Futzal üzrə yoldaşlıq görüşü keçirilib

Azərbaycan Güləş Federasiyasının təşkilatçılığı ilə idman jurnalistləri və güləş üzrə ölkə yığma komandalarının idmançı və məşqçi heyəti arasında futzal üzrə yoldaşlıq görüşü keçirilib.Azərtac xəbər verir ki, Olimpiya Güləş Mərkəzinin oyun zalında baş tutan görüş dostluq şəraitində keçib.Yekunda güləş yığmamızın üzvləri və məşqçiləri jurnalistlər yığmasına 6:2 hesabı ilə qalib gəliblər.Oyun başa çatdıqdan sonra jurnalistlər üçün ziyafət verilib. Sərbəst güləş üzrə böyüklərdən ibarət Azərbaycan yığma komandasının baş məşqçisi Firdovsi Umudov çıxış edərək mətbuat nümayəndələrini peşə bayramı münasibətilə təbrik edib.xeber100.com

“Kəpəz” futbol klubu “Samsunspor” ilə qarşılaşacaq

Türkiyədə təlim-məşq toplanışında olan “Kəpəz” futbol klubu bu gün ilk yoxlama oyununu keçirəcək.Azərtac xəbər verir ki, “sarı-göylər” Ərzurumda “Samsunspor” ilə qarşılaşacaq. Oyun Bakı vaxtı ilə saat 18:30-da başlayacaq.“Kəpəz”in ölkə xaricindəki hazırlıq dövründə daha iki yoxlama görüşü keçirməsi nəzərdə tutulub.xeber100.com

“İnter” futbol klubu növbəti oyununu keçirəcək

Bu gün Bakının “İnter” futbol klubu UEFA Avropa Liqası yarışlarında növbəti oyununu keçirəcək.Azərtac xəbər verir ki, Bakı təmsilçisi turnirin ikinci təsnifat mərhələsinin cavab oyunları çərçivəsində “Fola” (Lüksenburq) ilə qarşılaşacaq.“Emil Mayriş” stadionunda keçiriləcək matçı litvalı hakimlər briqadası idarə edəcək. Oyunun baş hakimi Donatas Rumsas olacaq.Qarşılaşmanın UEFA nümayəndəsi portuqaliyalı Alvaro Albino, hakim-inspektoru isə ukraynalı Vasili Melniçuk olacaq.Komandalar arasında bir həftə əvvəl Bakıda təşkil olunan birinci matçda “İnter” 1:0 hesabı ilə qalib gəlib.xeber100.com

Futzal üzrə yoldaşlıq görüşü keçiriləcək

22 iyul - Milli Mətbuat Günü ilə əlaqədar olaraq Azərbaycan Güləş Federasiyası və İdman Araşdırmalar Mərkəzinin təşkilatçılığı ilə idman jurnalistləri və güləş üzrə ölkə yığma komandalarının idmançı və məşqçi heyəti arasında futzal üzrə yoldaşlıq görüşü keçiriləcək.Azərtac xəbər verir ki, yoldaşlıq görüşü iyulun 19-da Olimpiya Güləş Mərkəzinin oyun zalında baş tutacaq.xeber100.com

Həndbol Federasiyasının məlumatı

Azərbaycanın qadınlardan ibarət həndbol komandalarının Avropanın nüfuzlu klub turnirlərindəki rəqibləri məlum olub.Azərbaycan Həndbol Federasiyasından Azərtac-a bildiriblər ki, Mingəçevirin “Nur” komandası Avropa Həndbol Federasiyası (EHF) kuboku yarışında İsveçin “Luqi HK”, Bakının “Azəryol” klubu isə “Çağırış Kuboku” (“Challenge Cup”) turnirində Lüksemburq təmsilçisi “HB Dudelanj”la qarşılaşacaq.Ölkə çempionu “Nur” yarışlara birinci təsnifat mərhələsindən qoşulacaq. İlk mərhələnin qarşılaşmaları sentyabrın 9-10-da, cavab oyunları bir həftə sonra keçiriləcək.Ölkə çempionatının gümüş medalçısı “Azəryol” isə turnirdə mübarizəyə üçüncü təsnifat mərhələsindən başlayacaq. Üçüncü mərhələnin görüşləri noyabrın 11-12-də və 18-19-da oynanılacaq.xeber100.com

“Sumqayıt” klubu ilk yoxlama matçını keçirib

2017/2018-ci il futbol mövsümünə hazırlaşan “Sumqayıt” klubu hazırlığın ikinci mərhələsi üçün yollandığı Boluda ilk yoxlama matçını keçirib.Azərtac xəbər verir ki, komandamız Superliqa təmsilçisi “Osmanlıspor”la üz-üzə gəlib.Qarşılıqlı hücumlar şəraitində keçən görüşdə “Sumqayıt” komandası 1:2 hesabı ilə məğlub olub. “Sumqayıt”ın heyətində Amil Yunanov fərqlənib.1978-ci ildə yaradılmış klub 2014-cü ildən “Osmanlıspor” adını daşıyır. 2016/2017-ci il mövsümündə UEFA Avropa Liqasında çıxış etmiş komanda 1/16 final mərhələsində mübarizəni dayandırıb. Ötən mövsüm Türkiyə Supeliqasını 13-cü sırada tamamlayan Ankara təmsilçisinin heyətində Pierre Vebo 9 qolla komandanın ən məhsuldar futbolçusu olub.xeber100.com

Velosiped idmanının BMX növü üzrə Avropa çempionatına yekun vurulub

Fransanın Bordo şəhərində velosiped idmanının BMX növü üzrə Avropa çempionatına yekun vurulub. Yarışda Avropa Velosipedçilər Birliyinin rəsmi nümayəndəsi kimi Azərbaycan Velosiped İdmanı Federasiyasının birinci vitse-prezidenti, qurumun Rəhbər Komitəsinin üzvü Sahib Ələkbərov da iştirak edib.Azərtac xəbər verir ki, 26 ölkədən müxtəlif yaş qrupları üzrə 1750 idmançının iştirak etdiyi Avropa çempionatından əvvəl komanda rəhbərlərinin iştirakı ilə toplantı keçirilib. Tədbirdə çıxış edən Avropa Velosipedçilər Birliyinin Rəhbər Komitəsinin üzvü Sahib Ələkbərov iştirakçı ölkələrin təmsilçilərini birliyin Rəhbər Komitəsi adından salamlayaraq populyarlığı gündən-günə artan bu yarışların xüsusi önəm daşıdığını vurğulayıb və iştirakçılara uğurlar arzulayıb.Sonra çempionatın təşkili və BMX idmanının inkişaf perspektivləri ilə bağlı müzakirələr aparılıb. Müzakirələrdən sonra gələn il avqustun 2-12-də Böyük Britaniyanın Qlazqo şəhərində keçiriləcək idmanın 6 növü (o cümlədən velosiped idmanının 4 növü) üzrə birləşmiş Avropa çempionatları və 2018-ci il iyunun 5-9-da Bakıda təşkil olunacaq BMX üzrə dünya çempionatı haqqında təqdimatlar keçirilib.Tədbir iştirakçılarına ölkəmiz, onun mədəniyyəti, Azərbaycanda idmana dövlət qayğısı, “Bakı-2015” ilk Avropa Oyunları, “Bakı-2017” IV İslam Həmrəyliyi Oyunları, Formula-1 yarışı, “Tour d’Azerbaidjan” veloyürüşü və digər böyük idman tədbirləri barədə məlumatları özündə əks etdirən videoçarx nümayiş olunub.Azərbaycanda keçiriləcək dünya çempionatını səbirsizliklə gözlədiklərini deyən Avropa milli federasiyalarının nümayəndələri böyük məmnuniyyətlə ölkəmizə səfər edəcəklərini bildiriblər.BMX üzrə Avropa çempionatının kişilər arasında elit kateqoriyasında qalib olmuş fransalı Joris Dode və gümüş medalçı, hollandiyalı Tvan van Gendt “Bakı-2015” ilk Avropa Oyunlarında da müvafiq olaraq fəxri kürsünün ilk iki pilləsində qərarlaşmışdılar.xeber100.com

“Qəbələ” klubu Varşava hazırlığına yekun vurub

UEFA Avropa Liqasının ikinci təsnifat mərhələsinin “Yagelloniya” ilə cavab oyununa Polşada hazırlaşan “Qəbələ” Varşavadan Belostoka yollanıb.Azərtac xəbər verir ki, iyulun 16-dan Polşa paytaxtında hazırlıq keçən “qırmızı-qaralar” iyulun 18-də günün ilk yarısında məşq edib. Futbolçular toplu və topsuz təmrinləri yerinə yetiriblər. Hazırlıq prosesi “Drukarz” klubunun stadionunda keçirilib. Günün ikinci yarısında isə “Qəbələ” oyunun keçiriləcəyi Belostoka yollanıb. Komandamız “İbis otel”də məskunlaşıb. Bu gün komandamız matçın keçiriləcəyi Belostok şəhər stadionunda oyun öncəsi son məşqinə çıxacaq.Komandalar arasında Bakıda təşkil olunan ilk oyun 1:1 hesablı heç-heçə ilə yekunlaşıb.Xatırladaq ki, iyulun 20-də keçiriləcək və Rumıniyadan olan hakimlər briqadasının idarə edəcəyi “Yagelloniya”–“Qəbələ” oyunu Bakı vaxtı ilə saat 22:30-da başlayacaq.xeber100.com

“Qarabağ” klubu futbol üzrə üçüncü təsnifat mərhələsinə yüksəlib

Ağdamın "Qarabağ" klubu futbol üzrə UEFA Çempionlar Liqasının üçüncü təsnifat mərhələsinə yüksəlib.Azərtac xəbər verir ki, iyulun 18-də turnirin ikinci təsnifat mərhələsinin cavab matçları çərçivəsində Ağdam təmsilçisi səfərdə Gürcüstanın “Samtredia” komandası ilə qarşılaşıb.Boris Payçadze adına stadionda keçirilən oyunun 22-ci dəqiqəsində Ağdam təmsilçisi hesabı açıb. Donald Qerye topu meydan sahiblərinin qapısından keçirib. Birinci hissənin sonrakı dəqiqələrinin də komandamızın üstünlüyü ilə keçməsinə baxmayaraq, hesab dəyişməyib. Matçın ilk hissəsini “Qarabağ” 1:0 hesabı ilə öz xeyrinə başa vurub.Görüşün ikinci hissəsi də “Qarabağ”ın üstünlüyü şəraitində keçib. Komandaların cəhdlərinə baxmayaraq tabloda rəqəmlər dəyişməyib.Beləliklə, matç Azərbaycan çempionunun minimal qələbəsi ilə başa çatıb – 1:0. Bir həftə əvvəl Bakıda təşkil olunan ilk oyun da "Qarabağ"ın qələbəsi ilə yekunlaşıb - 5:0. İki oyunun nəticəsinə görə, “Qarabağ” UEFA Çempionlar Liqasının üçüncü təsnifat mərhələsinə yüksəlib.Çempionumuz rəqib meydanında bu qələbəsi ilə Azərbaycanın hesabına daha 0,250 xal əlavə edib.Azərbaycan çempionu təsnifat mərhələsinin növbəti turunda “Şerif” (Moldova)–“Kukesi” (Albaniya) cütünün qalibi ilə qarşılaşacaq.xeber100.com

“Milan” klubu hücumçusu Canluka Lapadulunu icarəyə verib

“Milan” klubu hücumçusu Canluka Lapadulunu “Cenoa”ya icarəyə verib.Azərtac xəbər verir ki, 27 yaşlı oyunçu növbəti mövsüm icarə əsasında sözügedən klubda oynayacaq.Qeyd edək ki, C.Lapadulu ötən mövsüm İtaliya A seriyasında 27 matçda 8 qol vurub və 3 qolun ötürməsini edib.xeber100.com