“Yuventus” Portuqaliya təmsilçini 1:0 hesabı ilə məğlub edib

Martın 14-də UEFA Çempionlar Liqasının dörddəbir final mərhələsi çərçivəsində “Yuventus” komandası “Portu”, “Lester Siti” klubu isə “Sevilya” ilə cavab oyunu keçiriblər.Azərtac xəbər verir ki, Turində keçirilən oyunda “Yuventus” Portuqaliya təmsilçini 1:0 hesabı ilə məğlub edib. Turinlilərin heyətində Dibala matçın 42-ci dəqiqəsində 11 metrlik cərimə zərbəsini dəqiq yerinə yetirib. İlk oyunda 2:0 hesabı ilə qalib gələn “Yuventus” iki görüşün nəticəsinə görə dörddəbir finala vəsiqə qazanıb. Bununla da İtaliya təmsilçisi onuncu dəfə dörddəbir finalda oynamaq hüququ əldə edib.İlk görüşdə İspaniyada “Sevilya” komandasına 1:2 hesabı ilə məğlub olan “Lester Siti” doğma meydanda əzmkarlıq nümayiş etdirərək 2:0 hesabı ilə qalib gəlib. Oyunun 27-ci dəqiqəsində Morqanın və 54-cü dəqiqəsində Olbraytonun qolları lesterliləri dörddəbir finala çıxarıb.UEFA Çempionlar Liqasının dörddəbir final mərhələsinə bu gün keçiriləcək “Atletiko Madrid”-“Bayer Leverkuzen” və “Monaco”-“Mançester Siti” görüşləri ilə yekun vurulacaq. “Bavariya”, “Real Madrid”, “Barselona” və “Borussiya Dortmund” dörddəbir finala vəsiqəni artıq təmin ediblər.Dörddəbir final mərhələsinin püşkü martın 17-də İsveçrənin Nyon şəhərində atılacaq.xeber100.com

AFFA-nın XXIV konfransında seçki keçirilib

AFFA-nın XXIV konfransında qurumun İcraiyyə Komitəsində vakant olan bir yerə seçki keçirilib.Azərtac xəbər verir ki, vakant yerə Azərbaycan Futzal Federasiyasının prezidenti Zaur Axundov seçilib.Z.Axundovun İcraiyyə Komitəsinin üzvlüyünə namizədliyi Sahə Futbol Federasiyaları İctimai Birliyi tərəfindən irəli sürülüb.xeber100.com

Futbol üzrə dünya çempionatının seçmə mərhələsi çərçivəsində…

Futbol üzrə dünya çempionatının seçmə mərhələsi çərçivəsində Azərbaycan millisinin Almaniya ilə matçı qrupda bizim üçün ən asan oyun olacaq.Azərtac xəbər verir ki, bu sözləri futbol üzrə Azərbaycan yığmasının baş məşqçisi Robert Prosineçki deyib.Xorvatiyalı baş məşqçi bildirib: “Rəqib dünyanın ən güclü komandalarından biridir. O, təkcə qrupumuzun favoriti deyil, həm də dünya çempionudur. Heyətdəki futbolçular ən güclü klublarda oynayırlar. Buna görə də üzərimizdə təzyiq yoxdur. Əksinə, təzyiq növbəti matçlarda daha çox olacaq”.xeber100.com

Şahmatçılar arasında altıncı turun görüşləri keçirilib

Azərbaycan paytaxtında kişi şahmatçılar arasında ölkə birinciliyinin altıncı turunun görüşləri keçirilib.Azərtac xəbər verir ki, altı turdan sonra çempionatda hər biri 4,5 xal toplayan qrossmeysterlər Nicat Abbasov, Vüqar Rəsulov və beynəlxalq dərəcəli usta Misrəddin İsgəndərov liderlik edirlər. FIDE ustaları Əhməd Əhmədzadə və Məhəmməd Muradlı onlardan yarım xal, altı şahmatçı bir xal geri qalırlar.Turnirdə 25 şahmatçı, o cümlədən FIDE-nin beynəlxalq adlarının sahibləri olan 17 nəfər iştirak edir.Doqquz turdan ibarət turnir İsveçrə sistemi üzrə keçirilir.xeber100.com

Basketbol üzrə ulduzların oyunu keçirilib

Basketbol üzrə Ukrayna Super Liqası ulduzlarının oyunu keçirilib.Azərtac xəbər verir ki, oyunda “Şimal-Şərq” komandası “Cənub-Şərq”ə 141:133 hesabı ilə qalib gəlib.“Şimal-Şərq” ulduzlarının şərəfini qoruyan həmyerlimiz Amil Həmzəyev oyunda 8 xalla yadda qalıb.xeber100.com

Karate üzrə Bakı çempionatı keçirilib

Kyokuşin karate üzrə Hövsan Olimpiya İdman Kompleksində Bakı çempionatı keçirilib.Azərtac xəbər verir ki, yarışın açılış mərasimində Kyokuşin Karate Federasiyasının vitse-prezidenti Allahverdi Rüstəmov turnirin əhəmiyyətindən danışıb, idmançılara uğurlar arzulayıb.Çempionatda 50 çəki dərəcəsində 300-dək idmançı mübarizə aparıb.Qaliblər federasiya tərəfindən mükafatlandırılıb.xeber100.com

Topaz Premyer Liqasının XXII turu çərçivəsində…

Martın 13-də Topaz Premyer Liqasının (TPL) XXII turu çərçivəsində günün ikinci oyununda paytaxt təmsilçisi “İnter” öz meydanında “Sumqayıt”ı qəbul edib.Azərtac xəbər verir ki, baş hakim Əliyar Ağayevin idarə etdiyi matçın 40-cı dəqiqəsində Nizami Hacıyev “İnter”i hesabda irəli çıxarıb – 1:0.Qalan dəqiqələrdə qapılara qol vurulmayıb və matç “İnter”in 1:0 hesablı qələbəsi ilə başa çatıb.Bu oyundan sonra aktivində 25 xal olan “Sumqayıt” klubu beşinci pillədədir. “İnter” isə 39 xalla üçüncü yerdəki mövqeyini möhkəmləndirib.TPL-nin XXII turuna martın 14-də “Qarabağ”–“AZAL” və maraqla gözlənilən “Neftçi”–“Qəbələ” matçlarından sonra yekun vurulacaq.xeber100.com

“Böyük İpək yolu” beynəlxalq turnirinə start veriləcək

Martın 14-də Azərbaycanda ənənəvi IX “Böyük İpək yolu” beynəlxalq turnirinə start veriləcək.Azərbaycan Boks Federasiyasından Azərtac-a bildiriblər ki, yarışda əvvəlki illərdən fərqli olaraq qadın komandaları da iştirak edəcək. Üç gün davam edəcək turnirdə kişilərdən ibarət Azərbaycan milli komandası ilə yanaşı, Rusiya və İran komandaları tam heyətlə yarışacaq. Bundan başqa, Qazaxıstan, Özbəkistan, Gürcüstan və Qətər seçmələri də turnirdə təmsil olunurlar.Qadınların mübarizəsində isə komandamızdan başqa, Türkiyə, Ukrayna və Belarus boksçuları da çempionluq uğrunda mübarizə aparacaqlar.Ümumilikdə 100-dək boksçunun iştirak edəcəyi turnirə martın 17-də yekun vurulacaq.xeber100.com

Yunan-Roma güləşi üzrə Azərbaycan birinciliyi başlayıb

Bakı İdman Sarayında yeniyetmələr arasında sərbəst və yunan-Roma güləşi üzrə Azərbaycan birinciliyi başlayıb.Azərtac xəbər verir ki, yarışda klub və cəmiyyətlərin yığma komandalarının üzvü olan 2000-2001-ci il təvəllüdlü idmançılar iştirak edirlər.Çempionatın təşkilində məqsəd ölkəmizdə güləşin təbliğinə və inkişafına nail olmaq, respublikada fəaliyyət göstərən idman təşkilatlarında təlim-məşq prosesini təkmilləşdirmək və müvafiq yaş qrupu üzrə mükafata layiq yerlər tutmuş gənc pəhləvanları yığma komandalara cəlb etməkdir.Yarışın birinci günündə 42, 46, 50, 54, 58 və 63 kiloqram çəki dərəcələrində yunan-Roma güləşi üzrə 166 pəhləvan mübarizə aparır.Hər çəki dərəcəsində mükafata layiq yerlər tutmuş idmançılar medal və diplomla yanaşı, Azərbaycan Güləş Federasiyası tərəfindən pul mükafatı ilə təltif ediləcək və yığma komandanın heyətinə cəlb olunacaq.Martın 15-də 69, 76, 85 və 100 kiloqram çəki dərəcələrində yunan-Roma, 42, 46 və 50 kiloqram çəki dərəcələrində isə sərbəst güləşçilər güclərini sınayacaqlar. Yarışların sonuncu günündə isə 54, 58, 63, 69, 76, 85 və 100 kiloqram çəki dərəcələrində sərbəst güləşçilər xalça üzərinə çıxacaqlar.xeber100.com

“Böyük dəbilqə” turnirinin sonuncu yarış günündə…

Cüdo üzrə “Böyük dəbilqə” turnirinin martın 12-də keçirilən sonuncu yarış günündə Azərbaycan cüdoçuları ikisi gümüş, biri bürünc olmaqla üç medal əldə ediblər.Azərtac xəbər verir ki, Rio Olimpiadasının gümüş mükafatçısı E.Qasımov (100 kiloqram) turnirdəki görüşlərinə dörddəbir final mərhələsindən başlayıb. O, israilli Peter Paltçik ilə qarşılaşmada rəqibindən üstün olaraq yarımfinala vəsiqə qazanıb. Bu mərhələdə komanda yoldaşı Elxan Məmmədovu məğlub edən E.Qasımov yarışların finalına yüksəlib. Həlledici qarşılaşmada idmançımız Niderland cüdoçusu Mixael Korrelə “Qızıl xalla” məğlub olaraq turnirin gümüş medalına yiyələnib.Turnirdə 90 kiloqram çəki dərəcəsində mübarizə aparan cüdoçumuz M.Mehdiyev ilk qarşılaşmasına səkkizdəbir final mərhələsində başlayıb. Cüdoçumuz rəqibləri iranlı Vahid Nuriyə, Gürcüstan təmsilçisi Uşanqi Marcianiyə, komanda yoldaşı Əbdülhəqq Rəsulluya qalib gələrək finala yüksəlib. Finalda qazaxıstanlı rəqibi İslam Bozbayeva məğlub olan idmançımız turnirdə gümüş medalla kifayətlənib.Digər idmançımız E.Məmmədov (100 kq) yarışda ilk qarşılaşmada estoniyalı Qriqori Minaşkinə qalib gəlib. İdmançımız finala gedən yolda növbəti rəqibi, komanda yoldaşı Elmar Qasımovla görüşdən məğlub ayrılıb. Bürünc medal uğrunda mübarizədə digər Azərbaycan təmsilçisi Zelim Kotsoyevdən üstün olan E.Məmmədov yığmamıza bürünc medal qazandırıb.xeber100.com