İran, İspaniya və Mərakeş yığmaları ilə qarşılaşma…

Futzal üzrə dünya çempionatının final mərhələsinin püşkatma mərasimi keçirilib.AFFA-dan  Azərtac-a bildiriblər ki, Kolumbiyanın Medellin şəhərində keçirilmiş püşkün nəticəsində Azərbaycan millisinin İran, İspaniya və Mərakeş yığmaları ilə birgə “F” qrupunda mübarizə aparacağı bəlli olub. Futzal üzrə dünya çempionatının final mərhələsi bu il sentyabrın 10-dan oktyabrın 1-dək Kolumbiyanın Kali, Medellin və Bukaramanqa şəhərlərində keçiriləcək.xeber100.com

Azərbaycan yığmasının dünya çempionatı üçün heyəti açıqlanıb

Mayın 19-27-də Qazaxıstanın paytaxtı Astanada qadın boksçular arasında dünya çempionatı təşkil olunacaq. Boks Federasiyasından apasport.az saytına verilən məlumata görə, son hazırlıq prosesini Ukraynanın İvano-Frankovsk şəhərində keçən Azərbaycan millisi yarışa 9 idmançı ilə qatılacaq. Yığmamızın baş məşqçisi Aleksandr Denisov Astanada Əzizə Abbasova (48 kq), Anna Əlimərdanova (51 kq), Məhsəti Həmzəyeva (57 kq), Yana Alekseyevna (60 kq), Ayzanat Hacıyeva (64 kq), Məryəm Cəbrayılova (69 kq), Yelena Vıstropova (75 kq), Alina Hacıyeva (81 kq) və Aynur Rzayevaya (+81 kq) şans verəcək. Mundialda 51 kq, 60 kq və 75 kq çəki dərəcələrində yarımfinala yüksələn boksçular Rioya vəsiqə əldə edəcəklər. Alekseyevna artıq bu hüquqa yiyələndiyindən Əlimərdanova və Vıstropova Olimpiadaya vəsiqə qazanmağa çalışacaq.xeber100.com

Millimiz Avstriyada təlim-məşq toplanışı keçirəcək

Futbol üzrə Azərbaycan millisinin heyətində dəyişiklik edilib. Apasport.az saytının məlumatına görə, “Qəbələ”nin yarımmüdafiəçisi Elvin Camalov Avstriyaya aparılmayacaq. Gənc futbolçu zədələndiyi üçün heyətdən çıxarılıb. Onun əvəzinə isə baş məşqçi Robert Prosineçki “Kəpəz”in üzvü Budaq Nəsirova dəvət göndərib. Qeyd edək ki, millimiz mayın 23-dən iyunun 4-dək Avstriyada təlim-məşq  toplanışı keçirəcək və 3 yoldaşlıq görüşündə qüvvəsini sınayacaq.xeber100.com

Beynəlxalq Şahmat Festivalında səkkizinci turun oyunları keçirilib

“Naxçıvan-2016” Beynəlxalq Şahmat Festivalında səkkizinci turun oyunları keçirilib. Azərtac xəbər verir ki, festivalın “A” qrupunun liderlərindən olan ukraynalı beynəlxalq qrossmeyster Yuriy Kuzubov hollandiyalı beynəlxalq qrossmeyster Sergei Tiviakovla qarşılaşıb. Görüş hər iki rəqibin istədiyi kimi başa çatıb və şahmatçılar xalları yarı bölüblər. Bu turda digər heç-heçələr azərbaycanlı beynəlxalq qrossmeyster Azər Mirzəyevlə ukraynalı beynəlxalq usta Sergey Pavlov, gürcüstanlı şahmatçı İrakli Beradze ilə azərbaycanlı beynəlxalq qrossmeyster Nicat Abasov arasında da qeydə alınıb. Turnirin iki liderindən biri - azərbaycanlı beynəlxalq qrossmeyster Eltac Səfərli isə bu turda rusiyalı beynəlxalq qrossmeyster Yevgeni Alekseyevi məğlub edib. Festivalın 1 nömrəli şahmatçısı, azərbaycanlı beynəlxalq qrossmeyster Şəhriyar Məmmədyarov bu turu da qələbə ilə başa vurub. O, azərbaycanlı beynəlxalq usta Misrətdin İsgəndərovu məğlubiyyətə uğradıb. Rusiyalı beynəlxalq qrossmeyster Vladimir Burmakin isə iranlı beynəlxalq usta Omid Norooziyə qalib gəlib. Naxçıvanlı zəka sahiblərindən FİDE ustası Pərviz Qasımov üçün 8-ci tur uğurlu alınıb. 16 yaşlı şahmatçımız azərbaycanlı beynəlxalq usta Nərmin Məmmədovanı məğlub edərək xallarının sayını 3,5-ə yüksəldib. Digər FİDE ustası Toğrul Həsənzadə isə belaruslu beynəlxalq qrossmeyster Vadim Malaxatko ilə heç-heçə oynayıb. Beynəlxalq qrossmeyster Urfan Sevdimalıyev bu turda türkiyəli FİDE ustası Cankut Emiroğlu ilə xalı yarı bölüb. Şahmat festivalının “B” qrupunda uğurla mübarizə aparan naxçıvanlı zəka sahibi Vüsal Abbasov bu turu da qələbə ilə başa vurub. O, iranlı Kian Maşmoolini məğlub edərək liderliyini qoruyub. Hazırda aktivində 7 xalı olan şahmatçımız qrupun şəriksiz lideridir. “C” qrupunda isə 3 zəka sahibi liderlik edir ki, onlardan da biri naxçıvanlı şahmatçı Sadiq Qarayevdir. 8-ci turda Fərid Orucovla xalları yarı bölən şahmatçımız aktivinə daha yarım xal yazdırıb. Onun kimi 7 xal toplayan digər iki şahmatçı Kənan Qasımov və İsmayıl Qurbanov bu turu qələbə ilə başa vurublar.xeber100.com

“Rio-2016”ya hazırlıq davam edir

Güləş üzrə Azərbaycan yığma komandaları təqvim planında nəzərdə tutulan qrafik üzrə qarşıdan gələn yarışlara hazırlıqları davam etdirirlər. Azərtac xəbər verir ki, Braziliyada keçiriləcək XXXI Yay Olimpiya Oyunlarına hazırlıq planı üzrə, yunan-Roma və sərbəst güləş üzrə yığma komandalar məşqlərini Göygöl Olimpiya İdman Kompleksində, qadın güləşçilər isə Bolqarıstanın Belmeken təlim-məşq bazasında davam etdirirlər. Mayın 13-dən Bolqarıstana yollanan qadın güləşçilərimiz ayın 29-dək bu ölkənin yığma komandası ilə birgə hazırlıq keçəcəklər. Təlim-məşq toplanışına həmçinin, Türkiyə, Belarus və Macarıstan yığmasının üzvləri də qatılıblar. Sərbəst və yunan-Roma güləşi komandalarının təlim-məşq toplanışı isə mayın 15-dən başlayıb və ayın 30-dək davam edəcək. Yunan-Roma güləşi yığmamızın təlim-məşq toplanışında Kuba, İran və Gürcüstan güləşçiləri də iştirak edirlər. Kuba yığmasının heyətində ikiqat Olimpiya, beşqat dünya və səkkizqat Pan-Amerika çempionu Mijain Lopez (130 kq), dünya və üçqat Pan-Amerika çempionu İsmael Borrero Molina (59 kq) ilə yanaşı Pan-Amerika çempionatının qalib və mükafatçıları da yer alıblar. Sərbəst güləşçilərimiz də hazırlıqları Kuba komandasının üzvləri ilə birgə davam etdirirlər. Rio-de Janeyroda keçiriləcək XXXI Yay Olimpiya Oyunlarında güləşçilərimiz 13 (sərbəst 6, yunan-Roma 5, qadın 3) idmançı ilə təmsil olunacaq. Yarışlar avqustun 14-dən 21-dək baş tutacaq.xeber100.com

“M-1 Challenge 67” yarışı keçiriləcək

Dünyanın məşhur “M-1 Challenge 67” yarışı Bakıda keçiriləcək. Azərbaycan Qarışıq Döyüş Növləri (MMA) Federasiyasından Azərtac-a verilən məlumata görə, “M-1 Challenge 67” iyunun 4-ü “Sərhədçi” Olimpiya İdman Mərkəzində təşkil olunacaq. On beş ölkədən idmançıların iştirak edəcəyi turnirdə bir-birindən maraqlı 10 döyüşün keçiriləcəyi gözlənilir. Mötəbər turnirdə Azərbaycanı üç idmançı təmsil edəcək. Bunlar dünya və Avropa çempionları Taleh Nəcəfzadə, Zaur Hacıbabayev və Etiqad Atakişiyevdir. Qeyd edək ki, dünyanın 150 ölkəsində canlı yayımlanacaq turnir Azərbaycan paytaxtında ilk dəfə keçirilir.xeber100.com  

Qarabağ atları Böyük Britaniya kütləvi informasiya vasitələrinin diqqətində

Londonda İngiltərə Kraliçası II Elizabetin 90 illik yubileyi şərəfinə keçirilən tədbirdə Qarabağ atlarının nümayiş etdirdiyi möhtəşəm şou Böyük Britaniya kütləvi informasiya vasitələrinin diqqət mərkəzindədir. “The Times” qəzetinin 12 may tarixli nömrəsinin bir səhifəsi Qarabağ atlarına həsr edilib. Qarabağ atının və milli geyimdəki rəqqasımızn fotosu qəzetin səhifəsində yerləşdirilib. “The Times”da dərc olunan məqalədə 1956-cı ildə Kraliçaya hədiyyə olunan Qarabağ atı barədə məlumat verilir, tədbir üçün ən uzaq məsafədən gətirilən atların məhz Azərbaycanın milli cinsləri olduğu vurğulanır. Britaniyanın nüfuzlu televiziya kanalı ITV-nin “Good Morning London” verilişində Qarabağ atları, eyni zamanda, süvarilərimiz və rəqs ansamblının üzvləri ilə canlı yayım təşkil edilib. BBC kanalının səhər proqramında da eyni mövzuda verilişin hazırlanması üçün nümayəndə heyətimizə müraciət daxil olub.xeber100.com

Beynəlxalq Dağçılıq və Dırmanma Federasiyasının illik toplantıları keçiriləcək

Mayın 14-16-da Bakıda Beynəlxalq Dağçılıq və Dırmanma Federasiyasının (UİAA) rəhbər orqanları olan İdarəetmə Şurasının və İcraiyyə Komitəsinin görüşləri, həmçinin Federasiyanın Dağ Mədəniyyətlərinin Qorunması və Dağların Ekoloji Mühafizəsi komissiyalarının illik toplantısı keçiriləcək. Tədbir Azərbaycan Dağçılıq və Ekstremal İdman Növləri Federasiyaları Assosiasiyasının (ADEİNFA), Azərbaycan Hava və Ekstremal İdman Növləri Federasiyasının (FAİREX) və Qərb Universitetinin birgə təşkilatçılığı ilə reallaşacaq. FAİREX-in mətbuat xidmətindən AZƏRTAC-a bildiriblər ki, tədbirə UİAA-nın prezidenti Frits Vrijlant, UİAA-nın Dağların Mühafizəsi Komissiyasının prezidenti Linda Mak-Millan, UİAA-nın icraçı katibi Helen Denis və komissiyanın müxtəlif ölkələrdən olan 50-dən çox nümayəndəsi qatılacaq. Tədbir ərəfəsində qonaqlar Azərbaycanın görməli yerləri, füsunkar təbiəti və dağçılıq imkanları ilə yaxından tanış olmaq imkanı əldə edəcək. Xatırladaq ki, Bakı UİAA-nın Dağların Mühafizəsi Komissiyasının görüşünə, “Qafqazda ekoturizmin perspektivləri və digər ölkələrin təcrübələri” mövzusunda konfransa, eyni zamanda, beynəlxalq gənclər düşərgəsinə və s. tədbirlərə ev sahibliyi edib. Tədbirlərin yüksək səviyyədə təşkili Azərbaycanın bu mötəbər qurumdakı mövqeyini daha da gücləndirib. Əməkdaşlıq əlaqələrinin yüksələn xətlə inkişaf etməsi nəticəsində beynəlxalq federasiya bu il də mühüm toplantılarının Bakıda keçirilməsini qərara alıb. FAİREX 2010-cu ildən Beynəlxalq Dağçılıq və Dırmanma Federasiyasının (UİAA) tamhüquqlu və ən fəal üzvlərindən biridir.xeber100.com

“Rio-2016” üçün iclas keçiriləcək…

Mayın 16-19-da Madriddə “Rio-2016” Olimpiya Oyunlarına Azərbaycan nümayəndə heyətinin ilkin qeydiyyatı ilə bağlı iclas keçiriləcək. Azərtac xəbər verir ki, iclasda Azərbaycan Respublikası Gənclər və İdman Nazirliyinin beynəlxalq əlaqələr idarəsinin rəisi və Olimpiya Oyunlarında Azərbaycan nümayəndə heyətinin rəhbəri İlham Mədətov, Azərbaycan Milli Olimpiya Komitəsinin (MOK) beynəlxalq əlaqələr idarəsinin rəisi Anar Bağırov iştirak edəcəklər. Tədbir çərçivəsində “Rio 2016”da iştirak edəcək ölkələrin nümayəndələrinin hazırlıq prosesi, idmançıların qeydiyyatı və digər məsələlər müzakirə olunacaq.xeber100.com

Formula-1 Avropa Qran Prisi üçün Bakının Azadlıq meydanında tikilən obyektlər söküləcək

“2016-cı il Formula 1 Avropa Qran Prisi ilə əlaqədar tikilən obyektlər müvəqqətidir”. Bu barədə Bakı Şəhər Halqasından (BŞH) Apa-nın sorğusuna cavab olaraq bildirilib.Qeyd olunub ki, Formula-1 Avropa Qran Prisi üçün Bakının Azadlıq meydanında tikilən obyektlər söküləcək və gələn il keçiriləcək yarışa qədər anbarda saxlanacaq, 2017-ci ilin yarışından öncə isə yenidən qurulacaq. Qeyd edək ki, Formula 1 Avropa Qran Prisinə bu il iyunun 19-da Bakıda yerli vaxtla saat 18.00-da start veriləcək.xeber100.com