Avropa Liqasında birinci turun oyunları başa çatıb

Sentyabrın 15-də UEFA Avropa Liqasının qrup mərhələsində birinci turun oyunları başa çatıb. Azərtac xəbər verir ki, 12 qrupda 24 cütlük Avropanın müxtəlif meydanlarında mübarizəyə qoşulub. Qruplar üzrə görüşlərdə aşağıdakı nəticələr qeydə alınıb: A qrupu “Feyenoord” (Hollandiya) – “Mançester Yunayted” (İngiltərə)-1:0 “Zarya” (Ukrayna) – “Fənərbaxça” (Türkiyə)-1:1 B qrupu APOEL (Kipr) – “Astana” (Qazaxıstan)-2:1 “Yanq Boyz” (İsveçrə) – “Olimpiakos” (Yunanıstan)-0:1 C qrupu “Anderlext” (Belçika) – “Qəbələ” (Azərbaycan)-3:1 “Maynts” (Almaniya) - "Sent Etyen” (Fransa)-1:1 D qrupu “AZ Alkmaar” (Hollandiya) - “Dandalk” (İrlandiya)-1:1 “Makkabi” (Təl-Əviv, İsrail) - “Zenit” (Rusiya)-3:4 E qrupu “Astra” (Rumıniya) - “Austria” (Avstriya) 2-3 “Viktoriya” (Çexiya) - “Roma” (İtaliya)-1:1 F qrupu “Rapid” (Avstriya) – “Genk” (Belçika)-3:2 “Sassuolo” (İtaliya) "Atletik” (İspaniya)-3:0 G qrupu “Standard” (Belçika) – “Selta” (İspaniya)-1:1 “Panatinaikos” (Yunanıstan) – “Ayaks” (Hollandiya)-1:2 H qrupu “Braqa” (Portuqaliya) – “Gent” (Belçika)-1:1 “Konyaspor” (Türkiyə) – “Şaxtyor” (Ukrayna)-0:1 İ qrupu “Nitsa” (Fransa) – “Şalke” (Almaniya)-0:1 “Zalsburq” (Avstriya) – “Krasnodar” (Rusiya)-0:1 J qrupu “Qarabağ” (Azərbaycan) – “Slovan” (Çexiya)-2:2 “PAOK” (Yunanıstan) – “Fiorentina” (İtaliya)-0:0 K qrupu “Sautgempton” (İngiltərə) – “Sparta” (Çexiya)-3:0 “İnter” (İtaliya) – “Hapoel” (Beer-Şeva, İsrail)-0:2 L qrupu “Osmanlispor” (Türkiyə) – “Styaua” (Rumıniya)-2:0 “Vilyareal” (İspaniya) – “Sürix” (İsveçrə)-2:1  

“Coliseo İvan de Bedout” İdman Kompleksində qarşılaşma…

Futzal üzrə dünya çempionatının final mərhələsində Azərbaycan milli komandası ikinci oyununu keçirib. Azərtac xəbər verir ki, millimiz Kolumbiyanın Medellin şəhərindəki “Coliseo İvan de Bedout” İdman Kompleksində İspaniya yığması ilə qarşılaşıb. Qarşılaşma 4:2 hesabı ilə ispaniyalı futzalçıların xeyrinə yekunlaşıb. Komandamız turnirdə keçirdiyi ilk oyunda Mərakeş yığmasına 5:0 hesabı ilə qalib gəlmişdi. Millimiz dünya çempionatında növbəti oyununu sentyabrın 18-də, yerli vaxtla saat 18:00-da (Bakı vaxtı ilə 19 sentyabr, saat 03:00) Medellin şəhərindəki “Coliseo İvan de Bedout” İdman Kompleksində İran yığmasına qarşı keçirəcək.xeber100.com

XV Yay Paralimpiya Oyunlarında mübarizə davam edir

Braziliyada keçirilən XV Yay Paralimpiya Oyunlarının doqquzuncu günündə - sentyabrın 16-da 4 Azərbaycan idmançısı mübarizəyə qoşulacaq. Azərtac xəbər verir ki, ilk olaraq Dmitri və Roman Saley qardaşları 100 metr məsafəyə sərbəst növ üzrə üzgüçülük yarışlarında qüvvəsini sınayacaqlar. Üzgüçülərimizin iştirak edəcəyi təsnifat mərhələsində müxtəlif ölkələrdən iyirmi atlet mübarizə aparacaq. Mərhələnin səkkiz ən güclüsü finala vəsiqə qazanacaq. Yarış Bakı vaxtı ilə saat 18:00-da start götürəcək. Atletika yarışlarında iki idmançımız mükafat uğrunda yarışacaq. Elmir Cəbrayılov 100 metr məsafəyə qaçış yarışlarında kubalı Leinier Savon Pineda, ev sahibi idmançısı Diogo Ualisson Jeronimo da Silva və Özbəkistan təmsilçisi Faxriddin Xamraev ilə birgə birinci qrupda yer alıb. Hər dörd qrupun birincisi yarımfinal mərhələsinə adını yazdıracaq. Nüvəitələmə yarışlarında isə ölkəmizi Rüfət Rəfiyev təmsil edəcək. Final mərhələsinə gedən yolda onunla birgə yeddi paralimpiyaçı medallar uğrunda mübarizə aparacaq. R.Rəfiyev gecə saat 00:45-də, E.Cəbrayılov isə 01:39-da yarışa qoşulacaq.xeber100.com

“Neftçi” futbol klubunda struktur dəyişikliyi…

Bakının “Neftçi” futbol klubunun yeni baş məşqçisi müəyyənləşib. Azərtac klubun saytına istinadla xəbər verir ki, komandaya baş məşqçi vəzifəsinə Elxan Abdullayev təyin edilib. Onunla mövsümün sonunadək müqavilə imzalanıb. Klubun icraçı direktoru vəzifəsinə Elnur Eyvazov, idman direktoru postuna Orxan Hüseynzadə, inzibati işlər üzrə baş menecer isə İslam Abbasov təyin edilib. Klub strukturunun dəyişdirilməsi istiqamətində işlər davam etdirilir.xeber100.com

UEFA Çempionlar Liqasında ilk tur başa çatdı

Sentyabrın 14-də UEFA Çempionlar Liqasında ilk tura yekun vurulub. Azərtac xəbər verir ki, ikinci oyun günündə daha dörd qrupda (E, F, G, H) səkkiz oyun və ötən gün leysan yağışı səbəbindən bu günə təxirə salınan “Mançester Siti” – “Borussiya” (Mönhenqladbax) matçı keçirilib. Qruplar üzrə aşağıdakı nəticələr qeydə alınıb: C qrupu “Mançester Siti” (İngiltərə) – “Borussiya” (Mönhenqladbax, Almaniya)-4:0 E qrupu “Bayer” (Almaniya) – MOİK (Moskva, Rusiya)-2:2 “Tottenhem” (İngiltərə) – “Monako” (Fransa)-1:2 F qrupu “Legiya” (Polşa) – “Borussiya” (Dortmund, Almaniya)-0:6 “Real Madrid” (İspaniya) – "Sportinq” (Portuqaliya)-2:1 G qrupu “Brügge” (Belçika) – “Lester” (İngiltərə)-0:3 “Porto” (Portuqaliya) – “Kopenhagen” (Danimarka)-1:1 H qrupu “Yuventus” (İtaliya) – “Sevilya” (İspaniya)-0:0 “Lion” (Fransa) – “Dinamo” (Zaqreb, Xorvatiya)-3:0

“Qarabağ”–“Slovan” matçı “Dalğa Arena”da start götürəcək

Futbol üzrə UEFA Avropa Liqasının qrup mərhələsinin ilk matçında sentyabrın 15-də “Qarabağ” klubu Çexiyanın “Slovan” komandasını qəbul edəcək. Azərtac xəbər verir ki, matçın biletləri Tofiq Bəhramov adına Respublika stadionunun kassalarında satışa çıxarılıb. Biletlərin qiyməti nömrəli sektorlara görə 1, 10 və 20, VİP biletlər isə 50 manatdır. “Qarabağ”–“Slovan” matçı sentyabrın 15-də saat 19:00-da “Dalğa Arena”da start götürəcək.xeber100.com

Dünya çempionatının talismanı oktyabrda təqdim olunacaq

Rusiyada təşkil ediləcək futbol üzrə dünya çempionatının talismanı oktyabrın 26-da ictimaiyyətə təqdim olunacaq. Azərtac xəbər verir ki, talisman seçimi ilə bağlı mərasim Rusiyanın birinci kanalı ilə canlı yayımlanacaq. Turnirin təşkilat komitəsinin mətbuat xidmətinin məlumatında bildirilib ki, bununla bağlı yaxın günlərdə ümumxalq səsverməsi keçiriləcək. Səsvermə gedişatında seçicilər mundialın rəmzini seçmək hüququ əldə edəcəklər. 2018-ci il dünya çempionatının talismanının seçilməsi müsabiqəsi ilə bağlı final mərhələdə canavar, pələng və pişik təqdim olunacaq. İlk mərhələdə 10 variant təklif olunsa da, sonradan üçünün üzərində seçim edilməsi məqsədəuyğun sayılıb. Məlum olub ki, son üç animasiya peşəkar müəlliflər tərəfindən işlənib. Yekun variant FİFA-nın təsdiqini də almalıdır. Qeyd edək ki, 2018-ci ildə Rusiyada təşkil ediləcək dünya çempionatı 11 şəhərin 12 stadionunda keçiriləcək. Nəhəng turnirin yarımfinalı Moskva və Sankt-Peterburq, açılış mərasimi, start və final mərhələ isə Rusiya paytaxtının “Lujniki” stadionunda oynanılacaq.xeber100.com

UEFA-nın konqresi keçiriləcək

Bu gün Yunanıstanın paytaxtı Afinada UEFA-nın konqresi keçiriləcək. Azərtac xəbər verir ki, UEFA prezidenti vəzifəsinə seçkinin keçiriləcəyi konqresdə AFFA-nın prezidenti Rövnəq Abdullayev, vitse-prezident Elşad Nəsirov və baş katib Elxan Məmmədov iştirak edəcəklər.xeber100.com

Şahmat Olimpiadasının bağlanış mərasimi keçirilib

Bakıda təşkil olunan 42-ci Ümumdünya Şahmat Olimpiadasının sentyabrın 13-də Milli Gimnastika Arenasında təntənəli bağlanış mərasimi keçirilib. Azərtac xəbər verir ki, mərasimdə Azərbaycan Repsublikası Baş nazirinin birinci müavini, Bakı Şahmat Olimpiadasının Təşkilat Komitəsinin sədri Yaqub Eyyubov, Beynəlxalq Şahmat Federasiyasının (FIDE) prezidenti Kirsan İlyumjinov və təşkilatın digər nümayəndələri, şahmat üzrə dünya çempionları, dövlət və hökumət rəsmiləri iştirak edirlər. Bakının ev sahibliyi etdiyi və sentyabrın 2-dən start götürən Olimpiada indiyədək Azərbaycanda keçirilən ən kütləvi yarış kimi tarixə düşüb. Bu mötəbər yarışda 175 ölkədən 181 kişi və 142 qadın komandası mübarizə aparıb. Bu, iştirakçı ölkələrin sayına görə Olimpiada tarixində rekord göstəricidir. Azərbaycan bu Olimpiadada üç kişi və üç qadın komandası ilə təmsil olunub. On bir turdan ibarət yarışlarda kişilərin mübarizəsində aktivində 20 xal olan ABŞ millisi çempion adını qazanıb. Eyni xala malik Ukrayna isə ikinci yeri tutub. Rusiya millisi isə 17 xalla bürünc medal qazanıb. Hesabında 15 xal olan əsas komandamız yarışı 12-ci sırada tamamlayıb. İkinci yığmamız 14 xalla 26-cı, üçüncü komandamız isə 13 xalla 49-cu pillədə yer alıb. Qadınların yarışında qalib adını 20 xalla Çin şahmatçıları qazanıblar. Hesabında 17 xal olan Polşa ikinci, Ukrayna isə üçüncü pillədə yer alıb. Azərbaycanın əsas komandası yarışı 16 xalla 8-ci pillədə başa vurub. On üç xal toplayan üçüncü komandamız 30-cu, ikinci yığmamız isə 32-ci olub.xeber100.com

Şahmat Olimpiadasında X turun təqvimi müəyyənləşib

Bakıda keçirilən 42-ci Ümumdünya Şahmat Olimpiadasında X turun təqvimi müəyyənləşib. Azərtac xəbər verir ki, sentyabrın 12-də kişilərdən ibarət əsas millimiz İngiltərə ilə qarşılaşacaq. İkinci komandamız Serbiya, üçüncü yığmamız isə Yaponiya millisi ilə üz-üzə gələcək. Doqquz turdan sonra hesabında 13 xal olan əsas komandamız turnir cədvəlində 8-ci sırada qərarlaşıb. İkinci yığmamız 11 xalla 33-cü, üçüncü komandamız isə 10 xalla 71-cı pillədədir. Turnir cədvəlinə hər birinin hesabında 16 xal olan ABŞ və Ukrayna komandaları başçılıq edirlər. Rusiya yığması isə 15 xalla üçüncü pillədə qərarlaşıb. Qadınlardan ibarət əsas yığmamız X turda Kolumbiya ilə üz-üzə gələcək. İkinci komandamız İsveçrə, üçüncü yığmamız isə Belarus ilə görüşəcək. Qadınların turnirində əsas komandamız hazırda 12 xalla 19-cu pillədədir. On bir xal toplayan ikinci komandamız 27-ci, üçüncü yığmamız isə 33-cü sırada yer alırlar. Çin şahmatçıları 16 xalla birinci, Polşa millisi 15 xalla ikinci pillədədir. Ukrayna, Rusiya, Hindistan və ABŞ şahmatçıları 14 xalla 3-6-cı yerləri bölüşürlər.xeber100.com