“Caspian Cup” beynəlxalq turnirində…

“Neftçi” futbol klubunun U-14 komandası Rusiyanın Mahaçqala şəhərində keçirilən “Caspian Cup” beynəlxalq turnirində beşinci yeri tutub.Azərtac xəbər verir ki, qrupda Tbilisi "Dinamo”su (1:5), Vladiqafqaz "Yunost”u (2:3) və Mahaçqala "Anji”si (0:5) ilə qarşılaşan “Neftçi” 5-8-ci yerlər uğrunda oyunlarda Qroznı "Ramzan”ına (1:0) və Vladiqafqaz "Yunost”una (1:0) qalib gəlib.“Neftçi”nin turnirdə vurduğu 5 qoldan 3-nə Gülağa Əsədov, hərəyə birinə isə Mirəli Əhmədov və Yaşar Əhmədov imza atıblar.Turnir daha iki əlamətdar hadisə ilə yadda qalıb. Yarışın ən yaxşı futbolçusuna “Neftçi”nin əfsanəvi hücumçusu Anatoli Banişevskinin adını daşıyan mükafat təqdim olunub. Bu şərəfə Tbilisi "Dinamo”sunun üzvü Georgi Abuaşvili layiq görülüb. "Neftçi”nin futbolçusu Mirəli Əhmədov isə turnirin ən yaxşı müdafiəçisi seçilib. M.Əhmədov Aleksandr Çivadzenin adını daşıyan mükafata sahib çıxıb.xeber100.com

“Zirə” futbol klubu təlim-məşq toplanışına start verib

Mayın 24-dən Bakıda təlim-məşq toplanışına start verən “Zirə” futbol klubu hazırlığın ilk mərhələsini iyunun 9-da başa vurub.Azərtac kluba istinadla xəbər verir ki, “qartallar” hazırlığın ikinci mərhələsinə başlayıblar.Komanda Türkiyənin Bolu şəhərinə yola düşüb və ilk məşqinə çıxıb. Hazırlığın bu mərhələsində baş məşqçi Ayxan Abbasovun komandası 3 yoxlama oyunu keçirməyi planlaşdırır.“Zirə” iyunun 13-də Kamerunun “Kolombe Sportive”, bir həftə sonra isə Rumıniyanın “Vitorul” klubu ilə üz-üzə gələcək. Daha bir yoxlama oyunu isə iyunun 17-də və ya 16-da keçiriləcək.xeber100.com

2017/2018-ci il mövsümü üçün növbəti transfer həyata keçirilib

“Sumqayıt” futbol klubu 2017/2018-ci il mövsümü üçün növbəti transferini həyata keçirib.Azərtac kluba istinadla xəbər verir ki, “Sumqayıt” son olaraq “Zirə”də çıxış etmiş Cavid Tağıyevi heyətinə qatıb. İyirmi dörd yaşlı futbolçu komanda ilə birillik müqavilə imzalayıb.Qeyd edək ki, Cavid Tağıyev “Zirə”dən başqa, “Turan”, AZAL və “Qarabağ"ın şərəfini qoruyub. O, həmçinin vaxtilə Azərbaycanın U-19, U-21 və “A” millisinin şərəfini qoruyub.xeber100.com

“İnter” futbol klubu ilk yoxlama oyununu keçirib

Türkiyədə təlim-məşq toplanışında olan Bakının “İnter” futbol klubu ilk yoxlama oyununu keçirib.Azərtac xəbər verir ki, Kamerunun "Colombe Sportive du Dja et Lobo" komandası ilə qarşılaşan Bakı təmsilçisi görüşdən qalib ayrılıb – 1:0.Rauf Əliyevin vurduğu top rəqib komandanın müdafiəçisinə dəyərək qapıdan keçib.xeber100.com

“Qalatasaray” futbol klubu transfer çalışmalarını davam etdirir

İstanbulun “Qalatasaray” futbol klubu transfer çalışmalarını davam etdirir.Azərtac xəbər verir ki, İstanbul təmsilçisi Kiyevin “Dinamo” komandasının yarımmüdafiəçisi Yunes Belhanda ilə razılığa gəlib.“Qalatasaray”ın idman direktoru Cenk Ergün Mərakeşə gedərək futbolçu ilə danışıqlar aparıb. Transferin reallaşması üçün “Dinamo”nun da razılığını almaq lazımdır.Qeyd edək ki, mərakeşli futbolçu ötən mövsümü icarə əsasında “Nitsa”da keçirib.xeber100.com

Dünya çempionatının seçmə mərhələsi çərçivəsində…

İyunun 10-da futbol üzrə 2018-ci il dünya çempionatının seçmə mərhələsi çərçivəsində bir neçə oyun keçirilib.Azərtac xəbər verir ki, “F” qrupunda Şotlandiya yığması öz meydançasında İngiltərə komandası ilə qarşılaşıb. Oyun 2:2 hesabı ilə başa çatıb. Bu qrupda keçirilən digər qarşılaşmada Sloveniya millisi Malta komandasına 2:0 hesabı ilə qalib gəlib. Hazırda “F” qrupunda turnir cədvəlinə 6 oyundan 14 xal toplayan ingilislər başçılıq edirlər. Xalının sayını 11-ə çatdıran Sloveniya yığması ikinci pilləyə yüksəlib.E qrupunda Danimarka komandası Qazaxıstan yığmasını 3:1 hesabı ilə məğlub edib. Bu qələbədən sonra danimarkalılar 10 xalla qrupda ikinci yeri tutur.Xatırladaq ki, C qrupunda yer alan Azərbaycan komandası öz meydançasında Şimali İrlandiya futbolçularına uduzub - 0:1. Bu, seçmə mərhələdə dünən keçirilən dörd oyunda qonaq komandaların qazandığı yeganə qələbədir.xeber100.com

“C” qrupunda altıncı turun oyunlarına yekun vurulub

İyunun 10-da futbol üzrə dünya çempionatının seçmə mərhələsi çərçivəsində Azərbaycan millisinin yer aldığı “C” qrupunda altıncı turun oyunlarına yekun vurulub.Azərtac xəbər verir ki, Almaniya millisi San-Marinonu, Norveç yığması isə Çexiyanı qəbul edib.“Nürenberq Arena”da keçirilən Almaniya-San-Marino oyununda böyük hesablı qələbə qeydə alınıb. Almanlar rəqib qapısından 7 cavabsız top keçirərək qrup liderliyini bir qədər də möhkəmləndiriblər.Oslodakı “Ullevaal” stadionunda keçirilən Norveç-Çexiya oyunu isə heç-heçə yekunlaşıb – 1:1.Qrupda altıncı turun ilk oyunu Bakıda Azərbaycan və Şimali İrlandiya yığmaları arasında keçirilib və 1:0 hesab ilə qonaqların xeyrinə yekunlaşıb.Altı turdan sonra hesabında 18 xal olan Almaniya qrupun vahid liderdir. Şimali İrlandiya 13 xalla ikinci, Çexiya 9 xalla üçüncü, Azərbaycan 7 xalla dördüncü, Norveç 4 xalla beşinci, hesabına hələ də xal yazdıra bilməyən San-Marino isə sonuncu pillədə qərarlaşıb.xeber100.com

“Qarabağ” futbol klubu transfer çalışmalarını davam etdirir

Ağdamın “Qarabağ” futbol klubu növbəti mövsüm üçün transfer çalışmalarını davam etdirir.Azərtac kluba istinadla xəbər verir ki, “Qarabağ” müqaviləsi başa çatan yarımmüdafiəçi Migel Markos Madeyrayla (Miçel) yeni müqavilə imzalayıb. İspaniyalı yarımmüdafiəçi daha iki il Ağdam təmsilçisinin formasını geyinəcək.Otuz bir yaşlı yarımmüdafiəçi 2015-ci ilin yayında komandaya transfer olunub və “Qarabağ”ın heyətində 71 oyuna (49 Premyer Liqa, 10 Azərbaycan kuboku və 12 avrokubok) çıxıb. Bu qarşılaşmalarda 15 qolla (8 Premyer Liqa, 5 ölkə kuboku və 2 avrokubok) yadda qalıb.Xatırladaq ki, komanda bir müddət öncə Qara Qarayev, Əfran İsmayılov və Ansi Aqolli ilə yeni müqavilə imzalamışdı.xeber100.com

“Zirə” klubu daha bir futbolçu ilə güclənib

Avropa Liqasının təsnifat mərhələsinə hazırlaşan “Zirə” klubu daha bir futbolçu ilə güclənib.Azərtac kluba istinadla xəbər verir ki, mərkəzi afrikalı David Manqa “qartallar”ın sıralarına qoşulub. Hücumameyilli yarımmüdafiəçi ilə 2 illik müqavilə imzalanıb.İyirmi səkkiz yaşlı David Manqa Fransanın PSJ klubunun yetirməsidir. Futbolçu karyerası ərzində Almaniya, İsrail və Serbiyada da çıxış edib. Manqanın son klubu İsrailin “Hapoel Aşkelon” komandası olub.David 2010-cu ildən Mərkəzi Afrika Respublikasının yığma komandasında çıxış edir.xeber100.com

Boks üzrə beynəlxalq çempionat keçiriləcək

İyulun 1-də Almaniyanın Hanqelsberq şəhərində peşəkar boks üzrə beynəlxalq çempionat keçiriləcək.Turnirdə peşəkar boksçumuz Azad Əzizov da iştirak edəcək. Dördqat dünya çempionu olan həmyerlimiz macarıstanlı məşhur boksçu Laszio Tot ilə döyüşə çıxacaq. IBF - Avropa kəməri uğrunda döyüş yarışın ən vacib və sanballı qarşılaşması hesab olunur.Xatırladaq ki, A.Əzizov mötəbər IBF - Avropa kəmərinə sahib olan ilk azərbaycanlı boksçudur. O, Almaniyanın Maqdeburq şəhərində fəaliyyət göstərən, indiyədək Azərbaycanda və Avropanın müxtəlif ölkələrində təşkil etdiyi çoxsaylı idman tədbirləri ilə tanınan “Odlar Yurdu” Boks İdman Klubunu təmsil edir.xeber100.com