Azərbaycan Velosiped Federasiyasının təşkilatçılığı ilə…

Gənclər və İdman Nazirliyi və Azərbaycan Velosiped Federasiyasının təşkilatçılığı ilə keçirilən trek velosipedi üzrə Azərbaycan çempionatına yekun vurulub. İyulun 22-dən 24-dək keçirilən çempionatda bütün yaş kateqoriyaları üzrə ümumilikdə 80 idmançı mübarizə aparıb.Azərbaycan Velosiped Federasiyasının mətbuat xidmətindən bildiriblər ki, Beynəlxalq Velosipedçilər İttifaqının (UCI) mövcud qaydalarına əsasən təşkil edilən yarışa Respublika Velotreki ev sahibliyi edib.Mükafatlandırma mərasimində Bakı Şəhər Gənclər və İdman Baş İdarəsinin rəisi Raqif Abbasov çıxış edərək qalibləri təbrik edib. O, dövlətimiz tərəfindən idmana və idmançılara xüsusi diqqət və qayğı göstərildiyini bildirib. R.Abbasov velosipedçilərə qarşıdan gələn V İslam Həmrəyliyi Oyunlarında uğurlar arzulayıb.Daha sonra qalib idmançılar fəxri kürsüyə dəvət olunublar.Qızlar arasında Ayan Xankişiyeva QİT-500 m və 48 dairədən ibarət xallar üzrə qrup ötüşməsində, 7,5 km məsafəyə skretç növündə və qrup yarışlarında fərqlənib. Viktoriya Sidorenko isə 2 km məsafəyə fərdi ötüşmədə və sprint növü üzrə yarışlarda birinci yerə layiq görülüb.Oğlanlar arasında Musa Mikayılzadə U-23/Elit yaş kateqoriyasında 3 km məsafəyə fərdi, QİT-1000 m məsafəyə, 72 dairədən ibarət xallar üzrə qrup, 10 km məsafəyə skretç, həmçinin sprint növü üzrə və U-23/Elit yaş kateqoriyasında qrup ötüşməsində fəxri kürsünün ən yüksək pilləsinə qalxıb.Kamran Mirzəxanov 3 km məsafəyə fərdi və gənc oğlanlar arasında çıxmaqla qrup ötüşməsində, Hüseyn Nərimanov isə QİT-1000 m yarışlarında fərqlənib.Qaliblərə mükafatları Bakı Şəhər Gənclər və İdman Baş İdarəsinin rəisi Raqif Abbasov, Gənclər və İdman Nazirliyinin baş məsləhətçisi Ülviyyə Hacıyeva, Azərbaycan Velosiped Federasiyasının Baş katibi Elnarə Musayeva, Azərbaycan Velosiped Federasiyasının İcraiyyə Komitəsinin üzvləri Vüqar Salahov və Nadim Babayev, Respublika Olimpiya Ehtiyat Qüvvələri İxtisaslaşdırılmış Uşaq-Gənclər Velosiped Məktəbinin direktoru Səməndər Allahverdiyev və Respublika Velotrekinin direktoru Tamerlan Salahov təqdim ediblər.Qeyd edək ki, yarışın nəticələri Beynəlxalq Velosipedçilər İttifaqına göndəriləcək. Nəticələr həm ölkəmizin, həm də idmançıların şəxsi reytinqində nəzərə alınacaq.xeber100.com

“Grand Chess Tour” seriyasının 3-cü mərhələsinin rapid yarışı başa çatıb

Xorvatiyanın Zaqreb şəhərində şahmat üzrə “Grand Chess Tour” seriyasının 3-cü mərhələsinin rapid yarışı başa çatıb.Turnirdə iştirak edən Azərbaycan qrosmeysteri Şəhriyar Məmmədyarov bu gün 3 turda iştirak edib. O fransalı şahmatçı Maksim Vaşye-Laqrava uduzub, ABŞ təmsilçiləri Leyner Dominqes, Uesli So ilə heç-heçə edib.Yekun nəticələrə görə, Ş.Məmmədyarov 9 xalla yeddinci yeri tutub.xeber100.com

“Səbail” futbol klubu ilk yoxlama görüşünü keçirib

Hazırlıq prosesini Gürcüstanda davam etdirən Bakının “Səbail” futbol klubu ilk yoxlama görüşünü keçirib.Baş məşqçi Mahmud Qurbanovun komandası “Dinamo” ilə qarşılaşıb. Matç Tbilisi klubunun 2:0 hesablı qələbəsi ilə başa çatıb.Xatırladaq ki, “Səbail” Gürcüstanda daha 2 yoxlama oyununa çıxacaq. İyulun 25-də “Qaqra” ilə qarşılaşacaq Bakı təmsilçisi ayın 29-da isə “Dila”nı sınağa çəkəcək. Bu oyunlar eyni saatda - 18:15-də başlayacaq.Qeyd edək ki, “Səbail” Bakıdakı təlim-məşq toplanışı çərçivəsində “Kəpəz”i (3:1) məğlub edib, “Sabah”a (1:3) isə uduzub.xeber100.com  

Azərbaycan Cüdo Federasiyasının məlumatına görə…

Şamaxı Olimpiya İdman Kompleksində yeniyetmə cüdoçular arasında təlim-məşq toplanışı keçirilir.Azərbaycan Cüdo Federasiyasının mətbuat xidmətindən bildiriblər ki, keçirilən təlim-məşq toplanışında yeniyetmələrdən ibarət milli yığma komandamızın 32 cüdoçusu iştirak edir. Yeniyetmə tatami ustalarımız avqustun 24-27-də Sarayevoda təşkil olunacaq yeniyetmələr arasında dünya çempionatına hazırlaşırlar.xeber100.com

Şahmat üzrə “Grand Chess Tour” seriyasının 3-cü mərhələsi davam edir

Xorvatiyanın Zaqreb şəhərində şahmat üzrə “Grand Chess Tour” seriyasının 3-cü mərhələsi davam edir. Bu gün turnir çərçivəsində qrossmeysterimiz Şəhriyar Məmmədyarov daha 3 turda mübarizə aparacaq. Onun rəqibləri fransalı şahmatçı Maksim Vaşye-Laqrav, ABŞ təmsilçiləri Leyner Dominqes, Uesli So olacaq.Qeyd edək ki, Ş.Məmmədyarov ötən turların nəticəsinə görə 6 xalla 6-cı yerdə qərarlaşıb.Turnir iyulun 25-dək davam edəcək.xeber100.com

Afrika Futbol Konfederasiyası qitənin ən yaxşı futbolçusunu müəyyənləşdirib

Afrika Futbol Konfederasiyası (CAF) qitənin ən yaxşı futbolçusunu müəyyənləşdirib.“Əl Əhram” qəzeti xəbər verir ki, Seneqal milli futbol komandasının forvardı Sadio Mane keçirilən səsvermədə Misir yığmasının hücumçusu Məhəmməd Salah və öz komanda yoldaşı Eduard Mendini geridə qoyaraq Afrikanın ən yaxşı futbolçusu tituluna layiq görülüb.Mərakeşdə keçirilmiş mərasimdə CAF-ın prezidenti Patrise Motsepe mükafatı Sadio Maneyə təqdim edib. Bundan başqa, Afrika qitəsinin ən yaxşı futbol klubu və məşqçisinin də adları açıqlanıb. Bu mükafatlara Mərakeşin “Vidad Atletik” klubu və Seneqal yığmasının baş məşqçisi Aliu Sisse layiq biliniblər.xeber100.com

Azərbaycan Velosiped Federasiyasının təşkilatçılığı ilə…

yulun 22-də Gənclər və İdman Nazirliyi və Azərbaycan Velosiped Federasiyasının təşkilatçılığı ilə Respublika Velotrekində trek velosipedi üzrə Azərbaycan çempionatına start verilib.Federasiyanın mətbuat xidməti xəbər verir ki, bütün yaş kateqoriyaları üzrə keçirilən yarışda ümumilikdə 80 idmançı mübarizə aparır.Üç gün davam edəcək çempionatın ilk günündə velosipedçilər GIT-200 və GIT-500 metr, həmçinin qrup yarışlarında (48 və 72 dairə) mübarizə aparırlar.İyulun 23-də isə idmançılar 2 və 3 kilometr məsafələrə fərdi ötüşmələrdə və çıxmaqla qrup yarışlarında iştirak edəcəklər.Çempionatın sonuncu günündə - iyulun 24-də velosipedçilər 7,5 və 10 kilometr məsafələrə skretç, həmçinin sprint növləri üzrə güclərini sınayacaqlar.GIT-200 metr yarışında ilk 1-12-ci yeri tutan velosipedçilər sprint üzrə yarışda mübarizə aparmaq hüququ qazanacaqlar.Beynəlxalq Velosipedçilər İttifaqının (UCI) mövcud qaydalarına əsasən, təşkil edilən yarışın nəticələri beynəlxalq quruma göndəriləcək, həm ölkəmizin, həm də idmançıların şəxsi reytinqində nəzərə alınacaq.xeber100.com

UEFA Çempionlar Liqasının ikinci təsnifat mərhələsində növbəti oyunlar keçiriləcək

Bu gün UEFA Çempionlar Liqasının ikinci təsnifat mərhələsində növbəti oyunlar keçiriləcək.İkinci oyun günündə 5 qarşılaşma təşkil olunacaq.Günün oyunları aşağıdakılardır: 20:00 - HIK (Finlandiya) – “Viktoriya” (Plzen, Çexiya) 21:00 – “Makkabi” (Hayfa, İsrail) – “Olimpiakos” (Yunanıstan) 22:00 – “Ferentsvaroş” (Macarıstan) – “Slovan” (Bratislava, Slovakiya) 22:00 – “Dinamo” (Kiyev, Ukrayna) – “Fənərbağça” (Türkiyə) 22:15 – “Maribor” (Sloveniya) – “Şerif” (Moldova). Qeyd edək ki, Azərbaycan təmsilçisi “Qarabağ” ikinci təsnifat mərhələsinin ilk oyununda doğma meydanda İsveçrənin “Sürix” komandasına 3:2 hesabı ilə qalib gəlib.xeber100.com

Ölkəmiz UEFA-nın reytinqində 2022/2023-cü il mövsümü üçün xal ehtiyatını artırıb

Azərbaycan UEFA-nın reytinqində 2022/2023-cü il mövsümü üçün xal ehtiyatını artırıb.Bu, “Qarabağ”ın UEFA Çempionlar Liqasının ikinci təsnifat mərhələsinin ilk görüşündə İsveçrənin “Sürix” klubu üzərində qazandığı 3:2 hesablı qələbə sayəsində mümkün olub. Qalibiyyət 4 klubla təmsil olunan ölkənin aktivinə daha 0,250 xal gətirib.Lakin Azərbaycan bu mövsüm üzrə xal sayını 0,500-ə, son 5 mövsümdə isə 13,125-ə çatdırmasına baxmayaraq, 29-cu pillədə qalıb. 28-ci pillədə isə 14,000 xalla Polşa qərarlaşıb.Azərbaycanın bu turnirdəki təmsilçiləri “Neftçi”, “Zirə” və “Qəbələ” isə yarışa UEFA Konfrans Liqasının ikinci təsnifat mərhələsindən start verəcəklər.xeber100.com

İyulun 20-si Beynəlxalq Şahmat Günüdür

İyulun 20-si Beynəlxalq Şahmat Günüdür.Bu bayramın əsası 1924-cü ildə yaradılmış Beynəlxalq Şahmat Federasiyasının (FIDE) qərarı ilə 1966-cı ildən başlayaraq qeyd edilir. Hazırda FIDE-nin himayəsi altında gənclər, kişilər, qadınlar və böyüklər arasında 40-dan çox rəsmi çempionat təşkil edilir. Azərbaycanda da şahmatın böyük inkişaf yolu var. Belə ki, qədim zamanlarda ölkəmizdə bu intellektual növ üzrə böyük şahmatçılar yetişib. Xaqani Şirvani, Nizami Gəncəvi, İmadəddin Nəsimi, Məhəmməd Füzuli kimi dahilər öz şeirlərində şahmatı tərənnüm edərək oyun haqqında mənalı, çox dərin fikirlər söyləyiblər. Fransız yazıçısı Aleksandr Düma Azərbaycanda olarkən Xurşidbanu Natəvan ilə şahmat oynayıb və onun qədim oyunun sirlərini dərindən bilməsini qeyd edib. Görkəmli mütəfəkkir Mirzə Fətəli Axundzadə oğluna yazdığı məktubda şahmatın sirlərinə yiyələnməyi tövsiyə edib. Qədim Orta Asiyada gözəl oyunu ilə hamını heyran edən Cəlaləddin Naxçıvani və Xoca Əli Təbrizi Azərbaycan şahmatçılarının ilk görkəmli nümayəndələridir. Ötən əsrin 70-ci illərindən başlayaraq Azərbaycanda şahmata dövlət səviyyəsində xüsusi qayğı göstərilib. Ötən onilliklər ərzində Avropa, dünya çempionatlarında və bir sıra mötəbər turnirlərdə iştirak edən komandamız böyük uğurlar əldə edib.Ölkəmizdə yeniyetmə şahmatçılar arasında çoxlu istedadlı zəka ustaları yetişir. Belə ki, 2019-cu ildə Aydın Süleymanlının 16 yaşadək idmançılar arasında dünya çempionu adını qazanması, eləcə də həmin il 16 yaşadək şahmatçılardan ibarət Azərbaycan komandasının Ümumdünya Şahmat Olimpiadasının qalibi olması bu sahədə güclü potensialın olmasının bariz nümunəsidir.Azərbaycan şahmat üzrə ən mötəbər turnirlərə ev sahibliyi də edib və bu ənənə son illər də davam edir. Ölkəmizdə Ümumdünya Şahmat Olimpiadası kimi nüfuzlu yarışın təşkili, eləcə də görkəmli zəka ustası, mərhum qrosmeysterimiz Vüqar Həşimovun xatirəsinə həsr olunan ənənəvi superturnirdə dünyanın ən güclü şahmatçılarının iştirak etməsi Azərbaycanın şahmat ölkəsi olduğunu sübut edir.xeber100.com