“Wtt Youth Contender Tbilisi” turnirinə yekun vurulub

Gürcüstanın paytaxtı Tbilisi şəhərində “Wtt Youth Contender Tbilisi” turnirinə yekun vurulub.Yarışın son günündə seçmə komandanın iki üzvü mükafatlar uğrunda mübarizə aparıb. 11 yaşadək tennisçilərin turnirində etimadı layiqincə doğruldan Yağmur Məmmədli bütün rəqiblərini üstələyərək yarışın baş mükafatını qazanıb.15 yaşadək idmançıların turnirindəki tennisçimiz Mərziyyə Nurmətova isə yalnız gərgin mübarizə ilə yadda qalan final görüşündə iranlı rəqibinə 2:3 hesabı ilə uduzaraq 2-ci yerlə kifayətlənib.Xatırladaq ki, yarışın əvvəlki günlərində Aylin Əsgərova, Adil Əhmədzadə və Onur Quluzadə 3-cü yeri tutub.Beləliklə, yeniyetmələrdən ibarət Azərbaycan seçmə komandası 18 ölkə idmançılarının qatıldığı turniri 5 mükafatla başa vurub.xeber100.com

Azərbaycan – Qazaxıstan oyununda hesab açılıb

UEFA Millətlər Liqasının qrup mərhələsinin sonuncu turu çərçivəsində keçirilən Azərbaycan - Qazaxıstan oyununda hesab açılıb."Dalğa Arena"da oynanılan qarşılaşmanın 67-ci dəqiqəsində qazaxıstanlı futbolçu Aleksandr Maroçkin avtoqolla yadda qalıb - 1:0.Hazırda 13 xalı olan Qazaxıstan millisi B Liqası və pley-offa vəsiqəni təmin edib. Azərbaycan seçməsi isə 7 xalla 2-ci pillədə qərarlaşıb.Qeyd edək ki, qrupun digər oyununda Belarus millisi Slovakiya yığmasının qonağıdır. Hazırda Belarus seçməsi 1:0 hesabı ilə öndədir.xeber100.com

UEFA Millətlər Liqasının C Liqasının üçüncü qrupunun son görüşündə

Futbol üzrə Azərbaycan yığması ardıcıl üçüncü qələbəsini qazanıb.Millimiz UEFA Millətlər Liqasının C Liqasının üçüncü qrupunda son görüşündə Qazaxıstan seçməsini qəbul edib."Dalğa Arena"da oynanılan matçda Azərbaycan millisinin start heyətində Şahruddin Məhəmmədəliyev, Elvin Cəfərquliyev, Bəhlul Mustafazadə, Höccət Haqverdi, Emin Mahmudov, Renat Dadaşov, Ramil Şeydayev, Eddi İsrafilov, Bədavi Hüseynov, Filip Ozobiç və Ozan Can Kökcü yer alıblar.Qazaxıstan seçməsinin heyətində meydana İqor Şatski, Nuralı Alip, İslambek Kuat, Abılayxan Jumabek, Aslan Darabayev, Elxan Astanov, Baqdat Kairov, Timur Dosmaqambetov, Ramazan Orazov, Marat Bıstrov və Aleksandr Maroçkin çıxıblar.Matçın 35-ci dəqiqəsində Qazaxıstan millisi azlıqda qalıb. Nuralı Alip yığmamızın üzvü Renat Dadaşova qarşı kobudluq etdiyi üçün sarı vərəqə görüb. Müdafiəçi ardınca Eddi İsrafilovu itələdiyinə görə ikinci sarı vərəqəni alaraq meydandan qovulub. Komandaların cəhdlərinə baxmayaraq, birinci hissədə hesab açılmayıb.Yığmamız ikinci hissəyə daha fəal başlayıb. Görüşün 65-ci dəqiqəsində Mahir Emreli hesabı açmağa yaxın olsa da, qapıçı İqor Şatski yaxşı oynayıb. Oyunda hesab 67-ci dəqiqədə açılıb. Belə ki, qazaxıstanlı futbolçu Aleksandr Maroçkin avtoqol müəllifi olub. Matçın 74-cü dəqiqəsində millimizin üzvü Filip Ozobiç baxımlı qola imza atıb. Qarşılaşmanın 83-cü dəqiqəsində Filip Ozobiçin zərbəsindən sonra top qapı dirəyinə dəyərək geri qayıdıb. Oyunda son qolu 90+1-ci dəqiqədə Anatoli Nuriyev vurub. Forvard millidə 11-ci matçda ilk qoluna imza atıb.Beləliklə, görüş millimizin 3:0 hesablı qələbəsi ilə başa çatıb.Hesabında 10 xal olan Azərbaycan millisi qrup ikinci pillədə başa vurub. On üç xalı olan Qazaxıstan millisi B Liqası və pley-offa vəsiqəni təmin edib. Qrupda yer alan Slovakiya 7 xalla üçüncü, Belarus isə 3 xalla sonuncu – dördüncü olub.Azərbaycan seçməsi 11 ildən sonra Qazaxıstan millisinə qalib gəlməyi bacarıb. Komanda son olaraq 2011-ci ildə rəqibini 3:2 hesabı ilə üstələmişdi.

“Shusha Chess-2022” beynəlxalq şahmat turnirinə start verilib

Gənclər və İdman Nazirliyi, Azərbaycan Şahmat Federasiyası və Şuşa Şəhəri Dövlət Qoruğunun birgə təşkilatçılığı ilə “Shusha Chess-2022” beynəlxalq şahmat turnirinə start verilib.Şuşada keçirilən turnirdə ilk gedişi kişilərin yarışında gənclər və idman naziri Fərid Qayıbov, qadınların mübarizəsində isə gürcüstanlı dünya çempionu Nona Qaprindaşvili ediblər.Qadınların yarışında ilk turda Gövhər Beydullayeva Xanım Balacayeva, Nana Dzaqnidze (Gürcüstan) Günay Məmməzadə, Ülviyyə Fətəliyeva Gülnar Məmmədova, Marsel Efroimski (İsrail) Yolanta Zavadska (Polşa), Kübra Öztürk Güvənli (Türkiyə) Meri Arabidze (Gürcüstan) ilə qarşılaşır.Kişilərin mübarizəsində birinci turda Şəhriyar Məmmədyarov Qədir Hüseynov, Teymur Rəcəbov Parham Maqsudlu (İran), Rüstəm Qasımcanov (Özbəkistan) Rauf Məmmədov, Vasif Durarbəyli Hao Vanq (Çin), Mustafa Yılmaz (Türkiyə) isə Santoş Qucrati Vidit (Hindistan) ilə üz-üzə gəlir.Turnirə sentyabrın 24-də yekun vurulacaq.xeber100.com

“Wtt Youth Contender Tbilisi” turnirində

Stolüstü tennisçimiz Adil Əhmədzadə Gürcüstanın paytaxtı Tbilisi şəhərində “Wtt Youth Contender Tbilisi” turnirində mükafata layiq görülüb.15 yaşadək tennisçilərin turnirində yarışan idmançı yarımfinaladək inamla irəliləsə də, finala çıxış uğrunda görüşdə uduzaraq 3-cü yeri tutub.Eyni yaş qrupunda qüvvəsini sınayan Rüstəm Hacılı ilə Hüseyn Eylazov səkkizdəbir finalda mübarizəni dayandırıblar.On bir yaşadək tennisçilərin turnirində bacarığını göstərən Onur Quluzadə də yarışı 3-cü pillədə bitirib. Qrup mərhələsində bütün rəqiblərinə qalib gələn tennisçi dörddəbir final səddini adlasa da, yarımfinalda uduzaraq 3-cü yerlə kifayətlənib.Qeyd edək ki, Tbilisidə təşkil olunan yarışa 18 ölkənin idmançıları qatılıblar.xeber100.com

U-16 komandası türk həmyaşıdları ilə iki yoldaşlıq oyunu keçirəcək

On altı yaşadək futbolçulardan ibarət Azərbaycan milli komandasının sentyabrın 21-dən 25-dək Bakıda, 26-dan 30-dək isə Türkiyənin Erzurum şəhərində təlim-məşq toplanışı olacaq.Millimiz hazırlıq çərçivəsində sentyabrın 27-də və 29-da Türkiyənin müvafiq yaş qrupundan ibarət komandasına qarşı iki yoldaşlıq oyunu keçirəcək. Bakı toplanışından sonra yoldaşlıq oyunları üçün yekun heyət müəyyənləşəcək.xeber100.com

“Shusha Chess-2022” beynəlxalq şahmat turnirinə start veriləcək

Sabah Gənclər və İdman Nazirliyi, Azərbaycan Şahmat Federasiyası və Şuşa Şəhəri Dövlət Qoruğu İdarəsinin birgə təşkilatçılığı ilə keçiriləcək “Shusha Chess-2022” beynəlxalq şahmat turnirinə start veriləcək.Görkəmli şairə və xeyriyyəçi Xurşidbanu Natəvanın 190 illik yubileyinə həsr olunan “Shusha Chess-2022” beynəlxalq şahmat turniri sentyabrın 24-dək Şuşadakı “Qarabağ” otelində təşkil olunacaq. Sabah turnirin açılış mərasimi saat 14:00-da başlayacaq. Açılışdan sonra yarışın püşkatma mərasimi baş tutacaq.Açılış mərasimindən sonra ilk turun görüşləri keçiriləcək. Turnir iki kateqoriyada - kişilər və qadınlar arasında təşkil olunacaq. İştirakçılar rapid və blits üzrə yarışacaq. Həm kişilər, həm də qadınların yarışında qalib rapid və blits turnirlərindəki xallarının cəminə əsasən müəyyən ediləcək.“Shusha Chess-2022” şahmat turnirinin ümumi mükafat fondu 150 min manat təşkil edir.Xatırladaq ki, “Shusha Chess-2022” beynəlxalq turnirinin baş sponsoru SOCAR, sponsoru Cənubi Qafqaz regionunun ən aparıcı banklarından biri ABB, tərəfdaşı isə “Azərxalça” ASC-dir.xeber100.com

Futbol üzrə daha bir yoldaşlıq oyunu keçiriləcək

Futbol üzrə Azərbaycan milli komandasının daha bir yoldaşlıq oyunu keçirəcəyi dəqiqləşib.AFFA-nın saytı xəbər verir ki, millimiz noyabrın 20-də Skopye şəhərindəki “Todor Proeski Milli Arena”da Şimali Makedoniya yığması ilə qarşılaşacaq.Qeyd edək ki, milli komandamız noyabrın 16-da Kişineudakı "Zimbru" stadionunda Moldova seçməsi ilə görüşəcək.xeber100.com

Azərbaycan Premyer Liqasında VII turun daha bir oyunu keçirilib

Futbol üzrə Azərbaycan Premyer Liqasında VII turun daha bir oyunu keçirilib."Kəpəz" Qəbələdə "Şamaxı"nı qəbul edib.Qəbələ şəhər stadionunda oynanılan görüş Gəncə təmsilçisinin 2:1 hesablı əzmkar qələbəsi ilə başa çatıb.Hesabı 5-ci dəqiqədə nominal qonaqlardan Nihad Quliyev açıb. 47-ci dəqiqədə Ahmed Ayzaya "Kəpəz"in bərabərlik qolunu vurub. 60-cı dəqiqədə isə Abdullahi Şuaybu matçda son nöqtəni qoyub.Mövsümdə ilk qələbəsini qazanan "Kəpəz" 3 xalla 9-cu pilləyə yüksəlib. 2 xalı olan "Şamaxı" isə sonuncu - 10-cu sıraya geriləyib.Günün və turun sonuncu görüşündə "Qarabağ" "Zirə"ni 7:1 hesabıyla darmadağın edib.Qeyd edək ki, turun əvvəlki oyunlarında "Sabah" evdə "Turan Tovuz"u 3:1, "Qəbələ" "Sumqayıt"ı 1:0, "Neftçi" isə səfərdə "Səbail"i 2:0 hesabı ilə məğlub edib.xeber100.com

İspaniya La Liqasının 6-cı turunun mərkəzi görüşü keçirilib

Futbol üzrə İspaniya La Liqasının 6-cı turunun mərkəzi görüşü keçirilib.“Atletiko Madrid” klubu “Vanda Metropolitano”da “Real Madrid”i qəbul edib.Görüş qonaqların qələbəsi ilə başa çatıb – 1:2. “Real”ın heyətində Rodriqo və Federiko Valverde fərqləniblər. “Atletiko”nun heyətində isə təsəlli qolunu Mario Hermoso vurub.Bu qələbə sayəsində xal ehtiyatını 18-ə çatdıran “Real” turnir cədvəlində liderliyini davam etdirir. “Atletiko” isə 10 xalla yeddinci yerdə qərarlaşıb.Qeyd edək ki, cari mövsüm iddialı çıxış edən “Barselona” klubu qələbələrini sıralamağda davam edir. Kataloniya təmsilçisi səfərdə “Elçe” komandasını 3-0 hesabıyla məğlub edib. Bu nəticələrdən sonra "Real Madrid" 18 xalla 1-ci, "Barselona" 16 xalla 2-ci, "Betis" isə 15 xalla 3-cüdür.xeber100.com