UEFA Avropa Liqasının qrup mərhələsində

UEFA Avropa Liqasının qrup mərhələsində oktyabrın 6-da keçiriləcək "Olimpiakos" (Yunanıstan) - "Qarabağ" (Ağdam) oyununu idarə edəcək hakimlər müəyyənləşib.Matçı Bosniya və Herseqovinadan olan hakimlər briqadası idarə edəcək. Oyunun baş hakimiİrfan Pelto olacaq. Ona Davor Belyo və Damir Laziç kömək edəcəklər. Dördüncü hakim funksiyasını Antoni Bandiç yerinə yetirəcəklər."Georgios Karaiskakis" stadionunda oynanılacaq “Olimpiakos” – “Qarabağ” matçı Bakı vaxtı ilə saat 23:00-da start götürəcək.xeber100.com

Azərbaycan Premyer Liqasında VIII turun daha bir oyunu keçirilib

Futbol üzrə Azərbaycan Premyer Liqasında VIII turun daha bir oyunu keçirilib.Günün ilk matçında “Şamaxı” “Sabah”ı qəbul edib.Şamaxı şəhər stadionundakı qarşılaşma qonaqların minimal hesablı qələbəsi ilə bitib - 1:0.Qələbə sayəsində xallarının sayını 19-a çatdıran “Sabah” ikinci pilləyə yüksəlib. Meydan sahibləri 2 xalla 10-cu sırada qalıb.Qeyd edək ki, günün digər görüşündə “Sumqayıt” “Kəpəz”lə üz-üzə gəlib. Turun əvvəlki oyunlarında “Qəbələ” səfərdə “Səbail”i 2:1, “Zirə” “Turan Tovuz”u 3:1, “Qarabağ” isə evdə “Neftçi”ni 3:1 hesabı ilə üstələyib.xeber100.com

Türkiyə Super Liqasında mövsümün ilk İstanbul derbisi oynanılıb

Futbol üzrə Türkiyə Super Liqasında 2022-2023-cü il mövsümünün ilk İstanbul derbisi oynanılıb.VIII turun matçında “Fənərbağça” komandası “Beşiktaş”ın qonağı olub. “Vodofon Park” stadionunda keçirilən görüşdə qapılara qol vurulmayıb.Bu nəticədən sonra xallarının sayını 15-ə çatdıran meydan sahibləri 6-cı, 14 xala malik olan “Fənərbağça” isə 7-ci pillədəki mövqeyini qoruyub.Qeyd edək ki, çempionatda turnir cədvəlinə 17 xalla “Başahşehir” komandası başçılıq edir.xeber100.com

Boksçular arasında yarımfinal mərhələsinə yekun vurulub

İtaliyanın Montesilvano şəhərində yeniyetmə oğlan və qız boksçular arasında Avropa birinciliyində yarımfinal mərhələsinə yekun vurulub.Azərbaycan millisinin 4 üzvü qələbə qazanaraq finalda iştirak hüququ qazanıb.Məhəmmədəli Aşurəliyev Armandas Kreqzden (Litva) və Artur Avetikyanın (Ermənistan) ardınca gürcüstanlı Levan Demurovi ilə qarşılaşıb. Yarışda 54 kiloqram çəki dərəcəsində mübarizə aparan boksçumuz bu dueldən də qalib ayrılıb. O, gərgin idman mübarizəsi şəraitində keçən döyüşdə 4:1 hesabı ilə qələbə qazanaraq finala vəsiqə əldə edib. M.Aşurəliyev həlledici döyüşdə ingiltərəli Adam Maca ilə üz-üzə gələcək.Yığmamızın üzvü Məhəmmədəli Qasımzadə (57 kq) də finala yüksəlib. Nik Smirnov (Almaniya) və Kallum Karrageri (İrlandiya) mübarizədən kənarlaşdıran boksçumuz yarımfinalda latviyalı Nikolayes Zamyatinsi də məğlub edib – 5:0. O, finalda bolqarıstanlı Viktorio İliyevlə döyüşəcək.Oğlanlardan ibarət yığmamız kimi, qızlardan ibarət millimiz də həlledici görüşlərdə 2 idmançı ilə təmsil olunacaq. Yarışda 48 kiloqram çəki dərəcəsində mübarizə aparan Nərmin Əlizadə çempionluq görüşünə vəsiqə əldə edib. Mahur Marikyana (Ermənistan) qalib gələn idmançımız yarımfinalda polşalı Silva Formeladan da güclü olub. O, 5:0 hesablı qələbəyə sevinib. N.Əlizadə finalda ingiltərəli Rubi Vaytla qüvvəsini sınayacaq.Emili Rzayeva (70 kq) Olqa Filipçuk (Ukrayna) səddini keçdikdən sonra Gül Yılmazla (Türkiyə) üz-üzə gəlib. Boksçumuz yarımfinal görüşünü 5:0 hesabı ilə aktivinə yazıb. O, finalda polşalı Yoanna Araszevskanı sınağa çəkəcək.Digər boksçumuz Aynur Mikayılova (50 kq) isə bürünc medalla kifayətlənib. Byanka Balintin (Almaniya) və Lamprini Giannakopoulounu (Yunanıstan) məğlub edən idmançı finala gedən yolda ingiltərəli Katerin Pumfri ilə qüvvəsini sınayıb. Rəqib mərhələ adladığından təmsilçimiz 3-cü yeri tutub.Bu, oğlan və qız boksçuların çempionatının birgə keçirilməyə başladığı 2018-ci ildən sonra yığmamızın rekordudur. Bu müddətdə heç vaxt 4 idmançımız finala yüksəlməyib. Millinin Avropa birinciliyini 5 medalla bitirəcəyinin rəsmiləşməsi də bu müddət üçün rekord göstəricidir. Həmçinin 2 qız boksçumuzun finala yüksəlməsi tariximizdə ilk dəfə qeydə alınıb.Qeyd edək ki, 33 ölkədən 378 (250 oğlan, 128 qız) idmançının mübarizə apardığı yarışda final döyüşləri oktyabrın 4-də olacaq.xeber100.com

Azərbaycan Həndbol Federasiyasının məlumatı

Azərbaycan Həndbol Federasiyası (AHF) tərəfindən həndbol idman növünün inkişaf etdirilməsi ilə bağlı regional seminar keçirilib.Azərbaycan Həndbol Federasiyasının mətbuat xidmətindən bildiriblər ki, Şirvan Olimpiya kompleksində təşkil olunan seminarda Neftçala, Saatlı, Biləsuvar, Kürdəmir, Şirvan, Astara, Lənkəran, Yardımlı, Masallı, Cəlilabad rayonlarından olan məşqçi-müəllimlər iştirak ediblər.Tədbiri giriş sözü ilə açan AHF-nin İdman şöbəsinin rəhbəri, Avropa Həndbol Federasiyasının nümayəndəsi İsgəndər Əsgərov iştirakçılara fəaliyyətlərində uğurlar arzulayıb. Qeyd olunub ki, görüşlərin mütəmadi təşkil olunmasında məqsəd regionlarda həndbolun populyarlaşması və ona marağın artırılması istiqamətində işlərin davam etdirilməsidir.Federasiyanın əməkdaşı Fəridə Əliyeva isə gələcəkdə keçiriləcək yarışların vaxtı, məkanı və sənədləşdirmə işləri ilə bağlı məlumat verib.Seminarda, həmçinin regionlarda məşq prosesinin təşkili və təkmilləşdirilməsi, həndbol komandalarına seçilmə üsulları, yeni qaydalar və reqlamentlər ilə bağlı ətraflı söz açılıb.Məşqçi-müəllimlərin peşə səviyyələrinin artırılmasının uşaqlar arasında həndbol idman növünün inkişaf etdirilməsinə böyük təkan olacağı vurğulanıb.Hər bir mövzu ətrafında müzakirələr aparılıb, suallar cavablandırılıb.Seminar zamanı tədbir iştirakçıları üçün toplar və oyun qaydaları təqdim olunub.Sonda böyük məşqçilər - Çingiz Əzimov, Vidadi Əliyev tərəfindən nümunəvi məşq keçirilib.İki gün davam edən seminarın əsas məqsədi nəzəri və praktiki biliklərin artırılması ilə yanaşı, yeniyetmələr arasında ehtiyat qüvvənin səviyyəsinin müəyyənləşdirilməsidir.xeber100.com

Azərbaycan çempionatına hazırlıq məqsədi daşıyan turnir davam edir

Oktyabrın 2-də “Sərhədçi” İdman Olimpiya Mərkəzində 28-ci Azərbaycan çempionatına hazırlıq məqsədi daşıyan mini turnirin ikinci oyun günü keçirilib.İki qarşılaşmanın baş tutduğu oyun gününün ilk görüşündə “NTD BK” basketbolçuları, “Olimpik Şəki BK” komandasına 91-76 hesabı ilə qalib gəlib.Növbəti oyun isə “Gəncə BK” və “AAAF Xırdalan BK” komandaları arasında keçirilib.Bu görüşdə Gəncə basketbolçuları rəqibi üzərində 76-68 hesabla qalib olublar.xeber100.com

Üzgüçülük Federasiyasının məlumatına görə…

Azərbaycan Üzgüçülük Federasiyasının xətti ilə regionlarda olimpiya komplekslərində çalışan üzgüçülük üzrə məşqçilərə hakimlik seminarı keçirilib.Üzgüçülük Federasiyasının mətbuat xidmətindən bildiriblər ki, seminarın məqsədi beynəlxalq hakimliyin qaydalarını izah etməkdir. Belə ki, həmin məşqçilər də yerlərdə o qaydalara uyğun olaraq idmançılarını hazırlasınlar. Mingəçevir şəhər Kür Olimpiya İdman Tədris Kompleksində təşkil olunan seminarda 50-yə yaxın məşqçi iştirak edib.Təlimlər nəzəri və praktiki hissədən ibarət olub.Seminarın təlimçisi Azərbaycan üzgüçülük üzrə milli komandanın baş məşqçisi Rəşad Əbdürrəhmanov təlimlərin yaxın zamanlarda ölkəmizdə keçiriləcək böyük üzgüçülük yarışlarının təşkilində rolu olacağını vurğulayıb: “Yaxın vaxtlarda Azərbaycanın bütün bölgələrini əhatə edəcək “Üzgüçülük hamı üçün” adlı yeni, böyük bir idman layihə işə düşəcək. Layihəyə uyğun olaraq bütün regionlarda eyni vaxtda, eyni zamanda, üzgüçülük yarışlarının başlanması və canlı olaraq yayımlanması nəzərdə tutulur. Bu səbəbdən də bölgələrdə çalışan məşqçıləri bir yerə toplayaraq yarış haqqında ümumi məlumat verdik və yarışın keçirilməsi, beynəlxalq hakimliyin qaydaları barədə təlim keçdik. Ümidvarıq ki, gənclər və idman Naziri Fərid Qayıbovun təşəbbüsü olan “Üzgüçülük hamı üçün” adlı layihənin yarışları start götürənədək məşqçilər yerlərdə öz idmançılarını bu böyük layihəyə hazırlaya biləcəklər və bu layihə Azərbaycanda üzgüçülüyün inkişafına böyük təkan verəcək”, - deyə R.Əbdürrəhmanov əlavə edib.xeber100.com

Azərbaycan milli komandası sonuncu yoldaşlıq oyununu keçirib

Türkiyənin Ərzurum şəhərində təlim-məşq toplanışında olan 16 yaşadək futbolçulardan ibarət Azərbaycan milli komandası hazırlıq çərçivəsində sonuncu yoldaşlıq oyununu keçirib.Türkiyənin müvafiq yaş qrupundan ibarət komandasına qarşı keçirilmiş qarşılaşma 0:0 hesabı ilə başa çatıb.Qeyd edək ki, komandalar arasında iki gün əvvəl keçirilən oyun Türkiyə millisinin 3:1 hesablı qələbəsi ilə nəticələnmişdi.xeber100.com

UEFA Avropa Liqasının qrup mərhələsinin beşinci turu çərçivəsində

Fransanın “Nant” klubunun UEFA Avropa Liqasının qrup mərhələsinin beşinci turu çərçivəsində Ağdamın “Qarabağ” komandasına qarşı keçirəcəyi oyun üçün biletləri satışa çıxarıb.Bu barədə Liqa 1 təmsilçisinin rəsmi saytı məlumat yayıb.Oyuna ən ucuz biletin qiyməti 36, ən bahalısının isə 75 avro təşkil edir.Oktyabrın 27-də “Stad de la Bojuar” stadionunda keçiriləcək oyun Bakı vaxtı ilə saat 23:00-da başlayacaq. Komandalar arasında Bakıdakı oynanılan matçda Ağdam təmsilçisi 3:0 hesablı qələbə qazanıb.xeber100.com

Dünya Güləş Birliyi təsnifat reqlamentini açıqlayıb

Dünya Güləş Birliyi (UWW) “Paris-2024” üçün təsnifat reqlamentini açıqlayıb.Tokio Olimpiadasında olduğu kimi, qarşıdan gələn Olimpiya Oyunlarında da 18 (6 sərbəst, 6 yunan-Roma, 6 qadın güləşi) çəkidə 288 idmançı çıxış edəcək. Hər kateqoriyada 16 güləşçi mübarizə aparacaq.Yenə hər ölkənin idmançıları üçün 3 lisenziya turniri Olimpiadaya vəsiqə qazanmaq şansı verəcək. 2023-cü ilin sentyabrın 16-dən 2024-cü ilin mayın 12-dək - 8 aylıq müddətdə 288 lisenziya sahibini tapacaq.İlk lisenziya yarışı gələn ilin sentyabrında keçiriləcək dünya çempionatı olacaq. Bu dəfə fərq ondadır ki, hər olimpiya çəkisində 6 yox, 5 idmançı “Paris-2024”də iştirak hüququ əldə edəcək. Medal qazanan idmançılarla yanaşı, bürünc medal görüşündə məğlub olan 2 güləşçi arasında keçiriləcək qarşılaşmanın qalibi Olimpiya Oyunlarına vəsiqə qazanacaq.2024-cü ildə isə əvvəlcə hər qitə üzrə təsnifat turnirlərinin finalçıları Olimpiadada yerini təmin edəcək. Sonuncu lisenziya yarışı mayda baş tutacaq. Dünya Təsnifat turnirində hər çəkidə 3 idmançı “Paris-2024”ə bilet əldə edəcək. Finalçılarla yanaşı, 3-cü yer uğrunda görüşün qalibi lisenziya qazanacaq. Bununla da Olimpiya Oyunlarının bütün iştirakçıları müəyyənləşəcək.xeber100.com