Azərbaycan kuboku uğrunda yarışın final oyununa təyinatlar açıqlanıb

“Qarabağ” və “Qəbələ” klubları arasında keçiriləcək futbol üzrə Azərbaycan kuboku uğrunda yarışın final oyununa təyinatlar açıqlanıb.Azərtac xəbər verir ki, Naxçıvan Muxtar Respublika stadionunda keçiriləcək oyunun baş hakimi Fariz Yusifov olacaq. Ona Vaqif Musayev, Namiq Hüseynov və Əliyar Ağayev kömək edəcəklər.Görüşdə AFFA nümayəndəsi Əli Hüseynov, hakim-inspektor isə Məlik Həsənov olacaq.“Qarabağ”-“Qəbələ” oyunu mayın 5-də saat 16:00-da başlayacaq.xeber100.com

IV İslam Həmrəyliyi Oyunlarının uşu-sanda yarışlarında…

Mayın 3-də Azərbaycan Uşu Federasiyası IV İslam Həmrəyliyi Oyunlarında iştirak edəcək uşu-sanda üzrə yığma komandanın hazırlığı, planları ilə bağlı mətbuat konfransı keçirib.Azərtac xəbər verir ki, Azərbaycan Uşu Federasiyasının prezidenti A.Həsənsoy mətbuat konfransında IV İslam Həmrəyliyi Oyunlarının uşu-sanda yarışlarında 17 ölkədən idmançıların çıxış edəcəyini bildirib. Diqqətə çatdırıb ki, ölkəmiz bu idman növündə 7 çəki dərəcəsindən 6-da təmsil olunacaq.Ötən oyunlara 3 idmançı ilə qatıldıqlarını deyən federasiya prezidenti bir gümüş və bir bürünc medal qazanıldığını vurğulayıb.xeber100.com

Stolüstü tennis turniri keçirilib

Mayın 1-2-də Dövlət Gömrük Komitəsinin Akademiyasında xüsusi təyinatlı ali məktəblərin tələbə və müdavimləri arasında stolüstü tennis turniri keçirilib.Dövlət Gömrük Komitəsinin mətbuat xidmətindən Azərtac-a bildirilib ki, Azərbaycan xalqının ümummilli lideri Heydər Əliyevin anadan olmasının 94-cü ildönümünə həsr olunan turniri Gömrük Akademiyası təşkil edib.Turnirdə Dövlət Gömrük Komitəsinin, Fövqəladə Hallar və Daxili İşlər nazirliklərinin akademiyaları, Dövlət Təhlükəsizliyi Xidmətinin Heydər Əliyev adına Akademiyası, Milli Aviasiya Akademiyası və Heydər Əliyev adına Azərbaycan Ali Hərbi Məktəbinin komandaları iştirak ediblər.xeber100.com

UEFA Çempionlar Liqasının ilk oyunu keçirilib

Mayın 2-də UEFA Çempionlar Liqasının yarımfinal mərhələsinin ilk oyunu keçirilib.Azərtac xəbər verir ki, Madridin “Santyaqo Bernabeu” stadionunda baş tutan görüşdə əzəli rəqiblər – “Real” və “Atletiko” qarşılaşıb. Matçda üstün tərəf olan “Real” portuqaliyalı ulduzu Kriştiano Ronaldonun 10, 73 və 86-cı dəqiqələrdə vurduğu qollarla rəqibini 3:0 hesabı ilə məğlub edib.Bununla da K.Ronaldo Çempionlar Liqasında ardıcıl ikinci oyunda het-trik edib. Bundan əvvəl, o, Münxenin “Bavariya” klubunun qapısından 3 top keçirmişdi.Beləliklə, “Kral” klubu ardıcıl ikinci il Çempionlar Liqasının finalına vəsiqə qazanmağa yaxınlaşıb.Qeyd edək ki, Dieqo Simeonenin komandası UEFA Çempionlar Liqasının 2013-2014-cü və 2015-2016-cı il mövsümlərinin final qarşılaşmalarında “Real Madrid”ə məğlub olub.Yarımfinal mərhələsinin digər matçı bu gün Fransada “Monako” və “Yuventus” komandaları arasında baş tutacaq.xeber100.com

Beynəlxalq velosiped turuna start verilib

Mayın 3-də 2.1 kateqoriyalı “Tour d’Azerbaidjan-2017" beynəlxalq velosiped turuna start verilib.Azərtac xəbər verir ki, turun birinci mərhələsi Dövlət Bayrağı Meydanında başlayıb və velosipedçilər 150 kilometr qət edərək Sumqayıta çatacaqlar.Yarışda 18 ölkədən 22 komanda mübarizə aparır. Onlardan 6-sı peşəkar kontinental, "Synergy Baku" da daxil olmaqla 16-sı kontinental kollektivdir.İştirakçılar ikinci mərhələdə Bakı-İsmayıllı (187 km), üçüncü mərhələdə Qəbələ-Şəki-Qəbələ (177 km), dördüncü mərhələdə Qəbələ-Ağsu-Pirqulu (164 km) və sonuncu mərhələdə Bakı-Abşeron-Bakı (158 km) marşrutu üzrə, ümumilikdə, 836 kilometr məsafə qət edəcəklər. Əvvəlki illərdən fərqli olaraq bu il turun 4-cü mərhələsinə Ağsu dolaylarının əlavə edilməsi yarışa olan marağı daha da artırıb.xeber100.com

Azərbaycan millisi növbəti yoxlama oyununu keçirib

IV İslam Həmrəyliyi Oyunlarına hazırlığı davam etdirən kişi voleybolçulardan ibarət Azərbaycan millisi Sloveniyadakı təlim-məşq toplanışı çərçivəsində növbəti yoxlama oyununu keçirib.Azərtac xəbər verir ki, komandamız növbəti dəfə Səudiyyə Ərəbistanı yığması ilə qarşılaşıb və 3:1 hesabı ilə qalib gəlib.Xatırladaq ki, voleybolçularımız bundan əvvəl Sloveniyada “Maribor” klubunu və Səudiyyə Ərəbistanı yığmasını 4:1 hesabı ilə məğlub etmişdi.xeber100.com

Futbol üzrə Avropa Liqasına hazırlıq prosesləri başlayıb

Futbol üzrə Avropa Liqasına vəsiqə qazanan “Zirə” heyətlə bağlı çalışmalara start verib.Azərtac kluba istinadla xəbər verir ki, baş məşqçi Ayxan Abbasov müqaviləsi başa çatan 3 futbolçu ilə yolları ayırmağı qərara alıb. Anlaşması başa çatan Tural Cəlilov və Yamin Ağakərimzadə ilə yanaşı, icarə müddəti bitən Migel Lorensoya yeni müqavilə təklif olunmayıb.“Zirə” hər 3 futbolçuya göstərdikləri xidmətə görə təşəkkür edib və gələcək karyeralarında uğurlar arzulayıb.xeber100.com

“Daşkənd Open 2017” turniri start götürüb

Sabah Daşkənddə 11-ci “Daşkənd Open 2017” turniri start götürüb.Azərtac xəbər verir ki, Özbəkistanın birinci qrossmeysteri Georgi Aqzamovun xatirəsinə həsr olunmuş beynəlxalq turnir İsveçrə sistemi üzrə keçiriləcək və 9 turdan ibarət olacaq.Turnirin “A” qrupunda 15 ölkədən 71 şahmatçı, o cümlədən 13 qrossmeyster iştirak edəcək. Yarışda Azərbaycanı qrossmeyster Vüqar Rəsulov təmsil edəcək. Vüqarın birinci rəqibi yerli şahmatçı Baxtior Cumayev olacaq. O, qara fiqurlarla oynayacaq.Geoergi Aqzamovun xatirə turniri çərçivəsində yarışlar iki qrupda - əsas “A” və 12 yaşa qədər uşaqların yarışacağı “B” qruplarında keçiriləcək.Ümumi mükafat fondu 20 min ABŞ dolları olan turnir mayın 10-da başa çatacaq.xeber100.com

Azərbaycanı təmsil edəcək stolüstü tennisçilər müəyyənləşib

Mayın 12-22-də Bakıda təşkil olunacaq IV İslam Həmrəyliyi Oyunlarında Azərbaycanı təmsil edəcək stolüstü tennisçilər müəyyənləşib.Azərtac “Bakı-2017”nin saytına istinadla xəbər verir ki, kişilərin yarışında Vəzir Allahverdiyev, Yu Xinhanq, Yang Xinyu və Vanq Çenxi birincilik uğrunda mübarizə aparacaqlar.Qadınların mübarizəsində ölkəmizi Məryəm İmanova, Ninq Cing, Çen Xinqtai və Vanq Miao təmsil edəcəklər.IV İslam Həmrəyliyi Oyunlarında stolüstü tennis yarışları mayın 17-22-də “Sərhədçi” Olimpiya İdman Mərkəzində təşkil olunacaq.xeber100.com

Həndbol Federasiyasının məlumatına görə…

IV İslam Həmrəyliyi Oyunları ərəfəsində təlim-məşq toplanışında olan qadın həndbolçulardan ibarət Azərbaycan yığması yoldaşlıq görüşlərini davam etdirir.Həndbol Federasiyasından Azərtac-a bildirilib ki, həndbolçularımız mayın 1-də növbəti qarşılaşmada Rusiyanın “Rostov-2” komandasını 39:21 hesabı ilə məğlubiyyətə uğradıblar.Millimiz növbəti oyununu mayın 2-də keçirəcək.xeber100.com