Avtoidman üzrə Ümumdünya Şurasının növbəti iclası keçirilib

Parisdə Beynəlxalq Avtomobil Federasiyasının (FİA) Avtoidman üzrə Ümumdünya Şurasının növbəti iclası keçirilib. Azərtac “f-1.az” saytına istinadla xəbər verir ki, iclasda Formula-1 yarışlarının gələnilki mövsümünün təqviminin ilkin variantı təsdiq olunub. Bu il olduğu kimi, gələn il də təqvimdə 21 Qran-pri yer alıb. Amma Kanada, Almaniya və Braziliya yarışlarının keçirilməsi hələ tam təsdiq edilməyib. Sentyabrın əvvəlində irəli sürülmüş versiya ilə yenisi arasında bəzi dəyişikliklər var. Çin Qran-prisi mövsümün ilk yarışından bir həftə deyil, iki həftə sonra keçiriləcək. Malayziya və Sinqapur Qran-prilərinin də vaxtları dəyişib. Meksika Qran-prisi isə bu dəfə Braziliya Qran-prisi ilə qoşalaşıb. Bakıda keçiriləcək Avropa Qran-prisi yenə də Kanadadakı yarışdan bir həftə sonraya nəzərdə tutulub. Həmin gün yenə də Avropada Le Manın əfsanəvi 24 saatlıq marafonu keçiriləcək. Yeni mövsümün təqviminin son versiyası dekabrın ortalarında təsdiq olunacaq.xeber100.com

Premyer Liqasında ilk dövrənin son turuna start verilib

Sentyabrın 30-da futbol üzrə Azərbaycan Premyer Liqasında ilk dövrənin son turuna start verilib. Azərtac xəbər verir ki, VII turun ilk oyununda “İnter” Zirənin eyniadlı komandasını qəbul edib. “İnter Arena”da keçirilmiş görüş heç-heçə ilə nəticələnib - 1:1. Meydan sahibləri hesabı 22-ci dəqiqədə Ağabala Ramazanovun qolu ilə açıblar. Qalibiyyətə çox yaxın olan “İnter” uzatma dəqiqələrində təşəbbüsü əldən verib. “Zirə” Viktor İqbekoyinin baxımlı qolu ilə bərabərliyi təmin edib. Beləliklə, xallarını 15-ə çatdıran “İnter” ikinci pillədə yer alıb. Üç oyunluq məğlubiyyət seriyasından sonra xal qazanan “Zirə” isə yeddi tur ərzində cəmi 7 xal yığa bilib. “Zirə” 5-6-cı yerləri “Kəpəz”lə bölüşür.xeber100.com

UEFA Çempionlar Liqasında növbəti matçlar keçirilib

Sentyabrın 28-də UEFA Çempionlar Liqasında növbəti matçlar keçirilib. Azərtac xəbər verir ki, dörd qrupda oynanılan səkkiz görüşdən sonra qrup mərhələsində ikinci tura yekun vurulub. Matçlarda aşağıdakı nəticələr qeydə alınıb: A qrupu “Arsenal” – “Bazel” - 2:0 “Ludoqorets” – PSJ - 1:3 B qrupu “Beşiktaş” – “Dinamo” K. - 1:1 “Napoli” – “Benfika” - 4:2 C qrupu “Borussiya” M. – “Barselona” - 1:2 “Seltik” – “Mançester Siti” - 3:3 D qrupu “Atletiko” – “Bavariya” - 1:0 “Rostov” – PSV - 2:2 Qeyd edək ki, III turun oyunları oktyabrın 18-də və 19-da keçiriləcək.

“Stokholm-Neftçi” adlı yeni futbol komandası yaradılıb

Paytaxt Stokholmda İsveç Azərbaycanlıları Konqresi yeni futbol komandası yaradıb. Azərtac xəbər verir ki, bu barədə jurnalistlərə açıqlamasında azərbaycanlı futbol veteranı İqor Ponomaryov bildirib. Onun məlumatına görə, komanda “Stokholm-Neftçi” adlandırılıb. İ. Ponomaryov qeyd edib ki, ilk addımlarını atan komandada futbolçular üçün yaş məhdudiyyəti olmayacaq. Komandanın hələlik İsveçin hansı liqasında çıxış edəcəyi məlum deyil.xeber100.com

Azərbaycan Cüdo Federasiyasının məlumatı…

Azərbaycan Cüdo Federasiyasının rəsmi internet televiziyası - “Cüdo TV” fəaliyyətə başlayıb. Bu barədə Azərtac-a Azərbaycan Cüdo Federasiyasından məlumat veriblər. “Cüdo TV”də Azərbaycan cüdo aləmində baş verən ən son xəbərlər, daxili və beynəlxalq yarışlardan canlı yayımlar, təlim-məşq toplanışlarından reportajlar təqdim olunacaq. Həmçinin hər həftə ölkəmizin tanınmış cüdoçularının iştirakı ilə proqram efirə veriləcək.xeber100.com

Şahmat turniri keçiriləcək

Bakı bulvarında həvəskarlar arasında şahmat turniri keçiriləcək. Azərtac xəbər verir ki, Gənclər və İdman Nazirliyi, Milli Olimpiya Komitəsi və Azərbaycan Şahmat Federasiyasının dəstəklədiyi turnirin məqsədi ölkədə olimpiya hərəkatının təbliği və bu idman növünün kütləviləşdirilməsidir. Layihə idmançılarımızın və paralimpiyaçılarımızın Rio Olimpiadalarında uğurlu çıxışına, Ümumdünya Şahmat Olimpiadasına, habelə 2017-ci ildə Bakıda keçiriləcək IV İslam Həmrəylik Oyunlarına həsr olunub. Turnir oktyabrın 2-də estrada ulduzlarının çıxışı və qaliblərin mükafatlandırılması ilə başa çatacaq.xeber100.com

Futzal üzrə dünya çempionatının finalçıları müəyyənləşib

Kolumbiyada keçirilən futzal üzrə dünya çempionatının finalçıları müəyyənləşib. Azərtac xəbər verir ki, bu, yarımfinalda Portuqaliyaya 5:2 hesabı ilə qalib gələn Argentina millisidir. Həlledici görüşdə cənubi amerikalıların rəqibi Rusiya olacaq. Qarşılaşma oktyabrın 1-də Bakı vaxtı ilə saat 23:30-da başlayacaq. Qeyd edək ki, Portuqaliya dörddəbir finalda Azərbaycan yığmasını, Rusiya isə yarımfinalda İrandan üstün olub. Üçüncü yer uğrunda görüşdə Portuqaliya ilə İran milliləri üz-üzə gələcək.xeber100.com

Futzal üzrə dünya çempionatında yarımfinala start verilib

Kolumbiyada keçirilən futzal üzrə dünya çempionatında yarımfinala start verilib. Azərtac xəbər verir ki, ilk finalçının adına İran – Rusiya matçında aydınlıq gəlib. Rusiya 4:3 hesabı ilə qalib gələrək tarixində ilk dəfə həlledici matça vəsiqə qazanıb. Qeyd edək ki, ikinci yarımfinalçı bu gün keçiriləcək Argentina – Portuqaliya görüşündə müəyyənləşəcək.xeber100.com

UEFA Çempionlar Liqasında qrup mərhələsinin ikinci turuna start verilib

Sentyabrın 27-də UEFA Çempionlar Liqasında qrup mərhələsinin ikinci turuna start verilib. Azərtac xəbər verir ki, ikinci turun ilk oyun günündə səkkiz qarşılaşma keçirilib. Dörd qrup üzrə görüşlərdə aşağıdakı nəticələr qeydə alınıb: E qrupu “Monako” (Fransa) - “Bayer” (Almaniya) – 1:1. MOİK (Rusiya) – “Tottenhem” (İngiltərə) – 0:1. F qrupu “Borussiya” (Dortmund) – “Real” (Madrid) – 2:2. “Sportinq” (Portuqaliya) – “Legiya” (Polşa) – 2:0 G qrupu “Kopenhagen” (Danimarka) – “Brügge” (Belçika) – 4:0 “Lester” (İngiltərə) – “Porto” (Portuqaliya) – 1:0 H qrupu “Sevilya” (İspaniya) – “Lion” (Fransa) – 1:0 “Dinamo” (Xorvatiya) – “Yuventus” (İtaliya) – 0:4 Turun digər oyunları sentyabrın 28-də keçiriləcək.

UEFA Avropa Liqasının ikinci turu çərçivəsində keçiriləcək oyunun biletləri satışa çıxarılıb

UEFA Avropa Liqasının qrup mərhələsinin ikinci turu çərçivəsində keçiriləcək “Qəbələ” – “Maynts” (Almaniya) oyununun biletləri satışa çıxarılıb. Azərtac xəbər verir ki, biletləri Tofiq Bəhramov adına Respublika stadionunun və oyunun keçiriləcəyi “Bakcell Arena”nın kassalarından almaq mümkündür. Qiymətlər sektorlardan asılı olaraq, 2 və 5 manat, VİP sektorlar üçün isə 10 manat təşkil edir. Qeyd edək ki, sentyabrın 29-da “Bakcell Arena”da keçiriləcək “Qəbələ” – “Maynts” matçı saat 19:00-da başlayacaq.xeber100.com