Formula 1 Macarıstan Qran-Prisinin qalibi müəyyənləşib

Formula 1 Macarıstan Qran-Prisinin qalibi müəyyənləşib."Red Bull" komandasının pilotu Maks Ferstappen finişə hamıdan birinci çatıb.İkinci yeri "Mercedes" komandasının britaniyalı pilotu Lüis Hemilton tutub. Onun komanda yoldaşı Corc Rassel isə yarışı üçüncü sırada başa vurub.xeber100.com

“Kəpəz” klubu daha bir futbolçunun transferini rəsmiləşdirib

Gəncənin “Kəpəz” klubu daha bir futbolçunun transferini rəsmiləşdirib.Klubun rəsmi saytına istinadən xəbər verir ki, gürcüstanlı hücumçu Mixeil Ergemlidze Gəncə təmsilçisinin şərəfini qoruyacaq.Sonuncu klubu “Sabah” olan 23 yaşlı forvardla birillik müqavilə imzalanıb.xeber100.com

Ümumdünya Şahmat Olimpiadasının birinci turunun oyunları keçiriləcək

Bu gün Hindistanın Çennay şəhərində 44-cü Ümumdünya Şahmat Olimpiadasının birinci turunun oyunları keçiriləcək.Kişi şahmatçılardan ibarət Azərbaycan millisinin heyətində Şəhriyar Məmmədyarov, Rauf Məmmədov, Qədir Hüseynov, Vasif Durarbəyli və Nicat Abasov yer alıblar. Qadın şahmatçılardan ibarət yığmanın heyətinə isə Günay Məmmədzadə, Gülnar Məmmədova, Gövhər Beydullayeva, Xanım Balacayeva və Ülviyyə Fətəliyeva daxildir. Bu gün keçiriləcək birinci turun oyunlarında kişilərdən ibarət komandamız Əlcəzair, qadın şahmatçılarımız isə Birləşmiş Ərəb Əmirliklərinin yığmaları ilə üz-üzə gələcəklər.Olimpiadada kişilərin yarışında 188, qadınların turnirində isə 162 ölkədən komandalar mübarizə aparacaqlar.İsveçrə sistemi üzrə keçiriləcək və 11 turdan ibarət olacaq yarış avqustun 9-dək davam edəcək.xeber100.com

UEFA Çempionlar Liqasının üçüncü təsnifat mərhələsində

Macarıstanda “Ferentsvaroş” və “Qarabağ” komandaları arasında keçiriləcək UEFA Çempionlar Liqasının üçüncü təsnifat mərhələsinin cavab oyunu üçün təyinatlar açıqlanıb.Budapeştdəkı qarşılaşmanı İspaniyadan olan hakimlər briqadası idarə edəcək.Matçın baş hakimi Karlos del Serro olacaq. Ona Xose Naranxo və Qonsalo Qonsales laynsmanlar qismində köməklik göstərəcəklər. Dördüncü hakim funksiyasını Migel Anxel Ortis Arias yerinə yetirəcək.Qeyd edək ki, avqustun 9-da oynanılacaq matç Bakıda vaxtı ilə saat 22:00-da başlayacaq. İlk görüş avqustun 3-də Tofiq Bəhramov adına Respublika Stadionunda olacaq.xeber100.com

“Davis Cup-2022” kuboku yarışının qrup oyunlarına start verilib

Bakıda kişi tennisçilər arasında "Davis Cup-2022” kuboku yarışının qrup oyunlarına start verilib.Azərbaycan Tennis Federasiyasından (ATF) bildiriblər ki, ATF və Beynəlxalq Tennis Federasiyasının birgə əməkdaşlığı ilə paytaxtımızda ilk dəfə təşkil edilən Avropa IV qrup oyunları Bakı Tennis Akademiyasında keçirilir.Yeddi ölkənin təmsil olunduğu oyunlar iyulun 30-dək davam edəcək. Yarışda A qrupunda San-Marino, İslandiya, Albaniya, B qrupunda isə Malta, Andorra, Azərbaycan və Kosova mübarizə aparır. Qrup qalibləri pley-of mərhələsində qarşılaşacaqlar.Qrup oyunlarını gənclər və idman naziri Fərid Qayıbov da izləyib. Oyundan əvvəl nazir yarışın keçirildiyi Bakı Tennis Akademiyasının vəziyyəti ilə tanış olub, burada idmançıların məşq şəraiti ilə maraqlanıb.xeber100.com

Azərbaycan Voleybol Federasiyasının məlumatı əsasında…

İyulun 28-də Azərbaycan Voleybol Federasiyası və Gənclər və İdman Nazirliyinin birgə təşkilatçılığı ilə çimərlik voleybolu üzrə açıq ölkə çempionatına start verilib.Azərbaycan Voleybol Federasiyasından bildiriblər ki, Bakı Su İdmanı Sarayında təşkil olunan yarışda 12 qadın, 16 kişi cütlüyü mübarizəyə qoşulub. Çempionatın ilk günündə təsnifat oyunları baş tutub.Olimpiya sistemi ilə keçirilən turnirin nəticələrinə əsasən qadın və kişilərin yarışında səkkiz cütlük mərhələ adlayıb.Onlar iyulun 29-da çempionluq uğrunda mübarizəni davam etdirəcəklər.Mükafatçılara medal, diplom və turnirin sponsorları tərəfindən hədiyyələr veriləcək.Final oyunları və mükafatlandırma mərasimi “CBC Sport” kanalında canlı yayımlanacaq.xeber100.com

“Qarabağ” futbol klubunun rəqibi müəyyənləşib

Ağdamın “Qarabağ” futbol klubu UEFA Çempionlar Liqasının üçüncü təsnifat mərhələsindəki rəqibi müəyyənləşib.Slovakiya çempionu “Slovan”ı (Bratislava) mübarizədən kənarlaşdıran Macarıstanın “Ferentsvaroş” klubu Ağdam təmsilçisinə rəqib olub.İlk oyunda doğma meydanda “Slovan”a 1:2 hesabı ilə məğlub olan “Ferentsvaroş” səfər matçında rəqibinə 4:1 hesabı ilə qalib gələrək növbəti mərhələyə yüksəlib.Qeyd edək ki, Bakıda İsveçrə “Sürix”ini 3:2 hesabı ilə məğlub edən “Qarabağ” səfərdə rəqibi ilə heç-heçə edib (2:2) və mərhələ adlayıb.xeber100.com

UEFA reytinqində 2022/2023-cü il mövsümü üçün xal ehtiyatını yenidən artırıb

Azərbaycan UEFA reytinqində 2022/2023-cü il mövsümü üçün xal ehtiyatını yenidən artırıb.Bu, “Qarabağ”ın UEFA Çempionlar Liqasının ikinci təsnifat mərhələsinin cavab görüşündə İsveçrənin “Sürix” klubu ilə əlavə vaxtda 2:2 hesablı səfər heç-heçəsi sayəsində mümkün olub. Bu nəticə ölkəmizin aktivinə daha 0,125 xal gətirib.Lakin Azərbaycan bu mövsüm üzrə xal sayını 0,625-ə, son 5 mövsümdə isə 13,250-yə çatdırmasına baxmayaraq 29-cu pillədə qalıb.Azərbaycanın digər təmsilçiləri “Neftçi”, “Zirə” və “Qəbələ” UEFA Konfrans Liqasının ikinci təsnifat mərhələsindəki cavab görüşlərini bu gün keçirəcəklər.xeber100.com

UEFA Çempionlar Liqasının ikinci təsnifat mərhələsində

Azərbaycan UEFA reytinqində 2022/2023-cü il mövsümü üçün xal ehtiyatını yenidən artırıb.Bu, “Qarabağ”ın UEFA Çempionlar Liqasının ikinci təsnifat mərhələsinin cavab görüşündə İsveçrənin “Sürix” klubu ilə əlavə vaxtda 2:2 hesablı səfər heç-heçəsi sayəsində mümkün olub. Bu nəticə ölkəmizin aktivinə daha 0,125 xal gətirib.Lakin Azərbaycan bu mövsüm üzrə xal sayını 0,625-ə, son 5 mövsümdə isə 13,250-yə çatdırmasına baxmayaraq 29-cu pillədə qalıb.Azərbaycanın digər təmsilçiləri “Neftçi”, “Zirə” və “Qəbələ” UEFA Konfrans Liqasının ikinci təsnifat mərhələsindəki cavab görüşlərini bu gün keçirəcəklər.xeber100.com

Avropa Yeniyetmələrinin XVI Yay Olimpiya Festivalında mübarizə başlayıb

Bu gün cüdoçularımız Slovakiyada keçirilən Avropa Yeniyetmələrinin XVI Yay Olimpiya Festivalının fərdi yarışlarında mübarizəyə başlayırlar.Azərbaycanı yarışda 12 cüdoçu təmsil edir. Belə ki, oğlanların yarışında Murad Əliyev (55 kq), Nurlan Kərimli (60 kq), Eltac Yusifli (66 kq), Qədir Hüseynov (73 kq), İsmayıl Zamanov (81 kq), Əjdər Bağırov (100 kq), Kənan Nəsibov (+100 kq), qızların turnirində isə Xumar Qasımzadə (44 kq), Könül Əliyeva (48 kq), Aydan Vəliyeva (52 kq), Fidan Əlizadə (57 kq) və Nigar Süleymanova (+78 kq) iştirak edəcəklər. Festival çərçivəsində fərdi cüdo turniri iyulun 29-dək davam edəcək. İyulun 30-da isə komanda yarışları keçiriləcək.Hər gün Bakı vaxtı ilə saat 13:00-da başlayacaq yarışların final görüşləri ilə saat 18:00-da keçiriləcək.Festivalda Azərbaycan idmançıları cüdo ilə yanaşı, gimnastika, velosiped, atletika, tennis, üzgüçülük, badminton idman növlərində təmsil olunurlar.xeber100.com