Azərbaycan millisinin daha bir boksçusunun rəqibi müəyyənləşib

IV İslam Həmrəyliyi Oyunlarında Azərbaycan millisinin daha bir boksçusunun rəqibi müəyyənləşib. Turnirdə 60 kiloqram çəki dərəcəsində mübarizə aparacaq Cavid Çələbiyev 1/4 finalda Hakan Doğanla (Türkiyə) üz-üzə gələcək.Azərtac xəbər verir ki, dünya çempionumuzun rəqibi bu gün keçirilən 1/8 final döyüşündə müəyyənləşib. Yoel Volliamsonu (Qayana) mübarizədən kənarlaşdıran türkiyəli ilk mərhələdən azad olan təmsilçimizlə qarşılaşmaq hüququ əldə edib.C.Çələbiyevin türkiyəli boksçu ilə görüşü mayın 14-də olacaq.xeber100.com

Dünya kuboku yarışlarına yekun vurulub

Macarıstanın Eger şəhərində paralimpiyaçılar arasında keçirilən pauerliftinq üzrə dünya kuboku yarışlarına yekun vurulub.Azərtac xəbər verir ki, “Neftçi İdman Klubu”nun təmsilçisi Elşən Hüseynov yarışda böyük əzmkarlıq nümayiş etdirib və mötəbər turnirin qalibi adını qazanıb.xeber100.com

UEFA Çempionlar Liqasının ikinci yarımfinalçısı məlum olub

Mayın 10-da UEFA Çempionlar Liqasının ikinci yarımfinalçısı məlum olub.Azərtac xəbər verir ki, yarımfinal mərhələsinin cavab oyununda "Atletiko Madrid" klubunu mübarizədən kənarlaşdıran "Real Madrid" komandası adını finala yazdıraraq "Yuventus"a rəqib olub.İlk oyunda "Santyaqo Bernabeu"da "Real"a 0:3 hesabı ilə məğlub olan "Atletiko" komandası oyuna sürətli hücumlarla başlayıb. Dieqo Simeonenin yetirmələrinin səyləri matçın 12-ci dəqiqəsində bəhrəsini verib. Künc zərbəsindən sonra Niguez topu başla "Real"ın qapısına göndərib - 1:0. Erkən qoldan dörd dəqiqə sonra ev sahibləri hesab arasındakı fərqi artırıblar. "Real"ın cərimə meydançasına daxil olan Fernando Torresin qarşısı kobudluqla alındığına görə türkiyəli referi Cüneyt Çakır "kral klubu"nun qapısına 11 metrlik cərimə zərbəsi təyin edib. Antuan Qrizman dəqiq oynayıb - 2:0Bu qoldan sonra topa nəzarəti ələ keçirən "Real" hissənin sonuna yaxın vurulan qollardan birinin əvəzini çıxıb. Meydan sahiblərinin dörd müdafiəçisini çaş-baş salan Kərim Benzemanın ötürməsindən sonra Toni Kroos topa güclü zərbə endirib. Qapıçı zərbəni dəf etsə də, özünü yetirən İsko topu qapıdan keçirə bilib - 2:1.İlk hissə bu hesabla başa çatıb.Komandaların cəhdlərinə baxmayaraq, ikinci hissədə qapılara qol vurulmayıb və görüş "Atletiko"nun 2:1 hesablı qələbəsi ilə başa çatıb. Lakin iki oyunun nəticəsinə görə 4:2 hesabı ilə qalib gələn “Real Madrid” qitənin ən nüfuzlu klub turnirində adını 15-ci dəfə finala yazdırıb. Zinəddin Zidanın yetirmələri turnirin finalında "Monako"nu mübarizədən kənarlaşdıran "Yuventus" klubu ilə qarşılaşacaqlar.Xatırladaq ki, “Kral klubu" UEFA Çempionlar Liqasının 2013-2014-cü və 2015-2016-cı illər mövsümünün finalında "Atletiko"nu məğlub edərək kuboka sahib olublar.UEFA Çempionlar Liqasının final matçı iyunun 3-də Uelsin paytaxtı Kardiffdə oynanılacaq.xeber100.com  

“Kəpəz” klubu transfer çalışmalarını davam etdirir

Transfer çalışmalarını davam etdirən "Kəpəz” klubu heyətinə 3 futbolçu cəlb edib.Azərtac kluba istinadla xəbər verir ki, “sarı-göylər” müdafiəçi İlyas Səfərzadə, yarımmüdafiəçi Kamran Abdullazadə və hücumçu İlkin Sadıqovu heyətinə qatıb.Futbolçular ilə 1 illik müqavilə bağlanıb.xeber100.com

U-19 Liqasında XXXI turun oyunları keçirilib

Futbol üzrə U-19 Liqasında XXXI turun oyunları keçirilib.Azərtac xəbər verir ki, “Qarabağ”ın 19 yaşadək futbolçulardan ibarət komandası “Qəbələ” ilə qarşılaşıb.Şamaxı Olimpiya İdman Kompleksində keçirilən qarşılaşmada “Qarabağ” 3:1 hesablı qələbə qazanıb."Qarabağ"ın kapitanı Rəşad Sadıqovun çalışdırdığı komanda sona iki tur qalmış qızıl medalları təmin edib. Belə ki, komanda xal hesabını 84-ə çatdırıb və ən yaxın izləyicisi “Qəbələ”ni 10 xal fərqi ilə qabaqlayıb.Bununla da “Qarabağ” UEFA-nın Gənclər Liqası yarışında Azərbaycanı təmsil etmək hüququ qazanıb.xeber100.com

FIFA-nın 67-ci konqresi keçiriləcək

Mayın 11-də Bəhreyndə FIFA-nın 67-ci konqresi keçiriləcək.Azərtac xəbər verir ki, AFFA-nı tədbirdə baş katib Elxan Məmmədov, beynəlxalq əlaqələr şöbəsinin müdiri Könül Mehtiyeva və “Avro-2020”nin AFFA təşkilat komitəsinin koordinatoru Nazim Əliyev təmsil edəcəklər.xeber100.com

Mərakeş və İraq komandaları qarşılaşıblar

Mayın 11-də “Bakı-2017” IV İslam Həmrəyliyi Oyunlarında kişi həndbolçuların yarışının qrup mərhələsinin sonuncu turunda “B” qrupunda yer alan Mərakeş və İraq komandaları qarşılaşıblar.Azərtac xəbər verir ki, hər iki komandanın aktivində bir qələbə olduğu üçün həndbolçular yarımfinala vəsiqə uğrunda gərgin mübarizə aparıblar. Görüşün ilk hissəsində Mərakeş həndbolçuları cüzi fərqlə qalib gəliblər - 11:10. Lakin ikinci yarıda üstünlüyü ələ alan İraq yığması hissəni 15:11 hesabı ilə başa vurub. Ümumi hesabda 25:22 hesabı ilə qələbə qazanan İraq yığması Oyunların yarımfinalına vəsiqəni təmin edib.“Sərhədçi” İdman Olimpiya Mərkəzində keçirilən qarşılaşmanı bəhreynli hakimlər briqadası idarə edib.xeber100.com

Hollandiya millisinin baş məşqçi vəzifəsinə keçidi rəsmiləşib

Dik Advokatın futbol üzrə Hollandiya millisinin baş məşqçi vəzifəsinə keçidi rəsmiləşib.Azərtac xəbər verir ki, 69 yaşlı mütəxəssislə müqavilə imzalanıb. Müqavilənin müddəti barədə məlumat verilməyib.D.Advokatın köməkçisi vəzifəsinə Rud Qullit təyin edilib.D.Avdokat hazırda çalışdırdığı "Fənərbağça" ilə mövsümün sonu müqaviləsi başa çatdıqdan sonra Hollandiya millisində işinə başlayacaq.xeber100.com

IV İslam Həmrəyliyi Oyunlarının futbol yarışları davam edir

“Bakı-2017” IV İslam Həmrəyliyi Oyunlarının futbol yarışları davam edir.Azərtac xəbər verir ki, turnirin “B” qrupunun ikinci turu çərçivəsində Oman millisi Türkiyə yığmasını məğlub edib.“AZAL Arena”da təşkil olunan görüşün 27-ci dəqiqəsində türkiyəli futbolçu Melih Okutan hesabı açıb. İlk hissənin sonuncu dəqiqəsində Oğuzhan Kayar ikinci topu Oman millisinin qapısından keçirib. Görüşün birinci hissəsi Türkiyə millisinin 2:0 hesablı üstünlüyü ilə yekunlaşıb.İkinci hissəyə daha fəal başlayan Oman millisi 58-ci dəqiqədə Ahmed Əl-Matruşi, 63-cü dəqiqədə isə Salaah Əl-Yahyainin qolu ilə hesabı bərabərləşdirib. Görüşün 72-ci dəqiqəsində Türkiyə yığmasının qapısına təyin olunmuş penalti zərbəsini dəqiq yerinə yetirən Muhsen Əl-Qassani Oman millisini hesabda önə çıxarıb. Komandaların cəhdlərinə baxmayaraq oyunun sonunadək hesab dəyişməyib.Beləliklə, Oman millisi Türkiyə yığmasını 3:2 hesabı ilə məğlub edib.Qeyd edək ki, Oman ilk oyunda Fələstin yığması ilə qarşılaşıb və görüş 2:2 hesablı heç-heçə ilə yekunlaşıb. Türkiyə isə Əlcəzair millisi ilə görüşdən 1:2 hesablı məğlubiyyətlə ayrılıb.xeber100.com

IV İslam Həmrəyliyi Oyunlarına dəstək məqsədilə konsert proqramı təşkil olunub

“Aygün City”də Gənclər və İdman Nazirliyinin təşkilatçılığı ilə IV İslam Həmrəyliyi Oyunlarına dəstək məqsədilə boulinq yarışması və konsert proqramı təşkil olunub.Azərtac xəbər verir ki, yarışda nazirliyin əməkdaşları, jurnalistlər, idmançılar və estrada ulduzları iştirak ediblər.İdman tədbirlərinin təşkilatçısı Bəhruz Səmədov çıxış edərək bildirib ki, belə mötəbər yarışın paytaxtımızda təşkili irimiqyaslı idman tədbirlərinin keçirilməsində Azərbaycanın malik olduğu potensial imkanları nümayiş etdirəcək. IV İslam Həmrəyliyi Oyunları müsəlman ölkələri arasında idman əlaqələrini genişləndirəcək, ölkəmizin beynəlxalq idman aləmində nüfuzunun artmasını təmin edəcəkdir.Xatırladaq1 ki, IV İslam Həmrəyliyi Oyunları mayın 12-22-də Bakıda təşkil olunacaq. 50-dən çox İslam ölkəsindən olan üç mindən çox atlet idmanın 20 növü üzrə on yarış günü ərzində mübarizə aparacaqlar. Yarışlar Bakının ən müasir 16 idman meydançasında təşkil olunacaq.xeber100.com