Konfederasiyalar Kuboku turnirində “B” qrupunun ikinci matçında…

İyunun 19-da futbol üzrə Konfederasiyalar Kuboku turnirində “B” qrupunun ikinci matçında Almaniya və Avstraliya milli komandaları qarşılaşıb.Azərtac xəbər verir ki, Soçi şəhərində keçirilən oyun Almaniya yığmasının 3:2 hesablı qələbəsi ilə başa çatıb. Almaniya yığmasının heyətində qolları oyunun 5-ci dəqiqəsində Lars Stindl, 45-ci dəqiqədə Yulian Draksler (penaltidən) və 48-ci dəqiqədə Leon Goreçka vurub. Avstraliya komandasının heyətində 41-ci dəqiqədə Tom Rogik, 56-cı dəqiqədə Tomi Juric fərqləniblər.Xatırladaq ki, iyunun 18-də Konfederasiyalar Kubokunun “B” qrupunun birinci oyununda Çili millisi Kamerun komandasına 2:0 hesabı ilə qalib gəlmişdi. Beləliklə, bu qrupda ilk turdan sonra hər birinin hesabında 3 xal olan Çili və Almaniya yığmaları birinci və ikinci yerləri bölüşürlər.İyunun 21-də “A” qrupunda növbəti oyun Moskvada Rusiya və Portuqaliya komandaları arasında olacaq. Görüş saat 19:00-da başlayacaq. Həmin qrupun digər matçında Meksika millisi Yeni Zelandiya ilə qarşılaşacaq. Soçidə keçiriləcək bu görüşə saat 22:00-da start veriləcək.Turnirə iyulun 2-də yekun vurulacaq.xeber100.com

Formula-1 Azərbaycan Qran-Prisi çərçivəsində

Yerli kosmetik vasitələrinin istehsalçısı “Gazelli Group” şirkəti bu il Bakıda keçiriləcək Formula-1 Azərbaycan Qran-Prisi çərçivəsində Bakı Marşal Klubuna dəstək göstərəcək.Azərtac xəbər verir ki, əldə olunan razılığa əsasən, “Gazelli Group” iyunun 23-25-də Bakıda baş tutacaq Azərbaycan Qran-Prisində fəaliyyət göstərəcək marşalları öz məhsulları ilə təmin edəcək.“Gazelli Group” şirkətinin ictimaiyyətlə əlaqələr şöbəsinin müdiri Yelena Eyvazlı ölkəmizdə keçirilən yarışa dəstək göstərməkdən böyük məmnunluq duyduqlarını bildirərək deyib: “Şirkətimiz Azərbaycanda keçirilən əksər ictimai, mədəni və idman tədbirlərinə hər zaman öz dəstəyini göstərir. Azərbaycan Qran-Prisinə də istehsal etdiyimiz məhsullarla töhfə verəcəyimizə görə olduqca şadıq. Biz növbəti illərdə də oxşar tədbirlərə dəstək verməkdə davam edəcəyik”.“Bakı Şəhər Halqası” Əməliyyat Şirkətinin idman əməliyyatları şöbəsinin direktoru və qurumun tərkibində fəaliyyət göstərən Bakı Marşal Klubunun rəhbəri Çingiz Mehdiyev göstərilən əməkdaşlığa görə təşəkkürünü bildirib: “Marşallar müxtəlif hava şəraitində təlim keçirək yarışa hazırlaşırlar. Xüsusən də uzun çəkən yarış sessiyaları zamanı əksər hallarda günəşdən qorunma vasitələrinə ehtiyac duyurlar. İnsan amili Bakı Marşal Klubunun başlıca dəyərlərindəndir. Biz bunu rəhbər tutaraq marşallarımız üçün hər zaman ən keyfiyyətli vasitələri seçirik. Bu il yarış zamanı marşallarımız “Gazelli Group” şirkətinin bizə təqdim etdiyi xüsusi kosmetik vasitələri istifadə edəcəklər. Biz də öz növbəmizdə göstərilən diqqətə və dəstəyə görə “Gazelli Group” şirkətinə dərin minnətdarlığımızı bildiririk”.xeber100.com

Konfederasiyalar Kubokunun ikinci günündə…

İyunun 18-də Rusiyada keçirilən Konfederasiyalar Kubokunun ikinci gününün son qarşılaşmasında Çili millisi Kamerun komandası ilə qarşılaşıb.Azərtac xəbər verir ki, Cənubi Amerika çempionunun üstünlüyü ilə keçən matçın birinci hissəsində hesab açılmayıb. İkinci hissədə də təşəbbüsü əldən verməyən Çili komandası görüşün sonlarında vurduğu qollarla rəqibini 2:0 hesabı ilə məğlubiyyətə uğradıb. Cənubi amerikalıların heyətində 81-ci dəqiqədə Arturo Vidal və 91-ci dəqiqədə Eduardo Varqas fərqləniblər.xeber100.com

Cüdo Federasiyasının məlumatı

Xorvatiyanın paytaxtı Zaqrebdə keçirilən veteran cüdoçular arasında Avropa çempionatının komanda yarışları millimiz üçün uğurlu olub.Azərbaycan Cüdo Federasiyasından Azərtac-a bildiriblər ki, 30-40 yaş kateqoriyası üzrə komanda yarışında mübarizə aparan millimiz bütün rəqiblərinə qalib gələrək Avropa çempionu adını qazanıb.Qeyd edək ki, fərdi yarışlarda veteran cüdoçularımız 4 qızıl, 4 gümüş və 2 bürünc medal qazanıblar.xeber100.com

2017/2018-ci il mövsümünün ilk püşkatma mərasimi olacaq

Bu gün UEFA-nın qərargahında futbol üzrə Çempionlar Liqasında 2017/2018-ci il mövsümünün ilk püşkatma mərasimi olacaq.Azərtac xəbər verir ki, mərasim Bakı vaxtı ilə saat 14:00-da başlayacaq.Qitənin ən nüfuzlu klub turnirində ölkəmizi “Qarabağ” təmsil edəcək. Azərbaycan çempionu yarışa ikinci təsnifat mərhələsindən qoşulacaq və klubumuz səpələnmişlər sırasında yer alacaq.Çempionumuzun mübarizəyə başlayacağı ikinci təsnifat mərhələsində 34 klub qüvvəsini sınayacaq. Püşkdə 29 komanda və birinci təsnifat mərhələsinin 5 cütü hərəsində 17 iştirakçı olmaqla iki səbətə bölünəcək.xeber100.com

“Qarabağ” futbol klubu ilk yoxlama oyununu keçirəcək

Avstriyada yeni mövsümə hazırlığını davam etdirən Ağdamın “Qarabağ” futbol klubu iyunun 20-də ilk yoxlama oyununu keçirəcək.Azərtac kluba istinadla xəbər verir ki, Ağdam təmsilçisi Rusiyanın “Axmat” klubu ilə qarşılaşacaq.Kössen qəsəbəsində baş tutacaq qarşılaşma yerli vaxtla saat 17:00-da start götürəcək.Qeyd edək ki, bir müddət öncə “Terek” klubu adını dəyişdirərək “Axmat” olub.xeber100.com

“İnter” sonuncu yoxlama matçına çıxıb

Bakının “İnter” futbol komandası Türkiyədə sonuncu yoxlama matçına çıxıb.Azərtac xəbər verir ki, Rumıniyanın “Viitorul Konstanța” komandası ilə keçirilən matç 2:1 hesabı ilə Bakı təmsilçisinin xeyrinə başa çatıb.“İnter”in heyətində Rauf Əliyev və Samir Zərgərov fərqləniblər.Hazırlıq prosesi çərçivəsində iki yoxlama oyunu keçirmiş “İnter” Kamerun klubu “Columbe Sportive”yə 1:0 hesabı ilə qalib gəlib, “Zirə”yə isə 0:2 hesabı ilə məğlub olub.Toplanışı başa vuran “İnter” bu gün Bakıya qayıdacaq.xeber100.com

Azərbaycan millisinin ilk rəqibi müəyyənləşib

Boks üzrə Avropa çempionatında Azərbaycan millisinin daha 4 üzvünün ilk rəqibi müəyyənləşib.Azərtaac xəbər verir ki, 52 kiloqram çəki dərəcəsində ölkəmizin idman şərəfini qoruyacaq Elvin Məmişzadə 1/8 finalda Manuel Fabritsio Kappai (İtaliya) ilə üz-üzə gələcək.Dünya çempionumuzun rəqibinin adı yarışın ikinci günü məlum olub. 1/16 finalda macarıstanlı İstvan Şakanı 4:1 hesabı ilə məğlub edən italiyalı mərhələ adladığından 1/8 finalda Elvin Məmişzadə ilə qarşılaşacaq. İlk mərhələdən azad olan E. Məmişzadə Kappai ilə iyunun 19-da döyüşəcək.Ukraynanın Xarkov şəhərində keçirilən qitə birinciliyində 56 kiloqram çəki dərəcəsində rinqə çıxacaq Tayfur Əliyev debütdə İrlandiya təmsilçisi Antoni Ceyms Uolkerlə gücünü yoxlayacaq. Təmsilçimizin rəqibi 1/16 finalda gürcüstanlı Severlan Çiladzeyə qalib gəlib – 5:0. Əliyevlə Uolkerin döyüşü iyunun 20-də baş tutacaq.69 kq çəki dərəcəsində mübarizə aparacaq Pərviz Bağırov 1/8 finalda Bolqarıstan boksçusu Simyon Çamov ilə qüvvəsini sınayacaq. Həmyerlimizin rəqibinin adına 1/16 final döyüşündən sonra aydınlıq gəlib. 5:0 hesablı qələbə sayəsində belçikalı Anas Messaudini mübarizədən kənarlaşdıran bolqarıstanlı ilk mərhələdən azad olan P.Bağırovla qarşılaşmaq hüququ əldə edib. P.Bağırovun ilk görüşü iyunun 19-da olacaq.Abdulqadir Abdullayev (91 kq) isə startda şotlandiyalı Şott Antoni Forresti sınağa çəkəcək. Bu boksçu 1/16 finalda serbiyalı Zoran Radiçi 5:0 hesabı ilə məğlub edib. Təmsilçimizin şotlandiyalı ilə qarşılaşması iyunun 20-də keçiriləcək.xeber100.com

Həndbolçuların ikinci çempionatında növbəti oyun keçirilib

Bolqarıstanda inkişaf etməkdə olan ölkələr arasında kişi həndbolçuların ikinci çempionatında Azərbaycan millisi növbəti oyununu keçirib.Azərbaycan Həndbol Federasiyasından Azərtac-a bildirilib ki, iyunun 17-də İrlandiya yığması ilə qarşılaşan həndbolçularımız 41:33 hesabı ilə qalib gəliblər.xeber100.com

Futtenis üzrə açılış mərasimi keçirilib

İyunun 17-də Daxili İşlər Nazirliyinin “Dinamo” İdman Cəmiyyətinin zalında futtenis üzrə birinci Azərbaycan kubokunun açılış mərasimi keçirilib.Azərtac xəbər verir ki, mərasimdə Azərbaycan Futnet Assosiasiyasının (AFNA) birinci vitse-prezidenti Samir Məmmədov, Gənclər və İdman Nazirliyinin nümayəndəsi Aydın Məmmədov yarışda iştirak edən komandalara uğurlar arzulayıblar.Azərbaycanda idmanın inkişafı və beynəlxalq yarışların ölkəmizdə keçirilməsi xüsusi olaraq vurğulanıb.Ölkə kuboku yarışlarında komandalar iki qrupda mübarizə aparırlar. Qruplarda ilk 4 yeri tutan kollektivlər dörddəbir final mərhələsinə vəsiqə əldə edəcəklər.Yarışın final qarşılaşmaları iyunun 18-də keçiriləcək.Qalib komandalar AFNA tərəfindən kubok, diplom və medalla təltif ediləcəklər.xeber100.com