UEFA Çempionlar Liqasında qrup mərhələsinin ikinci turuna start verilib

Sentyabrın 27-də UEFA Çempionlar Liqasında qrup mərhələsinin ikinci turuna start verilib. Azərtac xəbər verir ki, ikinci turun ilk oyun günündə səkkiz qarşılaşma keçirilib. Dörd qrup üzrə görüşlərdə aşağıdakı nəticələr qeydə alınıb: E qrupu “Monako” (Fransa) - “Bayer” (Almaniya) – 1:1. MOİK (Rusiya) – “Tottenhem” (İngiltərə) – 0:1. F qrupu “Borussiya” (Dortmund) – “Real” (Madrid) – 2:2. “Sportinq” (Portuqaliya) – “Legiya” (Polşa) – 2:0 G qrupu “Kopenhagen” (Danimarka) – “Brügge” (Belçika) – 4:0 “Lester” (İngiltərə) – “Porto” (Portuqaliya) – 1:0 H qrupu “Sevilya” (İspaniya) – “Lion” (Fransa) – 1:0 “Dinamo” (Xorvatiya) – “Yuventus” (İtaliya) – 0:4 Turun digər oyunları sentyabrın 28-də keçiriləcək.

UEFA Avropa Liqasının ikinci turu çərçivəsində keçiriləcək oyunun biletləri satışa çıxarılıb

UEFA Avropa Liqasının qrup mərhələsinin ikinci turu çərçivəsində keçiriləcək “Qəbələ” – “Maynts” (Almaniya) oyununun biletləri satışa çıxarılıb. Azərtac xəbər verir ki, biletləri Tofiq Bəhramov adına Respublika stadionunun və oyunun keçiriləcəyi “Bakcell Arena”nın kassalarından almaq mümkündür. Qiymətlər sektorlardan asılı olaraq, 2 və 5 manat, VİP sektorlar üçün isə 10 manat təşkil edir. Qeyd edək ki, sentyabrın 29-da “Bakcell Arena”da keçiriləcək “Qəbələ” – “Maynts” matçı saat 19:00-da başlayacaq.xeber100.com

Çempionlar Liqasının qrup mərhələsində ikinci tura start veriləcək

Sentyabrın 27-də UEFA Çempionlar Liqasının qrup mərhələsində ikinci tura start veriləcək. Azərtac xəbər verir ki, ilk oyun günündə səkkiz oyun keçiriləcək. “F” qrupunun mərkəzi görüşündə ilk turdan sonra hərəyə üç xala sahib olan Dortmund “Borussiya”sı İspaniyanın “Real Madrid” klubu ilə qarşılaşacaq. Qalib komanda altı xalla qrupunun lideri olacaq. Qrupun digər oyununda isə Portuqaliyanın “Sportinq” klubu Polşa “Legiya”sını qəbul edəcək. “E” qrupunda Rusiya MOİK-i İngiltərənin “Tottenhem” klubu ilə qarşılaşacaq. Paralel matçda qrup lideri Fransanın “Monako” klubu bir xalı olan Almaniyanın “Bayer” komandası ilə üz-üzə gələcək. “H” qrupunda “Sevilya” “Lion”u qəbul edəcəyi halda, ”Yuventus” Zaqrebdə “Dinamo”nun qonağı olacaq. “G” qrupunda son İngiltərə çempionu “Lester” isə “Porto” ilə münasibətlərə aydınlıq gətirəcək. Eyni qrupda həm də “Kopenhagen” (Danimarka) və “Brügge” (Belçika) komandaları görüşəcək. Turun qalan matçları isə sabah oynanılacaq.xeber100.com

“Stadio Olimpico”da keçiriləcək oyunu hakimlər briqadası idarə edəcək

Futbol üzrə UEFA Avropa Liqasının “E” qrupunda sentyabrın 29-da “Stadio Olimpico”da keçiriləcək “Roma” (İtaliya)–“Astra” (Rumıniya) oyununu FİFA referisi Əliyar Ağayev idarə edəcək. Azərtac AFFA-nın rəsmi saytına istinadla xəbər verir ki, onun köməkçiləri Zeynal Zeynalov və Rza Məmmədov, əlavə köməkçi hakimlər Rəhim Həsənov və Orxan Məmmədov olacaq. Dördüncü hakim funksiyasını Mübariz Haşımov yerinə yetirəcək.xeber100.com

Milli komanda dünya çempionatında çıxışını başa vurub

Azərbaycan milli komandası Kolumbiyada təşkil olunan futzal üzrə dünya çempionatında çıxışını başa vurub. Azərtac xəbər verir ki, 1/4 final mərhələsində Kali şəhərindəki Coliseo El Pueblo İdman Kompleksində Portuqaliya yığması ilə qarşılaşan millimiz 2:3 hesabı ilə məğlubiyyətə uğrayıb. Xatırladaq ki, dünya çempionatının qrup mərhələsində Mərakeş yığmasına 5:0 hesabı ilə qalib gələn millimiz, İspaniya komandasına 2:4 hesabı ilə məğlub olmuş, iranlı futzalçılarla isə heç-heçə etmişdi – 3:3. Komandamız 1/8 final mərhələsində Tailand yığmasına 13:8 hesabı ilə qalib gəlmişdi.xeber100.com

Dünya çempionatı üçün talisman seçiminə start verilib

Beynəlxalq Futbol Federasiyası (FİFA) rəsmi saytında 2018-ci ildə Rusiyada keçiriləcək dünya çempionatı üçün talisman seçimi ilə bağlı kampaniyaya start verib. Azərtac xəbər verir ki, səsvermə müəllif namizədlərin təqdimatından sonra başlayıb. Mundialın rəmzi nişanəsinə dair müsabiqənin finalçıları canavar, pələng və pişik olacaq. Bunlar universitet tələbələri tərəfindən hazırlanıb. Sonradan müəlliflərin iştirakı ilə peşəkar animatorlar rəsmlərin üzərində iş aparıb. Müsabiqənin qalibi oktyabrın 26-da Rusiyanın 1-ci kanalı ilə canlı yayımlanacaq proqramda elan ediləcək. Xatırladaq ki, seçimin ilk mərhələsində talismana dair 10 variant təqdim edilib. Səsvermənin nəticəsində pəhləvan, uzaq-şərq bəbiri, simurq quşu, yadplanetli, kosmonavt, ayı və robot finalda yer almayıb. Rusiyada təşkil ediləcək 2018-ci il dünya çempionatı on bir şəhərdə olmaqla on iki stadionda keçiriləcək. Yarımfinal oyunları Moskva və Sankt-Peterburq, açılış mərasimi, start və final matçları isə paytaxtın “Lujniki” stadionunda oynanılacaq.xeber100.com

İngiltərə namizədlikdən imtina edib

İngiltərə Futbol Assosiasiyasının sədri Qreq Klark ölkəsinin 2024-cü il Avropa çempionatına ev sahiblik etmək iddiasından əl çəkdiyini bildirib. Azərtac xəbər verir ki, buna səbəb 2020-ci il Avropa çempionatının yarımfinal və final oyunlarının Londonda keçirilməsidir. “2020-ci ildən 4 il sonra yenidən Avropa çempionatını keçirmək istəyi düzgün çıxmaz. 2018-ci il dünya çempionatının namizədliyi mübarizəsi bizə 23 milyon dollara başa gəldi. Bu böyük məbləğdir”, — deyə Qreq Klark bildirib. Xatırladaq ki, ötən il yayılan məlumata görə, İngiltərə 2024-cü il Avropa çempionatında Almaniyanın namizədliyini dəstəkləyəcək. Almanlar isə 2028-ci il dünya çempionatı zamanı İngiltərəyə dəstək olacaq.xeber100.com

Dünya çempionatının seçmə mərhələsi çərçivəsində…

2018-ci ildə Rusiyada keçiriləcək futbol üzrə dünya çempionatının seçmə mərhələsi çərçivəsində oktyabrın 8-də keçiriləcək Azərbaycan–Norveç oyununa bilet satışı davam edir. Azərtac xəbər verir ki, biletləri “28 Mall” Ticarət Mərkəzi, “Bakcell” Müştəri Xidmətləri Mərkəzi (metronun Sahil stansiyasının yaxınlığı), Bakı Olimpiya Stadionu və “Bakcell Arena”nın kassalarından əldə etmək mümkündür.xeber100.com

NTV-nin məlumatına görə…

Bu gün Rusiya paytaxtına sağlamlığı qibtə doğuran minlərlə idman həvəskarı toplaşıb. Ənənəvi Moskva marafonunda dünyanın 70 ölkəsindən 30 mindən çox insan iştirak edir. Rusiyanın NTV telekanalı xəbər verir ki, hazırda məsafənin yarıdan çoxu qət edilib. Marafon iştirakçıları arasında təkcə peşəkarlar deyil, yeni idmançılar da var. Ötən ilə nisbətən iştirakçıların sayı 10 min nəfər artıb. İki il əvvəl 42 kilometr məsafəni 2 saat 17 dəqiqəyə qaçan keniyalı idmançı Moskva marafonunun rekordunu müəyyənləşdirib.xeber100.com

Premyer Liqasında altınci turun görüşləri davam edir

Sentyabrın 25-də Azərbaycan Premyer Liqasında altınci turun görüşləri davam edib. Azərtac xəbər verir ki, ikinci oyun gününün ilk görüşü Gəncədə oynanılıb. “Kəpəz” klubu son çempion “Qarabağ”la üz-üzə gəlib. Belə ki, on dörd ildir rəqibinə qalib gələ bilməyən Gəncə təmsilçisi bu dəfə də Ağdam klubundan yalnız bir xal almağı bacarıb. Gəncə səfərində bərabərə qalan Qurban Qurbanovun komandası isə bir xalla kifayətlənməli olub-1:1. Hər iki qol matçın ikinci hissəsində vurulub. Əvvəlcə, meydan sahibinin heyətində Dario Federiko 54-cü dəqiqədə hesabı açıb -1:0. “Qarabağ” 75-ci dəqiqədə Reynaldonun qolu ilə hesabı bərabərləşdirib -1:1. Görüşün sonuna yaxın tərəflərin hesabı artırmaq üçün bir neçə imkanı olsa da, sonda tabloda rəqəmlər dəyişməyib. Beləliklə, heç-heçə sayəsində xal ehtiyatını 13-ə çatdıran “Qarabağ” üçüncü pillədə mövqeyi dəyişməyib. “Kəpəz” isə 7 xalla dördüncü pillədə qalıb. Xatırladaq ki, günün ikinci matçında ötən mövsümün mükafatçıları “Zirə” ilə “Qəbələ” qarşılaşacaq.xeber100.com