“Sabah” klubu futbolçusu ilə müqavilə müddətini uzadıb

“Sabah” futbolçusu Ceyhun Nuriyevlə müqavilə müddətini uzadıb.Klubun rəsmi saytı xəbər verir ki, 21 yaşlı yarımmüdafiəçi ilə bağlanmış yeni anlaşmanın müddəti 2024-cü ilin iyun ayına kimidir.Futbolçu “Sabah”ın əsas yığmasına 2020-ci ildə U-19 komandasından cəlb olunub. O, “Sabah”ın heyətində Azərbaycan Premyer Liqası və ölkə kubokunda 23 oyun keçirib, 2 qola imza atıb.xeber100.com

Stolüstü tennisçilərin Avropa birinciliyi davam edir

Serbiyanın paytaxtı Belqradda yeniyetmə stolüstü tennisçilərin Avropa birinciliyi davam edir.Yarışın ilk günündə Sloveniya kollektivi üzərində 3-1 hesabı ilə qələbə qazanan oğlanlardan ibarət Azərbaycan seçməsi bu gün Avstriya millisi ilə üz-üzə gəlib. Rəqibinə 1-3 hesabı ilə uduzan komandamız qrup ikincisi kimi növbəti mərhələyə adlayıb.İlk oyunda Yunanıstan seçməsinə uduzan (1-3), ardınca Monteneqro komandasına qalib gəlib gələn (3-0) qızlardan ibarət millimiz bu gün İsveç kollektivini də məğlub edərək (3-1) qrup ikincisi olub. Komandalarımız növbəti oyunlarını sabah keçirəcəklər.Qeyd edək ki, mötəbər yarışda məşqçilər Elnur Hidayətzadə və Ramil Cəfərovun rəhbərliyi ilə Arzu Aslanova, Aylin Əsgərova, Mərziyyə Nurmətova, Adil Əhmədzadə, Hüseyn Eylazov və Onur Quluzadə komanda turniri ilə yanaşı, şəxsi, qoşa və qarışıq qoşa yarışlarında da bacarıqlarını göstərəcəklər. Beynəlxalq dərəcəli hakimlər Könül Mikayılova və Zaur Mikayılov da Avropa birinciliyində ölkəmizi təmsil edirlər.Yarışa iyulun 16-da yekun vurulacaq.xeber100.com

“Neftçi” futbol klubu bu gün ilk yoxlama oyununu keçirəcək

Türkiyənin Bolu şəhərində təlim-məşq toplanışında olan Bakının “Neftçi” futbol klubu bu gün ilk yoxlama oyununu keçirəcək.Baş məşqçi Laurentsiu Regekampfın komandası Türkiyə Birinci Liqasında çıxış edən “Sakaryaspor”la üz-üzə gələcək.Matç Bakı vaxtı ilə saat 16:45-də start götürəcək.Qeyd edək ki, “Neftçi” hazırlıq çərçivəsində 3 yoxlama matçı keçirməyi planlaşdırır.xeber100.com

“Zirə” futbol klubu bu gün növbəti yoxlama görüşünü keçirəcək

Türkiyə təlim-məşq toplanışını davam etdirən “Zirə” futbol klubu bu gün növbəti yoxlama görüşünü keçirəcək.Baş məşqçi Rəşad Sadıqovun komandası Türkiyə Birinci Liqasında çıxış edən “Eyüpspor” klubu ilə üz-üzə gələcək. Boluda oynanılacaq görüş Bakı vaxtı ilə 18:00-da start götürəcək.Qeyd edək ki, Bakı təmsilçisi ilk yoxlama görüşündə Rumıniyanın “Hermanşdadt” klubuna 1:2 uduzub.xeber100.com

“İnter” futbol klubu heyətini yeni futbolçu ilə gücləndirib

İtaliyanın “İnter” klubu heyətini yeni futbolçu ilə gücləndirib.A Seriyası təmsilçisi “Kalyari”dən Raul Bellanovanı icarəyə götürüb. Bu barədə Milan klubunun rəsmi saytı məlumat yayıb.İyirmi iki yaşlı müdafiəçi ilə birillik müqavilə imzalanıb. Sözləşmədə icarədən sonra satın almaq hüququna dair bənd də var.Futbolçu 2021-ci ildən “Kalyari”də oynayırdı. O, ötən mövsüm İtaliya çempionatında 31 matçda 1 qol vurub və 2 məhsuldar ötürmə edib.xeber100.com

“Qarabağ” futbol klubu UEFA Çempionlar Liqasında mübarizəyə başlayıb

Ağdamın "Qarabağ" futbol klubu UEFA Çempionlar Liqasında mübarizəyə başlayıb.Ağdam təmsilçisi birinci təsnifat mərhələsinin ilk oyununda Polşanın "Lex" komandasının qonağıdır.Poznan şəhərindəki eyniadlı stadionda keçirilən oyunda “Lex”in heyətində meydana Artur Rudko, Joel Pereyra, Pedro Reboşu, Yesper Karlström, Mikael İshak, Antonio Miliç, Mixal Skuras, Radoslav Muravski, Kristoffer Velde, Joao Amaral və Lubomir Şatka çıxıblar.“Qarabağ”ın start heyətində isə Şahruddin Məhəmmədəliyev, Qara Qarayev, Maksim Medvedev, Riçard Almeyda, Abdullah Zubir, Leandro Andrade, Kadi Borges, İbrahima Vadji, Marko Veşoviç, Elvin Cəfərquliyev və Kevin Medina yer alıblar.Görüşü ispaniyalı FIFA referisi Xose Luis Munuera idarə edir.Qeyd edək ki, komandalar arasında cavab matçı iyulun 12-də Bakıda olacaq. Bu cütün qalibi ikinci təsnifat mərhələsində İsveçrənin "Sürix" klubu ilə qarşılaşacaq. Məğlub komanda isə UEFA Konfrans Liqasının ikinci təsnifat mərhələsində "Slovan" (Slovakiya) – "Dinamo" (Batumi, Gürcüstan) cütünün güclüsü ilə üz-üzə gələcək.xeber100.com

UEFA Çempionlar Liqasının birinci təsnifat mərhələsi çərçivəsində

UEFA Çempionlar Liqasının birinci təsnifat mərhələsi çərçivəsində keçirilən "Lex" (Polşa) - "Qarabağ" (Ağdam) oyununun ilk hissəsi başa çatıb.Qarşılıqlı hücumlar şəraitində keçən hissə Polşa təmsilçisinin minimal üstünlüyü ilə yekunlaşıb - 1:0. Yeganə qolu 41-ci dəqiqədə meydan sahiblərinin kapitanı Mikhael İshak vurub.Görüşü ispaniyalı FIFA referisi Xose Luis Munuera idarə edir.Qeyd edək ki, komandalar arasında cavab matçı iyulun 12-də Bakıda olacaq. Bu cütün qalibi ikinci təsnifat mərhələsində İsveçrənin "Sürix" klubu ilə qarşılaşacaq. Məğlub komanda isə UEFA Konfrans Liqasının ikinci təsnifat mərhələsində "Slovan" (Slovakiya) – "Dinamo" (Batumi, Gürcüstan) cütünün güclüsü ilə üz-üzə gələcək.xeber100.com

Azərbaycan Şahmat Federasiyasının təşkilatçılığı ilə…

Azərbaycan Şahmat Federasiyasının təşkilatçılığı və “Azərloteraya”nın baş sponsorluğu ilə 22 iyul - Milli Mətbuat Gününə həsr olunan jurnalistlər arasında şahmat yarışının açılış mərasimi keçiriləcək. Tədbirdə rəsmi şəxslər, siyasətçilər və digər tanınmış qonaqlar iştirak edəcəklər.“Cinema Plus”da baş tutacaq açılış mərasimindən sonra yarışın püşkatması keçiriləcək, iştirakçılara qaydalar barədə məlumat veriləcək.Çempionatın qalibləri Milli Mətbuat Günü ərəfəsində mükafatlandırılacaqlar.İlk üç yeri tutacaq komandaların hər bir üzvünə pul mükafatı, sponsorlardan qiymətli hədiyyələr və diplom təqdim olunacaq. Eyni zamanda, bağlanış mərasimində təşkilat komitəsi xüsusi nominasiyalar üzrə qalibləri elan edəcək.Jurnalistlər arasında şahmat çempionatı ilk dəfə olaraq komanda şəklində baş tutacaq. İki nəfərdən ibarət olacaq komandalar püşk nəticəsində müəyyənləşəcək. Turnirin yarış günləri 9 və 16 iyulda təşkil olunacaq.xeber100.com

Voleybol üzrə “Zəfər kuboku” yarışı keçiriləcək

22 iyul - Milli Mətbuat Günü münasibətilə jurnalistlər arasında voleybol üzrə “Zəfər kuboku” yarışı keçiriləcək.İdman Araşdırmalar Mərkəzinin, Azərbaycan İdman Jurnalistləri İctimai Birliyinin, Azərbaycan Voleybol Federasiyası (AVF) və “Avropa Group”la birlikdə təşkil edəcəyi yarışa 8 komanda qatılacaq. Bunlar işğaldan azad olunmuş əraziləri təmsil edən “Şuşa”, “Ağdam”, “Kəlbəcər”, “Füzuli”, “Zəngilan”, “Xankəndi”, “Xocalı” və “Suqovuşan”dır.İyulun 5-də saat 12:00-da AVF-in mənzil-qərargahında atılacaq püşk nəticəsində dörddəbir final cütlərinin tərkibi müəyənləşəcək. Bu mərhələnin oyunları iyulun 11-də keçiriləcək. İyulun 16-da yarımfinal, iyulun 22-də final qarşılaşmaları oynanılacaq.Turnirin qalibinə kubok, pul mükafatı və diplomlar veriləcək. Eyni zamanda yarışın ən yaxşı voleybolçusu pul mükafatı alacaq.xeber100.com

UEFA Çempionlar Liqasının birinci təsnifat mərhələsində

Ağdamın “Qarabağ” klubunun UEFA Çempionlar Liqasının birinci təsnifat mərhələsində Polşada “Lex” ilə keçirəcəyi ilk oyununa indiyədək satılmış biletlərin sayı açıqlanıb.Qarşılaşma üçün 22 mindən çox bilet satılıb.Polşa çempionu kassada 21 minə yaxın biletin qaldığını açıqlayıb. “Poznan” stadionu 43 min azarkeş tutumuna malikdir.Qeyd edək ki, iyulun 5-də oynanılacaq “Lex” – “Qarabağ” matçı Bakı vaxtı ilə saat 22:00-da başlayacaq. Cavab görüşü bir həftə sonra Bakıda gerçəkləşəcək.xeber100.com