Avropa komanda çempionatı davam edir

Krit adasında (Yunanıstan) Avropa komanda çempionatı davam edir. Çərşənbə günü beşinci turun oyunları keçirilib. Azərtac xəbər verir ki, beşinci tur Azərbaycan şahmatçıları üçün çox uğurlu olub: ölkəmizin kişilərdən ibarət yığması Çexiya komandasına3:1 hesabı ilə, qadınlardan ibarət yığmamız isə israilli rəqiblərinə 2,5:1,5 hesabı ilə qalib gəlib.Kişilərin turnirində Şəhriyar Məmmədyarov və Rauf Məmmədov qalib gəlib, Teymur Rəcəbov və Arkadi Naydiç isə xalları rəqibləri ilə bölüşüblər.Çempionatın başa çatmasına 4 tur qalmış aktivində 9 xal olan Xorvatiya komandası turnir cədvəlində birinci yeri tutur. Dörd yığmanın hərəsinin aktivində 8 xal var. Azərbaycan komandasının topladığı 7 xal isə onun yeddinci yerdə qərarlaşmasına imkan verib.Beşinci turda Azərbaycanın qadınlardan ibarət komandasında Zeynəb Məmmədyarova rəqibinə qalib gəlib, Ülviyyə Fətəliyeva, Gülnar Məmmədova və Xanım Balacayeva bu turda heç-heçə oynayıblar.Rusiyanın qadınlardan ibarət yığması yüz faiz nəticə göstərib – 10 xal. Növbəti yerləri hərəsi 8 xal toplamış Gürcüstan, Ukrayna, Polşa və Türkiyə komandaları tutur. Aktivində 6 xal olan Azərbaycan yığması 11-ci yerdədir.Bu gün turnirdə istirahət günüdür. Altıncı turun matçları cümə günü, noyabrın 3-də keçiriləcək. Həmin turda liderlər qrupunda kişilərin turnirində Macarıstan-Xorvatiya, Polşa-Rusiya, Ermənistan-Azərbaycan yığmaları, qadınların turnirində isə Polşa-Rusiya, Gürcüstan-Ukrayna, İtaliya-Türkiyə, Azərbaycan-Rumıniya komandaları qarşılaşacaq.Xatırladaq ki, Avropa komanda çempionatında kişilərdən ibarət 40 komanda və qadınlardan ibarət 32 komanda çıxış edir. İsveçrə sistemi üzrə təşkil olunmuş yarışlar doqquz turdan ibarət olacaq.xeber100.com

“Real Madrid” “Jirona” ilə səfər oyunundan məğlubiyyətlə ayrılıb

“Real Madrid” son 2,5 il ərzində ilk dəfədir ardıcıl iki səfər oyununda məğlub olub.Azərtac xəbər verir ki, Madrid təmsilçisi ötən gün UEFA Çempionlar Liqasının qrup mərhələsinin dördüncü turu çərçivəsində səfərdə “Tottenhem”ə 1:3 hesabı ilə məğlubiyyətə uğrayıb. “Real Madrid” bazar günü isə İspaniya çempionatında “Jirona” klubu ilə səfər oyunundan 1:2 hesablı məğlubiyyətlə ayrılıb.Qeyd edək ki, kral klubu sonuncu dəfə 2015-ci ildə ardıcıl iki oyunda uduzub. Komanda həmin il La Liqada – “Atletiko Madrid”ə 0:1, “Barselona”ya isə 0:2 hesabı ilə məğlub olub.xeber100.com

Olimpiya Oyunlarının təsnifat mərhələsi çərçivəsində

2018-ci ildə Argentinanın paytaxtı Buenos-Ayresdə təşkil olunacaq gənclər arasında Olimpiya Oyunlarının təsnifat mərhələsi çərçivəsində futzal üzrə Azərbaycanın 17 yaşadək oğlanlardan və qızlardan ibarət yığma komandaları ilk oyunlarını keçiriblər.Azərtac xəbər verir ki, slovakiyalı həmyaşıdları ilə qarşılaşan oğlanlardan ibarət millimiz 0:12, qızlardan ibarət yığmamız isə İtaliya ilə oyunda 0:2 hesabı ilə məğlub olublar.xeber100.com

2017-2018-ci il mövsümünün IV turunun oyunları keçiriləcək

Noyabrın 2-də futbol üzrə UEFA Avropa Liqasının 2017-2018-ci il mövsümünün qrup mərhələsinin IV turunun oyunları keçiriləcək.Azərtac xəbər verir ki, 12 qrupda ümumilikdə 24 matç oynanılacaq.Türkiyə təmsilçilərindən “Başakşehir” komandası doğma meydanda “Hoffenhaym”ı qəbul edəcək. “Konyaspor” isə səfərdə Avstriyanın “Zalsburq” klubunun qonağı olacaq.Ümumiyyətlə, gün ərzində aşağıdakı oyunlar keçiriləcək: “A” qrupu “Makkabi” (Təl-Əviv, İsrail) - “Astana” (Qazaxıstan) “Slaviya” (Praqa, Çexiya) - “Vilyarreal” (İspaniya) “B” qrupu “Yanq Boyz” (İsveçrə)- “Dinamo” (Kiyev, Ukrayna) “Partizan” (Serbiya) - “Skenderbeu” (Albaniya) “C” qrupu “Başakşehir” (Türkiyə) - “Hoffenhaym” (Almaniya) “Lüdoqorets” (Bolqarıstan) - “Braqa” (Portuqaliya) “D” qrupu AEK (Yunanıstan) - “Milan” (İtaliya) “Riyeka” (Xorvatiya) - “Austriya” (Avstriya) “E” qrupu “Lion” (Fransa) - “Everton” (İngiltərə) “Apollon” (Kipr) - “Atalanta” (İtaliya) “F” qrupu “Lokomotiv” (Moskva, Rusiya) - “Şerif” (Moldova) “Kopenhagen” (Danimarka) - “Zlin” (Çexiya) “G” qrupu “Styaua” (Rumıniya) - “Hapoel” (Beer-Şeva, İsrail) “Viktoriya” (Plzen, Çexiya) - “Luqano” (İsveçrə) “H” qrupu “Arsenal” (İngiltərə) - “Srvena Zvezda” (Serbiya) “Köln” (Almaniya) - BATE (Belarus) “I” qrupu “Gimaraeş” (Portuqaliya) - “Marsel” (Fransa) “Zalsburq” (Avstriya) - “Konyaspor” (Türkiyə) “J” qrupu “Herta” (Almaniya) - “Zarya” (Ukrayna) “Atletik” (İspaniya) - “Ostersun” (İsveç) “K” qrupu “Latsio” (İtaliya) - “Nitsa” (Fransa) “Vitess” (Hollandiya) - “Zülte-Varegem” (Belçika) “L” qrupu “Rusenborq” (Norveç) - “Zenit” (Rusiya) “Real Sosyedad” (İspaniya) - “Vardar” (Makedoniya).xeber100.com

“Azərreyl” voleybol komandasının yeni mövsüm üçün heyəti müəyyənləşib

Bakının qadınlardan ibarət “Azərreyl” voleybol komandasının yeni mövsüm üçün heyəti müəyyənləşib.Klubdan Azərtac-a bildiriblər ki, heyətdə Valeriya Məmmədova, Ceyran Əliyeva, Nərmin Fərəcova, Aynur Kərimova, Ayşən Əbdüləzimova, Svetlana Dorsman, Yekaterina Jidkova, Anna Dovqopolyuk, Maqdalena Qrika və Şəfaqət Həbibova yer alıblar.Bakı təmsilçisi yeni mövsümdə “Çağırış kuboku” turnirində mübarizə aparacaq.Qeyd edək ki, Ceyran Əliyeva və Ayşən Əbdüləzimova “Azərreyl”in heyətində ancaq avrokubok oyunlarında meydançaya çıxacaqlar.xeber100.com

Beynəlxalq Şahmat Federasiyası reytinq siyahısını açıqlayıb

Beynəlxalq Şahmat Federasiyası (FIDE) noyabr ayı üçün reytinq siyahısını açıqlayıb.Azərtac xəbər verir ki, Azərbaycan şahmatçısı Şəhriyar Məmmədyarov ötən ayla müqayisədə iki pillə irəliləyib. Reytinq siyahısında təmsilçimiz 2799 xalla dördüncü pillədədir.Digər şahmatçımız Teymur Rəcəbov isə 2741 xalla 19-cu pillədə yer alıb. Arkadi Naydiç 2700 xalla siyahıda 44-cü, Rauf Məmmədov isə 2686 xalla 58-ci yerdədir.Qeyd edək ki, reytinq cədvəlinə 2837 xalla norveçli Maqnus Karlsen başçılıq edir.xeber100.com

Azərbaycan millisi elit-raund mərhələsinə yüksəlib

On doqquz yaşadək qızlardan ibarət Azərbaycan yığması Avropa çempionatının elit-raund mərhələsinə vəsiqə qazanıb.Azərtac xəbər verir ki, yığmamız ilkin seçmə mərhələdə bu gün sonuncu oyununu Albaniya komandasına qarşı keçirib. Qarşılaşma 0:0 hesabı ilə başa çatıb. Yığmamız ilkin seçmə mərhələni dörd xalla ikinci pillədə başa vurub.xeber100.com

“Atletiko”-“Qarabağ” oyunundan sonra…

UEFA Çempionlar Liqasının qrup mərhələsinin dördüncü turunda Madriddə 1:1 hesabı ilə başa çatan “Atletiko”-“Qarabağ” oyunundan sonra hər iki klubun baş məşqçiləri mətbuat nümayəndələrinin suallarını cavablandırıblar.Azərtac xəbər verir ki, Ağdam təmsilçisinin çalışdırıcısı Qurban Qurbanov oyunla bağlı danışarkən deyib: “Çox çətin oyun oldu. Futbolçularımla fəxr edirəm. Biz çox güclü qrupda mübarizə aparırıq. Bu cür oyunlar futbolçularımın təcrübə qazanması üçün çox önəmlidir. Belə oyunlara ehtiyacımız var. Futbolçular hətta məğlub olsalar da, oyundan həzz almalıdırlar. Belə oyunlarla potensialımızı inkişaf etdirmək istəyirik”.Pedro Enrikenin qırmızı vərəqə ilə cəzalandırılması barədə danışan baş məşqçi hakimin qərarının ədalətli olduğunu bildirib.İspaniyalı jurnalistin UEFA-nın gələn ildən qüvvəyə minəcək qərarı ilə “Qarabağ” kimi komandaların Çempionlar Liqasının qrup mərhələsinə gedən yolunun daha çətin olacağı ilə bağlı sualına cavab verən Q.Qurbanov deyib: “Əlbəttə, biz bu turniri gördükdən sonra burada hər il iştirak etmək istərdik. Bunu etmək daha çətin olsa da, potensialımızı artırmağa çalışmalıyıq. UEFA-nın qaydaları nəyi tələb edirsə, ona uyğun hərəkət edəcəyik”.xeber100.com

UEFA-nın təşkilatçılığı ilə tədbir keçiriləcək

Bu gün Almaniyanın Frankfurt şəhərində UEFA-nın təşkilatçılığı ilə milli assosiasiyaların təmsilçilərinin iştirak etdiyi “Qarşılıqlı fikir mübadiləsi” adlı tədbir keçiriləcək.Azərtac AFFA-ya istinadla xəbər verir ki, UEFA rəhbərliyinin başçılığı ilə keçiriləcək tədbirdə AFFA-nın baş katibi Elxan Məmmədov və baş katibin müavini Sərxan Hacıyev iştirak edəcəklər.xeber100.com  

UEFA Çempionlar Liqasının növbəti görüşləri keçiriləcək

Bu gün futbol üzrə UEFA Çempionlar Liqasının qrup mərhələsində IV turun növbəti görüşləri keçiriləcək.azərtac xəbər verir ki, ikinci oyun günündə “E”, “F”, “G” və “H” qruplarında yer alan kollektivlər üz-üzə gələcəklər.“G” qrupunda yer alan Türkiyə təmsilçisi “Beşiktaş” doğma meydanda “Monako”nu qəbul edəcək. Bu görüşdə heç-heçə belə İstanbul təmsilçisinin növbəti mərhələyə vəsiqə qazanmasını təmin edəcək.Turun maraqla gözlənilən görüşlərindən biridə “H” qrupunda “Tottenhem” və “Real Madrid” klubları arasında olacaq.Gün ərzində keçiriləcək qarşılaşmalar aşağıdakılardır: “E” qrupu “Sevilya” (İspaniya) – “Spartak” (Rusiya) “Liverpul” (İngiltərə) – “Maribor” (Sloveniya) “F” qrupu “Napoli” (İtaliya) – “Mançester Siti” (İngiltərə) “Şaxtyor” (Ukrayna) – “Feyenoord” (Hollandiya) “G” qrupu “Beşiktaş” (Türkiyə) – “Monako” (Fransa) “Portu” (Portuqaliya) – “Leyptsiq” (Almaniya) “H” qrupu “Tottenhem” (İngiltərə) – “Real Madrid” (İspaniya) “Borussiya” (Dortmund, Almaniya) - APOEL (Kipr).xeber100.com