Futbolçulardan ibarət milli komandanın heyəti açıqlanıb

Bakıda keçiriləcək IV İslam Həmrəyliyi Oyunlarında iştirak edəcək 23 yaşadək futbolçulardan ibarət Azərbaycan milli komandasının heyəti açıqlanıb.Azərtac xəbər verir ki, yığmanın baş məşqçisi Yaşar Vahabzadə “Qəbələ”nin üç futbolçusunu da heyətə daxil edib. Bunlar Rəşad Sadiqov, Tellur Mütəllimov və Elvin Camalovdur.IV İslam Həmrəyliyi Oyunlarının futbol turniri mayın 8-də start götürəcək. Azərbaycan millisi Kamerun, Səudiyyə Ərəbistanı və Mərakeşlə eyni qrupda mübarizə aparacaq. Komandamız ilk oyun günündə Kamerunla qarşılaşacaq.Xatırladaq ki, yarışların əsasnaməsinə görə hər komanda yaşı 23-dən yuxarı olan 3 futbolçunun xidmətindən yararlana bilər.xeber100.com

Voleybolçulardan ibarət Azərbaycan millisi növbəti yoxlama oyununu keçirib

IV İslam Həmrəyliyi Oyunlarına hazırlığı davam etdirən kişi voleybolçulardan ibarət Azərbaycan millisi Sloveniyadakı təlim-məşq toplanışı çərçivəsində növbəti yoxlama oyununu keçirib.Azərtac xəbər verir ki, komandamız Səudiyyə Ərəbistanı yığmasına 4:1 hesabı ilə qalib gəlib.Xatırladaq ki, voleybolçularımız bundan əvvəl Sloveniyada “Maribor” klubunu eyni hesabla məğlub etmişdi.xeber100.com

“Tour d’Azerbaidjan-2017” velosiped turu ilə əlaqədar konfrans keçirilib

Mayın 2-də “Tour d’Azerbaidjan-2017” beynəlxalq velosiped turu ilə əlaqədar Respublika Velotrekində mətbuat konfransı keçirilib. Tədbirdə veloturun Təşkilat Komitəsinin sədri S.Ələkbərov və yarışın texniki direktoru Roland Hofer iştirak ediblər.Azərtac xəbər verir ki, veloturun Təşkilat Komitəsinin S.Ələkbərov 2.1 kateqoriyalı “Tour d’Azerbaidjan-2017" barədə ətraflı məlumat verib.“Builki yarışda 18 ölkədən 22 komanda mübarizə aparacaq ki, onlardan da 6-sı peşəkar kontinental, "Synergy Baku" da daxil olmaqla 16-sı kontinental kollektivdir. İştirakçılar 1-ci mərhələdə Bakı-Sumqayıt (150 km), 2-ci mərhələdə Bakı-İsmayıllı (187 km), 3-cü mərhələdə Qəbələ-Şəki-Qəbələ (177 km), 4-cü mərhələdə Qəbələ-Ağsu-Pirqulu (164 km) və sonuncu mərhələdə Bakı-Abşeron-Bakı (158 km) marşrutu üzrə, ümumilikdə, 836 kilometr məsafə qət edəcəklər. Əvvəlki illərdən fərqli olaraq bu il turun 4-cü mərhələsinə Ağsu dolaylarının əlavə edilməsi yarışa olan marağı daha da artırıb”, - deyə S. Ələkbərov əlavə edib."Tour d'Azerbaidjan-2017" beynəlxalq velosiped turunun əvvəlki illərdə olduğu kimi, bu dəfə də uğurla keçəcəyinə əmin olduğunu deyən Roland Hofer isə qonaqların Azərbaycandan ən xoş hisslərlə ayrılacaqlarına şübhə etmədiyini vurğulayıb.xeber100.com

Güləş üzrə Avropa çempionatı start götürüb

Bu gün Serbiyanın Novı Sad şəhərində güləş üzrə Avropa çempionatı start götürüb.Azərtac xəbər verir ki, çempionatında sərbəst, yunan-Roma və qadın güləşi üzrə Azərbaycan yığma komandaları da mübarizə aparır.İlk yarış günündə 57, 86 kiloqram çəkidə sərbəst, 48 və 63 kiloqram çəki dərəcəsində isə qadın güləşçilər mübarizə aparırlar.Bu çəkilərdə ölkəmizi sərbəst güləşdə Giorgi Edişeraşvili (57 kq), Aleksandr Qostiyev (86 kq), qadın güləşində isə Mariya Stadnik (48 kq) və Elmira Qəmbərova (63 kq) təmsil edirlər.xeber100.com

Azərbaycan yığması UEFA İnkişaf turnirində çıxışını başa vurub

On yeddi yaşadək futbolçulardan ibarət Azərbaycan yığması Monteneqronun Podqoritsa şəhərində təşkil olunmuş UEFA İnkişaf turnirində çıxışını başa vurub.Azərtac AFFA-ya istinadla xəbər verir ki, Qazaxıstan yığmasına qarşı keçirilmiş son oyun 1:1 hesabı ilə başa çatdığı üçün qalib penalti seriyasında müəyyənləşib. 11 metrlik zərbələri daha sərrast yerinə yetirən qazaxıstanlı futbolçular 4:3 hesabı ilə qələbə qazanıblar.Xatırladaq ki, yığmamız turnirin ilk oyununda Bosniya və Herseqovina, ikinci qarşılaşmda isə Monteneqro komandasına 0:3 hesabı ilə məğlub olmuşdu.xeber100.com

“Zəfər günləri” adlı xüsusi tədbirlər təşkil edəcək

Milli Olimpiya Komitəsi (MOK) “Bakı-2017” IV İslam Həmrəyliyi Oyunlarının keçirildiyi günlərdə bu mötəbər yarışda qalib gələn və mükafatçılar sırasına düşə bilən azərbaycanlı idmançıların şərəfinə “Zəfər günləri” adlı xüsusi tədbirlər təşkil edəcək. “Zəfər günləri” silsilə tədbirləri mayın 14-dən 23-dək davam edəcək.Azərtac xəbər verir ki, bu barədə mayın 1-də Milli Olimpiya Komitəsinin vitse-prezidenti Ç.Hüseynzadə “Zəfər günləri” kampaniyasının təqdimat mərasimində məlumat verib.MOK-un marketinq idarəsinin rəisi M.Kərimov bildirib ki, Milli Olimpiya Komitəsi tərəfindən ikinci dəfə keçiriləcək bu layihə çərçivəsində qalib idmançılarımızın, medallar qazanan atletlərimizin, onların ailə üzvlərinin, yaxınlarının, idman mütəxəssislərinin, ictimaiyyətin və KİV-lərin nümayəndələri ilə Komitədə görüşləri təşkil ediləcək. Beləliklə, MOK artıq ikinci dəfə medalçılar üçün yüksək səviyyədə mərasim təşkil edəcək. Tədbirlərdə KİV nümayəndələrinin uğur qazanan atletlərimizdən, onların ailə üzvlərindən müsahibələr alması üçün də şərait yaradılacaq.xeber100.com

“Shamkir Chess-2017” superturnirinin bağlanış mərasimində…

Azərbaycanın tanınmış şahmatçısı Vüqar Həşimovun xatirəsinə həsr olunan “Shamkir Chess-2017” superturnirinin təntənəli bağlanış mərasimi zamanı rusiyalı şahmatçı Vladimir Kramnikə hədiyyə təqdim olunub.Azərtac xəbər verir ki, azərbaycanlı şahmat həvəskarlarının xüsusi marağına səbəb olan keçmiş rusiyalı dünya çempionu Vladimir Kramnik bağlanış mərasimində sürprizlə qarşılaşıb. Belə ki, şəmkirli həvəskar rəssam Aynur Abdullayeva Vladimir Kramnikə idmançının portretini hədiyyə edib. Aynur Abdullayeva bildirib ki, bu portreti çəkməyə onu vadar edən Kramnikin Şəmkirə olan sevgisi və turnirin açılış mərasiminin gözəlliyindən təsirlənməsi olub.Xanımın şəxsi əl işi olan portreti idmançıya Şəmkir Rayon İcra Hakimiyyətinin başçısı Alimpaşa Məmmədov təqdim edib.xeber100.com

Tələbə Futbol Federasiyasının təşkilatçılığı ilə…

Tələbə Futbol Federasiyasının təşkilatçılığı ilə ali təhsil müəssisələrinin və kolleclərin tələbələri arasında təşkil edilən futbol üzrə Azərbaycan çempionatına yekun vurulub.Azərtac xəbər verir ki, üçüncü yer uğrunda keçirilmiş oyunda Azərbaycan Memarlıq və İnşaat Universitetinin komandası ilə Azərbaycan Texniki Universiteti ilə üz-üzə gəlib. Memarlıq və İnşaat Universitetinin komandası 2:1 hesabı ilə qalib gəlib.Final oyununda isə Azərbaycan Dövlət Bədən Tərbiyəsi və İdman Akademiyasının komandası ilə Bakı Dövlət Universitetinin kollektivi qarşılaşıb. Rəqibini 2:1 hesabı ilə məğlub edən Bakı Dövlət Universitetinin komandası çempion olub.Final oyunu başa çatdıqdan sonra mükafatlandırma mərasimi təşkil olunub.Sabir Əlişanov (Azərbaycan Memarlıq və İnşaat Universiteti) turnirin ən yaxşı müdafiəçisi, Nicat Mahmudov (Azərbaycan Dövlət Bədən Tərbiyəsi və İdman Akademiyası) ən yaxşı hücumçusu seçilib. Nurəlı Əsədov (Bakı Dövlət Universiteti) isə çempionatın bombardiri olub.xeber100.com

“RİA Novosti”nin məlumatına görə…

Britaniyalı boksçu Entoni Coşua IBO, IBF və WBA versiyaları üzrə çempion titullu görüşdə ukraynalı boksçu Vladimir Kliçkonu məğlub edib.“RİA Novosti”nin verdiyi xəbərə görə, Coşua Kliçkonu 11 raunda texniki nokautla məğlub edib.Bu qələbə indiyədək məğlub olmayan Coşuanın karyerasında sayca 19-dur. Kliçko isə 69 görüşdən 5-də məğlub olub.xeber100.com

Dünya kuboku yarışlarının final mərhələsi keçirilir

Aprelin 30-da Bakıda Beynəlxalq Gimnastika Federasiyasının (FIG) bədii gimnastika üzrə dünya kuboku yarışlarının final mərhələsi keçirilir.Azərtac xəbər verir ki, Milli Gimnastika Arenasında keçirilən dünya kubokunun üçüncü - sonuncu günündə fərdi gimnastların halqa, top, gürzlər və lentlə, eləcə də qrup komandalarının 5 halqa, 3 top və 2 iplə hərəkətlər üzrə final yarışları oynanılacaq.Aprelin 28-də startı verilən mötəbər turnirə 21 ölkədən 94 gimnast qatılıb. Onlardan 34-ü fərdi proqramda, 58 nəfəri isə ümumilikdə 10 qrup hərəkətləri komandasının tərkibində çıxış edir.xeber100.com