Şahmat üzrə növbəti mötəbər yarışa start veriləcək

Azərbaycanda oktyabrın 2-də şahmat üzrə növbəti mötəbər yarışa start veriləcək.Bu dəfə Naxçıvan Muxtar Respublikası 16 yaşadək idmançılar arasında Ümumdünya Şahmat Olimpiadasına ev sahibliyi edəcək. Yarışda ölkəmiz 5 komanda ilə təmsil olunacaq.Azərbaycan-1 komandasında Read Səmədov (2455), Fərid Orucov (2352), Şiroğlan Talıbov, Süleyman Süleymanlı (2304), Səmra Qasımova (1902), Nərmin Abdinova (1740), Azərbaycan-2 kollektivində isə Cahandar Azadəliyev (2304), Ümid Aslanov (2273), Xəqan Əhməd (2196), İslam Hacıəliyev (1633), Xanım İsmayılova (1901) və Aysel Cəfərova (1489) yer alıblar. Aydan Şükürova (1732), Nurtən Nuriyeva (1691),Lalə Hüseynova (1702), Ayan Hüseynli (1572), Səadət Bəşirli (1567), Nərmin Nəsibova (1504) Azərbaycan-3, Tunar Davudov (1868), Aqil İsrailov (1883), Paşam Əlizadə (1770), Elcan Əbdülkərimli (1742), Leyla Rzalı (1451) Azərbaycan-4 komandasının heyətində güclərini sınayacaqlar. Azərbaycan-Naxçıvan komandasının heyətində Seyid Hüseyn (2097), Rza Həsənli (1566), Rəcəb Abdullabəyli (1506), Sadiq Abbasov (1542), Nazlı Hümbətova (1632) və Zərifə Abbasova (1480) çıxış edəcəklər.Olimpiadada ilk turun oyunları oktyabrın 2-də keçiriləcək. Doqquz turdan ibarət yarışa oktyabrın 10-da yekun vurulacaq.On altı yaşadək idmançılar arasında Ümumdünya Şahmat Olimpiadasında 25 ölkədən 35 komanda mübarizə aparacaq.xeber100.com

Boks Federasiyası: Boksçular arasında Avropa çempionatı davam edir

İtaliyanın Montesilvano şəhərində yeniyetmə oğlan və qız boksçular arasında Avropa çempionatı davam edir.Azərbaycan Boks Federasiyasından bildiriblər ki, 33 ölkədən 378 (250 oğlan, 128 qız) idmançının qatıldığı yarışın ikinci günündə Azərbaycan millisinin 2 üzvü rinqə çıxıb.Komandamızın heyətində Aynur Mikayılova (50 kq) 1/8 final mərhələsi çərçivəsində Byanka Balintlə (Almaniya) üz-üzə gəlib. boksçumuz rəqibini 5:0 hesabı ilə məğlub edib. O, növbəti döyüşündə Lamprini Giannakopoulou (Yunanıstan) ilə gücünü yoxlayacaq. Görüş sentyabrın 30-da olacaq.Faiq Mollayev (46 kq) də Avropa birinciliyində debütünü qələbə ilə başa vurub. İqor Uşinyakla (Polşa) qarşılaşan həmyerlimiz rəqibini məğlub etməyə cəmi 1 dəqiqə 50 saniyə vaxt sərf edib. İlk raundda tam üstünlüklə qalib gələn Mollayev 1/4 finala yüksəlib. O, növbəti döyüşünü oktyabrın 1-də ingiltərəli Tomas Vari Cona qarşı keçirəcək.Qeyd edək ki, Avropa birinciliyində sabah daha 5 boksçumuz mübarizəyə qoşulacaq.xeber100.com

Azərbaycan Cüdo Federasiyası: Cüdo üzrə region birinciliyi keçirilib

Şirvan şəhərində yeniyetmələr (U-18) arasında cüdo üzrə region birinciliyi keçirilib.Azərbaycan Cüdo Federasiyasından bildiriblər ki, Şirvan Olimpiya İdman Kompleksində baş tutan yarışda 8 çəki dərəcəsində qaliblər müəyyənləşib.Yarışda cənub regionunu təmsil edən 9 komandadan 51 cüdoçu medallar uğrunda mübarizə aparıb.Oğlanlar arasında Elmar Əlizadə (46 kq), Röyal Dadaşov (50 kq), Kamran Mustafayev (55 kq), Elvin Hüseynov (60 kq), Nicat Süleymanov (66 kq), Əliqismət Məmmədov (73 kq), Nicat İbrahimli (81 kq), qızlar arasında isə Gülçin Nəsirova (48 kq) birinci yeri tutublar.Yarışın mükafatçıları Bakı şəhərində keçiriləcək kiçik yaşlı yeniyetmələr arasında Azərbaycan birinciliyinə vəsiqə qazanıblar.xeber100.com

Futzal üzrə Yüksək Liqada 2022-2023-cü il mövsümünə start veriləcək

Bu gün futzal üzrə Yüksək Liqada 2022-2023-cü il mövsümünə start veriləcək.Turun açılış matçında sonuncu mövsümün pley-off mərhələsində iştirak etmiş komandalar - “Baku Fire” və “Neftçi” qarşılaşacaqlar. Mərkəzi görüş həm də “CBC Sport” kanalı vasitəsilə canlı yayımlanacaq.Daha sonra “Araz-Naxçıvan” – “Alyans Lənkəran” və U-19 – “Record” görüşləri təşkil olunacaq.xeber100.com

Azərbaycan Taekvondo Federasiyasının məlumatına görə…

Taekvondo üzrə Azərbaycan millisində baş məşqçi dəyişikliyi olub.Azərbaycan Taekvondo Federasiyasının mətbuat xidmətinə istinadla xəbər verir ki, yeniyetmələrdən ibarət yığmamız Rəşad Məmmədova həvalə edilib. O, bu postda Elnur Amanovu əvəzləyib. E.Amanov isə fəaliyyətini Reza Mehmandoustun rəhbərlik etdiyi kişilərdən ibarət millinin məşqçilər korpusunda davam etdirəcək. Qırx beş yaşlı mütəxəssis komandada böyük məşqçi funksiyasını yerinə yetirəcək.Yeniyetmələrdən ibarət yığmada Vurğun Cəfərov əvvəl olduğu kimi, yenə böyük məşqçi kimi çalışacaq.xeber100.com

“Wtt Youth Contender Tbilisi” turnirinə yekun vurulub

Gürcüstanın paytaxtı Tbilisi şəhərində “Wtt Youth Contender Tbilisi” turnirinə yekun vurulub.Yarışın son günündə seçmə komandanın iki üzvü mükafatlar uğrunda mübarizə aparıb. 11 yaşadək tennisçilərin turnirində etimadı layiqincə doğruldan Yağmur Məmmədli bütün rəqiblərini üstələyərək yarışın baş mükafatını qazanıb.15 yaşadək idmançıların turnirindəki tennisçimiz Mərziyyə Nurmətova isə yalnız gərgin mübarizə ilə yadda qalan final görüşündə iranlı rəqibinə 2:3 hesabı ilə uduzaraq 2-ci yerlə kifayətlənib.Xatırladaq ki, yarışın əvvəlki günlərində Aylin Əsgərova, Adil Əhmədzadə və Onur Quluzadə 3-cü yeri tutub.Beləliklə, yeniyetmələrdən ibarət Azərbaycan seçmə komandası 18 ölkə idmançılarının qatıldığı turniri 5 mükafatla başa vurub.xeber100.com

Azərbaycan – Qazaxıstan oyununda hesab açılıb

UEFA Millətlər Liqasının qrup mərhələsinin sonuncu turu çərçivəsində keçirilən Azərbaycan - Qazaxıstan oyununda hesab açılıb."Dalğa Arena"da oynanılan qarşılaşmanın 67-ci dəqiqəsində qazaxıstanlı futbolçu Aleksandr Maroçkin avtoqolla yadda qalıb - 1:0.Hazırda 13 xalı olan Qazaxıstan millisi B Liqası və pley-offa vəsiqəni təmin edib. Azərbaycan seçməsi isə 7 xalla 2-ci pillədə qərarlaşıb.Qeyd edək ki, qrupun digər oyununda Belarus millisi Slovakiya yığmasının qonağıdır. Hazırda Belarus seçməsi 1:0 hesabı ilə öndədir.xeber100.com

UEFA Millətlər Liqasının C Liqasının üçüncü qrupunun son görüşündə

Futbol üzrə Azərbaycan yığması ardıcıl üçüncü qələbəsini qazanıb.Millimiz UEFA Millətlər Liqasının C Liqasının üçüncü qrupunda son görüşündə Qazaxıstan seçməsini qəbul edib."Dalğa Arena"da oynanılan matçda Azərbaycan millisinin start heyətində Şahruddin Məhəmmədəliyev, Elvin Cəfərquliyev, Bəhlul Mustafazadə, Höccət Haqverdi, Emin Mahmudov, Renat Dadaşov, Ramil Şeydayev, Eddi İsrafilov, Bədavi Hüseynov, Filip Ozobiç və Ozan Can Kökcü yer alıblar.Qazaxıstan seçməsinin heyətində meydana İqor Şatski, Nuralı Alip, İslambek Kuat, Abılayxan Jumabek, Aslan Darabayev, Elxan Astanov, Baqdat Kairov, Timur Dosmaqambetov, Ramazan Orazov, Marat Bıstrov və Aleksandr Maroçkin çıxıblar.Matçın 35-ci dəqiqəsində Qazaxıstan millisi azlıqda qalıb. Nuralı Alip yığmamızın üzvü Renat Dadaşova qarşı kobudluq etdiyi üçün sarı vərəqə görüb. Müdafiəçi ardınca Eddi İsrafilovu itələdiyinə görə ikinci sarı vərəqəni alaraq meydandan qovulub. Komandaların cəhdlərinə baxmayaraq, birinci hissədə hesab açılmayıb.Yığmamız ikinci hissəyə daha fəal başlayıb. Görüşün 65-ci dəqiqəsində Mahir Emreli hesabı açmağa yaxın olsa da, qapıçı İqor Şatski yaxşı oynayıb. Oyunda hesab 67-ci dəqiqədə açılıb. Belə ki, qazaxıstanlı futbolçu Aleksandr Maroçkin avtoqol müəllifi olub. Matçın 74-cü dəqiqəsində millimizin üzvü Filip Ozobiç baxımlı qola imza atıb. Qarşılaşmanın 83-cü dəqiqəsində Filip Ozobiçin zərbəsindən sonra top qapı dirəyinə dəyərək geri qayıdıb. Oyunda son qolu 90+1-ci dəqiqədə Anatoli Nuriyev vurub. Forvard millidə 11-ci matçda ilk qoluna imza atıb.Beləliklə, görüş millimizin 3:0 hesablı qələbəsi ilə başa çatıb.Hesabında 10 xal olan Azərbaycan millisi qrup ikinci pillədə başa vurub. On üç xalı olan Qazaxıstan millisi B Liqası və pley-offa vəsiqəni təmin edib. Qrupda yer alan Slovakiya 7 xalla üçüncü, Belarus isə 3 xalla sonuncu – dördüncü olub.Azərbaycan seçməsi 11 ildən sonra Qazaxıstan millisinə qalib gəlməyi bacarıb. Komanda son olaraq 2011-ci ildə rəqibini 3:2 hesabı ilə üstələmişdi.

“Shusha Chess-2022” beynəlxalq şahmat turnirinə start verilib

Gənclər və İdman Nazirliyi, Azərbaycan Şahmat Federasiyası və Şuşa Şəhəri Dövlət Qoruğunun birgə təşkilatçılığı ilə “Shusha Chess-2022” beynəlxalq şahmat turnirinə start verilib.Şuşada keçirilən turnirdə ilk gedişi kişilərin yarışında gənclər və idman naziri Fərid Qayıbov, qadınların mübarizəsində isə gürcüstanlı dünya çempionu Nona Qaprindaşvili ediblər.Qadınların yarışında ilk turda Gövhər Beydullayeva Xanım Balacayeva, Nana Dzaqnidze (Gürcüstan) Günay Məmməzadə, Ülviyyə Fətəliyeva Gülnar Məmmədova, Marsel Efroimski (İsrail) Yolanta Zavadska (Polşa), Kübra Öztürk Güvənli (Türkiyə) Meri Arabidze (Gürcüstan) ilə qarşılaşır.Kişilərin mübarizəsində birinci turda Şəhriyar Məmmədyarov Qədir Hüseynov, Teymur Rəcəbov Parham Maqsudlu (İran), Rüstəm Qasımcanov (Özbəkistan) Rauf Məmmədov, Vasif Durarbəyli Hao Vanq (Çin), Mustafa Yılmaz (Türkiyə) isə Santoş Qucrati Vidit (Hindistan) ilə üz-üzə gəlir.Turnirə sentyabrın 24-də yekun vurulacaq.xeber100.com

“Wtt Youth Contender Tbilisi” turnirində

Stolüstü tennisçimiz Adil Əhmədzadə Gürcüstanın paytaxtı Tbilisi şəhərində “Wtt Youth Contender Tbilisi” turnirində mükafata layiq görülüb.15 yaşadək tennisçilərin turnirində yarışan idmançı yarımfinaladək inamla irəliləsə də, finala çıxış uğrunda görüşdə uduzaraq 3-cü yeri tutub.Eyni yaş qrupunda qüvvəsini sınayan Rüstəm Hacılı ilə Hüseyn Eylazov səkkizdəbir finalda mübarizəni dayandırıblar.On bir yaşadək tennisçilərin turnirində bacarığını göstərən Onur Quluzadə də yarışı 3-cü pillədə bitirib. Qrup mərhələsində bütün rəqiblərinə qalib gələn tennisçi dörddəbir final səddini adlasa da, yarımfinalda uduzaraq 3-cü yerlə kifayətlənib.Qeyd edək ki, Tbilisidə təşkil olunan yarışa 18 ölkənin idmançıları qatılıblar.xeber100.com