“Qəbələ”-“Panatinaikos” oyununun ilk hissəsi 0:0 hesabı ilə başa çatıb

“Qəbələ” klubu UEFA Avropa Liqasının üçüncü təsnifat mərhələsinin cavab matçında Yunanıstanın “Panatinaikos” komandası ilə “Bakcell Arena”da qarşılaşıb.Azərtac xəbər verir ki, İngiltərədən olan hakimlər briqadasının idarə etdiyi “Qəbələ”-“Panatinaikos” oyununun ilk hissəsi hər iki komandanın cəhdlərinə baxmayaraq, 0:0 hesabı ilə başa çatıb. Birinci hissənin 18-ci dəqiqəsində “Qəbələ”nin heyətində İlqar Qurbanovun təhlükəli cərimə zərbəsini rəqib qapıçı dəf edib. Görüşün 43-cü dəqiqəsində komandamızın heyətində Deyvi Bultyuz, iki dəqiqə sonra isə Dion Malone real qol imkanları əldə etsələr də bundan yararlana bilməyiblər.İkinci hissədə daha fəal başlayan “Qəbələ” klubu “Panatinaikos” ilə oyunda hesabı açıb. Topu 53-cü dəqiqədə komandamızın üzvü Steven Jozef-Monrozun ötürməsindən sonra Yunanıstan təmsilçisinin futbolçusu Rodriqo Moledo öz qapısından keçirib - 1:0. Bundan 10 dəqiqə sonra oyunda hesab bərabərləşib. Yunanıstan komandasının heyətində yarımmüdafiəçi Robin Lod fərqlənib - 1:1. Altmış altıncı dəqiqədə “Panatinaikos” “Qəbələ” ilə oyunda hesabda irəli çıxıb - Yunanıstan klubunda sonradan meydana çıxan Braian Kabazes hesabı artırıb-1:2. Görüş bu hesabla başa çatıb.Komandalar arasında bir həftə əvvəl Afinada təşkil olunmuş ilk matç 1:0 hesabı ilə rəqibin xeyrinə yekunlaşdığından Yunanıstan təmsilçisi iki oyunun nəticəsinə görə “Qəbələ” klubundan 3:1 hesabı ilə üstün olaraq, Avroliqanın pley-off mərhələsinə yüksəlib. Beləliklə, “Qəbələ” klubu Avrokuboklarda mübarizəni dayandırıb.Xatırladaq ki, Azərbaycan çempionatının gümüş mükafatçısı ikinci təsnifat mərhələsində Polşanın “Yagelloniya” klubunu mübarizədən kənarlaşdırmışdı.xeber100.com

Həndbol Federasiyasının məlumatına görə…

Avqustun 18-20-də Bakıda Avropa Həndbol Federasiyası (EHF) və Azərbaycan Həndbol Federasiyasının (AHF) təşkilatçılığı ilə çimərlik həndboluna dair seminar keçiriləcək.AHF-dən Azərtac-a verilən məlumata görə, tədbirdə EHF-in nümayəndəsi Tamas Neukum çıxıç edəcək, çimərlik həndbolu və onun inkişafı haqqında iştirakçılara məlumat verəcək. Bununla yanaşı, Azərbaycanda çimərlik həndbolu ilə tanışlıq, həmin idman növünün hazırkı vəziyyəti, tətbiq ediləcək yeni qaydalarla bağlı fikir mübadiləsi aparılacaq.Qeyd edək ki, seminar çimərlik həndbolu üzrə ikinci ölkə çempionatı ilə eyni vaxtda baş tutacaq.xeber100.com

Voleybol üzrə Avropa çempionatına hazırlıq davam edir

Voleybol üzrə qadınlardan ibarət Azərbaycan yığma komandası Avropa çempionatına hazırlığı davam etdirir.Azərtac xəbər verir ki, Faiq Qarayevin yetirmələri təlim-məşq toplanışının növbəti mərhələsini Sloveniyada keçəcək.Komandamız Maribor şəhərinə avqustun 4-də yollanacaq. Voleybolçularımız burada fiziki hazırlığı yekunlaşdırıb topla məşqlərə üstünlük verəcək. Millimizin Sloveniyada bir neçə yoxlama görüşü keçirməsi də planlaşdırılır.Təmsilçimiz daha sonra İtaliyaya gedəcək. Azərbaycan və Gürcüstanın birgə keçirəcəyi qitə çempionatına hazırlıq da məhz bu ölkədə başa çatacaq. Komandamız İtaliya millisi ilə keçirəcəyi yoxlama oyunundan sonra sentyabrda vətənə qayıdacaq.Xatırladaq ki, sentyabrın 22-dən oktyabrın 1-dək Azərbaycanda və Gürcüstanda qadın voleybol komandaları arasında Avropa çempionatı keçiriləcək.On altı ölkənin mübarizə aparacağı qadın voleybol komandaları arasında Avropa çempionatının oyunları Bakıda, Göygöldə və Tbilisidə keçiriləcək. Qarşılaşmalar Bakıda Milli Gimnastika Arenasında, Göygöldə isə Olimpiya İdman Kompleksində baş tutacaq.xeber100.com

Güləş üzrə dünya çempionatı davam edir

Finlandiyanın Tampere şəhərində güləş üzrə gənclər arasında dünya çempionatı davam edir.Dördüncü yarış günündə 48, 55, 63 və 72 kq çəki dərəcələrində gənc qızlar mübarizə aparırlar.Azərbaycan Güləş Federasiyasından Azərtac-a verilən məlumata görə, yığma komandamızın 2 üzvü yarışda iştirak edir. Ölkəmizi 48 kq çəki dərəcəsində Türkan Nəsirova və 55 kq çəki dərəcəsində Leyla Qurbanova təmsil edirlər.Türkanın ilk rəqibi 1/16 final mərhələsində Avstriya təmsilçisi Kim Marlies Gmeiner olacaq. Leyla isə 1/8 finalda koreyalı Eunyounq Parka qarşı mübarizə aparacaq.xeber100.com

“Qəbələ” klubu “Panatinaikos” komandası ilə cavab matçına çıxacaq

Bu gün “Qəbələ” klubu futbol üzrə UEFA Avropa Liqasının üçüncü təsnifat mərhələsinin cavab oyununa çıxacaq.Azərtac xəbər verir ki, bu mərhələ çərçivəsində Azərbaycan təmsilçisi Bakıda Yunanıstanın “Panatinaikos” klubunu qəbul edəcək.Matçı İngiltərədən olan hakimlər briqadası idarə edəcək. Görüşün baş hakimi Kreyq Pauson olacaq. Ona yan xətt hakimləri Li Betts və Adam Nunn (hər ikisi İngiltərədən) kömək edəcəklər. Dördüncü hakim funksiyasını isə Kevin Friend yerinə yetirəcək.“Bakcell Arena” stadionunda keçiriləcək qarşılaşma saat 21:00-da start götürəcək.Komandalar arasında iyulun 27-də Afinada təşkil olunmuş ilk oyun 1:0 hesabı ilə rəqibin xeyrinə başa çatıb.“Qırmızı-qaralar” iki görüşün nəticəsinə görə Yunanıstan təmsilçisindən üstün olsa, turnirin pley-off mərhələsinə yüksələcəklər.Xatırladaq ki, Azərbaycan çempionatının gümüş mükafatçısı ikinci təsnifat mərhələsində Polşanın “Yagelloniya” klubunu mübarizədən kənarlaşdırmışdı.xeber100.com

Atıcılıq üzrə Avropa çempionatının 14-cü günü start götürüb

Avqustun 3-də Bakıda keçirilən atıcılıq üzrə Avropa çempionatının 14-cü günü start götürüb.Azərtac xəbər verir ki, bu gün 50 metr məsafədən qaçan hədəfə atəşaçma üzrə qarışıq komanda yarışı keçirilir.Qeyd edək ki, iyulun 21-də başlayan Avropa çempionatına bu gün yekun vurulacaq.xeber100.com

“Qarabağ” komandasının rəqibi müəyyənləşib

Ağdamın “Qarabağ” komandasının UEFA Çempionlar Liqasının pley-off mərhələsində beş potensial rəqib məlum olub.Azərtac xəbər verir ki, komandamız pley-offda “Olimpiakos” (Yunanıstan), “Seltik” (Şotlandiya), “Kopenhagen” (Danimarka), APOEL (Kipr) və ya “Maribor”la (Slovaniya) qarşılaşacaq.Pley-off mərhələsinin püşkü avqustun 4-də İsveçrənin Nyon şəhərində Bakı vaxtı ilə saat 14:00-da atılacaq.Bu mərhələnin oyunları avqustun 15-16-da, cavab görüşləri isə 1 həftə sonra keçiriləcək.Xatırladaq ki, Ağdam təmsilçisi UEFA Çempionlar Liqasının üçüncü təsnifat mərhələsinin cavab matçında səfərdə Moldovanın “Şerif” klubunu 2:1 hesabı ilə məğlub edərək, turnirin pley-off mərhələsinə vəsiqə qazanıb.xeber100.com

“Beşiktaş” heyətinə yeni futbolçu cəlb edib

Son Türkiyə çempionu olan “Beşiktaş” heyətinə yeni futbolçu cəlb edib.Azərtac xəbər verir ki, İstanbul klubu “Valensiya” komandasının hücumçusu Alvaro Neqredonu transfer edib. 31 yaşlı ispaniyalı hücumçu ilə 2+1 illik müqavilə imzalanıb.“Qara qartallar” İspaniya millisinin üzvünün keçidi üçün İspaniya klubuna 2,5 milyon avro ödəyib. Təcrübəli futbolçu avqustun 4-də İstanbula gələcək və ictimaiyyətə təqdim olunacaq.Qeyd edək ki, karyerası boyunca “Real Madrid”, “Sevilla” və “Mançester City” kimi komandalarda forma geyən Neqredo 2014-cü ildən “Valensiya”nın heyətində çıxış edirdi. Hücumçu, son mövsümdə “Midlzbro”nun heyətində icarə əsasında çıxış edib və 36 oyuna 9 qol vurub.Xatırladaq ki, “Beşiktaş” bir müddət əvvəl “Real Madrid”in portuqaliyalı futbolçusu Pepeni də transfer edib.xeber100.com

Dünya çempionatında iştirak edəcək cüdoçuların heyəti açıqlanıb

Azərbaycan cüdo yığmasının məşqçi qərargahı avqustun 28-dən Budapeştdə başlanacaq dünya çempionatında iştirak edəcək idmançılarımızın adlarını açıqlayıb.Azərtac xəbər verir ki, komandaya 13 idmançı daxildir, özü də dörd çəki kateqoriyasında iki atletimiz təmsil olunacaq. Bu günə olan məlumata görə, çempionatda 39 ölkədən 782 cüdoçu iştirak etməyi planlaşdırır.Reqlamentə görə, əgər hər hansı ölkədən bütün çəki kateqoriyaları üzrə idmançılar iştirak edirsə, onda həmin ölkə bir neçə kateqoriyada iki idmançı ilə təmsil oluna bilər. Bizim yığmamıza gəldikdə, yalnız 81 kiloqramadək çəki kateqoriyasındakı yarışlar azərbaycanlı idmançıların iştirakı olmadan keçəcək, yerdə qalan digər yarışlarda atletlərimiz yüksək yerlər uğrunda mübarizə aparacaqlar.xeber100.com    

“Qarabağ” komandası “Şerif” klubuna 2:1 hesabı ilə qalib gəlib

Avqustun 1-də Ağdamın “Qarabağ” komandası səfər oyununda Moldovanın “Şerif” klubuna 2:1 hesabı ilə qalib gələrək Azərbaycan futbolu tarixində ilk dəfə olaraq UEFA Çempionlar Liqasının ”play-off” mərhələsinə vəsiqə qazanıb.Azərtac xəbər verir ki, oyuna fəal başlayan Moldova komandası bir neçə real qol imkanı yaratsa da, bundan yararlana bilməyib. Müdafiədə dəqiq oynayan “Qarabağ” qapısını toxunulmaz saxlayıb və tədricən təhlükəli əks-hücumlar təşkil edib. Matçın 39-cu dəqiqəsində Qara Qarayevin cərimə zərbəsi qapıdan bir qədər aralı keçib. Bundan dörd dəqiqə sonra Donald Qeryenin güclü zərbəsini rəqib komandanın qapıçısı çətinliklə dəf edib. Nəhayət, birinci hissəyə əlavə edilmiş dəqiqələrdə komandamızın hücumçusu Dino Ndlovu hesabı açıb.Oyunun 86-cı dəqiqəsində “Qarabağ” klubu hesab arasındakı fərqi artırıb. Rəqib komandanın qapısından ikinci topu Ansi Aqolinin gözəl ötürməsindən sonra yarımmüdafiəçi Miçel keçirib. “Şerif” təsəlli qolunu oyuna əlavə edilmiş dəqiqələrdə 11 metrlik cərimə zərbəsi ilə vurub. Oyun komandamızın xeyrinə başa çatıb və bu nəticə “Qarabağ”ın növbəti mərhələyə adlaması üçün kifayət edib (0:0;2:1).Bundan əvvəl üç dəfə Çempionlar Liqasının üçüncü təsnifat mərhələsinə yüksələn Qurban Qurbanovun yetirmələri növbəti cəhddə uğur qazanaraq Azərbaycan futbol həvəskarlarına böyük sevinc yaşadıb.Xatırladaq ki, turnirə ikinci təsnifat mərhələsindən qoşulan Azərbaycan çempionu Gürcüstanın "Samtredia" komandasını mübarizədən kənarlaşdırmışdı (5:0;1:0).xeber100.com