2016/2017 mövsümünün ən yaxşı klubu…

Madridin “Real” futbol klubu Avropa Klubları Assosiasiyası (ECA) tərəfindən 2016/2017 mövsümünün ən yaxşı klubu seçilib.Azərtac klubun rəsmi saytına istinadla bildirir ki, bununla da “Real” ardıcıl iki il olaraq qitənin ən yaxşısı seçilir.Kral klubunun oyunçuları ötən mövsüm Çempionlar Liqası, Avropa Superkuboku və İspaniya çempionatının qalibi olublar.xeber100.com

Güləş üzrə dünya çempionatı davam edir

Yunanıstanın paytaxtı Afinada yeniyetmə güləşçilərin dünya çempionatı davam edir.Azərtac xəbər verir ki, ilk yarış günündə yunan-Roma güləşi üzrə 50, 54, 58, 63 və 100 kiloqram çəki dərəcələrində pəhləvanlar mübarizə aparıblar.Mundialda 50 kiloqram çəkidə yarışan Zaur Əliyev ardıcıl olaraq Macarıstan və İsveç güləşçilərini məğlub edib. Yarımfinalda Ermənistan təmsilçisinə də heç bir şans verməyən güləşçimiz finala yüksəlib. Həlledici görüşdə güləşçimizin rəqibi Yaponiya idmançısı olacaq.Zaur Əliyev bir ay bundan əvvəl 46 kiloqram çəkidə yeniyetmələrin Avropa çempionu adını qazanıb.Turnirdə 63 kiloqram çəkidə mübarizə aparan Ruslan Hədisov ilk görüşdə iranlı güləşçiyə məğlub olub. Rəqibin finala yüksəlməsi ilə güləşçimiz təsəlliverici görüşdə iştirak hüququ qazanıb. Güləşçimiz bu mərhələdə qazaxıstanlı idmançı ilə üz-üzə gələcək.Qeyd edək ki, bürünc və qızıl medal uğrunda görüşlər bu gün keçiriləcək.xeber100.com

“Zirə” daha bir futbolçu ilə heyətini gücləndirib

Azərbaycan Premyer Liqasının yeni mövsümünə uğurlu başlayan “Zirə” daha bir futbolçu ilə heyətini gücləndirib.Azərtac kluba istinadla xəbər verir ki, Sadio Tounkara bu gündən “qartallar”ın düşərgəsinə qoşulub. İyirmi beş yaşlı futbolçu ilə ikiillik müqavilə imzalanıb.Sadio Tounkara azərbaycanlı futbolsevərlərə tanış simadır. Belə ki, malili yarımmüdafiəçi daha öncə ölkəmizdə “Xəzər-Lənkəran” və AZAL klublarının şərəfini qoruyub. Tounkara Azərbaycan və Mali ilə yanaşı, Kipr çempionatında da çıxış edib.xeber100.com

Polo üzrə dünya kuboku yarışına hazırlıqlar davam edir

Azərbaycan Respublikası Atçılıq Federasiyasının (ARAF) və “World Polo” MMC-nin təşkilatçılığı ilə sentyabrın 8-10-da Bakıda FİP arena polo üzrə dünya kuboku yarışları keçiriləcək.Azərtac xəbər verir ki, Binə qəsəbəsindəki “Elite Horse and Polo Club”da təşkil olunacaq arena polo üzrə növbəti dünya kubokunda ölkəmizi təmsil edəcək “Elite Horse and Polo Club” komandası yarışın hazırlıqlarını davam etdirir. Komandamızın heyətində Elçin Camallı (kapitan), Rəşad Həsənov, Əli Rzayev, Amil Namazov və Tərlan Qurbanəliyev yer alacaqlar.Azərbaycan komandası yarışın hazırlıqlarına üç ay əvvəl başlayıb. ARAF-ın baş katibi Bəhruz Nəbiyev komandamızın beynəlxalq turnirə ciddi hazırlaşdıqlarını və artıq püşkün atıldığını qeyd edib.Qeyd edək ki, beynəlxalq yarış sentyabrın 8-də başlayacaq və üç gün davam edəcək. Açılış oyununda komandamızın rəqibi ABŞ-ın “Grand Champions Polo Club” komandası olacaq. Bundan bir gün əvvəl isə “JW Marriott Absheron” otelində yarışla bağlı mətbuat konfransı və komandaların təqdimatı təşkil ediləcək.xeber100.com

Avropa zonası üzrə seçmə mərhələnin VIII turuna start verilib

Sentyabrın 3-də 2018-ci ildə Rusiyada keçiriləcək dünya futbol çempionatının Avropa zonası üzrə seçmə mərhələsinin yeddinci turunun oyunlarına start verilib.Azərtac xəbər verir ki, gün ərzində “A”, “B” və “H” qruplarında yer alan komandalar üz-üzə gəliblər.“A” qrupunda Belarus yığması doğma meydanda İsveç millisinə 0:4 hesabı ilə məğlub olub. Niderland komandası isə ev oyununda Bolqarıstandan üstün olub – 3:1. Qrupun digər oyununda isə Fransa millisi Lüksemburq yığmasının müqavimətini qıra bilməyib - 0:0.“B” qrupunda keçirdiyi yeddi görüşün hamısında qələbə qazanan İsveçrə yığma komandası səfərdə Latviya millisinin qapısından üç cavabsız top keçirib.Qrupun ikincisi Portuqaliya millisi isə səfərdə Macarıstan yığmasına minimal hesabla qalib gəlib. Digər oyunda isə Farer adaları yığması Andorranı eyni hesabla məğlub edib – 1:0.“H” qrupunda da maraqlı qarşılaşmalar oynanılıb. Belə ki, qrupun ikincisi Yunanıstan yığması lider Belçika komandasını qəbul edib. Gərgin idman mübarizəsi şəraitində keçən oyunda qonaqlar üstün olublar - 1:2.Digər oyunda isə Estoniya yığması doğma meydanda son saniyələrdə vurduğu qolla Kipri məğlubiyyətə uğradıb – 1:0.Qrupun üçüncüsü Bosniya və Herseqovina seçməsi isə səfərdə Cəbəllütariq millisini darmadağın edib - 4:0.Qeyd edək ki, seçmə mərhələnin “C” qrupunda yer alan Azərbaycan millisi səkkizinci tur çərçivəsində sentyabrın 4-də Bakıda San-Marino yığmasını qəbul edəcək.xeber100.com

Cüdo üzrə dünya çempionatında

Macarıstanın paytaxtı Budapeştdə cüdo üzrə dünya çempionatında uğurla çıxış etmiş idmançılarımız sentyabrın 4-də Vətənə qayıdıblar. Azərtac xəbər verir ki, mötəbər yarışda 2 gümüş, 2 bürünc medal qazanan millimizin üzvlərini Heydər Əliyev Beynəlxalq Aeroportunda Azərbaycan Cüdo Federasiyasının rəsmiləri, idman ictimaiyyətinin nümayəndələri, jurnalistlər və idmançıların ailə üzvləri qarşılayıblar. Xatırladaq ki, dünya çempionatında Orxan Səfərov (60 kq), Rüstəm Orucov (73 kq) gümüş, Elmar Qasımov (100 kq) və İrina Kindzerska (78 kq-dan yuxarı) bürünc medal qazanıblar.xeber100.com

Azərbaycan millisi San-Marino yığmasını qəbul edəcək

2018-ci ildə Rusiyada təşkil olunacaq futbol üzrə dünya çempionatının seçmə mərhələsi çərçivəsində bu gün Azərbaycan millisi San-Marino yığmasını qəbul edəcək.Azərtac xəbər verir ki, oyunu monteneqrolu hakimlər briqadası idarə edəcək. Matçın baş hakimi Nikola Dabanovic olacaq. Ona həmyerliləri Milutin Djukic və Jovica Tatar kömək edəcəklər. Dördüncü hakim funksiyasını isə Pavle Radovanovic yerinə yetirəcək.Qarşılaşmanın hakim-inspektoru danimarkalı Kaj Ostergaard, komissar isə qazaxıstanlı Oljas Abrayev olacaq.Azərbaycan-San-Marino oyunu "Bakcell Arena"da saat 20:00-da başlayacaq.Qeyd edək ki, millimizin yer aldığı "C" qrupunda Almaniya 21 xalla vahid liderdir. Şimali İrlandiya 16 xalla ikinci, Çexiya 9 xalla üçüncü, Norveç 7 xalla dördüncü, Azərbaycan yığması 7 xalla beşinci, hesabında xal olmayan San-Marino isə sonuncu pillədə qərarlaşıb.xeber100.com

Hidrometeorologiya Departamentinin məlumatı

Sentyabrın 4-də Bakıda və Abşeron yarımadasında hava yağmursuz keçəcək. Arabir güclənən şimal-qərb küləyi gündüz mülayimləşəcək. Havanın temperaturunun gecə 21-24° isti, gündüz 28-33° isti olacağı gözlənilir.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Naxçıvan Muxtar Respublikasında hava əsasən yağmursuz olacaq, şərq küləyi arabir güclənəcək. Havanın temperaturunun gecə 17-22° isti, gündüz 34-39° isti olacağı gözlənilir.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında hava əsasən yağmursuz keçəcək. Səhər bəzi yerlərdə duman olacaq. Şərq küləyi ayrı-ayrı yerlərdə arabir güclənəcək. Havanın temperaturunun gecə 13-18° isti, gündüz 22-27° isti olacağı gözlənilir.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında hava əsasən yağmursuz olacaq. Şərq küləyi ayrı-ayrı yerlərdə arabir güclənəcək. Havanın temperaturunun gecə 18-23° isti, gündüz 31-36° isti olacağı gözlənilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında hava əsasən yağmursuz keçəcək. Səhər bəzi yerlərdə duman olacaq. Şərq küləyi ayrı-ayrı yerlərdə arabir güclənəcək. Havanın temperaturunun gecə 16-21° isti, gündüz 29-34° isti, dağlarda gecə 9-14° isti, gündüz 21-26° isti olacağı gözlənilir.Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava əsasən yağmursuz keçəcək. Şərq küləyi ayrı-ayrı yerlərdə arabir güclənəcək. Havanın temperaturunun gecə 18-23° isti, gündüz 32-37° isti olacağı gözlənilir.Masallı, Yardımlı, Lerik, Lənkəran, Astara rayonlarında havanın əsasən yağmursuz keçəcəyi gözlənilir. Səhər dağlarda duman olacaq. Şimal-şərq küləyi əsəcək. Havanın temperaturunun gecə 22-24° isti, gündüz 29-34° isti, dağlarda gecə 13-18° isti, gündüz 24-29° isti olacağı gözlənilir.xeber100.com

Dünya çempionatında Azərbaycan millisinin ilk medalı rəsmiləşib

Almaniyanın Hamburq şəhərində kişi boksçular arasında keçirilən dünya çempionatında Azərbaycan millisinin ilk medalı rəsmiləşib.Azərbaycan Boks Federasiyasından Azərtac-a bildirilib ki, ölkəmizə mükafatı 75 kiloqram çəki dərəcəsində yarışan Kamran Şahsurvalı qazandırıb.İki gün öncə yarımfinalda uduzan Olimpiya mükafatçımızın 3-cü yer tutacağı həmin vaxt dəqiqləşsə də, yalnız finaldan sonra rəsmiləşib. Belə ki, həlledici qarşılaşma yekunlaşdıqdan sonra həm qızıl və gümüş mükafatın sahibi bəlli olub, həm də bürünc qazananların medalı onların hesabına yazılıb.Boksçumuza mükafatı təqdim edənlər arasında Vladimir Kliçko da olub.Qeyd edək ki, 75 kiloqram çəki dərəcəsində çempion adına ukraynalı Aleksandr Xijniyak layiq görülüb. O, finalda qazaxıstanlı Abilxan Amankula qalib gəlib. Digər bürünc medalı isə Troy İsley (ABŞ) qazanıb.xeber100.com

UEFA zonası üzrə növbəti oyunlar keçirilib

DÇ-2018-in seçmə mərhələsinin UEFA zonası üzrə növbəti oyunlar keçirilib.Azərtac xəbər verir ki, daha 3 qrupda VII turun qarşılaşmaları baş tutub. Qarşılaşmalar D, G və İ qruplarını əhatə edib.Mərkəzi görüş G qrupunda İspaniya və İtaliya yığmaları arasında təşkil olunub. Görüş meydan sahiblərinin böyük hesablı qələbəsi ilə yekunlaşıb - 3:0. İ qrupunda Ukrayna Türkiyənin qapısından 2 cavabsız top keçirib. "Qarabağ"ın futbolçusu Ansi Aqolli isə kapitanı olduğu Albaniya millisinin Lixtenşteynə qalib gəldiyi görüşdə 2-ci qolun müəllifi olub.Baş tutmayan yeganə görüş isə Xorvatiya və Kosovo yığmaları arasında olub. Oyun güclü yağış səbəbindən 27-ci dəqiqədə dayandırılıb. Matç bu gün dayandırıldığı dəqiqədən davam etdiriləcək. DÇ-2018, seçmə mərhələ: VII tur, 2 sentyabr D qrupu Gürcüstan – İrlandiya - 1:1 Serbiya – Moldova - 3:0 Uels – Avstriya - 1:0 G qrupu Albaniya – Lixtenşteyn - 2:0 İspaniya – İtaliya - 3:0 İsrail – Makedoniya - 0:1 İ qrupu Finlandiya – İslandiya - 1:0 Ukrayna – Türkiyə - 2:0 Xorvatiya – Kosovo - 0:0 (Oyun 27-ci dəqiqədə əlverişsiz hava şəraiti səbəbindən dayandırılıb)xeber100.com