Güləş üzrə beynəlxalq turnir start götürüb

Bolqarıstanın Ruse şəhərində güləş üzrə böyüklər arasında ənənəvi Dan Kolov və Nikola Petrovun xatirəsinə həsr olunan beynəlxalq turnir start götürüb.Azərtac xəbər verir ki, sayca 55-ci dəfə keçirilən turnirdə sərbəst, yunan-Roma və qadın güləşçilərdən ibarət yığma komandalarımızın üzvləri iştirak edirlər.Qadın güləşçilərin yarışında baş məşqçi Semyon Çterevin və məşqçi Rövşən Umudovun rəhbərliyi altında Anjela Doroqan (53 kq), İrina Netreba, Nataliya Sinişin (hər ikisi - 58 kq) və Elis Manolova (69 kq) mübarizə aparırlar.Yunan-Roma güləşçiləri yığma komandanın böyük məşqçisi İlqar Abdulovun başçılığı ilə yarışa qatılıblar. Heyətdə Taleh Məmmədov, Kərim Cəfərov (hər ikisi - 59 kq), Kamran Məmmədov (66 kq), Rəsul Çunayev və Həsən Əliyev (hər ikisi - 71 kq) yer alıblar.Sərbəst güləşçilərin mübarizəsində Mahir Əmiraslanov (57 kq), Məhəmməd Müslümov, Gitinomaqomed Hacıyev (hər ikisi - 65 kq), Ruslan Dibirhacıyev (70 kq) və Nurməhəmməd Hacıyev (97 kq) qüvvəsini sınayırlar. Komanda məşqçilər Sadurddin Ayqubov və Əsgərxan Novruzovun başçılığı altında yarışda iştirak edir.Görüşlərin idarə olunmasında ölkəmizi beynəlxalq dərəcəli hakim Əbdül Nuriyev təmsil edir.xeber100.com

Beynəlxalq şahmat turnirində blits-turnir keçirilib

“Dubay open-2017” beynəlxalq şahmat turnirində blits-turnir keçirilib.AZƏRTAC xəbər verir ki, 104 şahmatçının, o cümlədən 20 qrossmeysterin iştirak etdiyi blits-turnirdə 9 mümkün xaldan 7,5 toplamış Gürcüstan nümayəndəsi Levan Pantsulaya qalib gəlib. Azərbaycanlı qrossmeyster Eltac Səfərli də L. Pantsulaya ilə eyni sayda xal toplayıb, lakin əlavə göstəricilər nəzərə alınmaqla Gürcüstan nümayəndəsi qalib hesab edilib.Beş şahmatçı: Ər Salem (Dubay), Anton Korobov (Ukrayna), Bartoş Soçko (Polşa), Sergey Jiqalko (Belarus) və Havain Cons (İngiltərə) hərəsi liderdən yarım xal az toplayıb.xeber100.com

Futzal üzrə qrup oyunları çərçivəsində…

Futzal üzrə Avropa çempionatının əsas mərhələsinin qrup oyunları çərçivəsində aprelin 8-də Bakı İdman Sarayında Azərbaycan milli komandası Bosniya və Herseqovina yığması ilə qarşılaşıb. Qarşılaşma 5:4 hesabı ilə millimizin xeyrinə başa çatıb.Azərtac xəbər verir ki, baş məşqçi Biro Jadenin rəhbərlik etdiyi yığmamızın heyətində Teles Martins Tyaqo het-trik edib. Eduardo Mello Borges və Kardoso Everton isə hərəyə bir dəfə fərqləniblər.Oyunu Timo Onatsu (Finlandiya), Lars Van Leuven (Hollandiya) və Kostas Nikolaou (Kipr) idarə ediblər.Qrupdakı digər oyunda Macarıstan millisi Albaniya yığmasını 4:3 hesabı ilə məğlubiyyətə uğradıb.Komandamız növbəti oyununu aprelin 9-da saat 18:30-da Bakı İdman Sarayında Albaniya yığmasına qarşı keçirəcək.xeber100.com

Həndbol Federasiyasının məlumatı

Aprelin 8-də qadınlardan ibarət həndbol üzrə Azərbaycan milli komandası Ukraynaya yola düşüb.Azərbaycan Həndbol Federasiyasından Azərtac-a bildiriblər ki, həndbolçularımız aprelin 9-dan 13-dək Xerson şəhərində keçiriləcək beynəlxalq turnirdə mübarizə aparacaqlar. İdmançılarımız Ukraynanın “HC Dnepryanka” (Xerson), “HC Qaliçanka” (Lvov), “Real” (Nikolayevsk) komandaları ilə qarşılaşacaqlar.Azərbaycan yığmasının yarışlarda iştirakının əsas məqsədi IV İslam Həmrəyliyi Oyunları ərəfəsində hazırlıq səviyyəsini yoxlamaqdır.xeber100.com

“Bakı Metropoliteni” QSC-nin məlumatına əsasən…

IV İslam Həmrəyliyi Oyunları zamanı Bakı Metrosunun iş vaxtı artırılacaq.Azərtac xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.O bildirib ki, “Bakı Metropoliteni” QSC IV İslam Həmrəyliyi Oyunları ilə bağlı xüsusi tədbirlər planı hazırlayıb. Oyunlar müddətində Bakı Metropoliteni gücləndirilmiş iş rejimində fəaliyyət göstərəcək. Açılış və bağlanış mərasimləri günü iş qrafikində xüsusi dəyişikliklər olacaq. Həmin günlərdə metro səhər saat 6-dan gecə saat 2-yədək fəaliyyət göstərəcək. Adi yarış günlərində isə metronun gecə saat 1-dək fəaliyyət göstərməsi nəzərdə tutulub. Yarışlar davam edən günlərdə sərnişin axını çox olarsa, bu qrafikə yenidən baxıla bilər.xeber100.com

19-cu beynəlxalq şahmat turniri davam edir

Dubayda 19-cu beynəlxalq şahmat turniri davam edir.Azərtac xəbər verir ki, bu il turnirdə 214 şahmatçı, o cümlədən 53 qrossmeyster iştirak edir. İsveçrə sistemi üzrə keçirilən turnir 9 turdan ibarət olub, klassik vaxt nəzarəti ilə keçirilir.Dörd turdan sonra turnirdə İspaniya şahmatçısı Xayme Latasa Santos irəlidədir. O, 4 xal toplayıb. Azərbaycan qrossmeysteri Eltac Səfərli ondan yarım xal geri qalır.Azərbaycan təmsilçiləri Nicat Abbasov, Vüqar Əsədli, Rəvan Əliyev və Vüsal Abbasovun hər birinin aktivində 2,5 xal var. Nail Bəşirli və Əhməd Əhmədzadə hər biri 2 xal, beynəlxalq usta Nərmin Xələfova isə 1,5 xal toplayıb.“Dubai Open 2017” aprelin 12-dək davam edəcək.xeber100.com

İslam Həmrəylik Oyunları ilə bağlı treninqlər başlayıb

“Azərişıq” ASC IV İslam Həmrəyliyi Oyunlarının keçiriləcəyi yerlərin, o cümlədən sosial təyinatlı obyektlərin fasiləsiz və yüksəkkeyfiyyətli elektrik enerjisi ilə təmini üçün zəruri tədbirlər həyata keçirir.Azərtac xəbər verir ki, “Azərişıq” ASC idman yarışlarının keçiriləcəyi arenaları qidalandıran yarımstansiya və transformator məntəqələrində quraşdırılan rele mühafizəsi avtomat qurğuların istismarı üzrə təlimatların bir daha təkmilləşdirilməsi üçün treninqlərə başlayıb. Bura təkcə idman arenalarını deyil, həmçinin ölkəmizə gələcək nümayəndə heyətlərinin, o cümlədən qonaqların məskunlaşacağı mehmanxanaları, parkları, ictimai iaşə, mədəniyyət, əyləncə və digər obyektləri qidalandıran yarımstansiya və transformator məntəqələri aiddir. “Azərişıq” ASC-nin Tədris Mərkəzinin yerləşdiyi “Gənclik” yarımstansiyasında məsul cavabdeh şəxslərin və növbətçi əməliyyat heyəti üçün keçirilən treninqdə əks-qəza məşqlərinin plan qrafiki barədə məlumat verilir.Treninq iştirakçıları operativ heyətin şərti hərəkəti üzrə keçirilən əks-qəza məşqləri, yəni yanğın, qəza və digər mümkün fövqəladə hallar üçün təlimatlar da əldə edirlər. Oyunların keçiriləcəyi 16 idman obyektini 25 yarımstansiya və 12 transformator məntəqəsi elektrik enerjisi ilə təmin edəcək. ASC-nin 292 əməkdaşı 1 ay ərzində təlim keçəcək.xeber100.com

Parkur idman növünün təqdimat mərasimi keçirilib

Aprelin 7-də Bədən Tərbiyəsi və İdman Akademiyasında (ADBTİA) parkur idman növünün təqdimat mərasimi keçirilib.Azərtac xəbər verir ki, tədbirdə çıxış edən ADBTİA-nın rektoru F.Hacıyev parkur idmanının gənclər arasında geniş təbliğ və tədris edilməsini təqdirəlayiq hal kimi dəyərləndirib.İsveçrənin Azərbaycandakı səfiri Filip Ştalder parkur idmanı haqqında məlumat verərək deyib ki, idmanın bu növü 1980-ci illərdə hərbi maneə təlimlərinin verdiyi ilham nəticəsində yaranıb. Parkur bu gün akrobatik ekstremal idman növünə çevrilib. Bu idman növündə divar, baryerlər, ağaclar, pilləkənlər və s. elementlərindən maneə kimi istifadə olunur. İdmançılar qaçış, dırmanma, yellənmə, tullanma, təkanvermə və s. hərəkətlərdən istifadə edərək bu maneələri mümkün qədər effektli və sürətlə keçməlidirlər.Çıxışlardan sonra İsveçrənin Lozanna şəhərində fəaliyyət göstərən “X-Trem Move” idman assosiasiyasının üzvləri Kevin Krupi və Yoann Roiq master klass və sərbəst qaçış hərəkətlərini təqdim ediblər.xeber100.com

“Bakı Şəhər Halqası” Əməliyyat Şirkətinin müraciəti…

Azərbaycanda Formula-1 yarışının təşkilatçısı “Bakı Şəhər Halqası” Əməliyyat Şirkəti (BŞH) iyunun 23-25-də təşkil olunacaq Azərbaycan Qran-Prisinə hazırlıqla əlaqədar Bakı şəhər halqasının keçdiyi küçələrdə təhlükəsizlik baryerlərinin quraşdırılması işlərini davam etdirir.BŞH-dən Azərtac-a bildiriblər ki, aprelin 7-də axşam saatlarından etibarən baryerlərin quraşdırılmasına start veriləcək.Paytaxt sakinlərindən göstərilən müddətdə trekin bu hissəsində avtomobili saxlamamaq xahiş olunur. Əks halda işin fasiləsiz gedişatına maneçilik törədən nəqliyyat vasitələri evakuatorla yaxın ərazidəki parklanma yerlərinə aparılacaq.Əməliyyat şirkəti müvəqqəti narahatlığa görə üzr istəyir, göstərilən anlayış və dəstəyə görə şəhər sakinlərinə əvvəlcədən təşəkkürünü bildirir.xeber100.com

Avropa çempionatının qrup oyunları çərçivəsində…

Aprelin 8-də futzal üzrə Avropa çempionatının əsas mərhələsinin qrup oyunları çərçivəsində Bakı İdman Sarayında Azərbaycan millisi komandası Bosniya və Herseqovina yığması ilə qarşılaşacaq.AFFA-dan Azərtac-a bildiriblər ki, oyunu Timo Onatsu (Finlandiya), Lars Van Liuven (Hollandiya), Kostas Nicolaou (Kipr) idarə edəcəklər. Matçın hakim-inspektoru İvan Novak (Xorvatiya), UEFA nümayəndəsi Sergey Lisençuk (Ukrayna) olacaq.xeber100.com