“Fight Night Global 71” turniri çərçivəsində…

Azərbaycanın və “Qəbələ” idman klubunun döyüşçüsü Nəriman Abbasov bu gün növbəti sınağına çıxacaq.Azərtac xəbər verir ki, idmançımız MMA üzrə “Fight Night Global 71” turniri çərçivəsində qüvvəsini sınayacaq.N.Abbasov Moskvada keçiriləcək turnirdə Dmitri Qorobetslə üz-üzə gələcək. Yüngül çəki dərəcəsində (70,3 kq) mübarizə aparacaq təmsilçimiz Rusiyanın Xabarovsk şəhərindən olan rəqibi ilə müqayisədə daha təcrübəlidir. İyirminci döyüşünə çıxacaq N.Abbasovun hesabında 16 qələbə və 3 məğlubiyyət var. Hesabında 2 qələbə olan Qorobets isə yalnız 3-cü döyüşünə çıxacaq.xeber100.com

Standart tapançadan atəşaçma yarışının qalibi müəyyən olub

Atıcılıq üzrə Avropa çempionatında kişilər arasında 25 metr məsafəyə standart tapançadan atəşaçma yarışının qalibi müəyyən olub.Azərtac xəbər verir ki, ukrayalı atıcı Pavlo Korostylov rəqiblərindən daha üstün olaraq 581 xalla fəxri kürsünün ən yüksək pilləsinə qalxıb.İkinci yerə 574 xalla almaniyalı Kristian Reitz, üçüncü yerə isə 573 xalla rusiyalı Aleksi Klımov çıxıb.Azərbaycan təmsilçisi Ruslan Lunyov yarışı 564 xalla yeddinci yerdə başa vurub.xeber100.com

Atıcılıq üzrə Avropa çempionatının doqquzuncu günündə…

İyulun 29-da Bakı Atıcılıq Mərkəzində keçirilən atıcılıq üzrə Avropa çempionatının doqquzuncu gününün yarışları başlayıb.Azərtac xəbər verir ki, çempionatın doqquzuncu gününə qadınlar arasında 300 metr məsafəyə tüfənglə atəş açma yarışı ilə start veriləcək. Günün digər yarışında isə kişilər (yeniyetmələr) 25 metr məsafəyə tapança ilə atəş açma yarışında güclərini sınayacaqlar.xeber100.com

“Kəpəz” futbol klubu yoxlama oyunu keçirəcək

Gəncənin “Kəpəz” futbol klubu yeni mövsümə hazırlığın son hissəsi çərçivəsində yoxlama oyunu keçirəcək.Azərtac xəbər verir ki, Bakıda məşqləri bərpa edən “sarı-göylər” avqustun 3-də 19 yaşadək futbolçulardan ibarət Azərbaycan yığma komandası ilə qarşılaşacaqlar.Oyun “Dalğa Arena”da saat 18:00-da başlayacaq.xeber100.com

Beynəlxalq şahmat turnirində dördüncü tura yekun vurulub

İyulun 27-də Azərbaycanın məşhur şahmatçısı, mərhum Vüqar Həşimovun xatirəsinə həsr olunan beynəlxalq şahmat turnirində dördüncü tura yekun vurulub.Azərtac xəbər verir ki, Vüqar Həşimov Akademiyasında keçirilən yarışda 8-10-12 yaşadək şahmatçılar birincilik uğrunda mübarizə aparırlar.Dördüncü turun görüşlərindən sonra Xəzər Babazadə və Ayan Allahverdiyeva 4 xalla 1-2-ci yerləri bölüşdürürlər. Üç zəka sahibinin hesabında 3,5, 13 şahmatçının isə 3 xalı var.Azərbaycan, Rusiya və Birləşmiş Ərəb Əmirliklərindən 74 şahmatçının iştirak etdiyi turnir İsveçrə sistemi üzrə 9 turdan ibarət keçirilir. Avqustun 1-dək davam edəcək yarışda Azərbaycan, dünya və Avropa birinciliklərinin mükafatçıları, beynəlxalq əmsalı 1700-dən yüksək olan şahmatçılar iştirak edirlər.Beynəlxalq turnirin reytinq favoriti Azərbaycan şahmatçısı Xəzər Babazadədir. Yarışın baş hakimi isə beynəlxalq dərəcəli hakim Nurəli Məmmədzadədir.xeber100.com

“Qəbələ” klubu “Panatinaikos” komandası ilə qarşılaşıb

İyulun 27-də “Qəbələ” klubu futbol üzrə UEFA Avropa Liqasının üçüncü təsnifat mərhələsində ilk oyununu keçirib.Azərtac xəbər verir ki, Afinadakı “Apostolos Nikolaidis” stadionunda Yunanıstanın “Panatinaikos” komandası ilə qarşılaşan “Qəbələ” 0:1 hesabı ilə məğlub olub.İspaniyalı referi Xuan Martines Munueranın idarə etdiyi oyunda yeganə qolu matçın 37-ci dəqiqəsində rəqib komandanın heyətində Gilyerme Molins 11 metrlik cərimə zərbəsindən vurub. Qalan dəqiqələrdə matçda qol olmayıb və oyun bu hesabla başa çatıb.Komandalar arasında cavab qarşılaşması bir həftə sonra Bakıda, “Bakcell Arena”da keçiriləcək.Xatırladaq ki, iki il əvvəl bu komandalar avroliqanın play-off mərhələsində üz-üzə gəliblər. Həmin mövsüm Roman Qriqorçukun baş məşqçisi olduğu kollektiv məhz səfərdə vurduğu qollar sayəsində tarixində ilk dəfə qrup mərhələsində oynamaq hüququ qazanmışdı - 0:0, 2:2.xeber100.com

“Fənərbağça” komandası “Şturm”u məğlubiyyətə uğradıb

İyulun 27-də UEFA Avropa Liqasının üçüncü təsnifat mərhələsinin ilk oyunları keçirilib. Gün ərzində ümumilikdə 29 qarşılaşma oynanılıb.Azərtac xəbər verir ki, Azərbaycan təmsilçisi “Qəbələ” səfərdə Yunanıstanın “Panationaikos” klubuna minimal hesabla məğlub olub – 0:1. Yerli futbolsevərlər üçün maraqlı olan digər qarşılaşmada isə İstanbulun “Fənərbağça” komandası səfərdə Avstriyanın “Şturm” komandasını 2:1 hesabı ilə məğlubiyyətə uğradıb.Gün ərzində keçirilən 29 qarşılaşmada aşağıdakı hesablar qeydə alınıb: “Mlada Boleslav” (Çexiya) – “Skenderbeu” (Albaniya) – 2:1 “Olimpik Donetsk” (Ukrayna) – “PAOK” (Yunanıstan) – 1:1 “Trakai” (Litva) – “Shkendija” (Makedoniya) – 2:1 “Makkabi Tel-Aviv” (İsrail) – “Panionios” (Yunanıstan) – 1:0 “Suduva” (Litva) - Sion (İsveçrə) – 3:0 “AIK” (İsveç) - Braqa (Portuqaliya) – 1:1 “AEK Larnaca” (Kipr) – “Dinamo Minsk” (Belarus) – 2:0 “Utrext” (Hollandiya) – “Lex” (Polşa) – 0:0 “Östersunds” (İsveç) – “Fola” (Lüksemburq) – 1:0 “Sturm Graz” (Avstriya) – “Fənərbağça (Türkiyə) – 1:2 “Krasnodar” (Rusiya) – “Lyngby” (Danimarka) – 2:1 “PSV” (Hollandiya) – “Osijek (Xorvatiya) – 0:1 “Bnei Yehuda” (İsrail) – “Zenit” (Rusiya) – 0:2 “Botev” (Bolqarıstan) – “Maritimo” (Portuqaliya) – 0:0 “Astra” (Rumıniya) – “Olexandriya” (Ukrayna) – 0:0 “Dinamo Buxarest” (Rumıniya) – “Atletik Bilbao” (İspaniya) – 1:1 “Brondby” (Danimarka) – “Hayduk Split” (Xorvatiya) – 0:0 “Universitatea Craiova” (Rumıniya) - Milan (İtaliya) – 0:1 “Arka” (Polşa) – “Midtjylland” (Danimarka) – 3:2 “Çrvena Zvezda” (Serbiya) – “Sparta Praqa” (Çexiya) – 2:0 “Gent” (Belçika) – “Altax” (Avstriya) – 1:1 “Bordo” (Fransa) – “Videoton” (Macarıstan) – 2:1 “Panathinaikos” (Yunanıstan) – “Qəbələ” (Azərbaycan) – 1:0 “Marsel” (Fransa) – “Oostende” (Belçika) – 4:2 “Aberdin” (Şotlandiya) – “Apollon” (Kipr) – 2:1 “Dinamo Zaqreb” (Xorvatiya) – “Odds” (Norveç) – 2:1 “Frayburq (Almaniya) – “Domzale” (Sloveniya) – 1:0 “Everton” (İngiltərə) – “Ruzomberok” (Slovakiya) – 1:0 “Avstriya Vyana” (Avstriya) – “AEL” (Kipr): 0-0 Qeyd edək ki, komandalar arasında cavab qarşılaşmaları avqustun 2-3-də oynanılacaq.xeber100.com

“Səbail” futbol klubu sonuncu yoldaşlıq oyununu keçirib

Bakının “Səbail” futbol klubu Türkiyə toplanışı çərçivəsində sonuncu yoldaşlıq oyununu keçirib.Azərtac kluba istinadla xəbər verir ki, Səudiyyə Ərəbistanının “Əl-Raed” klubu ilə qarşılaşan komandamız meydanı 1:2 hesablı məğlubiyyətlə tərk ediblər.Komandamızın heyətində yeganə qolu Amit Quluzadə vurub.Təlim-məşq toplanışını başa vuran “Səbail” artıq Vətənə dönüb.Qeyd edək ki, Bakı təmsilçisi əvvəlki yoldaşlıq oyunlarında Səudiyyə Ərəbistanının “Əl-İttifaq” və Özbəkistanın “Paktaxor” klublarına 1:4 hesabı ilə məğlub olub, Omanın U-23 millisi ilə görüşdən 0:0 hesablı heç-heçə ilə ayrılıb.xeber100.com

Atıcılıq üzrə Avropa çempionatının səkkizinci günündə…

Bakı Atıcılıq Mərkəzində keçirilən atıcılıq üzrə Avropa çempionatının səkkizinci günündə - iyulun 28-də qrup yarışlarına start verilib.Azərtac xəbər verir ki, mötəbər yarışın səkkizinci günündə daha 7 idmançımız mübarizəyə qoşulub.Çempionatda 10 metr məsafədəki hədəfə tüfənglə atəş açma yarışında Nəzrin Salamzadə, tapança ilə atəş açmada isə Leyla Mirzəzadə hədəfi dəqiq nişan almağa çalışacaqlar.Zərifə Kazımova isə 25 metr məsafəyə tapança ilə atəş açma yarışında ölkəmizi təmsil edir.Daha bir maraqlı mübarizə isə qrup oyunlarında gözlənilir. Əli Hüseynli, Aydan Camalova, Tamer Məmmədov, Şəfəq Əmrahova stend atıcılığı üzrə komanda yarışında mübarizə aparırlar.xeber100.com

“Neftçi” klubu “Şalke” komandası ilə yoxlama matçı keçirib

Avstriyada təlim-məşq toplanışında olan Bakının “Neftçi” klubu iyulun 26-da Almaniyanın “Şalke” komandası ilə yoxlama matçı keçirib.Azərtac xəbər verir ki, qarşılaşma paytaxt təmsilçisinin 0:1 hesablı məğlubiyyəti ilə başa çatıb.Avstriyanın Noykirxen şəhərindəki "Sportzentrum” stadionunda keçirilən qarşılaşmada yeganə qolu oyunun 27-ci dəqiqəsində Tekbete vurub.Qeyd edək ki, paytaxt təmsilçisi növbəti yoxlama oyununu iyulun 30-da Birləşmiş Ərəb Əmirliyinin “Al Ain” klubuna qarşı keçirəcək. Avqustun 2-də isə “Neftçi” Almaniyanın “Herta” klubu ilə qarşılaşacaq.xeber100.com