Futbol üzrə 3×3 turniri keçirilib

AFFA-nın dəstəyi ilə “Grassroots” layihəsi çərçivəsində Bayıl stadionunda qızlar və oğlanlar arasında futbol üzrə 3x3 turniri keçirilib.Azərtac xəbər verir ki, turnirdə 2008-2010-cu il təvəllüdlü qızlardan ibarət 16, 2005-2007-ci il təvəllüdlü qızlardan ibarət 19, 2008-2010-cu il təvəllüdlü oğlanlardan ibarət 16, 2005-2007-ci il təvəllüdlü oğlanlardan ibarət 32 komanda qeydiyyatdan keçib.2008-2010-cu il təvəllüdlü qızların yarışında “Viktoriya”, 2005-2007-ci il təvəllüdlülərin mübarizəsində isə “Gömrükçü” birinci olublar.2008-2010-cu il təvəllüdlü oğlanların yarışında “Gömrükçü”, 2005-2007-ci il təvəllüdlülərin yarışında isə “Güclülər” turnirin qalibi adını qazanıblar.Yarışda 300-dən artıq futbolçu iştirak edib.xeber100.com

“Qarabağ” komandası 2016/2017-ci il mövsümündə…

Almaniya Bundesliqasının bu mövsüm qalibi olan “Bavariya” futbol klubu Ağdamın “Qarabağ” komandasını çempionluq münasibətilə təbrik edib.Azərtac xəbər verir ki, klubun idarə heyətinin sədri Karl Haynz Rummenigin “Qarabağ”a ünvanladığı məktubda deyilir: “Bavariya” klubu adından “Qarabağ”ı 2016/2017-ci il mövsümündə Azərbaycan Premyer Liqasının qalibi olması münasibətilə təbrik edirəm”.xeber100.com

Beynəlxalq Boks Federasiyasının məlumatına görə…

Kişi boksçulardan ibarət Azərbaycan milli komandasının qatılacağı Avropa çempionatı mundiala seçim xarakteri daşıyacaq.Azərtac xəbər verir ki, iyunun 14-dən 26-dək Ukraynanın Xarkov şəhərində təşkil olunacaq qitə birinciliyi dünya çempionatındakı təmsilçilərin adlarına aydınlıq gətirəcək.Avqustun 25-dən sentyabrın 3-dək Almaniyanın Hamburq şəhərində keçiriləcək dünya çempionatına seçim sisteminə əsasən “köhnə qitə”dən mundiala yollanacaq boksçular yalnız Xarkovda müəyyənləşəcək. Qaydalara görə, dünya çempionatında iştirak hüququ 5 qitənin birinciliyində veriləcək.Hamburqda 10 çəki dərəcəsinin hərəsində 28 boksçu olmaqla, ümumilikdə 280 boksçu mübarizə aparacaq. Hər çəki dərəcəsində 1 idmançı ev sahibi Almaniyanı təmsil edəcəksə, daha 1 yeri Beynəlxalq Boks Federasiyası (AİBA) müəyyənləşdirib, həmin boksçuya “wild card” verəcək. Digər 26 iştirakçı isə qitə çempionatları arasında bölüşdürülüb.Ən çox yer Avropa çempionatına verilib ki, “köhnə qitə” hər çəki dərəcəsində 8 idmançı ilə təmsil olunmaq hüququna malikdir. Bu isə o deməkdir ki, Xarkovda 1/4 finala çıxacaq hər bir boksçu mundiala vəsiqəni təmin edəcək. Yığmamızın dünya çempionatındakı iştirakçıları da Avropa birinciliyində yarımfinalın 1 addımlığınadək irəliləyəcək boksçulardan ibarət olacaq. 1/4 finala yüksəlməyən idmançılar isə “wild card”a ümid edəcəklər.Dünya çempionatındakı digər yerlər 4 qitə arasında bölüşdürülüb. Asiya və Amerikanın hərəsi hər çəkidə 6, Afrika 4 və Okeaniya 2 idmançı ilə təmsil olunacaq.Qeyd edək ki, milli komandamız Avropa çempionatına 10 boksçu ilə yollanacaq.xeber100.com

Su İdman Sarayının ərazisində təlim-məşq toplanışı keçiriləcək

İyunun 5-dən 28-dək çimərlik futbolu üzrə Azərbaycan milli komandası Su İdman Sarayının ərazisində təlim-məşq toplanışı keçirəcək.Azərtac AFFA-ya istinadla xəbər verir ki, toplanışa Vaqif Şirinbəyov, Elçin Qasımov, Renat Sultanov, Elvin Quliyev, Amid Nəzərov, Orxan Məmmədov, Asif Zeynalov, Ramil Əliyev, Sabir Allahquliyev, Əbdül Əliyev, Hikmət Bağırov, Rüfət Məmmədov, Comərd Baxşəliyev, Elgiz Kərəmli və Anar Məhərrəmov dəvət olunublar.xeber100.com

“Sumqayıt” futbol klubu heyətini gücləndirməkdə davam edir

“Sumqayıt” futbol klubu 2017/2018-ci il mövsümü üçün heyətini gücləndirməkdə davam edir.Azərtac kluba istinadla xəbər verir ki, “Sumqayıt” sol cinah müdafiəçisi Azər Salahlını komandada saxlayıb. İyirmi üç yaşlı futbolçu azad agent qismində komanda ilə birillik müqavilə imzalayıb.Futbolçu “Sumqayıt”da yenə 19 nömrəli forma altında çıxış edəcək.Qeyd edək ki, Azər Salahlı 2016/2017-ci il mövsümündə “Sumqayıt”ın heyətində Premyer Liqada 27 qarşılaşmada ümumilikdə 2175 dəqiqə meydanda olub və 1 qol vurub.xeber100.com

Dünya çempionatının seçmə mərhələsi çərçivəsində…

Bakının “Neftçi” futbol klubunun müdafiəçisi Georgi Navalovski Gürcüstan milli komandasının düşərgəsinə dəvət olunub.Azərtac xəbər verir ki, 30 yaşlı futbolçu yoldaşlıq görüşü çərçivəsində Sent Kits və Nevis, dünya çempionatının seçmə mərhələsi çərçivəsində isə Moldova yığmalarına qarşı oyunlarda çıxış edə bilər.Sent Kits və Nevis millisi ilə görüş iyunun 7-də Tbilisidə, Moldova ilə matç isə dörd gün sonra Kişinyovda keçiriləcək.xeber100.com

AFFA-nın dəstəyi ilə keçirilən futzal turniri başa çatıb

“Olimpik Star” İdman Kompleksində AFFA-nın dəstəyi ilə Əlillər Futbolu Federasiyası tərəfindən təşkil edilmiş eşitmə qüsurlu əlillər arasında 1 İyun - Uşaqların Beynəlxalq Müdafiəsi Gününə həsr olunmuş futzal turniri başa çatıb.Azərtac xəbər verir ki, turnirin qalibi “Zirvə” komandası olub. “Birlik” ikinci, “Şimşək” üçüncü yeri tutub.“Azəri” komandasının üzvü Rüfət Yusifov turnirin ən yaxşı oyunçusu, Şövkət Əskərov isə (“Zirvə”) ən yaxşı qapıçısı seçilib. “Zirvə” komandasının üzvü Nurlan Fətullazadə yarışın bombardiri olub.xeber100.com

“Beşiktaş” klubu Türkiyə çempionu olub

"Beşiktaş" klubu tarixində 15-ci dəfə Türkiyə çempionu olub.Azərtac xəbər verir ki, Şenol Günəşin baş məşqçisi olduğu komanda ardıcıl ikinci mövsüm qızıl medalları Super Liqada sona 1 tur qalmış təmin edib.XXXIII turda "Qaziantepspor"un qonağı olan "qara qartallar" 4:0 hesablı qələbəyə nail olub. Bununla da xallarını 74-ə çatdıran "Beşiktaş" ən yaxın izləyicisi "Başakşehirspor"u 4 xal geridə qoyub.Qeyd edək ki, "Beşiktaş" 2017-2018 mövsümündə mübarizəyə birbaşa Çempionlar Liqasının qrup mərhələsindən başlayacaq.xeber100.com

Bosniya və Herseqovina qarşılaşması iyunun 9-da keçiriləcək

Futbol üzrə Bosniya və Herseqovina milli komandasının dünya çempionatının seçmə mərhələsi çərçivəsində Yunanıstanla keçirəcəyi oyun üçün nəzərdə tutulan heyəti açıqlanıb.Azərtac xəbər verir ki, 27 nəfərlik siyahıda Ağdamın “Qarabağ” klubunun qapıçısı İbrahim Şehiç də yer alır.Qeyd edək ki, Bosniya və Herseqovina - Yunanıstan qarşılaşması iyunun 9-da keçiriləcək.xeber100.com

Mili Avarçəkmə Federasiyasının məlumatı

Almaniyanın Krefeld şəhərində akademik avarçəkmə üzrə yeniyetmələr arasında Avropa çempionatı keçirilib.Azərbaycan Mili Avarçəkmə Federasiyasından Azərtac-a bildiriblər ki, qitə miqyaslı reqatada ölkəmizi Cavidan Şirinov təmsil edib. 18 yaşlı idmançı bir nəfərlik qayıqla iki min metr məsafəyə yürüşlərə qatılıb. O, 24 iştirakçı arasında beşinci yeri tutub.Seçmə mərhələdə Şirinov 7 dəqiqə 36,85 saniyəyə birinci çatıb və yarımfinala yüksəlib. Növbəti mərhələdə yeniyetmə avarçəkən 7 dəqiqə 27,93 saniyə nəticə ilə üçüncü olub. İlk üçlüyə daxil olduğu üçün Azərbaycan təmsilçisi finala vəsiqə qazanıb.Nəhayət həlledici yürüşdə C.Şirinov 7 dəqiqə 31,95 saniyəlik göstərici ilə beşinci yeri tutub. Almaniyalı Morits Volff (07:17.22), danimarkalı Bastian Zexer (07:20.39), polşalı Fabian Baranski (07:24.45) və italiyalı Danilo Amalfitanodan (07:27.56) geri qalan azərbaycanlı avarçəkən yalnız isveçrəli Yan Şöbleni (07:40.09) üstələyə bilib.Qeyd edək ki, Avropa çempionatı avqustun 2-dən 6-dək Litvanın Trakay şəhərində təşkil olunacaq və 2018-ci ildə Argentinanın paytaxtı Buenos-Ayresdə keçiriləcək Yeniyetmələrin III Yay Olimpiya Oyunlarına lisenziya xarakterli dünya çempionatı öncəsi böyük əhəmiyyət kəsb edib. Qarşıdakı mundialda bir nəfərlik qayıqla yürüşdə ilk beşliyə düşən avarçəkənlər olimpiadaya vəsiqə qazanacaqlar.xeber100.com