AZAL peşəkar futbol klubunun ləğv edilməsi ilə bağlı bəyanat?!

AZAL peşəkar futbol klubunun ləğv edilməsi ilə bağlı bəyanat azarkeşlərin, fanklub üzvlərinin, xüsusilə, Şüvəlan və Binə qəsəbələrində yaşayan azarkeşlərin narahatçılığına səbəb olub və bununla bağlı çoxsaylı müraciətlər edilib.Azərtac klubun saytına istinadla xəbər verir ki, bu müraciətlərə baxıldıqdan sonra sponsor və tərəfdaşlarla təkrar məsləhətləşmələr aparılıb. Klubun daha çox Şüvəlan qəsəbəsində azarkeş kütləsinə malik olması və həmin qəsəbədə müasir təlim-məşq bazası və stadionun mövcudluğu nəzərə alınaraq yeni mövsümdən AZAL-ın məhz qəsəbənin adını daşıyan “Şüvəlan” klubu adı ilə fəaliyyətini davam etdirməsi qərara alınıb.“Şüvəlan” yeni mövsümdə I divizionda təmsil olunacaq.Yeni klub yaxın dövr ərzində yüksək nailiyyətlər əldə edərək Azərbaycanda futbolun inkişafı naminə və azarkeşlərin etimadını doğrultmaq üçün əlindən gələni əsirgəməyəcək.Şüvəlan qəsəbəsində inşa edilmiş təlim-məşq bazası müasir infrastruktura və geniş potensiala malikdir.xeber100.com

İdman gimnastikası yarışının təsnifat mərhələsi keçirilib

Mayın 13-də Milli Gimnastika Arenasında “Bakı-2017” IV İslam Həmrəyliyi Oyunlarının idman gimnastikası yarışının təsnifat mərhələsi keçirilib.Azərtac xəbər verir ki, təsnifat mərhələsi kişilər arasında sərbəst hərəkətləri, paralel qollar və halqalarla hərəkətləri, qadınlar arasında dayaqla tullanma, müxtəlif hündürlüklü qollarla hərəkətləri əhatə edib.İdman gimnastikasında Azərbaycanı Yuliya İnşina, Yekaterina Tişkova, Marina Nekrasova, Murad Ağarzayev, Timur Bayramov, Talas Bence təmsil ediblər.Yuliya İnşina, Yekaterina Tişkova müxtəlif hündürlüklü qollar, Marina Nekrasova və Yuliya İnşina isə dayaqla tullanmada finala çıxıblar. İdman gimnastikasının bu iki hərəkəti üzrə Azərbaycanın qadın gimnastları hamıdan irəlidədir.Kişilər arasında sərbəst hərəkətlər üzrə Azərbaycan təmsilçilərindən Murad Ağarzayev, halqalarla hərəkətlər üzrə təmsilçilərimiz Talas Bence və Murad Ağarzayev, paralel qollar üzrə Timur Bayramov, Talas Bence və Murad Ağarzayev finala yüksəliblər. İdman gimnastikasının bu hərəkətləri üzrə Azərbaycan gimnastları ümumi sıralamada ikinci yerdədir.xeber100.com

“Qarabağ” futbol klubu yeni müqavilə imzalayıb

“Qarabağ” futbol klubu növbəti mövsüm üçün transfer çalışmalarını davam etdirir. Klub rəhbərliyi Qara Qarayevin ardından daha bir futbolçu ilə müqavilə yeniləyib.Azərtac kluba istinadla xəbər verir ki, yarımmüdafiəçi Əfran İsmayılov daha bir il “Qarabağ”ın şərəfini qoruyacaq.Futbolçu bildirib ki, “Qarabağ” mənə doğma komandadır. Mənim üçün sevindirici haldır ki, daha bir il bu komandanın formasını geyinəcəyəm. Çalışacağam ki, öz oyunumla komandama xeyir verim və uğurlarımın üstünə uğur gətirim. Əsas məqsədimiz növbəti mövsüm daha yaxşı çıxış edib azarkeşlərimizi sevindirməkdir.xeber100.com

Üzgüçülük üzrə yarışlara start verilib

Mayın 13-də IV İslam Həmrəyliyi Oyunları çərçivəsində Bakıdakı Su İdman Oyunları Sarayında üzgüçülük üzrə yarışlara start verilib.Azərtac xəbər verir ki, səhər sessiyası kişilər arasında 50 metr məsafəyə brass üsulu ilə üzmə yarışlarından başlanıb. Burada türkiyəli üzgüçü Hüseyn Əmrə Sakçı ən yaxşı nəticə göstərib. O, finişə çatmaq üçün cəmi 28,09 saniyə vaxt sərf edib. Ölkəmizi təmsil edən Vəli İsrafilov (18.10.2002) 32,48 saniyə nəticə ilə 19-cu yeri tutub.Sonra kişilər arasında 400 metr məsafəyə sərbəst üsulla üzmə yarışları başlanıb. Burada iordaniyalı Kader Getric Baqla (15.09.1998) 4:00.13 saniyə nəticə göstərərək birinci yeri tutub.Beləliklə “Bakı-2017” üzgüçülük yarışlarının birinci gününün səhər sessiyası başa çatıb.xeber100.com

Tennis yarışları davam edir

Mayın 13-də Bakı Tennis Akademiyasında IV İslam Həmrəyliyi Oyunlarının tennis yarışları davam edir.Azərtac xəbər verir ki, bu gün Azərbaycanın və Qətərin kişilərdən ibarət komandalarının qarşılaşması gözlənilir. Həmçinin kişilərdən ibarət İordaniya-Pakistan, Türkiyə-Türkmənistan komandalarının, qadınlardan ibarət isə Pakistan-Türkiyə tennisçilərinin görüşü olacaq.xeber100.com

“Baltic Open-2017” Döyüş Sənətləri Olimpiadası keçiriləcək

Mayın 13-14-də Riqada, ”Elektrum” Olimpiya İdman Mərkəzində “Baltic Open-2017” Döyüş Sənətləri Olimpiadası keçiriləcək. Yarışlarda 6-80 yaş arasında təqribən 2 min müxtəlif səviyyəli idmançı iştirak edəcək. İdman meydanında 14 ölkənin – Azərbaycan, ABŞ, Rusiya, Nepal, Almaniya, İtaliya, Portuqaliya, Belarus, Ukrayna, Qazaxıstan, Özbəkistan, Estoniya, Litva və Latviyanın nümayəndələri qarşılaşacaqlar.Olimpiadada Azərbaycanı məşqçi Vasif Namazovun rəhbərliyi ilə Nəvai Əlizadə, Araz Abdullayev, Musa Abdullayev, Arzu Eyvazova, Natiq Alışov və başqa idmançılar təmsil edəcəklər.Olimpiadanın unikallığı bundadır ki, turnirdə, demək olar, bütün təkbətək döyüş növləri, o cümlədən cüdo, müxtəlif karate versiyaları, kiokusinkay, taekvando, zərbə qüvvəsi, pankration, qreppinq, sərbəst üsul, aykido, vin-çun, kikboksinq, K-1, MMA, kunqfu, kosiki karate, qurşaqtutma nəzərdə tutulub.xeber100.com

IV İslam Həmrəyliyi Oyunlarının atıcılıq yarışları başlayıb

Mayın 13-də Bakı Atıcılıq Mərkəzində “Bakı-2017” IV İslam Həmrəyliyi Oyunlarının atıcılıq yarışları start götürüb.Azərtac xəbər verir ki, mayın 17-dək davam edəcək yarışların ilk günündə kişilər və qadınlar arasında 10 metrdən pnevmatik tüfəngi ilə atəş, o cümlədən kişilərin və qadınların səngər stendi, 25 metrdən tapança ilə atəşaçma yarışları keçirilir.Kişilər arasında 25 metrdən tapançadan mərkəzə atış yarışının təsnifat mərhələsində Azərbaycanı Ruslan Lunev təmsil edir.Azərbaycan idmançılarından Şəfəq Əmrahova və Aydan Camalova isə qadınlar arasında səngər stendi yarışının təsnifat mərhələsində mübarizə aparırlar.Kişilər arasında 10 metrdən pnevmatik tüfəngi ilə atəş açmaq yarışının təsnifat mərhələsində Azərbaycanı Əli Məcidli təmsil edir.Xatırladaq ki, atıcılıq ilk dəfə Olimpiya Oyunlarının proqramına 1896-cı ildən daxil edilib. 2000-ci ildə keçirilən Sidney Yay Olimpiya Oyunlarında Azərbaycanı təmsil edən Zemfira Meftahətdinova qızıl medal qazanıb.xeber100.com

Həndbolçular arasında yarımfinal mərhələsinə start verilib

Mayın 13-də “Sərhədçi” İdman Olimpiya Mərkəzində “Bakı-2017” IV İslam Həmrəyliyi Oyunlarında kişi və qadın həndbolçular arasında yarımfinal mərhələsinə start verilib.Azərtac xəbər verir ki, finala gedən mərhələdə əvvəlcə meydana Azərbaycanın və Özbəkistanın qadın həndbolçuları çıxıblar. Qadınlar arasında digər görüş Türkiyə və Kamerun yığmaları arasında keçiriləcək.Kişi həndbolçuların yarışında isə Səudiyyə Ərəbistanı-İraq, Əlcəzair-Türkiyə matçları oynanılacaq.Həndbol üzrə final yarışları mayın 14-də baş tutacaq.xeber100.com

“Neftçi” futbol klubunda yeni təyinat…

“Neftçi” futbol klubunun baş məşqçisi Elxan Abdullayevin köməkçisi müəyyənləşib.Azərtac xəbər verir ki, Novruz Əzimov əsas komandanın məşqçisi vəzifəsinə təyin olunub. 1982-ci, 1985-1989-cu və 1991-1992-ci illərdə “Neftçi”nin heyətində 146 oyun keçirib 5 qol vuran N.Əzimov Azərbaycan çempionudur.“Kəpəz” və AZAL klublarında məşqçi kimi çalışmış mütəxəssis "Bakı”nın baş məşqçisi, məşqçisi və idman direktoru vəzifələrini yerinə yetirib. Baş məşqçi kimi Azərbaycan kubokunun qalibi olub.xeber100.com

UEFA Avropa Liqasında cavab oyunları keçirilib

UEFA Avropa Liqasında yarımfinal mərhələsinin cavab oyunları keçirilib.Azərtac xəbər verir ki, ilk oyunda səfərdə “Ayaks”a 4:1 hesabı ilə məğlub olan “Lion”u doğma meydandakı 3:1 hesablı qələbə də xilas etməyib. Hollandiyalılar azlıqda qalsalar da, sona qədər əzmkar oyun nümayiş etdirərək, finala çıxıblar.“Selta” üzərində İspaniyada 1:0 hesablı qələbə qazanan “Mançester Yunayted” isə bu dəfə rəqibini “Old Trafford”da qəbul edib və oyunda 1:1 hesablı bərabərlik qeydə alınıb. İki oyunun nəticəsinə görə “Mançester Yunayted” finala yüksəlib.Beləliklə, mayın 24-də İsveçin paytaxtı Stokholmdakı “Friends Arena”da keçiriləcək final matçında “Mançester Yunayted”lə “Ayaks” üz-üzə gələcək.xeber100.com