Karate üzrə 24-cü respublika çempionatı start götürüb

“Sərhədçi” İdman Olimpiya Mərkəzində böyüklər arasında karate üzrə 24-cü respublika çempionatı start götürüb.Azərtac xəbər verir ki, noyabrın 27-də Gənclər və İdman Nazirliyi təşkilatçılığı ilə keçirilən yarışın təntənəli açılış mərasimi keçirilib. Federasiyanın prezidenti Y.Bəşirov mərasimdə çıxış edərək Azərbaycanın idman sahəsində son dövrlərdə qazandığı əhəmiyyətli uğurlardan söz açıb, idmanın inkişafına dövlət səviyyəsində göstərilən diqqət və qayğını qeyd edib. O da diqqətə çatdırılıb ki, hazırkı respublika birinciliyində nəticə qazanmış 12 karateçi gələn il Bakıda keçiriləcək IV İslam Həmrəyliyi Oyunlarında təmsil olunacaq. Y.Bəşirov “Tokio-2020” Olimpiya Oyunlarında karateçilərimizə böyük ümidlər bəslənildiyini də deyib.xeber100.com

“Bavariya” futbol klubunun yeni prezidentinin adı müəyyənləşib

Almaniyanın “Bavariya” futbol klubunun yeni prezidentinin adı müəyyənləşib.Azərtac klubunun rəsmi saytına istinadla xəbər verir ki, bir müddət əvvəl məhkumluqdan bəraət alan Uli Höness yenidən klubun rəhbəri seçilib.64 yaşlı futbol funksioneri səslərin 98.5 faizini toplayıb. U.Höness 2019-cu ilədək bu vəzifəni icra edəcək.Hələ 1970-ci ildə Münhen təmsilçisinin heyətində futbolçu kimi forma geyinən U.Höness karyerası ərzində klubu ilə bütün titullara yiyələnib. Gənc yaşında ikən “Bavariya”da baş menecer işləyən Höness 30 illik fəaliyyəti dövründə münhenlilərlə bir çox nailiyyət qazanıb.O, bunadək 2009-2014-cü illərdə də “Bavariya”nın prezidenti olub.xeber100.com

Formula-1 təqviminin yeni versiyası müzakirə olunub

Əbu-Dabidə 2017-ci ilin Formula-1 təqviminin yeni versiyası müzakirə olunub.Azərtac “f-1.az” saytına istinadla xəbər verir ki, əvvəlki ildən fərqli olaraq, yeni təqvimdə Almaniya Qran-prisinə yer verilməyib. Yarışın təşkilatçıları Berni Ekklstoun ilə maliyyə məsələsində razılığa gələ bilməyiblər. Kanada və Braziliya yarışlarının taleyi hələ də sual altındadır.Yeni təqvimdə Macarıstan Qran-prisi Almaniyadakı yarış üçün təyin olunmuş günlərdə – iyulun 28-30-da keçiriləcəyi əks olunub. Digər bir fərq isə Sinqapur və Malayziya yarışları ilə bağlıdır. Sentyabrda Sepanqdakı yarışın Sinqapur Qran-prisindən əvvəl keçiriləcəyi qeyd edilmişdisə də, bu dəfə onların yerləri dəyişdirilib. Cari mövsümdə olduğu kimi, Sinqapur yarışı əvvəl keçiriləcək.Mövsümdən əvvəl testlərin tarixlərində dəyişiklik olmayacaq. İlk testlər fevralın 27-dən martın 2-dək, ikinci testlər isə martın 7-10-da Barselonada keçiriləcək.xeber100.com

Beynəlxalq turnirin final mərhələsi davam edir

Bakı İdman Sarayında güləş üzrə “Qızıl Qran-pri” beynəlxalq turnirinin final mərhələsi davam edir.Azərtac xəbər verir ki, sayca 9-cu dəfə təşkil olunan turnirə 50-dən artıq ölkədən 700-ə yaxın güləşçi qatılıb.Proqrama əsasən, yarışın üçüncü günündə yunan-Roma güləşçiləri mübarizəyə qoşulublar.Baş məşqçi əvəzi Akif Əliyevin rəhbərlik etdiyi məşqçilər korpusunun başçılığı altında 23 güləşçimiz xalça üzərinə çıxacaq.xeber100.com  

Futbol üzrə turnirin mükafat fondu açıqlanıb

2017-ci ildə Rusiyada təşkil ediləcək futbol üzrə Konfederasiyalar kuboku turnirinin mükafat fondu açıqlanıb.Azərtac xəbər verir ki, yarışın iştirakçıları ümumilikdə 20 milyon ABŞ dolları qazanacaqlar.Turnirin qalibi 4,1, finalçısı 3,6 milyon dollar gəlir əldə edəcək. Bürünc mükafatçı 4, medal şansını sonda əldən verən komanda 2,5 milyon dollar mükafata sahib çıxacaq. Mübarizəni qrupda başa vuran digər 4 komandanın hərəsinə 1,7 milyon dollar ödəniləcək.Qeyd edək ki, Moskva, Sankt-Peterburq, Kazan və Soçidə keçiriləcək Konfederasiyalar kuboku iyunun 17-də start götürəcək.xeber100.com

Boccia idman növü üzrə III “Seni Cup” turniri təşkil ediləcək

Dekabrın 14-də Bakı İdman Sarayında boccia idman növü üzrə III "Seni Cup" turniri təşkil ediləcək. Turnirdə 10 təşkilatdan altmışa yaxın idmançı iştirak edəcək.Milli Paralimpiya Komitəsindən Azərtac-a bildiriblər ki, komitə 2013-cü ildən ölkəmizdə boccia idman növünün təbliğinə başlayıb və xeyli sayda fiziki imkanları məhdud gənc bu idman növünə cəlb olunub.xatırladaq ki, boccia idman növünün təbliği və inkişafı məqsədi ilə Milli Paralimpiya Komitəsi və “Seni” şirkətinin dəstəyi ilə birinci və ikinci “Seni Cup” turniri keçirilib.xeber100.com  

Azərbaycan çempionatı başlayıb

“Sərhədçi” İdman Olimpiya Mərkəzində yeniyetmə və gənclər arasında 17-ci, böyüklərin isə 24-cü karate üzrə Azərbaycan çempionatı başlayıb.Azərtac xəbər verir ki, yarış Gənclər və İdman Nazirliyi, Karate-do Federasiyası Assosiasiyası (AKFA) və Milli Karate Federasiyasının (MKF) təşkilatçılığı ilə keçirilir.Karateçilər yarışın ilk günündə bütün yaş kateqoriyalarında şəxsi kata, həmçinin yeniyetmə və gənclər arasında fərdi kumite yarışlarında güclərini sınayırlar.Turnirin təntənəli açılış mərasimi noyabrın 27-də keçiriləcək.Yeni qaydalara əsasən, kumite yarışlarında döyüş zamanı xallara məhdudiyyət qoyulmur, döyüş vaxtı bitdikdə daha çox xal toplamış idmançı qələbə qazanır. Döyüş zamanı 8 xal üstünlük əldə edildikdə döyüş dayandırılır və üstünlüyə malik idmançı təmiz qələbə qazanır.Qalib və mükafatçılar AKFA və MKF-nin təsis etdiyi kubok, medal və diplomlarla təltif olunacaqlarxeber100.com

“Qarabağ” – “Slovan Libereç”ə 0:3 hesabı ilə uduzub

Noyabrın 24-də UEFA Avropa Liqasında qrup mərhələsinin beşinci turunun oyunları keçirilib. Tur çərçivəsində 12 qrupda ümumilikdə 24 matç oynanılıb.Azərtac xəbər verir ki, “Qarabağ”ın mübarizə apardığı “J” qrupunda “Fiorentina” (İtaliya) komandası öz meydanında Yunanıstanın “PAOK” klubuna 2:3 hesabı ilə məğlub olub. “Qarabağ” isə Çexiyada “Slovan Libereç”ə 0:3 hesabı ilə uduzub. Məğlubiyyətə baxmayaraq, “Fiorentina” klubu 10 xalla qrupda liderliyini davam etdirir. “Qarabağ” və “PAOK” 7 xalla ikinci və üçüncü yerləri bölüşürlər. “Slovan Libereç”in hesabında isə 4 xal var.“Qəbələ”nin çıxış etdiyi “C” qrupunda keçirilən “Sent-Etyen” (Fransa)-“Maynts” (Almaniya) görüşündə hesab açılmayıb–0:0. “Qəbələ” isə evdə “Anderlext”ə 1:3 hesabı ilə uduzub. Beş oyundan sonra “Anderlext” 11 xal toplayaraq növbəti mərhələyə vəsiqəni təmin edib. Fransanın “Sent-Etyen” klubu da 9 xalla növbəti mərhələyə yüksəlib. Aktivində 6 xal olan “Maynts” və hələ ki, xal qazanmayan “Qəbələ” isə Avropa Liqası ilə vidalaşıb. Bu qrupda 6-cı turun oyunları formal xarakter daşıyacaq.Ölkəmizin futbol azarkeşləri üçün maraqlı oyunlardan biri azərbaycanlı hakim Əliyar Ağayevin idarə etdiyi “Şalke” (Almaniya)-“Nitsa” (Fransa) qarşılaşması olub. Meydan sahibləri rəqibləri üzərində 2:0 hesablı qələbə qazanaraq növbəti mərhələyə yüksəliblər. Matçda Əliyar Ağayev qonaq komandanın qapısına penalti zərbəsi təyin edib və meydan sahiblərinin bir futbolçusuna qırmızı vərəqə göstərib. Qrupun digər matçında heç-heçə qeydə alınıb. Rusiyanın “Krasnodar” klubu Avstriyanın “Zaltsburq” klubu ilə “sülh” bağlayıb-1:1. Bununla da Rusiya klubu növbəti mərhələyə yüksəlib.Azərbaycanlı futbol azarkeşləri üçün maraq kəsb edən qarşılaşmalardan biri İstanbulda baş tutub. “A” qrupunda Türkiyənin “Fənərbağça” klubu Ukraynanın “Zorya” komandasına 2:0 hesabı ilə qalib gəlib. İngiltərənin “Mançester Yunayted” komandası isə Hollandiyanın “Feyenoord” klubunu darmadağın edib – 4:0. Bu nəticələrdən sonra “Fənərbağça” klubu 10 xalla qrup liderliyini ələ keçirib. “Mançester Yunayted” 9 xalla ikinci, “Feyenoord” 7 xalla üçüncü, “Zorya” isə 2 xalla sonuncudur. Digər qruplarda aşağıdakı nəticələr qeydə alınıb: “B” qrupu “Astana” (Qazaxıstan)-APOEL (Kipr) – 2:1 “Olimpiakos” (Yunanıstan)-“Yanq Boyz” (İsveçrə) - 1:1 “D” qrupu “Zenit” (Rusiya)-“Makkabi” (Təl-Əviv, İsrail) - 2:0 “Dundalk" (İrlandiya)-“AZ Alkmaar” (Hollandiya) - 0:1 “E” qrupu “Roma” (İtaliya)-“Viktoriya” (Çexiya) – 4:1 “Austriya” (Avstriya)–“Astra” (Rumıniya) - 1:2 “F” qrupu “Atletik” (İspaniya)-“Sassuolo” (İtaliya) – 3:2 “Genk” (Belçika)-“Rapid” (Avstriya) – 1:0 “G” qrupu “Ayaks” (Hollandiya)-“Panatinaikos” (Yunanıstan) – 2:0 “Selta” (İspaniya)-“Standart” (Belçika) – 1:1 “H” qrupu “Şaxtyor” (Ukrayna)–“Konyaspor” (Türkiyə) – 4-0 “Gent” (Belçika)–“Braqa” (Portuqaliya) – 2:2 “K” qrupu “Sparta” (Çexiya)-“Southempton” (İngiltərə) – 1:0 “Hapoel” (Bir Şeva, İsrail)–“İnter” (İtaliya) - 3:2 “L” qrupu “Sürix” (İsveçrə)-“Vilyarreal” (İspaniya) -1:1 “Styaua” (Rumıniya)-“Osmanlıspor” (Türkiyə) – 2:1 UEFA Avropa Liqasının qrup mərhələsinin sonuncu - altıncı turunun oyunları dekabrın 8-də keçiriləcək.

“Qızıl Qran-pri” beynəlxalq turnirinin final mərhələsi davam edir

Bakı İdman Sarayında güləş üzrə “Qızıl Qran-pri” beynəlxalq turnirinin final mərhələsi davam edir.Azərtac xəbər verir ki, sayca 9-cu dəfə təşkil olunan turnirdə 50-dən artıq ölkədən 700-ə yaxın güləşçi iştirak edir.Proqrama əsasən, yarışın ikinci günüdə qadın güləşçilər mübarizəyə qoşulublar.Baş məşqçi Semyon Çterevin rəhbərlik etdiyi məşqçilər korpusunun başçılığı altında 12 qadın güləşçimiz birincilik uğrunda mübarizə aparır. Yarışda ölkəmizi Patimat Baqomedova, Şəfəq Muradzadə, Sona Tumarxanova (hər üçü 48 kq), Leyla Qurbanova, Anjela Doroqan (hər ikisi 53 kq), Alyona Kolesnik, Solmaz Həşimzadə (hər ikisi 55 kq), Tatyana Omelçenko, İrina Netreba (hər ikisi 60 kq), Elmira Qəmbərova (63 kq), Elis Manolova (69 kq) və Səbirə Əliyeva (75 kq) təmsil edirlər.Beynəlxalq turnirin rəsmi media tərəfdaşı Azərtac-dır.xeber100.com

UEFA kubokunun elit-raund mərhələsində…

Futzal üzrə UEFA kubokunun elit-raund mərhələsində Azərbaycan çempionu “Araz” ikinci oyununu keçirib.Azərtac xəbər verir ki, təmsilçimiz Xorvatiyada Rusiyanın “Uqra” komandası ilə qarşılaşıb. Oyun 4:0 hesabı ilə Rusiya təmsilçisinin xeyrinə başa çatıb.“Araz” son oyunda Almaniyanın “Hamburq” komandası ilə qarşılaşacaq. Oyun noyabrın 26-da Bakı vaxtı ilə saat 21.00-da başlayacaq.xeber100.com