Avrokubok mövsümünə start verilib

Azərbaycan klubları üçün Avrokubok mövsümünə start verilib. Apasport.az saytının məlumatına görə, ilk olaraq Avroliqadakı 3 təmsilçimizdən biri - “Kəpəz” meydana çıxacaq. Avropa Liqasının I təsnifat mərhələsinin ilk qarşılaşmasında qərblilər Moldovanın “Daçiya” klubu ilə oynayacaqlar. Gəncəlilərin digər iki klubumuzdan əvvəl maydana çıxmasının səbəbi onların ev oyunlarını Bakıda keçirməsidir. Şahin Diniyevin komandası ilk sınağına “Dalğa Arena”da çıxacaq. Bu matç “Kəpəz”in 5787 gündən sonra Avropa arenasına dönüşü olacaq. Sonuncu dəfə 2000-ci ildə UEFA Kubokunda yarışmış və 16 il qitə miqyaslı turnirlərə qatılmayan gəncəlilər yarışın yeni adı altında ilk dəfə çıxış edəcəklər. Bu görüş həm “Kəpəz”, həm də baş məşqçi Şahin Diniyev üçün ilklə yadda qalacaq. Belə ki, gəncəlilər ilk dəfə Şahin Diniyevin rəhbərliyi ilə Avrokuboklarda çıxış edəcəksə, “Daçiya” ilə oyun Diniyev üçün Avrokuboklarda debüt olacaq.xeber100.com      

“Qarabağ” futbol klubu növbəti yoxlama oyununu keçirib

Azərbaycan çempionu “Qarabağ” futbol klubu Avstriya toplanışı çərçivəsində növbəti yoxlama oyununu keçirib. Azərtac xəbər verir ki, Ağdam klubu Rusiyanın “Zenit” komandası ilə qarşılaşıb. Görüş Azərbaycan çempionunun minimal hesablı qələbəsi ilə başa çatıb – 1:0. “Qarabağ”ın heyətində Rahid Əmirquliyev fərqlənib. Qeyd edək ki, Qurban Qurbanovun komandası daha əvvəl yerli “Vakker İnburk” komandası ilə qarşılaşmış və 0:1 hesabı ilə uduzmuşdu.xeber100.com

AZAL futbol klubu transfer çalışmalarına start verib

Yeni mövsümün hazırlıqlarına başlayan AZAL futbol klubu transfer çalışmalarına start verib. Azərtac xəbər verir ki, AZAL rəhbərliyi baxışda olan bir əcnəbi oyunçunu heyətə cəlb etməyə qərar verib. İyunun 25-dən təlim-məşq toplanışında olan paytaxt təmsilçisinin düşərgəsində norveçli yarımmüdafiəçi Vilyar Nordberq baxışa cəlb edilmişdi. Baş məşqçi Tərlan Əhmədov onunla bağlı artıq qərarını verib. Çalışdırıcı sağ cinah oyunçusu barədə müsbət rəy verib və onun komandada saxlanılmasını istəyib. Hazırda klub rəhbərliyinin müqavilə məsələsində futbolçu ilə danışıqlar apardığı bildirilir. Vilyar Nordberq bundan əvvəl Norveç təmsilçisi “Yunkeren”də çıxış edib.xeber100.com

2015/2016-cı il mövsümünün qalibləri mükafatlandırılıb

Bayıl stadionunda AFFA-nın təşkil etdiyi futbol üzrə U-19 qızlar Liqasının 2015/2016-cı il mövsümünün qaliblərinin mükafatlandırılması mərasimi keçirilib. Azərtac xəbər verir ki, U-19 qızlar Liqasının qalibi “Təhsil” komandası olub. İkinci yeri “Fidan”, üçüncü pilləni isə “Vətən” komandası tutub. Liqanın ən yaxşı futbolçusu Fəridə Məmmədova (“Vətən”) seçilib, bombardir isə “Fidan” komandasının üzvü Nigar Cəlilli olub. Mükafatları AFFA-nın baş katibinin müavini Sərxan Hacıyev, futbol veteranı Rüstəm Rəhimov, BMT-nin Azərbaycandakı rezident əlaqələndiricisi Qulam İshaqzai və müğənni Samirə Allahverdiyeva təqdim ediblər.xeber100.com

Şahmat üzrə Avropa birinciliyinə yekun vurulub

Yunanıstanın Kalifeya şəhərində məktəblilər arasında şahmat üzrə Avropa birinciliyinə yekun vurulub. Medal uğrunda mübarizə 6 yaş kateqoriyasında aparılıb. Azərtac xəbər verir ki, azərbaycanlı şahmatçılar bir qızıl, iki gümüş və iki bürünc medal qazanıblar. Ən yaxşı nəticəni 7 yaşına qədər idmançılar arasında səkkiz partiyanın hamısında qalib gələn Ziya Məmmədov göstərib. Ustalığa namizəd Aydın Süleymanlı 7,5 xal toplayaraq 11 yaşına qədər oğlanlar arasında gümüş medal qazanıb. Digər gümüş medalı isə ustalığa namizəd Səbinə Rzalı 13 yaşına qədər qızlar arasında qazanıb. Onun aktivində 7 xal var. Bürünc medalı 13 yaşına qədər oğlanlar arasında Fərid Məlikov əldə edib. O, 6 xal toplayıb. Qızlar arasında bürünc medalı Süsən Məmmədova qazanıb. O, 15 yaşına qədər qızların turnirində 9 mümkün xaldan 6 xal toplayıb. Qeyd edək ki, yarışlarda “Köhnə dünya”nın 21 ölkəsindən 256 şahmatçı, o cümlədən Azərbaycanın 16 nümayəndəsi iştirak edib. İsveçrə sistemi üzrə keçirilən yarışlar doqquz turdan ibarət olub.xeber100.com

Messi yeni uğura imza atıb

Futbol üzrə Argentina milli komandasının kapitanı Lionel Messi yığmasında yeni uğura imza atıb. Azərtac TASS informasiya agentliyinə istinadla xəbər verir ki, Messi yığma tarixinin ən yaxşı bombardiri olub. Argentinalı ulduz bu gecə Amerika Kubokunda oynanılan yarım final görüşündə ABŞ millisinin qapısına yol tapıb. O, yığmasının 4:0 qazandığı matçda aktivinə bir qol yazdırıb və bununla da (112 oyun-55 qol) yeni rekordu gerçəkləşdirib. Yığma heyətdə 112 oyun keçirən Lionel bu göstərici ilə həmyerlisi, veteran futbolçu Qabriel Batistutanın (78 oyun-54 qol) favoritliyini geridə qoyub. Siyahıda üçüncü (64 oyun-35 qol) Ernan Krespo və dördüncü (91 oyun-34 qol) Dieqo Maradona gedir.xeber100.com

Avropa çempionatının 12-ci günündə mübarizəyə yekun vurulub

İyunun 21-də futbol üzrə XV Avropa çempionatının 12-ci günündə “D” qrupunda da mübarizəyə yekun vurulub. Azərtac xəbər verir ki, Bordo şəhər stadionunda qrup lideri İspaniya yığması Xorvatiya millisi ilə üz-üzə gəlib. Lens şəhərindəki “Bollar Delelis” stadionunda paralel oynanılan digər qarşılaşmada isə Çexiya və Türkiyə milliləri qrup üçüncüsü olmaq uğrunda mübarizə aparıb. Hər iki oyunda erkən qol qeydə alınıb. İspaniya yığmasının matçın 7-ci dəqiqəsində sağ cinahdan başladığı hücumu Morata dəqiq tamamlayaraq, hesabı açmaqla yanaşı, “Avro-2016”da özünün üçüncü qoluna imza atıb. Xorvatiyalılar yalnız ilk hissənin sonunda – 45-ci dəqiqədə Kaliniçin qolu ilə hesabı bərabərləşdirə biliblər – 1:1. Matçın 72-ci dəqiqəsində İspaniya yığmasının kapitanı Serxio Ramosun yerinə yetirdiyi 11 metrlik cərimə zərbəsini xorvatiyalı qapıçı Subaşiç dəf edib. Əvəzində xorvatiyalılar 87-ci dəqiqədə Perişçin qolu ilə oyunda qalib gələ biliblər. Beləliklə, matç Xorvatiya yığmasının 2:1 hesablı qələbəsi ilə başa çatıb. Digər oyunda isə Türkiyə millisi 10-cu dəqiqədə Burak Yılmazın qolu ilə hesabı açıb – 1:0. Matçın ilk hissəsi qardaş ölkə təmsilçilərinin 1:0 hesablı üstünlüyü ilə başa çatıb. Fasilədən sonra da hücumları davam etdirən Türkiyə yığması hesab arasındakı fərqi artırıb. Oyunun 65-ci dəqiqəsində Selçukun yetirdiyi standart vəziyyətdən sonra çexiyalıların cərimə meydançasında yaranan qarışıqlıqdan istifadə edən Mehmet Topal topu Ozan Tufana ötürüb. Sonuncu isə dəqiq və güclü zərbə ilə hesabı 2:0-a çatdırıb. Qalan dəqiqələrdə hər iki komanda bir neçə dəfə qol vəziyyəti yaratsa da, hesab dəyişməyib və Türkiyə millisi matçdan 2:0 hesablı qələbə ilə ayrılıb. Beləliklə, Xorvatiya yığması 7 xalla “D” qrupunu ilk sırada tamamlayıb. Aktivində 6 xal olan İspaniya isə ikinci pillədə yer alıb. Türkiyə yığması 3 xalla üçüncü, hesabında 1 xal olan Çexiya millisi isə sonuncu sırada qərarlaşıb. Bununla da bu qrupdan Xorvatiya və İspaniya səkkizdəbir finala birbaşa yüksəlib. Türkiyə millisinin isə səkkizdəbir finala yüksəlməsi digər qruplarda keçiriləcək oyunların nəticəsindən sonra məlum olacaq. Çexiya millisi isə çempionatda mübarizəni dayandırıb.xeber100.com

Atıcılıq növləri üzrə dünya kuboku yarışları başlayıb

Beynəlxalq İdman Atıcılıq Federasiyasının təqvim planina əsasən Bakıda 15 Olimpiya atıcılıq növü üzrə dünya kuboku yarışı başlayıb. Azərtac xəbər verir ki, Bakı Atıcılıq Mərkəzində keçirilən dünya reytinq cədvəlində xüsusi yer tutan yarışda 80 ölkədən 1013 idmançı mübarizə aparır. Dünya kuboku Rio-de-Janeyroda keçiriləcək Olimpiya Oyunları ərəfəsində son mərhələdir. İyunun 29-da başa çatacaq dünya kuboku yarışı Azərbaycan Atıcılıq Federasiyasının təşkilatçılığı, Milli Olimpiya Komitəsinin, Gənclər və İdman Nazirliyinin və “Qəbələ” Atıcılıq Klubunun dəstəyi ilə təşkil olunub. Sentyabrın 16-dan 23-dək isə “Qəbələ” atıcılıq klubunda ənənəyə əməl olaraq Olimpiya atıcılıq növləri üzrə dünya kuboku yarışlarının final mərhələsi keçiriləcək.xeber100.com

“Neftçi” yeni transferlərini ictimaiyyətə açıqlayıb

Növbəti mövsümün hazırlıqlarını davam etdirən “Neftçi” heyətini yeni futbolçularla gücləndirib. Azərtac xəbər verir ki, komanda dörd oyunçu ilə müqavilə imzalayıb. Müdafiəçi Vançe Şikov - Makedoniya yığma komandasının üzvüdür. Təcrübəli oyunçu ölkəsinin milli komandasında 49 oyunda meydana çıxıb və dörd qol vurub. Buna qədər isə o, Makedoniyanın U-17, U-19 və U-21 yığma komandalarında forma geyinib. Son iki mövsümü “Austriya” (Avstriya) klubunda keçirən V.Şikov 42 matçda meydana çıxıb. Bununla yanaşı, futbolçu Yunanıstan və Ukraynada legioner həyatı yaşayıb. Venesuelalı Edson Kastilyonun isə 22 yaşı var. Futbolçu buna qədər ardıcıl olaraq 17 və 21 yaşadək futbolçulardan ibarət Venesuela yığma komandasının heyətində çıxış edib. Kastilyo 2010-2016-cı illər ərzində ölkəsinin “Mineros” klubunun şərəfini qoruyub. Dayaq yarımmüdafiəçisi doğma komandasının heyətində 101 oyun keçirib. Dario Melnyak – xorvatiyalı sol cinah müdafiəçisi Belçikanın “Lokeren” klubundan icarə əsasında transfer edilib. İyirmi iki yaşlı futbolçu 2011-2015-ci illər ərzində Xorvatiyanın “Zelina” və “Slaven” klublarının formasını geyinib. Murad Ağayev – Azərbaycanın əsas yığma komandasına dəvət almış futbolçu daha öncə 19 yaşadək futbolçulardan ibarət millimizin formasını geyinib. Azərbaycanda AZAL və "Sumqayıt” klublarında oynamış futbolçu 2006-2012-ci illərdə Rusiya klublarında çıxış edib. Qeyd edək ki, klub saytında yer alan xəbərə görə, qapıçı transferi üçün də çalışmalar davam edir və yaxın zamanda rəsmi açıqlama olacaq.xeber100.com

Avropa Qran-prisi Niko Rosberqin qələbəsi ilə başa çatıb

Formula-1 Avropa Qran-prisi “Mercedes”in pilotu Niko Rosberqin qələbəsi ilə başa çatıb. Onun trek üzrə ən yaxşı göstəricisi 1 dəqiqə 48,942 saniyə olub. İkinci yeri “Ferrari”nin pilotu ”Sebatian Fettel, üçüncü yeri isə isə “Force İndia”nın sürücüsü Serxio Peres tutub. 18:33 “Toro Rosso” komandasının digər pilotu Karlos Saynz da mübarizəni dayandırıb. Onun mübarizədən kənarlaşmasına səbəb asqıdakı problem olub. Ondan başqa, “Manor”un pilotu Paskal Verlyayn da əyləcdə problem üzündən yarışda iştiraka son verib. 18:28 Bakıda keçirilən Formula-1 Avropa Qran-prisində ən yüksək sürət qeydə alınıb. “Mercedes”in pilotu Luis Hamilton bolidini saatda 364 kilometr sürətlə idarə edib. 18:12 Pilotlar artıq Bakı şəhər halqasında 34-cü dövrəni yerinə yetiriblər. Trek üzrə ən yaxşı göstərici “Mercedes”in pilotu Niko Rosberqə məxsusdur - 1 dəqiqə 48,539 saniyə. İkinci və üçüncü yerlərdə “Ferrari”nin sürücüləri Sebastian Fettel və Kimi Raikonnendir. 17;52 “Toro Rosso” komandasının pilotu Daniil Kvyat texniki problemlərə görə, yarışda iştirakını vaxtından əvvəl başa vurub. 17:05 Bakı, 19 iyun, Səxavət Quliyev, AZƏRTAC İyunun 19-da saat 17:00-da Bakıda Formula-1 Avropa Qran-prisinə start verilib. Azərbaycan Respublikasının Prezidenti İlham Əliyev, xanımı Mehriban Əliyeva, “Formula One Management”in prezidenti Berni Ekklstoun, Beynəlxalq Avtomobil Federasiyasının prezidenti Jan Tod Formula-1 Avropa Qran-pri yarışına baxırlar. AZƏRTAC xəbər verir ki, Qran-prinin startından əvvəl Azərbaycan Dövlət Uşaq Filarmoniyasının qırx nəfərdən ibarət gənc kollektivi dövlət himnini ifa edib. Formula-1 Avropa Qran-prisində 22 pilot qalib adı uğrunda mübarizəyə qatılıb. İyunun 18-də keçirilən sıralama yürüşünün nəticəsinə əsasən, start xəttinə ən yaxın “Mercedes”in pilotu Niko Rosberq dayanıb. Ondan sonra “Red Bull Racing”in sürücüsü Daniel Rikkardo və “Ferrari”nin sürücüsü Sebastian Fettel yer alıblar. Ümumiyyətlə, Formula-1 Avropa Qran-prisinin startında pilotlar aşağıdakı qaydada düzülüblər: 1. Niko Rosberq (Mercedes) 2. Daniel Rikkardo (Red Bull Racing) 3. Sebastian Fettel (Ferrari) 4. Kimi Raykonnen (Ferrari) 5. Felipe Massa (Uilyams) 6. Daniil Kvyat (Red Bull Racing) 7. Serxio Peres (Force İndia) 8. Valtteri Bottas (Uilyams) 9. Maks Ferstappen (Toro Rosso) 10. Lüis Hamilton (Mercedes) 11. Roman Qrojan (Haas) 12. Niko Hülkenberq (Force İndia) 13. Karlos Saynz (Toro Rosso) 14. Fernando Alonso (McLaren) 15. Estaban Qutyerres (Haas) 16. Felipe Nasr (Sauber) 17. Rio Haryanto (Manor) 18. Paskal Verlyayn (Manor) 19. Censon Batton (McLaren) 20. Markus Erikson (Sauber) 21. Kevin Maqnussen (Renualt) 22. Kolion Palmer (Renault).