Ağır Atletika Federasiyasının məlumatı

Kosovonun paytaxtı Priştinada keçirilən 15 və 17 yaşlı yeniyetmə ağır atletlər arasında Avropa birinciliyi davam edir.Azərbaycan Ağır Atletika Federasiyasından Azərtac-a bildirilib ki, 85 kiloqram çəki dərəcəsində 15 yaşadək atletlərin mübarizəsində Tarmenxan Babayev birdən qaldırma hərəkətində hər üç yanaşmanı uğurla yerinə yetirib. Toplam 130 kiloqramı ram edən atletimiz ən yaxın izləyicisi bolqar Stefço Xristovu 15 kiloqram qabaqlayaraq bu hərəkətdə birinci olub.T.Babayev təkanla qaldırma hərəkətində daha yaxşı çıxış edib. O, ilk yanaşmada 150 kiloqramı ram edib. Bununla da idmançımız macarıstanlı atlet Adrian Terebesinin bu ilin aprelində Tailandda keçirilən yeniyetmələrin dünya birinciliyində müəyyənləşdirdiyi Avropa rekordunu (146 kq) yeniləyib. T.Babayev, eyni zamanda, yunanıstanlı Evangelios Qaliatsatosun 2015-ci ildə İsveçdə keçirilən yeniyetmələrin Avropa birinciliyində bu çəki dərəcəsi üzrə yarışın yekununda müəyyənləşdirdiyi Avropa rekordunu (276 kq) da təzələyib.Atletimiz ikinci yanaşmasında 155 kiloqramı qaldıraraq həm bu hərəkətdə, həm də toplamda daha iki rekordu yeniləyib. Sonuncu yanaşmasında 161 kiloqramın da öhdəsindən gələn idmançımız rekordlarına ikisini də əlavə edib.Atletimiz toplam 291 kiloqram (130+161) nəticə ilə Avropa birinciliyində birinci yeri tutub. T.Babayev 15 yaşadək atletlər arasında altı Avropa rekordunu yeniləyərək böyük uğura imza atıb.Kosovodakı yarışda Rüstəm Qasımov və Səbinə Əzimovadan sonra Tarmenxan Babayev də qızıl medal qazanaraq fəxri kürsünün ən yüksək pilləsinə qalxıb.xeber100.com

2017/2018-ci il mövsümünün püşkatma mərasimi keçirilib

Sentyabrın 27-də AFFA-nın futbol akademiyasında futzal üzrə ölkə çempionatının 2017/2018-ci il mövsümünün püşkatma mərasimi keçirilib.AFFA-dan Azərtac-a bildirilib ki, əvvəlcə UEFA tərəfindən futzal məşqçiləri üçün hazırlanmış metodik vəsait iştirakçı klubların baş məşqçilərinə və nümayəndələrinə təqdim edilib. Sonra qarşıdakı mövsümdə tətbiq olunacaq yeniliklər barədə məlumat verilib.Püşkün nəticəsinə əsasən, yüksək liqanın birinci turunda “Neftçi” İK – “Yasamal”, EKOL – “Araz”, FK.İD.Futsal – Marafon Futsal görüşləri keçiriləcək. Oyunlar sentyabrın 30-da olacaq.Qeyd edək ki, yeddi komandanın iştirakı ilə təşkil ediləcək yüksək liqa dörd dövrədən ibarət olacaq. “Xəmsə” komandası birinci turda istirahət edəcək. Birinci turun oyunları “ABU Arena”da keçiriləcək.xeber100.com

Voleybolçular arasında final mərhələsinin oyunlarına start veriləcək

Sentyabrın 28-də qadın voleybolçular arasında Avropa çempionatında dörddəbir final mərhələsinin oyunlarına start veriləcək.Azərtac xəbər verir ki, Bakıda, Milli Gimnastika Arenasında günün ilk görüşündə saat 18:00-da İtaliya və Niderland voleybolçuları üz-üzə gələcəklər. Saat 20:30-da isə Serbiya və Belarus komandaları yarımfinala vəsiqə uğrunda yarışacaqlar.Sentyabrın 29-da dörddəbir final mərhələsinin sonuncu iki oyunu keçiriləcək. Azərbaycan millisi ikinci dəfə Almaniya kollektivini sınağa çəkəcək. Görüş saat 18:00-da start götürəcək. Sonuncu yarımfinalçı isə saat 20:30-da Rusiya-Türkiyə duelindən sonra məlum olacaq.Xatırladaq ki, yarımfinal oyunları sentyabrın 30-da, medallar uğrunda mübarizə isə oktyabrın 1-də keçiriləcək.xeber100.com

Döyüş növləri üzrə V Asiya Oyunlarının bağlanış mərasimi keçirilib

Sentyabrın 27-də Türkmənistanın paytaxtı Aşqabadda qapalı məkanlarda və döyüş növləri üzrə V Asiya Oyunlarının təntənəli bağlanış mərasimi keçirilib.Azərtac-ın Aşqabada ezam olunan müxbiri xəbər verir ki, 45 min tamaşaçı tutumuna malik Aşqabad Olimpiya Stadionunda təşkil olunan mərasimdə Asiya Olimpiya Şurasının (AOŞ) prezidenti şeyx Ahmad Al-Fahad Al-Sabah yüksək təşkilatçılığa görə, Türkmənistan hökumətinə minnətdarlığını bildirib.Türkmənistanın Prezidenti Qurbanqulu Berdiməhəmmədov “Aşqabad-2017”ni bağlı elan etdikdən sonra Oyunların məşəli söndürülüb və AOŞ-un bayrağı endirilib.Sonra tədbir dünya ulduzlarının konsert proqramı ilə davam edib.Bağlanış mərasiminə atəşfəşanlıqla yekun vurulub.Qeyd edək ki, qapalı məkanlarda və döyüş növləri üzrə V Asiya Oyunlarında 6 min atlet 21 idman növündə gücünü sınayıb. Oyunlarda Asiya (45) və Okeaniya (19) ölkələrini təmsil edən 65 komanda, habelə qapalı məkanlarda və döyüş növləri üzrə Asiya Oyunları tarixində ilk dəfə Asiya Olimpiya Şurasının bayrağı altında çıxış edən qaçqınlar komandası mübarizə aparıb. Yarışların keçiriləcəyi 12 gün ərzində 347 mükafatlandırma mərasimi olub və atletlər 1844 medal uğrunda mübarizə aparıblar.xeber100.com

Futbol üzrə UEFA Avropa Liqasının qrup mərhələsində

Bu gün futbol üzrə UEFA Avropa Liqasının qrup mərhələsində ikinci turun oyunlarına start veriləcək.Azərtac xəbər verir ki, turun ilk oyunu Qazaxıstanda “Astana” klubu ilə Çexiyanın “Slavia” komandası arasında olacaq. Oyun Bakı vaxtı ilə saat 19:00-da başlayacaq. Avroliqada çıxış edən Türkiyə təmsilçiləri isə Portuqaliya klubları ilə qarşılaşacaqlar. “Konyaspor” doğma meydanında “Gimarayş” klubu ilə, “Başakşəhər” isə səfərdə “Braqa” ilə üz-üzə gələcək.“A”, “B”, “C”, “D”, “E” və “F” qruplarında keçiriləcək görüşlər Bakı vaxtı ilə saat 23:05-də başlayacaq. “G”, “H”, İ, “J”, “K” və “L” qruplarındakı oyunlar isə saat 21:00-da start götürəcək.xeber100.com  

Əməkdaşlıq məsələləri müzakirə olunub

İqtisad Universitetinin (UNEC) iqtisadiyyat və idarəetmə kafedrasının dosenti Əli-Ağa İsmayılzadə Polşanın paytaxtı Varşavada keçirilən elmi konfransda iştirak edib.UNEC-dən Azərtac-a bildirilib ki, Varşava İqtisadiyyat Məktəbində (SGH) təşkil olunan elmi konfrans ekonometrik tədqiqatlara həsr olunub. Polşa, Almaniya, İsveçrə, İspaniya və digər ölkələrin iqtisadçı alimlərinin qatıldığı konfransda UNEC-in müəlliminin “İnsan resursları istehsal və investisiyanın ən əhəmiyyətli qaynağı kimi” mövzusunda məruzəsi dinlənilib.Konfrans çərçivəsində SGH ilə UNEC arasında ikili diplom və magistr proqramları istiqamətində əməkdaşlıq məsələləri müzakirə olunub.xeber100.com

“Səbail” komandası heyətinə daha bir futbolçunu cəlb edib

“Səbail” klubu heyətinə daha bir futbolçunu cəlb edib.Azərtac xəbər verir ki, paytaxt komandası rumıniyalı Aleksandru Popoviçi transfer edib.Sonuncu klubu “Poli Timişoara” olan hücumçu azad agent kimi komandanın heyətinə qatılıb. İyirmi doqquz yaşlı futbolçu ilə birillik müqavilə imzalanıb.xeber100.com

Döyüş növləri üzrə V Asiya Oyunları davam edir

Aşqabadda qapalı məkanlarda və döyüş növləri üzrə V Asiya Oyunları davam edir.Azərtac-ın Aşqabada ezam olunan müxbiri xəbər verir ki, Oyunların sonuncu günündə - sentyabrın 27-də idmançılar boulinq, şahmat və tennis yarışlarında mübarizə aparırlar.Yarışın sonuncu günündə 7 dəst medal sahibini tapacaq."Aşqabad-2017"nin medal sıralamasında Türkmənistan millisi liderliyini davam etdirir.Hesabında 89 qızıl, 70 gümüş və 85 bürünc medal olan Türkmənistan yığması birinci pillədə qərarlaşıb. İlk üçlüyü Çin (40-30-23) və İran (35-22-59) yığmaları tamamlayır.Qazaxıstan (28-28-38) dördüncü, Özbəkistan (24-33-73) beşinci, Tailand (21-20-29) altıncı, Koreya Respublikası (15-11-15) yeddinci, Qırğızıstan (13-20-37) səkkizinci, Vyetnam (12-7-19) doqquzuncu və Honkonq (10-11-14) isə onuncu pillədə yer alıb.İndiyədək 36 ölkənin idmançıları "Aşqabad-2017"də medal qazanıblar.Qeyd edək ki, qapalı məkanlarda və döyüş növləri üzrə V Asiya Oyunlarında 6 min atlet 21 idman növündə gücünü sınayır. Oyunlarda Asiya (45) və Okeaniya (19) ölkələrini təmsil edən 65 komanda, habelə qapalı məkanlarda və döyüş növləri üzrə Asiya Oyunları tarixində ilk dəfə Asiya Olimpiya Şurasının bayrağı altında çıxış edən qaçqınlar komandası mübarizə aparır.xeber100.com

Milli Gimnastika Arenasında sonuncu pley-off görüşləri keçiriləcək

Sentyabrın 27-də Azərbaycanda və Gürcüstanda təşkil edilən qadın voleybolçular arasında Avropa çempionatının final mərhələsi çərçivəsində Bakıda, Milli Gimnastika Arenasında sonuncu pley-off görüşləri keçiriləcək.Azərtac xəbər verir ki, altıncı yarış gününün ilk görüşünə saat 18:00-da Polşa-Türkiyə matçı ilə start veriləcək. Mübarizədən qalib ayrılan komanda sentyabrın 29-da Rusiya təmsilçiləri ilə yarımfinal uğrunda yarışacaq.Bu gün saat 20:30-da başlayacaq pley-off mərhələsinin sonuncu oyununda isə Bolqarıstan və Almaniya kollektivləri üz-üzə gələcəklər. Cütün qalibi sentyabrın 29-da keçiriləcək dörddəbir final mərhələsində Azərbaycan yığmasının rəqibi olacaq.Xatırladaq ki, sentyabrın 26-da keçirilən ilk pley-off mübarizələrində Belarus və Niderland milliləri növbəti mərhələyə yüksəliblər.

2017-2018-ci il mövsümünün ikinci turuna start verilib

Sentyabrın 27-də futbol üzrə UEFA Çempionlar Liqasının 2017-2018-ci il mövsümünün qrup mərhələsinin ikinci turuna start verilib.Azərtac xəbər verir ki, ikinci turun ilk günündə “E”, “F”, “G” və “H” qruplarında yer alan komandalar qarşılaşıblar.“E” qrupunda İspaniya təmsilçisi "Sevilya" doğma meydanda Sloveniyanın "Maribor" klubuna 3:0 hesabı ilə qalib gəlib. Qrupun digər qarşılaşmasında isə Rusiyanın “Spartak” klubu Moskvada İngiltərənin “Liverpul” kollektivi ilə heç-heçə oynayıb-1:1.“F” qrupunda “Mançester Siti” (İngiltərə) öz meydanında “Şaxtyor”u (Ukrayna) (2:0), "Napoli" (İtaliya) isə "Feyenoord"u (Hollandiya) məğlub edib - 3:1.İstanbulun "Beşiktaş" klubunun yer aldığı “G” qrupunda isə Türkiyə təmsilçisi doğma meydanda "Leyptsiq"dən (Almaniya) üstün olub - 2:0. "Monako" (Fransa) isə öz meydanında Portuqaliyanın "Portu" klubuna uduzub - 0:3.“H” qrupunda isə İngiltərənin "Tottenhem" klubu səfərdə APOEL-ə (Kipr) 0:3 hesabı ilə qalib gəlib. Günün ən maraqlı qarşılaşması Dortmund şəhərində baş tutub. “Borussiya” komandası Madridin “Real” klubunu qəbul edib. Qarşılaşma qonaqların 1:3 hesablı üstünlüyü ilə başa çatıb.Xatırladaq ki, turun ikinci günündə ölkəmizi bu nüfuzlu klub turnirdə təmsil edən Ağdamın “Qarabağ” klubu İtaliyanın “Roma” kollektivini qəbul edəcək. Bakı Olimpiya Stadionunda keçiriləcək qarşılaşma Bakı vaxtilə saat 20:00-da start götürəcək.xeber100.com