“Australian Open” beynəlxalq turniri davam edir

Brisben şəhərində şahmat üzrə "Australian Open" beynəlxalq turniri davam edir.Azərtac xəbər verir ki, yarışda ölkəmizi təmsil edən Kənan İzzət dördüncü turda yerli şahmatçı Corc Lester ilə qarşılaşıb. Rəqibini məğlub edən şahmatçımız turnirdə üçüncü qələbəsini qazanıb.Hesabında 3 xal olan K.İzzət 8-24-cü pillələri bölüşür. Bütün görüşlərini qələbə ilə başa vuran avstraliyalı Maks İllinqvorts və Qene Nakauçi, özbəkistanlı Temur Kuybokarov liderlər qrupunda yer alıblar.xeber100.com

“Neftçi” transfer çalışmalarını davam etdirir

Bakının "Neftçi" futbol klubu transfer çalışmalarını davam etdirir.Klubdan Azərtac-a bildiriblər ki, "Neftçi" çilili hücumameyilli yarımmüdafiəçi İqnasio Herrera ilə birillik müqavilə bağlayıb.Sonuncu komandası Qazaxıstanın "İrtış" klubu olan 29 yaşlı futbolçu indiyədək Çilinin "Reyncers", "Huaçipato", "Maqalyanes", "Kobreloa", "Deportes İkike" və İspaniyanın "Real Betis" klublarında çıxış edib.xeber100.com

“Sürətin nəbzini tut!” mövzusunda ikigünlük təlim keçiriləcək

"Bakı Şəhər Halqası" Əməliyyat Şirkətinin (BŞH), Bədən Tərbiyəsi və İdman Akademiyasının (ADBTİA) təşkilatçılığı ilə “Formula-1” jurnalistikasına dair "Sürətin nəbzini tut!" mövzusunda ikigünlük təlim keçiriləcək.BŞH-dən Az'rtac-a bildiriblər ki, yanvarın 24-25-də təşkil olunacaq tədbirdə beynəlxalq təcrübəyə malik jurnalist və multimedia mütəxəssisi Dan Mason təlimçi, Formula-1 yarışlarının rusiyalı peşəkar şərhçisi Aleksey Popov isə qonaq təlimçi qismində çıxış edəcək. Təlimə müraciətlərin qəbulu yanvarın 15-dək davam edəcək.Təlimin keçirilməsində məqsəd Azərbaycanın idman jurnalistlərinə avtoidman sahəsində ixtisaslaşmış beynəlxalq həmkarlarının təcrübəsindən faydalanmağı təmin etməkdir. Bu təlim həmişə inkişaf edən idman aləmi, xüsusən də “Formula-1” haqqında xəbər hazırlamaqla bağlı iştirakçılara zəngin təcrübə qazandıracaq. Həmçinin təlim zamanı keçiriləcək multimedia layihəsi çərçivəsində iştirakçılar qazandıqları bilik və bacarıqları qrup şəklində nümayiş etdirə biləcəklər.xeber100.com

“Telekom”un hakim təyinatları açıqlanıb

Qadın voleybolçular arasında Çempionlar Liqasında mübarizə aparan Azərbaycanın “Telekom” klubunun ikinci turdakı oyununa hakim təyinatları açıqlanıb.Azərtac xəbər verir ki, Polşanın “Xemik” klubu ilə yanvarın 10-da keçiriləcək qarşılaşmanı lixtenşteynli hakim Filip Şurmann idarə edəcək. Ona rumıniyalı Pol Katalin Sabo-Aleksi köməkçi təyin olunub.“Sərhədçi” İdman Olimpiya Mərkəzində oynanılacaq “Telekom”-“Xemik” matçı saat 17:00-da başlayacaq.xeber100.com

“Qəbələ” futbol klubu ilk transferini gerçəkləşdirib

“Qəbələ” futbol klubu qış fasiləsində ilk transferini gerçəkləşdirib.Azərtac klubun rəsmi saytına istinadla xəbər verir ki, “qırmızı-qaralar” Azərbaycan milli komandasının futbolçusu Araz Abdullayevlə 2 illik müqavilə imzalayıb. 24 yaşlı yarımmüdafiəçi karyerası ərzində yerli klublardan yalnız “Neftçi”nin heyətində çıxış edib. A.Abdullayev məhz 2008-2011 və 2012-2016-cı illərdə “ağ-qaralar”ın formasını geyinib. 2011-2012-ci illərdə müqavilə ilə İngiltərə “Everton”una məxsus olan yarımmüdafiəçi icarə əsasında 2012-ci ilin ilk yarısında Yunanıstanın “Panionios” klubunda legioner həyatı yaşayıb.Azərbaycanın U-17, U-19 və U-21 yığmalarında oynamış A.Abdullayev ölkəmizin əsas millisində 2008-ci ildə debüt edib. O, əsas yığmada 20 oyun keçirib.xeber100.com

“Azərreyl”in ikinci turdakı oyununun hakim təyinatları açıqlanıb

Qadın voleybolçular arasında Çempionlar Liqasında mübarizə aparan Azərbaycan təmsilçisi “Azərreyl”in ikinci turdakı oyununun hakim təyinatları açıqlanıb.Azərtac xəbər verir ki, komandamızın yanvarın 11-də Türkiyənin “Fənərbaxça” klubu ilə keçirəcəyi səfər qarşılaşmasının baş hakimi bolqarıstanlı İvaylo İvanov olacaq. Ona italiyalı Simone Santi kömək edəcək.“Fənərbaxça-Azərreyl” matçı Bakı vaxtı ilə saat 21:00-da start götürəcək.xeber100.com

“Barselona”nın hücumçusu karyerasını vətənində davam etdirəcək

“Barselona”nın hücumçusu Neymar gələcəkdə oynamaq istədiyi klubun adını açıqlayıb.Braziliyalı forvard karyerasını vətənində davam etdirəcəyini dilə gətirib. O, gələcəkdə “Flamenqo”da oynamaq, “Marakana” stadionunda meydana çıxmaq istədiyini söyləyib.xeber100.com

“Stal” klubunun futbolçusu “Neftçi”nin heyətinə qatılacaq

Milli komandamızın üzvü, Ukraynanın “Stal” klubunun futbolçusu Pavel Paşayev karyerasını yenidən Azərbaycanda davam etdirəcək.Azərtac xəbər verir ki, 28 yaşlı müdafiəçi “Neftçi” futbol klubu ilə razılığa gəlib. P.Paşayev Antalyada təlim-məşq toplanışı keçəcək “ağ-qaralar”a qoşulacaq və paytaxt klubu ilə rəsmi müqavilə imzalayacaq.Xatırladaq ki, Pavel Paşayev ötən mövsümün sonunda “Qəbələ”dən ayrılaraq Ukraynanın “Stal” klubuna keçmişdi.xeber100.com

“Novotel Cup 2017”də ilk oyun keçirilib

Kişi voleybolçulardan ibarət Azərbaycan yığması Lüksemburqda keçirilən “Novotel Cup 2017”də ilk oyununu keçirib.Azərtac xəbər verir ki, millimiz İslandiya yığması ilə qarşılaşıb. Fərid Cəlalovun rəhbərliyi altında voleybolçularımız 3:1 hesabı ilə qalib gəliblər (25:21, 21:25, 25:16, 25:9).Yığmamızın növbəti rəqibləri meydan sahibləri olacaq.xeber100.com

İFFHS ən məhsuldar futbolçuların adlarını açıqlayıb

Beynəlxalq Futbol Tarixi və Statistikaları Federasiyası (İFFHS) 2016-cı ilin ən məhsuldar futbolçularının adlarını açıqlayıb. Beynəlxalq oyunlarda ən azı 10 qol vuranların siyahısında 20 futbolçu yer alıb.Azərtac İFFHS-in rəsmi saytına istinadla xəbər verir ki, dünyanın ən məhsuldar futbolçusu Kriştiano Ronaldodur. Portuqaliyalı ulduzun aktivində 24 qol var. “Real Madrid” komandasının hücumçusu millidə 13, klubun heyətində isə 11 dəfə fərqlənib. Bununla da K.Ronaldo üçüncü dəfə planetin ən yaxşı bombardiri olub.“Barselona”nın forvardı Lionel Messi isə 21 qolla ikinci yerdə qərarlaşıb. Messi Argentina yığmasında 8, katalonların heyətində isə 13 qol vurub.Hesabında 16 qol olan Edinson Kavani siyahıda üçüncüdür. O, Uruqvay millisində 9, PSJ-də isə 7 dəfə rəqib qapılarına yol tapıb.Katalonların braziliyalı oyunçusu Neymar siyahıda 13-cü pillədədir. “Sambaçı” 8 dəfə Braziliya yığmasında, 3 dəfə isə “Barselona” klubunda fərqlənib.xeber100.com