəz" matçı isə dekabrın 25-də reallaşacaq.xeber100.com

VIII beynəlxalq superturnirdə bu gün qalib müəyyənləşəcək

Bakıda görkəmli şahmatçı, Avropa çempionu, beynəlxalq qrosmeyster Vüqar Həşimovun xatirəsinə həsr olunan VIII beynəlxalq superturnirdə bu gün qalib müəyyənləşəcək. Sonuncu yarış günündə blits növündə 9 tur oynanılacaq. Rapid turnirinin və blits yarışlarının 9 turunun yekunlarına görə, özbəkistanlı Nodirbek Abdusattorov 20 xalla turnir cədvəlində liderliyini davam etdirir. İspaniya təmsilçisi Fransisko Valeho Pons 16,5 xalla ikinci pillədə qərarlaşıb. Şəhriyar Məmmədyarov, Rauf Məmmədov 15 xalla 3-4-cü, Rumıniya təmsilçisi Riçard Rapport, çinli Van Hao 14 xalla 5-6-cı pilləni bölüşürlər. Hesabında 12,5 xal olan ABŞ idmançısı Semuel Şenklend 7-ci yerdədir. Abdulla Qədimbəyli 10 xalla səkkizincidir. Aydın Süleymanlı və hindistanlı Qukeş Dommaracu 9 xalla 9-10-cu pillədə qərarlaşıblar. Turnir Vüqar Həşimov Şahmat Fondunun təşkilatçılığı, Gənclər və İdman Nazirliyinin və Azərbaycan Şahmat Federasiyasının dəstəyi, SOCAR-ın sponsorluğu ilə təşkil olunub.xeber100.com