UEFA reytinqində 2022/2023-cü il mövsümü üçün xal ehtiyatını yenidən artırıb

Azərbaycan UEFA reytinqində 2022/2023-cü il mövsümü üçün xal ehtiyatını yenidən artırıb.Bu, “Qarabağ”ın UEFA Çempionlar Liqasının ikinci təsnifat mərhələsinin cavab görüşündə İsveçrənin “Sürix” klubu ilə əlavə vaxtda 2:2 hesablı səfər heç-heçəsi sayəsində mümkün olub. Bu nəticə ölkəmizin aktivinə daha 0,125 xal gətirib.Lakin Azərbaycan bu mövsüm üzrə xal sayını 0,625-ə, son 5 mövsümdə isə 13,250-yə çatdırmasına baxmayaraq 29-cu pillədə qalıb.Azərbaycanın digər təmsilçiləri “Neftçi”, “Zirə” və “Qəbələ” UEFA Konfrans Liqasının ikinci təsnifat mərhələsindəki cavab görüşlərini bu gün keçirəcəklər.xeber100.com

UEFA Çempionlar Liqasının ikinci təsnifat mərhələsində

Azərbaycan UEFA reytinqində 2022/2023-cü il mövsümü üçün xal ehtiyatını yenidən artırıb.Bu, “Qarabağ”ın UEFA Çempionlar Liqasının ikinci təsnifat mərhələsinin cavab görüşündə İsveçrənin “Sürix” klubu ilə əlavə vaxtda 2:2 hesablı səfər heç-heçəsi sayəsində mümkün olub. Bu nəticə ölkəmizin aktivinə daha 0,125 xal gətirib.Lakin Azərbaycan bu mövsüm üzrə xal sayını 0,625-ə, son 5 mövsümdə isə 13,250-yə çatdırmasına baxmayaraq 29-cu pillədə qalıb.Azərbaycanın digər təmsilçiləri “Neftçi”, “Zirə” və “Qəbələ” UEFA Konfrans Liqasının ikinci təsnifat mərhələsindəki cavab görüşlərini bu gün keçirəcəklər.xeber100.com

Avropa Yeniyetmələrinin XVI Yay Olimpiya Festivalında mübarizə başlayıb

Bu gün cüdoçularımız Slovakiyada keçirilən Avropa Yeniyetmələrinin XVI Yay Olimpiya Festivalının fərdi yarışlarında mübarizəyə başlayırlar.Azərbaycanı yarışda 12 cüdoçu təmsil edir. Belə ki, oğlanların yarışında Murad Əliyev (55 kq), Nurlan Kərimli (60 kq), Eltac Yusifli (66 kq), Qədir Hüseynov (73 kq), İsmayıl Zamanov (81 kq), Əjdər Bağırov (100 kq), Kənan Nəsibov (+100 kq), qızların turnirində isə Xumar Qasımzadə (44 kq), Könül Əliyeva (48 kq), Aydan Vəliyeva (52 kq), Fidan Əlizadə (57 kq) və Nigar Süleymanova (+78 kq) iştirak edəcəklər. Festival çərçivəsində fərdi cüdo turniri iyulun 29-dək davam edəcək. İyulun 30-da isə komanda yarışları keçiriləcək.Hər gün Bakı vaxtı ilə saat 13:00-da başlayacaq yarışların final görüşləri ilə saat 18:00-da keçiriləcək.Festivalda Azərbaycan idmançıları cüdo ilə yanaşı, gimnastika, velosiped, atletika, tennis, üzgüçülük, badminton idman növlərində təmsil olunurlar.xeber100.com

“Kəpəz” futbol klubu heyətini yeni futbolçu ilə gücləndirib

Gəncənin “Kəpəz” klubu heyətini yeni futbolçu ilə gücləndirib.Klubun rəsmi saytı xəbər verir ki, Gəncə təmsilçisi nigeriyalı Abdullahi Şuaybunu transfer edib.İyirmi yaşlı yarımmüdafiəçi ilə 1+1 illik müqavilə imzalanıb. O, son olaraq Moldovanın “Saksan” klubunun formasını geyinib.xeber100.com

Şahmat üzrə “Grand Chess Tour” seriyasının 3-cü mərhələsi başa çatıb

Xorvatiyanın Zaqreb şəhərində şahmat üzrə “Grand Chess Tour” seriyasının 3-cü mərhələsi başa çatıb.Azərbaycan qrosmeysteri Şəhriyar Məmmədyarov turnirin rapid və blits yarışlarında iştirak edib. Şahmatçımız yekun nəticəyə görə, 15 xalla 7-ci yeri tutub.Yarışın qalibi hazırkı dünya çempionu, norveçli Maqnus Karlsen (22,5 xal) olub.xeber100.com

UEFA Çempionlar Liqasının ikinci təsnifat mərhələsinin oyunları çərçivəsində

UEFA Çempionlar Liqasının ikinci təsnifat mərhələsinin cavab oyunları çərçivəsində keçiriləcək “Sürix” (İsveçrə) – “Qarabağ” (Ağdam) oyununu Niderlanddan olan hakimlər briqadası idarə edəcək.Matçın baş hakimi Allard Lindhout olacaq. Ona Çarles Şaap və Roy De Nas kömək edəcəklər. Dördüncü hakim funksiyasını Jeroen Mansçot yerinə yetirəcək.Sürix şəhərindəki “Letzigrund” stadionunda keçiriləcək matç Bakı vaxtı ilə saat 21:00-da başlayacaq. Bakıda təşkil olunan ilk oyunda “Qarabağ” rəqibini 3:2 hesabı ilə məğlub edib.xeber100.com

“Kəpəz” klubu heyətini yeni futbolçu ilə gücləndirib

Gəncənin “Kəpəz” klubu heyətini yeni futbolçu ilə gücləndirib.Gəncə təmsilçisi son olaraq “Sumqayıt”da çıxış edən Yusif Nəbiyevi transfer edib.İyirmi dörd yaşlı müdafiəçi ilə birillik müqavilə imzalanıbxeber100.com

Azərbaycan Cüdo Federasiyasının məlumatı əsasında…

İyulun 26-27-də ölkəmizdə cüdonun yaranmasının 50 illik yubileyi və Azərbaycan-Yaponiya diplomatik əlaqələrinin qurulmasının 30 illiyi münasibəti ilə “Yaponiya səfirinin kuboku” açıq birinciliyi keçiriləcək.Azərbaycan Cüdo Federasiyasının mətbuat xidmətindən bildiriblər ki, kiçik yaşlı (U-15) yeniyetmələr arasında təşkil olunan turnirdə 200-ə yaxın idmançı medallar uğrunda mübarizə aparacaq. Göygöl Olimpiya İdman Kompleksində keçiriləcək yarışda Gəncə şəhərindən və digər regionlardan 35 komanda iştirak edəcək.Turnirin əsas məqsədi Yaponiya-Azərbaycan dostluq əlaqələrinin gücləndirilməsinə dəstək göstərməkdir. Eyni zamanda, kiçik yaşlı yeniyetmələr arasında idman vasitəsi ilə sağlam həyat tərzinin formalaşdırılması, həmçinin cüdonun kütləvi təbliğinə və təşviqinə nail olmaqdır.Qeyd edək ki, turnir Gəncə Şəhər Gənclər və İdman Baş İdarəsi və Azərbaycan Cüdo Federasiyasının birgə təşkilatçılığı ilə baş tutacaq.xeber100.com

Azərbaycan Badminton Federasiyası hesabat xarakterli konfrans keçirib

İyulun 24-də Azərbaycan Badminton Federasiyasının (ABF) son 6 ayda görülən işlərlə bağlı hesabat xarakterli konfransı keçirilib.Federasiyanın baş katibi Ramil Hacıyev media nümayəndələri ilə görüşdə son 6 ay ərzində görülən işlərlə bağlı məlumat verərək badmintonun ölkəmizdə inkişafı və kütləviliyi istiqamətində tədbirlər planını əks etdirən geniş təqdimatla çıxış edib.Federasiya rəsmisi qısa müddət ərzində iki badminton zalının istifadəyə verildiyini diqqətə çatdırıb. O, "Suhttle Time" proqramının və açıq havada təşkil olunan "Airbadminton challenge" mater-klaslarının badmintonun kütləviliyi istiqamətində ölkəmizdə geniş yayılmasına təkan verəcəyini qeyd edib. Qeyd olunub ki, həvəskarlar arasında mütəmadi badminton turnirlərinin keçirilməsi, gələcəkdə liqanın yaradılması da gündəmdə olan məsələlərdəndir.ABF-nın baş katibi parabadmintonun ölkəmizdə inkişafı istiqamətində də işlər görüldüyünü və bu sahədə DOST İnklüziv İnkişaf və Yaradıcılıq Mərkəzi sıx əməkdaşlıq edildiyini də diqqətə çatdırıb.Ramil Hacıyev 2023-cü ildə Avropa Badminton Konfederasiyasının (BEC) Bakıda keçiriləcək konqresini ölkə badmintonu üçün tarixi hadisə adlandırıb.Tədbirin sonunda Azərbaycan İdman Jurnalistləri İctimai Birliyi ilə Azərbaycan Badminton Federasiyası arasında əməkdaşlıq memorandumu imzalanıb.xeber100.com

Azərbaycan Velosiped Federasiyasının təşkilatçılığı ilə…

Gənclər və İdman Nazirliyi və Azərbaycan Velosiped Federasiyasının təşkilatçılığı ilə keçirilən trek velosipedi üzrə Azərbaycan çempionatına yekun vurulub. İyulun 22-dən 24-dək keçirilən çempionatda bütün yaş kateqoriyaları üzrə ümumilikdə 80 idmançı mübarizə aparıb.Azərbaycan Velosiped Federasiyasının mətbuat xidmətindən bildiriblər ki, Beynəlxalq Velosipedçilər İttifaqının (UCI) mövcud qaydalarına əsasən təşkil edilən yarışa Respublika Velotreki ev sahibliyi edib.Mükafatlandırma mərasimində Bakı Şəhər Gənclər və İdman Baş İdarəsinin rəisi Raqif Abbasov çıxış edərək qalibləri təbrik edib. O, dövlətimiz tərəfindən idmana və idmançılara xüsusi diqqət və qayğı göstərildiyini bildirib. R.Abbasov velosipedçilərə qarşıdan gələn V İslam Həmrəyliyi Oyunlarında uğurlar arzulayıb.Daha sonra qalib idmançılar fəxri kürsüyə dəvət olunublar.Qızlar arasında Ayan Xankişiyeva QİT-500 m və 48 dairədən ibarət xallar üzrə qrup ötüşməsində, 7,5 km məsafəyə skretç növündə və qrup yarışlarında fərqlənib. Viktoriya Sidorenko isə 2 km məsafəyə fərdi ötüşmədə və sprint növü üzrə yarışlarda birinci yerə layiq görülüb.Oğlanlar arasında Musa Mikayılzadə U-23/Elit yaş kateqoriyasında 3 km məsafəyə fərdi, QİT-1000 m məsafəyə, 72 dairədən ibarət xallar üzrə qrup, 10 km məsafəyə skretç, həmçinin sprint növü üzrə və U-23/Elit yaş kateqoriyasında qrup ötüşməsində fəxri kürsünün ən yüksək pilləsinə qalxıb.Kamran Mirzəxanov 3 km məsafəyə fərdi və gənc oğlanlar arasında çıxmaqla qrup ötüşməsində, Hüseyn Nərimanov isə QİT-1000 m yarışlarında fərqlənib.Qaliblərə mükafatları Bakı Şəhər Gənclər və İdman Baş İdarəsinin rəisi Raqif Abbasov, Gənclər və İdman Nazirliyinin baş məsləhətçisi Ülviyyə Hacıyeva, Azərbaycan Velosiped Federasiyasının Baş katibi Elnarə Musayeva, Azərbaycan Velosiped Federasiyasının İcraiyyə Komitəsinin üzvləri Vüqar Salahov və Nadim Babayev, Respublika Olimpiya Ehtiyat Qüvvələri İxtisaslaşdırılmış Uşaq-Gənclər Velosiped Məktəbinin direktoru Səməndər Allahverdiyev və Respublika Velotrekinin direktoru Tamerlan Salahov təqdim ediblər.Qeyd edək ki, yarışın nəticələri Beynəlxalq Velosipedçilər İttifaqına göndəriləcək. Nəticələr həm ölkəmizin, həm də idmançıların şəxsi reytinqində nəzərə alınacaq.xeber100.com