Basketbol üzrə 40-cı Avropa çempionatı başa çatıb

Basketbol üzrə 40-cı Avropa çempionatı Sloveniya yığma komandasının qələbəsi ilə başa çatıb.Azərtac xəbər verir ki, İstanbuldakı Sinan Erdem arenasında keçirilən final qarşılaşmasında Serbiya yığma komandasını 93:85 hesabı ilə məğlub edən Sloveniya basketbolçuları qızıl medallara sahib olublar.Oyunun ilk periodunda 20:22 hesabı ilə məğlub olan Sloveniya millisi ikinci periodda qələbə qazanıb - 36:25. Ümumi hesabda tarazlığı bərpa etmək istəyən serbiyalılar üçüncü periodda 20:15 hesabı ilə qalib gəliblər. Lakin Sloveniya yığması dördüncü periodu də qələbə ilə başa vuraraq (22:18) rəqibinə heç bir şans verməyib. Beləliklə, ümumi hesabda 93:85 hesabı ilə üstün olan Sloveniya basketbolçuları Avropa çempionu adını qazanıblar.Çempionların heyətinə Qoran Draqiç 35 xal və 7 ribaund ilə final matçının ən məhsuldar basketbolçusu olub.Üçüncü yer uğrunda görüşdə - İspaniya-Rusiya qarşılaşmasında da 93:85 hesablı nəticə qeydə alınıb. İspaniyalılar gərgin idman mübarizəsi şəraitində keçən oyunda qalib gələrək ““Eurobasket 2017”nin bürünc medallarına layiq görülüblər.Dörd ölkənin – Finlandiya, İsrail, Rumıniya və Türkiyənin ev sahibliyi ilə keçirilən basketbol üzrə 40-cı Avropa çempionatında dörd qrupda 24 komanda mübarizəyə qoşulmuşdu.xeber100.com

Topaz Premyer Liqasının V turu çərçivəsində

Sentyabrın 16-da Topaz Premyer Liqasının V turu çərçivəsində paytaxtın “Neftçi” və “Zirə” komandaları qarşılaşıblar.Azərtac xəbər verir ki, “Bakcell Arena”da oynanılan görüşdə “Zirə” komandası 2:1 hesabı ilə qalib gəlib. Baş hakim Əliyar Ağayevin idarə etdiyi oyunda hesabı matçın 17-ci dəqiqəsində qonaqlar açıblar. “Zirə”nin heyətində Vüsal İsgəndərli adını tabloya yazdırıb. İlk hissə bu hesabla başa çatıb.İkinci hissənin əvvəlində - qarşılaşmanın 52-ci dəqiqəsində Riçard Qadze hesab arasındakı fərqi iki topa çatdırıb. Lakin qonaqların sevinci cəmi bir dəqiqə davam edib. “Neftçi”nin legioneri Uqo Barqas 53-cü dəqiqədə vurulan qollardan birinin əvəzini çıxıb – 1:2.Matçın 86-cı dəqiqəsində ev sahiblərinin heyətində Mirabdulla Abbasov qırmızı vərəqə alaraq komandasını sayca azlıqda qoyub. Qalan dəqiqələrdə qapılara top vurulmayıb və görüş “Zirə”nin 2:1 hesablı qələbəsi ilə başa çatıb.Bu qələbədən sonra “Zirə” komandası xallarının sayını 13-ə çatdıraraq liderliyini davam etdirir. “Neftçi” isə 1 xalla sonuncu sırada qərarlaşıb.“İnter”-“Sumqayıt” (1:1) oyunu ilə start verilən beşinci tura sentyabrın 17-də “Səbail”-“Qəbələ” və “Qarabağ”-“Kəpəz” görüşləri ilə yekun vurulacaq.xeber100.com

Açıq ölkə çempionatı keçiriləcək

Gənclər və İdman nazirliyinin dəstəyi, Azərbaycan Respublikası Səmti Müəyyən Etmə İdman Federasiyasının təşkilatçılığı ilə oktyabrın 7-8-də Şabranda və Bakıda səmti müəyyən etmə idman növü üzrə açıq ölkə çempionatı keçiriləcək.Federasiyadan Azərtac-a bildiriblər ki, yarışda idmançılar elit, açıq, junior və müxtəlif yaş kateqoriyaları üzrə fərdi və komanda hesabında mübarizə aparacaqlar. İdmançılar yarışın birinci günündə - oktyabrın 7-də Şabranda Qalaaltı meşə massivinin ərazisində yeni çəkilmiş xəritə üzrə orta məsafə, ikinci gün isə Bakıda - Dənizkənarı Bulvar və İçərişəhər ərazisində sprint növü üzrə güclərini sınayacaqlar.Açıq ölkə çempionatın keçirilməsində məqsəd səmti müəyyən etmə idmanının kütləviləşməsi, sağlam həyat tərzi və ətraf mühitə qarşı qayğı ilə yanaşmanın təbliği, gənclərin hərbi-vətənpərvərlik ruhunda tərbiyəsi işinə töhfə verilməsi, səmti müəyyən etmə idman növü üzrə milli yığma komanda üçün ehtiyatların formalaşdırılmasıdır.xeber100.com

Həndbol Federasiyasının məlumatı

Azərbaycanın qadınlardan ibarət “Nur” həndbol komandası Avropa Həndbol Federasiyası (EHF) kuboku uğrunda ilk oyununu keçirib.Azərbaycan Həndbol Federasiyasından Azərtac-a bildirilib ki, son ölkə çempionu Mingəçevirdə “Kür” Olimpiya Tədris-İdman Mərkəzində İsveçin “Luqi HK” komandası ilə üz-üzə gəlib. Gərgin və maraqlı idman mübarizəsi şəraitində keçən oyun 24:24 hesablı heç-heçə ilə yekunlaşıb.Matça rəqib komanda üstün başlayıb. Lakin təşəbbüsü ələ alan Mingəçevir təmsilçisi hesab arasındakı fərqi azaldıb. Buna baxmayaraq, isveçli həndbolçular ilk hissədə minimal hesabla qalib gəliblər - 11:10. Görüşün ikinci hissəsində komandamız əzmkar oyun nümayiş etdirib. “Nur” kollektivi qarşılaşmanın ikinci setində güclü rəqibini 14:13 hesabı ilə məğlub etməyi bacarıb.Görüşü ukraynalı hakimlər briqadası - Marina Dupli və Olena Kaverina idarə edib. EHF nümayəndəsi isə ruminiyalı Horatu Kristian Belu olub.Komandalar arasında cavab oyunu sentyabrın 17-də Mingəçevirdə “Kür” Olimpiya Tədris-İdman Mərkəzində keçiriləcək.xeber100.com

Döyüş növləri üzrə V Asiya Oyunlarına start verilib

Sentyabrın 17-də Türkmənistanın paytaxtı Aşqabadda qapalı məkanlarda və döyüş növləri üzrə V Asiya Oyunlarına start verilib. Azərtac xəbər verir ki, Oyunlarda Asiya (45) və Okeaniya (19) ölkələrini təmsil edən 65 komanda, habelə qapalı məkanlarda və döyüş növləri üzrə Asiya Oyunları tarixində ilk dəfə Asiya Olimpiya Şurasının bayrağı altında çıxış edən qaçqınlar komandası mübarizə aparır. “Aşqabad-2017”də 6 min atlet 21 idman növü üzrə yarışacaq. Yarışların keçiriləcəyi 12 gün ərzində 347 mükafatlandırma mərasimi olacaq və atletlər 1844 medal uğrunda mübarizə aparırlar.Oyunlar 1,5 kvadratkilometr ərazini əhatə edən Aşqabad Olimpiya Şəhərciyində yerləşən 15 obyektdə, o cümlədən müasir standartlara cavab verən 13 yeni ultramüasir və əsaslı şəkildə yenidən qurulmuş 2 qurğuda keçirilir. Yarışın ilk günündə idmançılar futzal, tennis və muay-tay yarışlarında güclərini sınayırlar.Oyunların açılış mərasimi bu gün 45 min tamaşaçı tutumu olan Aşqabad Olimpiya Stadionunda keçiriləcək.xeber100.com

“Mercedes-Benz Fashion Week” dəb həftəsi çərçivəsində

İstanbulda keçirilən “Mercedes-Benz Fashion Week” dəb həftəsi çərçivəsində azərbaycanlı modelyer Rüfət İsmayılın “Naz by Rufat Ismayil” moda evinin geyim kolleksiyası nümayiş edilib.Azərtac xəbər verir ki, “Fusion” adlı kolleksiyada 2018-ci ilin yaz-yay mövsümünün geyimləri nümayiş etdirilib. “Naz by Rufat Ismayil” moda evinin qadın geyimləri kolleksiyası 1800-cü illərin obrazlarından ilhamlansa da, buraya müasir çalarlar əlavə edilib.Moda nümayişində Türkiyənin tanınmış modelləri – Çağla Şikel, Özge Ulusoy, Şebnem Şefferlə yanaşı, qardaş ölkədə yaşayan və fəaliyyət göstərən azərbaycanlı model Günay Musayeva da iştirak edib.“Naz by Rufat Ismayil” moda evinin kişi geyimləri kolleksiyasını isə kikboks üzrə dünya çempionu Avatar Atakan təqdim edib.“Naz” moda evi azərbaycanlı dizayner Fəridə Məmmədova tərəfindən təqdim olunub. Onun əsas məqsədi azərbaycanlı dizaynerlərin işini dünyaya tanıtmaq və yüksək moda sahəsinə töhfələr verməkdir.Qeyd edək ki, “Mercedes-Benz Fashion Week” hər il müxtəlif ölkələrdə keçirilir. Dəb həftəsi Rusiya, Almaniya, ABŞ, Türkiyə, Avstraliya və digər ölkələrdə təşkil olunub.xeber100.com

“Qarabağ” – “Roma” matçına bilet satışı davam edir

Ağdamın “Qarabağ” futbol klubunun UEFA Çempionlar Liqasının qrup mərhələsinin ilk ev oyununda qarşılaşacağı “Roma” ilə matça bilet satışı davam edir.Azərtac klubun saytına istinadla xəbər verir ki, bu qarşılaşmaya satılan biletlərin sayı artıq 40 minə çatıb.Azarkeşlər biletləri “ASAN xidmət” mərkəzlərindən, Heydər Əliyev Sarayının kassasından, “28 Mall”, “Gənclik Mall”, “Park Bulvar” ticarət mərkəzlərindən, “Azərbaycan”, “Nizami” kinoteatrlarının yaxınlığından və Üzeyir Hacıbəyov küçəsi 69x ünvanından ala bilərlər. Eyni zamanda, biletləri “iTicket.az” saytından onlayn əldə etmək də mümkündür. Biletləri əldə edərkən şəxsiyyət vəsiqəsi təqdim olunmalıdır.Qeyd edək ki, “Qarabağ” - “Roma” matçı sentyabrın 27-si saat 20:00-da start götürəcək.xeber100.com

Basketbol üzrə 40-cı Avropa çempionatında

Basketbol üzrə 40-cı Avropa çempionatının ikinci finalçısı Serbiya yığma komandası olub.Azərtac xəbər verir ki, İstanbuldakı Sinan Erdem arenasında keçirilən yarımfinal mərhələsinin sonuncu oyununda Rusiya milli komandasını 87:79 hesabı ilə məğlub edən Serbiya basketbolçuları finala vəsiqə qazanıblar.Oyunun əvvəlindən təşəbbüsü ələ alan serbiyalılar birinci və ikinci periodları müvafiq olaraq 25:20 və 23:14 hesabı ilə öz xeyirlərinə başa vurublar. Rusiya millisi oyunun ikinci yarısında dönüş yaradaraq üçüncü və dördüncü periodlarda qalib gəliblər – 23:18 və 22:21. Lakin bu, rusiyalılar ümumi hesabda irəli çıxmalarına kifayət etməyib və yekunda 87:79 hesabı ilə qalib gələn Serbiya yığma komandası finala vəsiqəni təmin edib.Rusiya millisinin heyətində Aleksey Şved 33 xal və 2 ribaund ilə matçın ən məhsuldar basketbolçusu seçilib. Serbiyalıların heyətində isə Boqdan Boqdanoviç 24 xal və 3 ribaundla komandasının ən yaxşısı olub.Beləliklə, “Eurobasket 2017”nin qızıl medalları uğrunda həlledici görüşdə Serbiya yığmasının rəqibi yarımfinalda İspaniya millisini məğlub edən Sloveniya millisi olacaq. Rusiya basketbolçuları isə üçüncü yer uğrunda görüşdə ispaniyalılarla üz-üzə gələcəklər.Üçüncü yer uğrunda görüş və final matçı sentyabrın 17-də keçiriləcək. Hər iki qarşılaşma İstanbuldakı Sinan Erdem arenasında oynanılacaq.Dörd ölkənin – Finlandiya, İsrail, Rumıniya və Türkiyənin ev sahibliyi ilə keçirilən basketbol üzrə 40-cı Avropa çempionatında dörd qrupda 24 komanda mübarizəyə qoşulmuşdu.xeber100.com

Cüdo üzrə Avropa çempionatına start verilib

Sloveniyanın Maribor şəhərində gənclər arasında cüdo üzrə Avropa çempionatına start verilib.Azərbaycan Cüdo Federasiyasından Azərtac-a bildiriblər ki, yarışın birinci günündə Azərbaycan milli komandasının 13 üzvü tatami üzərinə çıxıb. Yığmamız böyük uğur qazanaraq aktivinə altı medal yazdırıb.Ölkəmizi təmsil edən Kəramət Hüseynov (60 kq) və Hidayət Heydərov (73 kq) bütün rəqiblərinə qalib gələrək Avropa çempionatının qızıl medalına sahib olublar.Rəşxan Baxışəliyev (55 kq) və Murad Fətiyev (73 kq) yalnız finalda uduzaraq gümüş medalla kifayətlənməli olublar.Xanım cüdoçularımızdan Gültac Məmmədəliyeva (48 kq) və Nəzakət Əzizova (52 kq) isə çempionatın bürünc medallarına layiq görülüblər.Bununla da, Avropa çempionatının birinci günündə 2 qızıl, 2 gümüş və 2 bürünc medal qazanan millimiz mötəbər turnirin ilk pilləsində qərarlaşıb.Qeyd edək ki, 41 ölkədən 402 idmançının mübarizə apardığı turnirdə Azərbaycan milli komandası 10 oğlan və 6 qız cüdoçu ilə təmsil olunur.xeber100.com

“AppLab” proqramının iştirakçıları üçün treninq təşkil edilib

Azərbaycanın ilk mobil operatoru və aparıcı mobil internet provayderi “Bakcell” şirkəti “AppLab” proqramının iştirakçıları olan developerlər üçün ikinci treninq təşkil edib.Şirkətdən Azərtac-a bildirilib ki, “İnvestorlarla əlaqələrin inkişaf etdirilməsi üzrə intensiv təlim” (Investor Relationship Development intensive) adlı treninqdə startaplarla investorlar arasındakı münasibətlərin qurulması və inkişaf etdirilməsinin bütün aspektləri əhatə olunub."Bakcell” şirkəti developerlər üçün qarşıda gələn aylarda da piçinq, blokçeyn (blockchain) texnologiyası, layihə idarəetməsi və sair mövzularda treninqlər təşkil edəcək.“AppLab” regional səviyyədə ideyaların, mobil tətbiqlərin və texnologiyaların pilot variantından istifadəyə tam hazır məhsul variantınadək çatdırılmasında seçilmiş developerlərə kömək etmək üçün nəzərdə tutulan sürətləndirilmiş icra moduludur.xeber100.com