İspaniya mətbuatı yazır…

İspaniyanın velosiped idmanı üzrə ixtisaslaşmış “esciclismo.com” portalı “Tour d’Azerbaidjan-2017” veloturundan yazıb. Portal Azərbaycanda keçirilən yarışın ilk mərhələsinin nəticələri haqqında məqalə dərc edib.Yazıda deyilir ki, ilk yarış günündə iştirakçılar Bakıdan Sumqayıtadək olan məsafəni qət ediblər. İlk mərhələdə estoniyalı Mikel Raim qalib olub. O, ikinci mərhələdə liderliyini qorumağa çalışacaq. İkinci mərhələdə idmançılar Bakıdan İsmayıllıyadək olan 187 kilometr məsafəni qət edəcəklər.xeber100.com

Paralimpiya millisinin heyəti açıqlanıb

“Bakı-2017” IV İslam Həmrəyliyi Oyunlarında mübarizə aparacaq Azərbaycan paralimpiya millisinin heyəti açıqlanıb.Azərtac xəbər verir ki, paralimpiyaçılar “Bakı-2017”də idmanın iki növü üzrə mübarizə aparacaqlar. Atletika yarışlarında millimizin heyətində Elçin Muradov, Nurlan İbrahimov, Elmir Cəbrayılov, Ülvi Şıxəliyev, Kamil Əliyev, Teymur Qasımov, Zeynidin Bilalov, Rasim Babayev, Samir Nəbiyev, Oloxan Musayev, Vladimir Zayets, İslam Qəhrəmanzadə, İradə Əliyeva, Yelena Çebanu, Oleq Panyutin və Zeynal Misgərli çıxış edəcəklər.Cüdo yarışlarında isə İlham Zəkiyev, Kənan Abdullaxanlı, Rövşən Səfərov, Tofiq Məmmədov, Ramil Qasımov, Elçin Talıbov, Ramin Əliyev, Bayram Mustafayev, Sevda Vəliyeva, Afaq Sultanova, Ramilə Kaştayeva və Turanə Ağayeva güclərini sınayacaqlar.IV İslam Həmrəyliyi Oyunlarında 19 ölkədən 93 paralimpiyaçı birincilik uğrunda mübarizə aparacaq.xeber100.com

“Yuventus” Fransada “Monako” ilə qarşılaşıb

UEFA Çempionlar Liqasının yarımfinal mərhələsinin növbəti oyunu keçirilib.Azərtac xəbər verir ki, İtaliya təmsilçisi “Yuventus” Fransada “Monako” ilə qarşılaşıb. Oyunda hesab 29-cu dəqiqədə açılıb. Qonzalo İquayn İtaliya klubunu hesabda önə çıxarıb. İlk hissə bu hesabla başa çatıb.İkinci hissədə böyük qüvvə ilə hücuma atılan “Monako” qapısında ikinci qolu görüb. Argentinalı hücumçu Qonzalo İquayn 59-cu dəqiqədə meydan sahiblərini ikinci dəfə mərkəzə dəvət edib. Qarşılaşmanın qalan dəqiqələri Fransa təmsilçisinin çoxsaylı hücumları ilə keçib. Lakin “Yuventus”un etibarlı müdafiə xəttini yarmaq mümkün olmayıb. Oyun İtaliya təmsilçisinin 0:2 hesablı qələbəsi ilə yekunlaşıb.Mayın 3-də, həmçinin Avropa Liqasında yarımfinal mərhələsinin ilk oyunu keçirilib. Hollandiya təmsilçisi “Ayaks” turnirin favoritlərindən sayılan Fransanın Avropadakı daha bir təmsilçisi “Lion”u qəbul edib. Bu dəfə də fransızlar meydanı məğlub tərk ediblər. Qarşılama 4:1 hesabı ilə “Ayaks”ın qələbəsi ilə başa çatıb.xeber100.com

Beynəlxalq velosiped turunun ikinci mərhələsinə start verilib

Mayın 4-də “Tour d’Azerbaidjan-2017” beynəlxalq velosiped turunun ikinci mərhələsinə start verilib.Azərtac xəbər verir ki, ikinci mərhələdə velosipedçilər Şıxovdan start götürərək 187 kilometr məsafə qət edərək İsmayıllıya çatacaqlar.Yarışda 18 ölkədən 22 komanda mübarizə aparır. Onlardan da 6-sı peşəkar kontinental, "Synergy Baku" da daxil olmaqla 16-sı kontinental kollektivdir.İştirakçılar üçüncü mərhələdə Qəbələ-Şəki-Qəbələ (177 km), dördüncü mərhələdə Qəbələ-Ağsu-Pirqulu (164 km) və sonuncu mərhələdə Bakı-Abşeron-Bakı (158 km) marşrutu üzrə, ümumilikdə, 836 kilometr məsafə qət edəcəklər. Əvvəlki illərdən fərqli olaraq bu il turun 4-cü mərhələsinə Ağsu dolaylarının əlavə edilməsi yarışa olan marağı daha da artırıb.xeber100.com

Azərbaycan kuboku uğrunda yarışın final oyununa təyinatlar açıqlanıb

“Qarabağ” və “Qəbələ” klubları arasında keçiriləcək futbol üzrə Azərbaycan kuboku uğrunda yarışın final oyununa təyinatlar açıqlanıb.Azərtac xəbər verir ki, Naxçıvan Muxtar Respublika stadionunda keçiriləcək oyunun baş hakimi Fariz Yusifov olacaq. Ona Vaqif Musayev, Namiq Hüseynov və Əliyar Ağayev kömək edəcəklər.Görüşdə AFFA nümayəndəsi Əli Hüseynov, hakim-inspektor isə Məlik Həsənov olacaq.“Qarabağ”-“Qəbələ” oyunu mayın 5-də saat 16:00-da başlayacaq.xeber100.com

IV İslam Həmrəyliyi Oyunlarının uşu-sanda yarışlarında…

Mayın 3-də Azərbaycan Uşu Federasiyası IV İslam Həmrəyliyi Oyunlarında iştirak edəcək uşu-sanda üzrə yığma komandanın hazırlığı, planları ilə bağlı mətbuat konfransı keçirib.Azərtac xəbər verir ki, Azərbaycan Uşu Federasiyasının prezidenti A.Həsənsoy mətbuat konfransında IV İslam Həmrəyliyi Oyunlarının uşu-sanda yarışlarında 17 ölkədən idmançıların çıxış edəcəyini bildirib. Diqqətə çatdırıb ki, ölkəmiz bu idman növündə 7 çəki dərəcəsindən 6-da təmsil olunacaq.Ötən oyunlara 3 idmançı ilə qatıldıqlarını deyən federasiya prezidenti bir gümüş və bir bürünc medal qazanıldığını vurğulayıb.xeber100.com

Stolüstü tennis turniri keçirilib

Mayın 1-2-də Dövlət Gömrük Komitəsinin Akademiyasında xüsusi təyinatlı ali məktəblərin tələbə və müdavimləri arasında stolüstü tennis turniri keçirilib.Dövlət Gömrük Komitəsinin mətbuat xidmətindən Azərtac-a bildirilib ki, Azərbaycan xalqının ümummilli lideri Heydər Əliyevin anadan olmasının 94-cü ildönümünə həsr olunan turniri Gömrük Akademiyası təşkil edib.Turnirdə Dövlət Gömrük Komitəsinin, Fövqəladə Hallar və Daxili İşlər nazirliklərinin akademiyaları, Dövlət Təhlükəsizliyi Xidmətinin Heydər Əliyev adına Akademiyası, Milli Aviasiya Akademiyası və Heydər Əliyev adına Azərbaycan Ali Hərbi Məktəbinin komandaları iştirak ediblər.xeber100.com

UEFA Çempionlar Liqasının ilk oyunu keçirilib

Mayın 2-də UEFA Çempionlar Liqasının yarımfinal mərhələsinin ilk oyunu keçirilib.Azərtac xəbər verir ki, Madridin “Santyaqo Bernabeu” stadionunda baş tutan görüşdə əzəli rəqiblər – “Real” və “Atletiko” qarşılaşıb. Matçda üstün tərəf olan “Real” portuqaliyalı ulduzu Kriştiano Ronaldonun 10, 73 və 86-cı dəqiqələrdə vurduğu qollarla rəqibini 3:0 hesabı ilə məğlub edib.Bununla da K.Ronaldo Çempionlar Liqasında ardıcıl ikinci oyunda het-trik edib. Bundan əvvəl, o, Münxenin “Bavariya” klubunun qapısından 3 top keçirmişdi.Beləliklə, “Kral” klubu ardıcıl ikinci il Çempionlar Liqasının finalına vəsiqə qazanmağa yaxınlaşıb.Qeyd edək ki, Dieqo Simeonenin komandası UEFA Çempionlar Liqasının 2013-2014-cü və 2015-2016-cı il mövsümlərinin final qarşılaşmalarında “Real Madrid”ə məğlub olub.Yarımfinal mərhələsinin digər matçı bu gün Fransada “Monako” və “Yuventus” komandaları arasında baş tutacaq.xeber100.com

Beynəlxalq velosiped turuna start verilib

Mayın 3-də 2.1 kateqoriyalı “Tour d’Azerbaidjan-2017" beynəlxalq velosiped turuna start verilib.Azərtac xəbər verir ki, turun birinci mərhələsi Dövlət Bayrağı Meydanında başlayıb və velosipedçilər 150 kilometr qət edərək Sumqayıta çatacaqlar.Yarışda 18 ölkədən 22 komanda mübarizə aparır. Onlardan 6-sı peşəkar kontinental, "Synergy Baku" da daxil olmaqla 16-sı kontinental kollektivdir.İştirakçılar ikinci mərhələdə Bakı-İsmayıllı (187 km), üçüncü mərhələdə Qəbələ-Şəki-Qəbələ (177 km), dördüncü mərhələdə Qəbələ-Ağsu-Pirqulu (164 km) və sonuncu mərhələdə Bakı-Abşeron-Bakı (158 km) marşrutu üzrə, ümumilikdə, 836 kilometr məsafə qət edəcəklər. Əvvəlki illərdən fərqli olaraq bu il turun 4-cü mərhələsinə Ağsu dolaylarının əlavə edilməsi yarışa olan marağı daha da artırıb.xeber100.com

Azərbaycan millisi növbəti yoxlama oyununu keçirib

IV İslam Həmrəyliyi Oyunlarına hazırlığı davam etdirən kişi voleybolçulardan ibarət Azərbaycan millisi Sloveniyadakı təlim-məşq toplanışı çərçivəsində növbəti yoxlama oyununu keçirib.Azərtac xəbər verir ki, komandamız növbəti dəfə Səudiyyə Ərəbistanı yığması ilə qarşılaşıb və 3:1 hesabı ilə qalib gəlib.Xatırladaq ki, voleybolçularımız bundan əvvəl Sloveniyada “Maribor” klubunu və Səudiyyə Ərəbistanı yığmasını 4:1 hesabı ilə məğlub etmişdi.xeber100.com