UEFA Avropa Liqasının ilkin təsnifat mərhələsinin oyunlarına təyinat

FIFA referilərimiz UEFA Avropa Liqasının ilkin təsnifat mərhələsinin oyunlarına təyinat alıblar.AFFA-dan Azərtac-a bildirilib ki, iyunun 19-da keçiriləcək “Kayrat” (Qazaxıstan)–“Atlants” (Litva) oyununun baş hakim Ömər Paşayev olacaq. Ona Namiq Hüseynov və Mübariz Haşımov kömək edəcəklər. Dördüncü hakim funksiyasını isə Əliyar Ağayev yerinə yetirəcək.Eyni gündə digər oyun isə Latviyada yerli “Ventspils” və “Valur” (İslandiya) klubları arasında keçiriləcək. UEFA matçı baş hakim Rəhim Həsənova həvalə edib. Onun köməkçiləri Yaşar Abbasov və Vaqif Musayev, qarşılaşmanın dördüncü hakimi isə Rauf Cabbarov olacaq.xeber100.com

“The Independent” yazır…

İspaniya Prokurorluğu İngiltərənin “Mançester Yunayted” futbol klubunun baş məşqçisi, portuqaliyalı Joze Mourinyunun Madridin “Real” klubunda işlədiyi dövrdə vergi ödəməməsindən şübhələnir.“The Independent” nəşrinin yazdığına görə, prokurorlar J.Mourinyuya qarşı ittihamın 2011-ci və 2012-ci illərdə 3,3 milyon avro məbləğində vergidən yayınmanı nəzərdə tutan iki bəndi üzrə iddia qaldırıblar.Portuqaliyalı məşqçi “Real”a 2010-2013-cü illərdə başçılıq edib və bu komanda ilə birlikdə İspaniya çempionatını, İspaniya Kubokunu və Superkubokunu udub.Daha əvvəl mətbuatda J.Mourinyunun İspaniya xəzinəsinə 12 milyon avro borcu olması barədə informasiya yayılmışdı.Əvvəllər “Barselona” klubunun hücumçusu Lionel Messiyə, - məhkəmə onu 21 ay müddətinə şərti həbs cəzasına məhkum edib, - habelə “Real”ın ulduzu Kriştianu Ronalduya qarşı da analoji ittihamlar irəli sürülüb.Kriştianu Ronaldu offşor şirkətlər vasitəsilə həyata keçirildiyi reklam kampaniyasının gəlirlərindən 14,7 milyon avro məbləğində vergi ödəməməkdə ittiham olunur. Onun işinə hələ məhkəmədə baxılır.

Konfederasiyalar Kuboku turnirinin ikinci turu çərçivəsində…

Rusiyada keçirilən FIFA Konfederasiyalar Kuboku turnirinin qrup mərhələsinin ikinci turu çərçivəsində iyunun 21-də “A” qrupunda yer alan digər komandalar - Meksika və Yeni Zelandiya yığmaları üz-üzə gəliblər.Azərtac xəbər verir ki, Soçidəki “Fişt” stadionunda keçirilən oyunda meksikalılar 2:1 hesabı ilə qalib gələrək qrupdan çıxmaq şanslarını artırıblar.Matçda hesabı yeni zelandiyalılar açıblar. Oyunun 42-ci dəqiqəsində Kris Vud adını tabloya yazdırıb. İlk hissə bu hesabla başa çatıb. Fasilədən sonra təzyiqi artıran Meksika yığması 54-cü dəqiqədə Raul Ximenesin, 72-ci dəqiqədə isə Oribe Peraltanın qolları ilə qələbəni təmin edib – 2:1.Beləliklə, Meksika milli komandası qrupdan çıxmaq yolunda vacib üç xalı aktivinə yazdıra bilib. Yeni Zelandiya komandası isə qrupda ikinci oyunda da məğlub olaraq növbəti mərhələyə yüksəlmək şansını itirib.İki turdan sonra “A” qrupunda Portuqaliya və Meksika yığmalarının 4 xalı var. Rusiya 3 xalla üçüncü, xal toplaya bilməyən Yeni Zelandiya isə sonuncu sıradadırlar. Qrup mərhələsinin sonuncu turunda Rusiya-Meksika və Portuqaliya-Yeni Zelandiya qarşılaşmaları keçiriləcək.xeber100.com

“Grand Chess Tour” seriyasının birinci mərhələsi start götürüb

Bu gün Parisdə şahmat üzrə “Grand Chess Tour” seriyasının birinci mərhələsi start götürür.Azərtac xəbər verir ki, Azərbaycan qrossmeysteri Şəhriyar Məmmədyarov da turnirə dəvət edilib. On şahmatçı bir dövrə rapid və 2 dövrə blits turnirlərdə mübarizə aparacaq.İyunun 21-dən 23-dək rapid üzrə (hər biri 25 dəqiqə + 10 saniyə), iyunun 24-dən 25-dək blits (hər biri 5 dəqiqə + 3 saniyə) turnirlər keçiriləcək.Turnirdə Ş. Məmmədyarovla bərabər, dünya çempionu Maqnus Karlsen (Norveç), Uesli So, Hikaru Nakamura, Fabiano Karuana (ABŞ), Aleksandr Qrişşuk, Sergey Karyakin (Rusiya), Maksim Vaşye-Laqrav, Etyen Bakro (Fransa) və Veselin Topalov (Bolqarıstan) iştirak edirlər. Rapid turnirində hər bir qələbəyə görə 2 xal, heç-heçəyə görə 1 xal, blitsdə hər bir qələbəyə görə 1 xal, heç-heçəyə görə 0,5 xal verilir.Turnirin ümumi mükafat fondu 150 min dollardır.2017-ci ildə “Grand Chess Tour” seriyası beş mərhələdə keçiriləcək: 20-25 iyun, Paris, Fransa (rapid və blits), 26 iyun – 3 iyul, Belçika (rapid və blits), 31 iyul – 12 avqust, Sent-Luis, ABŞ (klassik şahmat), 13-20 avqust, Sent-Luis, ABŞ (rapid və blits), dekabr, London, Böyük Britaniya (klassik şahmat).xeber100.com

Şahmatçılar arasında dünya çempionatının dördüncü turu keçirilib

20 iyun Xantı-Mansiskdə qadın şahmatçılar arasında komanda dünya çempionatının dördüncü turu keçirilib.Azərtac xəbər verir ki, Azərbaycanı bu turda Günay Məmmədzadə, Gülnar Məmmədova, Ülviyyə Fətəliyeva, Zeynəb Məmmədyarova və Xanım Balacayevadan ibarət qadın yığması təmsil edir.Üçüncü turdan sonra Ukrayna və Rusiya komandaları hər biri 6 xal toplayaraq digərlərindən irəlidədir. Gürcüstan və Polşa yığmaları onlardan 1 xal geridədir. Azərbaycan, Çin və Hindistan komandaları hər biri 3 xal toplayıb. Vyetnam komandasının hesabında 2 xal, ABŞ yığmasının hesabında 1 xal var. Misir komandası xal toplamayıb.Dördüncü turnirdə Ukrayna-Vyetnam, Azərbaycan-Çin, Gürcüstan-Rusiya, ABŞ-Misir, Hindistan-Polşa komandaları qarşılaşacaq.Azərbaycan-Çin komandalarının qarşılaşmasında Zeynəb Məmmədyarova – Tszyuy Ventszyun, Günay Məmmədzadə - Tan Çjuni, Gülnar Məmmədova – Çjao Syue və Xanım Balacayeva – Le Tintse qarşılaşacaq.Turnir dairəvi sistem üzrə keçirilir və 9 turdan ibarətdir. Vaxta nəzarət: ilk 40 gediş üçün 90 dəqiqə üstəgəl 1-ci gedişdən başlayaraq hər gediş üçün 30 saniyə əlavə etməklə partiyanın sonunadək 30 dəqiqə.Sonuncu tur iyunun 26-da keçiriləcək.xeber100.com

Stolüstü tennis üzrə ölkə birinciliyinin zona yarışları keçirilib

Azərbaycan Stolüstü Tennis Federasiyasının (ASTF) təşkil etdikləri yeniyetmələr arasında stolüstü tennis üzrə ölkə birinciliyinin Şəmkirdə zona yarışları keçirilib.ASTF-dən Azərtac-a bildirilib ki, birincilikdə şəhər və rayonlardan 2004-cü il təvəllüdlü və daha aşağı yaşlı idmançılar komanda hesabında mübarizə aparıblar. Oğlanların yarışında ilk beş yerə 1 saylı Respublika İdman Olimpiya Ehtiyatları Uşaq Gənclər İdman Məktəbinin (RİOEUGİM), Şabran, Salyan, Qaradağ UGİM, Sumqayıt UGİM komandaları müvafiq olaraq ilk sırada qərarlaşıb. Qızların mübarizəsində isə 1saylı RİOEUGİM, Sumqayıt UGİM, Qaradağ UGİM, Şabran, Gəncə komandaları ilk beşlikdə yer alıblar. Bu komandalar yarışın final mərhələsinə vəsiqə qazanıblar.İyunun 21-24-də Qaxda digər zona üzrə yarışlar təşkil olunacaq. Bu zonada da ilk beş yerin qalibi finala vəsiqə qazanaraq mübarizəni davam etdirəcək.xeber100.com

Bakı Şəhər Halqası” Əməliyyat Şirkətinin məlumatı

“Dreamland” qolf klubu Formula-1 Azərbaycan Qran-Prisinə dəstək məqsədilə qolf turniri təşkil edib.“Bakı Şəhər Halqası” Əməliyyat Şirkətindən (BŞH) Azərtac-a bildiriblər ki, turnirdə Azərbaycan və qonşu ölkələrdən olan 88 qolfçu gücünü sınayıb.On səkkiz dəlik üzrə mübarizədə “Dreamland” qolf klubunun koreyalı üzvləri Cunqvon Çoi, Cin Yub Çoi, Yunq Tae Son və Donq Seok Kvon 64 zərbənin yekununda 54.1 balla ən yüksək pilləyə yüksəliblər. 68 zərbənin yekununda 59.3 bal qazanan Deyvid Lousan, Con Kvinn, Qeyvin Makkenzi və Alan Ferqyuson ikinci yerdə qərarlaşıblar. Üçüncü yerin sahibi isə 67 zərbə ilə 60.5 bal qazanan Darren Tomson, Corc Bol, Stüart Kinq və Din Makevan olublar.“Nearest the pin” yarışı üzrə ən yaxşı nəticəni 4-cü dəlikdə Alister Makdaf, 11-ci dəlikdə isə Din Makevan göstəriblər. “Longest drive” yarışı üzrə ən yaxşı nəticəyə 3-cü dəlikdə Skot Bryus, 10-cu dəlikdə isə Darren Tomson imza atıblar.Tədbirlə bağlı fikirlərini paylaşan BŞH-nin kommersiya üzrə rəhbəri Bülent Özərdim qeyd edib: “Artıq ikinci ildir biz bu tədbirə dəstəyimizi nümayiş etdiririk. Biz bu qədər oyunçunu bir arada görməkdən çox məmnunuq. Bu cür tədbirlər həftəsonu Bakı şəhər halqasında Formula-1 komandaları və pilotları arasında həyəcanlı rəqabət vəd edən yarış haqqında məlumatlılığı artırır”.

“Qarabağ” futbol klubu “Axmat” klubu ilə qarşılaşıb

Avstriyada təlim-məşq toplanışını davam etdirən Ağdamın “Qarabağ” futbol klubu ilk yoxlama oyununu keçirib.Azərtac xəbər verir ki, komandamız Rusiyanın “Axmat” klubu ilə qarşılaşıb.İlk hissədə hər iki komanda hesabı açmağa yaxın olsa da, fərqlənə bilməyib. Qarşılıqlı hücumlar şəraitində keçən ikinci hissənin sonuna 2 dəqiqə qalmış rəqib hesabı açıb.Beləliklə, görüş “Axmat”ın 1:0 hesablı qələbəsi ilə yekunlaşıb.xeber100.com

“Zirə” futbol klubu son yoxlama oyununu keçirib

“Zirə” futbol klubu Türkiyə toplanışı çərçivəsində son yoxlama oyununu keçirib.Azərtac xəbər verir ki, komandamız Rumıniya çempionu “Vitorul”la üz-üzə gəlib.Oyuna yaxşı başlayan “Zirə” artıq üçüncü dəqiqədə hesabı açıb. Pressinq nəticəsində Viktor İqbekoyi topu rəqibdən alıb Orxan Əliyevə ötürüb. O.Əliyev isə 3-cü yoxlama oyununda da fərqlənməyi bacarıb. Fasiləyə qədər “qartallar” rəqib qapısına daha bir dəfə yol tapıblar. “Zirə”nin heyətində ilk oyununu keçirən David Manqanın yerinə yetirdiyi cərimə zərbəsindən sonra qapı tirinə dəyən top çərçivəni keçsə də, baş hakim mərkəzi göstərməyib.Fasilədən sonra hər iki komandanın baş məşqçisi əsas heyətin əksər üzvlərini dəyişiblər. Nəticəyə gəlincə 2 qol vuran “Vitorul” qələbə qazanıb. Bir epizodda isə Kamal Bayramov rəqibin 11 metrlik cərimə zərbəsindən fərqlənməsinə imkan verməyib.Beləliklə, qarşılaşma “Vitorul”un 2:1 hesablı qələbəsi ilə başa çatıb.xeber100.com

Boksçular arasında Avropa çempionatında 1/8 finala yekun vurulub

Ukraynanın Xarkov şəhərində keçirilən kişi boksçular arasında Avropa çempionatında 1/8 finala yekun vurulub. Bu mərhələnin ikinci günündə Azərbaycan yığmasının 4 üzvü gücünü yoxlayıb.Azərtac xəbər verir ki, millimizin heyətində ilk olaraq rinqə Tayfur Əliyev çıxıb. Turnirdə 56 kiloqram çəki dərəcəsində mübarizə aparan təmsilçimiz irlandiyalı Antoni Ceyms Uolkerlə üz-üzə gəlib. Görüş rəqibin 4:1 hesablı qələbəsi ilə yekunlaşıb.Ardınca 75 kiloqram çəki dərəcəsində mübarizə aparan Kamran Şahsuvarlı gücünü yoxlayıb. Olimpiya mükafatçımız digər İrlandiya boksçusu Emmet Brennan ilə döyüşüb və 5:0 hesabı ilə qalib gəlib. O, növbəti qarşılaşmasında almaniyalı Silvio Şyerle ilə qüvvəsini sınayacaq.Abdulqadir Abdullayev də Kamran Şahsuvarlı kimi həm mərhələ adlayıb, həm də dünya çempionatına lisenziyaya yiyələnib. Avropa çempionatında 91 kiloqram çəki dərəcəsində yarışan boksçumuz 1/4 finala gedən yolda Şotlandiya idmançısı Şott Antoni Forresti mübarizədən kənarlaşdırıb – 3:2. O, çempionatda ikinci görüşünü ingiltərəli Çeavan Klarka qarşı keçirəcək.Səkkizdəbir finalda son təmsilçimiz Cavid Çələbiyev (60 kq) isə fransalı Sofian Oumihaya məğlub olub. Rəqib 3:2 hesablı qələbə sayəsində mərhələ adlayıb.Beləliklə, yığmamızın 5 üzvü mübarizəni iyunun 21-də baş tutacaq 1/4 finalda davam etdirəcək. Onlar, həmçinin dünya çempionatında iştirak hüquna da yiyələniblər.Qeyd edək ki, K.Şahsuvarlı və A.Abdullayevədək Lorenzo Sotomayor (64 kq), Pərviz Bağırov (69 kq) və Məhəmmədrəsul Məcidov (91 kq-dan yuxarı) da 1/8 final görüşünü qələbə ilə başa vurmuşdular. Onlar 1/4 finalda müvafiq olaraq, polşalı Mateuş Polski, ukraynalı Yevgeni Barabanov və fransalı Camili-Dini Aboudo-Moindze ilə üz-üzə gələcəklər.xeber100.com