“Qarabağ”–“Çelsi” oyunu Bakı Olimpiya stadionunda keçiriləcək

Futbol üzrə UEFA Çempionlar Liqasının qrup mərhələsi çərçivəsində Azərbaycan çempionu “Qarabağ”la İngiltərənin “Çelsi” klubu arasında Bakıda keçiriləcək oyuna bilet satışı davam edir.Azərtac xəbər verir ki, artıq qarşılaşmaya 45 mindən çox bilet satılıb. Bu barədə Ağdam klubunun “Facebook” səhifəsi məlumat yayıb.“Qarabağ”–“Çelsi” oyunu noyabrın 22-də Bakı Olimpiya stadionunda keçiriləcək.Azarkeşlər biletləri “ASAN xidmət” mərkəzlərindən, Heydər Əliyev Sarayının kassasından, “28 Mall”, “Gənclik Mall”, “Park Bulvar” ticarət mərkəzlərindən, “Azərbaycan”, “Nizami” kinoteatrlarının yaxınlığından və Üzeyir Hacıbəyli küçəsi 69x ünvanından ala bilərlər. Eyni zamanda, biletləri “iTicket.az” saytından onlayn əldə etmək də mümkündür. Biletləri əldə edərkən şəxsiyyət vəsiqəsi təqdim olunmalıdır.xeber100.com

Rusiyada keçiriləcək dünya çempionatının rəsmi topu təqdim edilib

Dünya futbolunun ulduzları gələn il Rusiyada keçiriləcək dünya çempionatının rəsmi topunu təqdim ediblər.Azərtac xəbər verir ki, Moskvada təşkil olunan mötəbər tədbirdə “Barselona” və Argentina millisinin hücumçusu Lionel Messi, “Real Madrid”in baş məşqçisi Zinəddin Zidan, “Milan” və Braziliya millisinin sabiq yarımmüdafiəçisi Kaka, “Yuventus” və İtaliya yığmasının keçmiş forvardı Alessandro Del Piero, “Real Madrid” və İspaniya millisinin yarımmüdafiəçisi Xabi Alonso iştirak ediblər.Almaniyanın “Adidas” şirkəti tərəfindən hazırlanan top “Telstar 18” adlandırılıb.Qeyd edək ki, dünya çempionatının oyunları gələn il iyunun 14-dən iyulun 15-dək Moskva, Sankt-Peterburq, Kazan, Yekaterinburq, Volqoqrad, Rostov-na-Donu, Samara, Kalininqrad, Nijni Novqorod, Saransk və Soçidə keçiriləcək. Turnirin qrup mərhələsinin püşkü dekabrın 1-də Moskvada atılacaq.xeber100.com  

Pauerliftinq üzrə dünya çempionatında…

Moskvada pauerliftinq üzrə dünya çempionatında mübarizə aparan və favorit hesab olunan Azərbaycan millisi uğurla çıxış edib.Daxili İşlər Nazirliyinin (DİN) mətbuat xidmətindən Azərtac-a bildiriblər ki, dünyanın ən güclü atletlərinin yarışında millimizin heyətində təmsil olunan polis idmançılardan Samux Rayon Polis Şöbəsinin inspektoru Rüfət Ağayev çiyində ştanqla oturub qalxma hərəkətində 470 kiloqram, ştanqı qurşağadək dartmaqda 340 kiloqram, ştanqı sinədən qaldırma hərəkətində isə 280 kiloqramın öhdəsindən gələrək çəkisi 125 kiloqramadək olan, xüsusi təchizatla yarışan atletlər arasında, ümumilikdə, 1090 kiloqram nəticə ilə qızıl medal qazanıb, səkkizinci dəfə dünya çempionu adına sahib olub.Səbail Rayon Mühafizə İdarəsinin polis nəfəri, polis baş serjantı Razim Hüseynov çəkisi 125 kiloqramadək olan təchizatsız yarışan idmançıların sırasında çiyində ştanqla oturub qalxma hərəkətində 345 kiloqram, ştanqı qurşağadək dartmaqda 330 kiloqram, ştanqı sinədən qaldırma hərəkətində isə 250 kiloqramın öhdəsindən gəlməklə, ümumilikdə, 925 kiloqram nəticə ilə millimizin medal mücrüsünə daha bir qızıl medal əlavə edib və dünya çempionu adını qazanıb.İsmayıllı Rayon Polis Şöbəsinin polis baş serjantı Kamil Qafarov çempionatda “bench press” - ştanqı sinədən qaldırma hərəkətində gücünü sınayıb. Çəkisi 90 kiloqramadək olan idmançıların mübarizəsində o, 240 kiloqram nəticə ilə bütün rəqiblərini geridə qoyub, altıncı dəfə dünya çempionu adını qazanıb.“Azərbaycan Televiziya və Radio Verilişləri” QSC-nin mühafizə şöbəsinin əməkdaşı Roman Əhmədov isə “deadlift”- ştanqı qurşağadək dartma hərəkətində yarışaraq, çəkisi 82 kiloqramadək olan idmançılar arasında 225 kiloqramı qaldırmaqla ikinci yeri tutub.xeber100.com

Azərbaycan çempionatında növbəti oyunlar keçirilib

Qadın həndbolçular arasında Azərbaycan çempionatında növbəti oyunlar keçirilib.Azərbaycan Həndbol Federasiyasından Azərtac-a bildirilib ki, “Qarabağ” klubu “İdman Akademiyası” təmsilçisindən 31:21, “Azəryol” kollektivi isə “Azərsu” həndbolçularından 29:22 hesabı ilə üstün olublar.xeber100.com

Boks üzrə açıq Bakı birinciliyi keçirilib

Gənclər arasında boks üzrə açıq Bakı birinciliyi keçirilib. Respublika Boks Mərkəzində təşkil olunan yarışda 130 dəri əlcək ustası qalib adı uğrunda döyüşüb.Azərtac xəbər verir ki, “Neftçi İdman Klubu”nun boksçularından altısı paytaxt birinciliyinin mükafatlarına layiq görülüb.Yarışda 91 kiloqramdan yuxarı çəki dərəcəsində mübarizə aparan Vüqar Səmədov rəqib tanımayaraq fəxri kürsünün ən yüksək pilləsinə qalxıb.Mirmehdi Mehdizadə (49 kq), Şirxan Məlikov (52 kq), Murad Əlizadə (60 kq) gümüş, Amil İlyasov (56 kq) və Əmri Novruzov (91 kq) isə bürünc medala sahib olublar.Klubun gənc boksçuları komanda hesabında ikinci yeri tutublar.xeber100.com

Şahmat Federasiyasına 1 milyon manat ayrılıb

Prezident İlham Əliyev Azərbaycan şahmatçılarının Avropa komanda çempionatında qalib olması haqqında Sərəncam imzalayıb.Azərtac xəbər verir ki, Sərəncamda Azərbaycanın kişi şahmatçılardan ibarət yığmasının Yunanıstanın Krit adasında keçirilən şahmat üzrə Avropa komanda çempionatında ölkəni layiqincə təmsil edərək qələbə qazandığı qeyd edilir.Sərəncama əsasən, komandamızın üçqat Avropa çempionu olması və Azərbaycan şahmatının inkişafındakı xidmətləri nəzərə alınaraq Azərbaycan Şahmat Federasiyasına 2017-ci il dövlət büdcəsində nəzərdə tutulmuş Prezidentin ehtiyat fondundan 1 milyon manat ayrılıb.xeber100.com

Ağır Atletika Federasiyasının məlumatı

Azərbaycanın bölgələrini əhatə edən ağır atletika üzrə respublika yarışlarının dördüncü seçmə mərhələsi Samuxda başa çatıb.Azərbaycan Ağır Atletika Federasiyasından Azərtac-a bildirilib ki, burada Goranboy, Gəncə, Yevlax, Samux, Qazax, Şəki və Qaxı təmsil edən 100-ə yaxın atlet körpücük üzərinə çıxıb.Yarışların keçirilməsində məqsəd regionlarda atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsi, ağır atletika idman növünün şəhər, rayon, qəsəbə və kəndlərdə təbliği və inkişafı, idmançılar və məşqçilər arasında dostluq əlaqələrinin möhkəmləndirilməsi, idmançıların ustalıq səviyyəsinin artırılması və təkmilləşdirilməsidir.Qeyd edək ki, zona turnirində 1999-2007-ci il təvəllüdlü kişilər və qadınlar müvafiq yaş qruplarında mübarizə aparıb, qaliblər Sinkleyr cədvəli üzrə müəyyən edilib.Xatırladaq ki, seçmə mərhələ yarışları təqvim planına əsasən üç zona üzrə ildə dörd dəfə keçirilir.xeber100.com

“Vest Hem” klubunun baş məşqçisi müəyyənləşib

“Vest Hem” futbol klubunun yeni baş məşqçisi müəyyənləşib.Azərtac xəbər verir ki, komandanı mövsümün sonunadək Devid Moyes çalışdıracaq. Şotlandiyalı mütəxəssisin təyinatının sabah rəsmən elan ediləcəyi gözlənilir.“Vest Hem”in uğursuz çıxışına görə klub rəhbərliyi baş məşqçi Slaven Biliçlə yolları ayırıb.D.Moyes ötən mövsüm “Sanderlend”i çalışdırıb. O, 2013-2014-cü illərdə “Mançester Yunayted”də işləyib.xeber100.com

Yunan-Roma güləşi üzrə Bakı çempionatı başa çatıb

Hövsan Olimpiya İdman Kompleksində keçirilən sərbəst və yunan-Roma güləşi üzrə Bakı çempionatı başa çatıb.Daxili İşlər Nazirliyinin (DİN) mətbuat xidmətindən Azərtac-a bildiriblər ki, paytaxtın bütün idman klub və cəmiyyətlərinin təmsil olunduğu yarışlarda nazirliyin İdman Cəmiyyətinin komandaları da yüksək nəticələr göstəriblər. DİN-in təmsilçiləri yarışa əvəzedici heyətlə qatılıb.Sərbəst güləşçilərin yarışında DİN İdman Cəmiyyətinin üzvlərindən Vurğun Əliyev, Elçin Məmmədov və Cavid Sadıxov öz çəki dərəcələrində qalib olublar. Nurəddin Əliyev isə bürünc medal qazanıb. İdmançıları bu yarışa polis polkovnik-leytenantları İlyas Siracov, İlham Mustafayev, kapitan Elşad Allahverdiyev hazırlayıblar.Yunan-Roma güləşi üzrə paytaxt pəhləvanlarının mübarizəsində isə Murad Allahverdiyev, Orxan Məmmədli gümüş medal qazanıblar. Orxan Qəhtiranov isə bürünc medala sahib olub. DİN İdman Cəmiyyətinin pəhləvanlarını bu yarışa polis polkovnik-leytenantları, Əməkdar məşqçilər Radik Hüseynov, Əli Əliyev və polis mayoru Vilayət Ağayev hazırlayıblar.xeber100.com

Şahmat Federasiyasının məlumatı əsasında…

Komandamız yarışa uğursuz başlasa da, şahmatçılarımız Avropa çempionu olmağı qarşılarına məqsəd qoymuşdular.Azərtac xəbər verir ki, bu sözləri Yunanıstanda keçirilən şahmat üzrə Avropa çempionatında qalib gəlmiş idmançıların qarşılanma mərasimində Azərbaycan Şahmat Federasiyasının vitse-prezidenti Faiq Həsənov deyib.O bildirib ki, “Qarabağ”ın səfərdə “Atletiko Madrid” klubu ilə uğurlu oyunu komandamızda böyük ruh yüksəkliyi yaratdı. Bu ruh yüksəkliyinin nəticəsidir ki şahmatçılarımız iki gün sonra Ermənistan komandasına qalib gəldilər. Bizim komanda çox güclü idi və inanırdıq ki, qalib gələcəyik.Sevinc hisslərini bölüşən şahmatçı Şəhriyar Məmmədyarov deyib: 2013-cü ildə olduğu kimi, çempionata yenə uğursuz başladıq. İlk turda xal itkisi oldu. Nəhayət oyunda geri dönüş yarada bildik. Komandamızın üzvləri çox güclüdür və heç vaxt ruhdan düşmür, sonadək mübarizə aparırlar. Komandada iki nəfərin qalib gəlməyi kifayət edirdi ki, hesabda yaxşı nəticə göstərək. Rusiya və Macarıstan yığması əsas rəqiblərimiz idi. Onlara qalib gəlmək çox çətin olsa da, biz istədiyimiz nəticəni əldə etdik. Hədəfimiz Olimpiya çempionu olmaqdır.Digər şahmatçımız Rauf Məmmədov isə Ermənistan komandası ilə qarşılaşmanın ən gərgin oyun kimi yadda qaldığını vurğulayıb: “Biz onlara qalib gəlməsəydik, özümüzü heç vaxt çempion saymayacaqdıq”. Avropa çempionu bildirib ki, bu qələbə həm də Vüqar Həşimovun qalibiyyətidir. Çünki Vüqar daim qəlbimizdə yaşayacaq.xeber100.com