OPEC-ə üzv ölkələrin nazirlərinin görüşü dekabrda keçiriləcək

OPEC-ə üzv və qeyri-üzv ölkələrin nazirlərinin növbəti görüşü dekabrda keçiriləcək.Azərtac xəbər verir ki, bu barədə OPEC məlumat yayıb.Bildirilir ki, OPEC-ə üzv və qeyri-OPEC ölkələrin nazirlərinin növbəti görüşü bu il dekabrın 6-da Avstriyanın paytaxtı Vyanada təşkil olunacaq.Qeyd edək ki, dünən Vyanada keçirilmiş “OPEC plus” Nazirlərinin Birgə Monitorinq Komitəsinin 15-ci toplantısında tövsiyə olunmaqla OPEC Nazirlər Şurasının 176-cı iclasında OPEC-ə üzv və qeyri-OPEC ölkələrlə əldə edilən neft istehsalının azaldılmasına dair sazişin müddəti daha 9 ay uzadılması qərarlaşdırılıb. Qərar 2020-ci il martın 31-dək qüvvədə olacaq. Bu gün isə Vyanada “OPEC plus” nazirlərinin 6-cı görüşündə OPEC-ə üzv və qeyri-OPEC ölkələri arasında uzunmüddətli əməkdaşlığa dair Xartiya qəbul olunub, eləcə də neft hasilatının azaldılmasına dair sazişin müddətinin daha 9 ay uzadılması ilə bağlı razılıq əldə edilib.xeber100.com

“Buta Airways” aviaşirkəti reyslərin sayını artırır

“Buta Airways” aviaşirkəti Batumiyə olan reyslərin sayını artırır.Aviaşirkətdən Azərtac-a bildirilib ki, iyulun 17-dən sentyabrın 18-dək Batumi reyslərinin sayı həftədə 3 dəfə olacaq. Əlavə uçuş çərşənbə günü həyata keçiriləcək.Qeyd edək ki, hazırda aviaşirkət tərəfindən uçuşlar həftədə iki dəfə - cümə və bazar günləri yerinə yetirilir.xeber100.com

Azərbaycan-Hindistan işgüzar görüşünün keçirilməsi nəzərdə tutulur

İyulun sonunda Bakıda Azərbaycan-Hindistan işgüzar görüşünün keçirilməsi nəzərdə tutulur.Azərtac xəbər verir ki, bu barədə Azərbaycanda İxracın və İnvestisiyaların Təşviqi Fondunun prezidentinin vəzifəsini icra edən Yusif Abdullayev deyib.Y.Abdullayev qeyd edib ki, bununla əlaqədar olaraq Hindistanın nümayəndə heyəti Bakıya səfər edəcək. Hazırda bu məsələ ilə bağlı danışıqlar aparılır.xeber100.com

Gömrük Əməkdaşlıq Şurasının 133/134-cü sessiyaları başa çatıb

İyunun 29-da Ümumdünya Gömrük Təşkilatının (ÜGT) Brüsseldə keçirilən Gömrük Əməkdaşlıq Şurasının 133/134-cü sessiyaları başa çatıb. Bu barədə Azərtac-a Dövlət Gömrük Komitəsinin Mətbuat və İctimaiyyətlə Əlaqələr İdarəsindən məlumat verilib.Xatırladaq ki, tədbirlərdə Dövlət Gömrük Komitəsinin sədri, gömrük xidməti general-leytenantı Səfər Mehdiyevin rəhbərlik etdiyi nümayəndə heyəti iştirak edib. Nümayəndə heyətində Naxçıvan Muxtar Respublikası Dövlət Gömrük Komitəsinin sədri Səhhət Həbibbəyli, Dövlət Gömrük Komitəsi sədrinin müavini İqbal Babayev, komitənin aidiyyəti qurumlarının nümayəndələri də təmsil olunublar.Sessiyaların sonuncu günündə imzalama və sənədlərin depozitə verilmə mərasimləri baş tutub, Maliyyə Komitəsinin büdcə və maliyyə məsələləri üzrə hesabatı dinlənilib. Həmçinin Potensialın Gücləndirilməsi üzrə direktor, Nəzarət və Asanlaşdırma üzrə direktor, Şura sədrinin müavinləri, Siyasi Komissiyanın və Maliyyə Komitəsinin üzvləri, sədri və sədr müavini, Audit Komitəsinin üzvləri, sədri və sədr müavini, Şura sədri vəzifələrinə seçilmiş namizədlər təsdiqlənib.xeber100.com  

Azeri Light” markalı neftin bir barrelinin qiyməti…

Azərbaycan neftinin qiyməti bahalaşıb.Azərtac xəbər verir ki, “Azeri Light” markalı neftin bir barrelinin qiyməti 0,37 dollar artaraq 67,67 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

I Xəzər İqtisadi Forumu çərçivəsində

Avqustun 12-də Türkmənbaşı şəhərində keçiriləcək I Xəzər İqtisadi Forumu çərçivəsində beynəlxalq innovasiya texnologiyaları sərgisi təşkil ediləcək.Sərgidə region ölkələrinin və onların tərəfdaşlarının elmi-texniki potensialı əyani şəkildə təqdim olunacaq. Azərtac-ın xüsusi müxbiri xəbər verir ki, Türkmənistan Ticarət-Sənaye Palatasının sədri Orazmurat Qurbannəzərovun sözlərinə görə, Xəzər İqtisadi Forumu ilə eyni vaxtda avtomobil sərgisi də təşkil olunacaq.Sərginin ümumi sahəsi 5 min kvadratmetrdən çox olacaq.Forumun proqramı üç hissədən ibarətdir: Beynəlxalq konfrans, Xəzər İnnovasiyalar Texnologiyalar sərgisi və müqavilə hüququ məsələləri – müqavilələrin, sazişlərin və başqa sənədlərin imzalanması.Xəzər İqtisadi Forumu çərçivəsində müxtəlif iqtisadi və ekoloji mövzularda dəyirmi masalar da təşkil olunacaq. Konfrans iştirakçıları iri layihələrin həyata keçirilməsi üçün şərait yaradılması, Xəzəryanı ölkələrdə müxtəlif sahələrin innovasiya baxımından cəlbediciliyi, rəqəmsal iqtisadiyyat sahəsində əməkdaşlıq və bir sıra başqa məsələləri müzakirə edəcəklər.xeber100.com

“Brent” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,42 dollar ucuzlaşaraq 66,07 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,33 dollar azalaraq 59,05 dollar təşkil edib.xeber100.com  

“Aeroflot” aviaşirkəti yanacaq rüsumunun məbləğini artırır

Rusiyanın “Aeroflot” aviaşirkəti iyulun 1-dən yanacaq rüsumunun məbləğini artırır.Azərtac xəbər verir ki, “Aeroflot” şirkəti iyulun 1-dən bir sıra istiqamətlərdə, o cümlədən Azərbaycana uçuşlar üçün yanacaq rüsumunun məbləğini artıracaq.Şirkət daxili istiqamətlərdə uçuşlar üçün yanacaq rüsumunun məbləğini 2465 rubldan 2700 rubladək, Moskvadan Sankt-Peterburqa, habelə Azərbaycan, Belarus, Qazaxıstan, Qırğızıstan, Moldova, Tacikistan, Özbəkistan, Türkmənistan, Ermənistan və Gürcüstana aviareyslər üçün isə 1080 rubldan 1440 rubladək artırır.xeber100.com

AZAL Dehliyə aviareyslər həyata keçirməyə başlayıb

“Azərbaycan Hava Yolları” Qapalı Səhmdar Cəmiyyəti (AZAL) iyunun 25-dən Bakıdan Hindistanın ən böyük şəhərlərindən biri - Dehliyə müntəzəm və çarter reysləri həyata keçirməyə başlayıb.Azərtac xəbər verir ki, AZAL-ın reysləri həftədə 2 dəfə - çərşənbə axşamı və cümə günləri ekonom və biznes sinif konfiqurasiyalı “Boeing-757” təyyarələri ilə həyata keçirilir. Uçuşlar Heydər Əliyev Beynəlxalq Aeroportu Terminal 1-dən yerinə yetirilir.Bu istiqamət üzrə aviabiletləri AZAL-ın kassalarında, rəsmi agentliklərində, şirkətin saytında bronlaşdırmaq və əldə etmək mümkündür.Qeyd edək ki, Dehlini “yeddi imperiyanın paytaxtı” adlandırırlar. Burada Şərqin nadir memarlığı, müxtəlif mədəniyyətlərin birləşməsi, diqqətəlayiq yerlər və unikal hind mətbəxi ahəng yaradır. Dehlinin müasir şəhərətrafı – Nyu Dehlidə müasir və kolonial üslubda binalar, ticarət mərkəzləri, parklar, hər zövqə uyğun əyləncə, teatrlar, möhtəşəm qədim məscidlər və türbələr cəmləşir.xeber100.com

“Ural Airlines” müxtəlif istiqamətlərə uçuşlar təklif edir

Gürcüstana aviareyslər müvəqqəti qadağan olunduğu üçün “Ural Airlines” iyulun 8-dən sonrakı tarixlərə Gürcüstan şəhərlərinə aviabilet alan sərnişinlərə əvvəlcədən planlaşdırılmış tətillərini ləğv etməmək üçün Azərbaycan da daxil olmaqla müxtəlif istiqamətlərə uçuşlar təklif edir.Azərtac xəbər verir ki, bu barədə aviaşirkət məlumat yayıb.xeber100.com