Azərbaycan milli komandası Avropa çempionatının seçmə mərhələsində

İyirmi bir yaşadək futbolçulardan ibarət Azərbaycan milli komandası Avropa çempionatının seçmə mərhələsində bu gün növbəti oyununu keçirib.AFFA xəbər verir ki, səfərdə Finlandiyanın müvafiq yaş qrupundan ibarət komandası ilə qarşılaşan millimiz 0:3 hesabı ilə məğlub olub.U-21 qrup mərhələsində sonuncu oyununu iyunun 14-də səfərdə Norveç komandasına qarşı keçirəcək.xeber100.com

Cüdo üzrə Avropa kuboku yarışları başa çatıb

Avstriyanın Qrats şəhərində keçirilən cüdo üzrə Avropa kuboku yarışları başa çatıb.Yarışın son günündə cüdoçumuz Vüqar Talıbov (90 kq) bütün rəqiblərini məğlub edərək finala vəsiqə qazanıb. Yarımfinal görüşündə zədələndiyi üçün həkimlərin və baş məşqçi Elxan Məmmədovun birgə qərarına əsasən, həlledici mərhələdə iştirak etməyən idmançımız gümüş medalla kifayətlənib.Beləliklə, komandamız qitə kuboku yarışını iki medalla başa vurub. Qeyd edək ki, bundan əvvəl komandamızın üzvü Vüsal Qələndərzadə (73 kq) də ikinci yeri tutub.xeber100.com

“Norway Chess” beynəlxalq şahmat turnirində…

Norveçin Stavanger şəhərində “Norway Chess” beynəlxalq şahmat turnirində növbəti turun oyunları keçiriləcək.Azərbaycan təmsilçisi Şəhriyar Məmmədyarov 6-cı turda hazırkı dünya çempionu, norveçli Maqnus Karlsenlə mübarizə aparacaq. Digər şahmatçımız Teymur Rəcəbov isə bolqarıstanlı Veselin Topalov ilə görüşəcək.Qeyd edək ki, ötən beş turun nəticəsinə görə, Ş.Məmmədyarov 8,5 xalla 10 iştirakçı arasında 4-cü pillədədir. Teymur Rəcəbov isə 3 xalla doqquzuncu yerdə qərarlaşıb.“Norway Chess” turniri iyunun 10-dək davam edəcək. Reqlamentə əsasən, qələbəyə görə şahmatçılara üç xal verilir. Heç-heçə olacağı təqdirdə iştirakçılar qalibi “armageddon”da müəyyənləşdirirlər.xeber100.com

UEFA Millətlər Liqasının qrup mərhələsində növbəti oyun keçiriləcək

Futbol üzrə Azərbaycan millisi bu gün UEFA Millətlər Liqasının qrup mərhələsində növbəti oyununu keçirəcək.Komandamız Serbiyada Belarus millisi ilə üz-üzə gələcək.Novi Sad şəhərindəki “Karadjordje” stadionunda keçiriləcək qarşılaşma Bakı vaxtı ilə saat 22:45-də başlayacaq. Görüşü isveçli baş hakim Məhəmməd Əl-Hakim idarə edəcək.Qrupun digər görüşündə Slovakiya Qazaxıstanı qəbul edəcək.Qeyd edək ki, Azərbaycan yığması birinci turda səfərdə Qazaxıstana 0:2 hesabı ilə uduzub. Belarus kollektivi isə Serbiyada Slovakiyaya minimal hesabla yenilib - 0:1.xeber100.com

Azərbaycan milli komandası hazırlıq çərçivəsində yoldaşlıq oyununu keçirib

Bakıda təlim-məşq toplanışında olan 20 yaşadək futbolçulardan ibarət Azərbaycan milli komandası hazırlıq çərçivəsində ilk yoldaşlıq oyununu keçirib.Bakı Olimpiya Stadionunun ehtiyat meydançasında Özbəkistanın müvafiq yaş qrupundan ibarət komandası ilə qarşılaşan millimiz 3:2 hesablı qələbə qazanıb.U-20-in hər üç qolunu biri penaltidən olmaqla Camal Cəfərov vurub. Komandalar arasında növbəti oyun iyunun 7-də keçiriləcək.xeber100.com

Dünya Taekvondo Federasiyasının təşkilatçılığı ilə…

İtaliyanın Roma şəhərində taekvondo üzrə Qran-Pri turniri keçirilir.Dünya Taekvondo Federasiyasının təşkilatçılığı ilə keçirilən turnirdə Azərbaycan milli komandasının 5 üzvü iştirak edir.Turnirdə kişilərdən Qaşım Maqomedov (58 kq) və Cavad Ağayev (68 kq), qadınlardan isə Fəridə Əzizova (67 kq) iyunun 3-4-də dayanq üzərinə çıxıb, yarışda mübarizəni erkən dayandırıblar.İyunun 5-də isə kişilərdən Ayxan Tağızadə (80 kq), qadınlardan isə Patimat Abakarova (49 kq) mübarizəyə qoşulacaq.Komandamız qadınların baş məşqçisi Səbuhi Zülfüqarov, böyük məşqçilər Sənan Həşimov və Rəşad Məmmədovun rəhbərliyi ilə turnirdə iştirak edirlər.Qeyd edək ki, Qran-Pri yarışları İtaliyadan sonra il ərzində müvafiq olaraq Fransa, Böyük Britaniya və Çində keçiriləcək.xeber100.com

Həndbol üzrə Azərbaycan birinciliyinə yekun vurulub

Həndbol üzrə yeniyetmələr arasında keçirilən Azərbaycan və Bakı birinciliyinə yekun vurulub.Şağan Olimpiya İdman Kompleksində təşkil edilən yarışda 2006-2008-ci il təvəllüdlü oğlanlar Azərbaycan birinciliyində qüvvələrini sınayblar.Yarışın son günündə keçirilən oyunlarda “Bakı-1”kollektivi “Bakı-2” komandasını 26:8, “Gəncə” isə “Bakı-3” komandasını 26:18 hesabı ilə məğlub edib. Digər görüşlərdə “Bakı-2” komandası “Bakı-3”ə 19:9, “Bakı-1” “Mingəçevir”ə 24:16 hesabı ilə qalib gəlib.Qızların yarışında isə 2 saylı İOEUGİM 6 saylı İOEUGİM-2 komandası üzərində qələbə qazanıb – 14:9.Nəticələrə əsasən, “Bakı-1” komandası 2006-2008-ci il təvəllüdlü oğlanlar arasında həndbol üzrə Azərbaycan birinciliyinin qalibi adını qazanıb. İlk üçlüyü “Bakı-2” və “Gəncə” komandaları qapayıblar.2006-cı il təvəllüdlü və ondan kiçik yaşlı qızlar arasında 28 May –Müstəqillik Gününü həsr olunmuş Bakı birinciliyinin də qalibləri bəlli olub. Şağan Olimpiya Kompleksində keçirilən yarışın qalibi adını 2 saylı İOEUGİM kollektivi qazanıb. II və III yerləri müvafiq olaraq 6 saylı İOEUGİM-1 və 6 saylı İOEUGİM-2 komandaları tutublar.Bağlanış mərasimində qalibləri təbrik edən Azərbaycan Həndbol Federasiyasının İdman Şöbəsinin müdiri İsgəndər Əsgərov onlara qarşıdakı yarışlarda da uğurlar arzulayıb. Federasiyanın baş katibi Yusif Atakişiyev, həmçinin Bakı Şəhər Gənclər və İdman Baş İdarəsinin rəis müavini Rəşad Əliyevin də qatıldığı mükafatlandırma mərasimində idmançılara diplom, medal və hədiyyələr təqdim olunub.xeber100.com

Azərbaycan Cüdo Federasiyası yeni kampaniyaya başlayıb

BMT-nin Baş Assambleyası tərəfindən iyunun 26-sı Narkomaniyaya və Narkobiznesə qarşı Beynəlxalq Mübarizə Günü elan edilib. Bu günün əhəmiyyəti və vacibliyini geniş ictimaiyyətə çatdırmaq üçün Azərbaycan Cüdo Federasiyası (ACF) “İdmanı seç, sağlam qal!” və “Narkotikə yox” şüarları altında kampaniya elan edərək idman ictimaiyyətini səfərbər olmağa çağırır.Federasiyanın mətbuat xidmətindən bildiriblər ki, kampaniyanın əsas məqsədi yeniyetmə və gəncləri sağlam həyat tərzini seçməyə, asudə vaxtlarını daha səmərəli keçirməyə və zərərli vərdişlərdən uzaq olmağa təşviq etməkdir.Azərbaycan cüdo ailəsinin üzvləri narkotikə yox deyərək kampaniyaya qoşulublar. Bununla da cüdo ailəsi sağlam cəmiyyətin qurulmasına sadiq olduğunu nümayiş etdirib. Bu günün önəmini vurğulamaq üçün ACF estafeti Güləş, Gimnastika, Həndbol, Stolüstü Tennis, Ağır Atletika federasiyalarına ötürür.xeber100.com

“Qarabağ” futbol klubu yarımmüdafiəçisi ilə yollarını ayırıb

Ağdamın “Qarabağ” futbol klubu yarımmüdafiəçisi Xayme Romero ilə yollarını ayırıb. Bu barədə Ağdam klubunun mətbuat xidməti məlumat yayıb.İspaniyalı futbolçunun başa çatan müqaviləsinin müddəti uzadılmayıb.Romeroya göstərdiyi xidmətlərinə görə təşəkkür edilib və uğurlar arzulanıb.xeber100.com

Beynəlxalq Velosiped Gününə həsr olunmuş yarış keçirilib

Gənclər və İdman, Təhsil nazirlikləri və Azərbaycan Velosiped Federasiyasının birgə təşkilatçılığı ilə Respublika Velotrekində “Şuşa İli” və Beynəlxalq Velosiped Gününə həsr olunmuş trek velosipedi üzrə yarış keçirilib.“Şuşa sən azadsan” devizi ilə keçirilən yarışda “Təhsil” Respublika İdman Mərkəzinin 7 nömrəli İxtisaslaşdırılmış Olimpiya Ehtiyatları Uşaq Gənclər İdman Məktəbinin 2005-2010-cu il təvəllüdlü oğlan və qız idmançıları iştirak ediblər.Şəxsi xarakter daşıyan yarış Beynəlxalq Velosipedçilər İttifaqının (UCİ) mövcud qaydalarına əsasən təşkil edilib.İdmançılar 200 metr və 2 kilometr məsafəyə fərdi ötüşmədə mübarizə aparıblar.Startdan öncə AVF və “Təhsil” Respublika İdman Mərkəzinin rəhbərliyi çıxış edərək, idmançılara “Şuşa ili” və Beynəlxalq Velosiped Günü haqqında ətraflı məlumat veriblər.İki yüz metr məsafəyə fərdi ötüşmədə oğlanlar arasında Cavid Qəfərli, qızların yarışında isə Ayan Məmmədzadə hamını qabaqlayaraq birinci yerə layiq görülüblər.İki kilometr məsafəyə fərdi ötüşmədə oğlanlar arasında Artyom Proskuryakov, qızlarda isə Xədicə Nabatzadə ən sürətli velosipedçi olublar.Yarışdan sonra mükafatlandırma mərasimi keçirilib.Qaliblərə medal, diplom və qiymətli hədiyyələr təqdim edilib.xeber100.com