“Azərbaycan Dəmir Yolları” QSC-nin məlumatı

Bakı-Ankara dəmiryolu xətti üzrə nəzərdə tutulan qiymətlər hələ mövcud deyil.Bu barədə Trend-ə "Azərbaycan Dəmir Yolları" QSC-dən məlumat veriblər.Qurumdan bildirilib ki, Türkiyə tərəfinin yaydığı məlumatlar hələ müzakirə mərhələsindədir:"Bu barədə hələlik yekun qərar yoxdur, qeyd olunan rəqəmlər Türkiyə tərəfinin təklifidir. Bu barədə müzakirələr aparılır".Qeyd edək ki, Türkiyə mətbuatının yaydığı məlumatda bildirilir ki, bu ilin avqustundan BTQ-nin davamı olaraq Ankara-Bakı marşrutu üzrə dəmiryolu xətti həyata keçiriləcək. Məlumata əsasən kupelərin tipindən asılı olaraq, qatar biletlərinin qiyməti 96 - 220 AZN arası dəyişəcək:"Qatar 246 sərnişin üçün nəzərdə tutulub. Səfər müddətinin 40 saatdan çox olacağı güman edilir".xeber100.com

Manatın ortaçəkili məzənnəsi 1,7000 səviyyəsində formalaşıb

Mayın 7-də Mərkəzi Bankda Dövlət Neft Fondunun da iştirakı ilə valyuta hərracı keçirilib.Bankdan Azərtac-a verilən məlumata görə, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Əmlak Məsələləri Dövlət Komitəsi tərəfindən hərrac keçirilib

Əmlak Məsələləri Dövlət Komitəsi tərəfindən mayın 7-də növbəti hərrac keçirilib.Komitədən Azərtac-a bildirilib ki, vətəndaş fəallığı ilə keçən hərracda dövlət əmlakları rəqabətli mühit yaradıb. Belə ki, 12 dövlət əmlakı üzrə ümumilikdə 16 sifariş verilib. Onlar arasında kiçik dövlət müəssisəsi, qeyri-yaşayış sahələri və nəqliyyat vasitələri var. Özəlləşdirilən dövlət əmlakları paytaxtla yanaşı, Qazax, Gəncə və Sumqayıt kimi şəhər və rayonlarda yerləşir.Vətəndaşların marağına səbəb olan dövlət əmlaklarından biri paytaxtın Nərimanov rayonu, Ağa Nemətulla küçəsindəki qeyri-yaşayış sahəsidir. Bu dövlət obyektinin ümumi faydalı sahəsi 47,9 kvadratmetrdir. İlkin hərrac qiyməti 35 min manat olan qeyri-yaşayış sahəsinin hərracında 3 sifarişçi iştirak edib. Hərrac prosesində yaranan rəqabət dövlət əmlakının son hərrac qiymətini yüksəldib. Belə ki, qalib iştirakçı xidmət və ya ofis obyekti kimi istifadəyə imkan verən bu obyekti 48 min manat təklif edərək özəlləşdirib. Hərracda özəlləşdirilən digər qeyri-yaşayış sahələrinin isə ümumi faydalı sahəsi 5,8 kvadratmetr ilə 41,9 kvadratmetr arasındadır. Özəlləşdirilən kiçik dövlət müəssisəsi Qazax rayonunun Canalı kəndində yerləşir. Dövlət əmlakının ümumi faydalı sahəsi 86,1 kvadratmetrdir.Budəfəki hərracda buraxılış tarixi 2005-ci il olan nəqliyyat vasitəsi də vətəndaş marağına səbəb olub. Belə ki, ilkin hərrac qiyməti 2 min manat olan “QAZ-31105” markalı avtomobilə 3 nəfər sifariş verib. Hərracda yaranan rəqabətlə avtomobilin son qiyməti 2 dəfədən çox yüksəlib. Hərrac qalibi bu dövlət əmlakını 5 min manata özəlləşdirib.Əmlak Məsələləri Dövlət Komitəsi tərəfindən növbəti hərrac mayın 14-də keçiriləcək. İştirak etmək istəyən şəxslərin hərracda 58 dövlət əmlakı üzrə seçim etmək imkanı var. Dövlət əmlaklarından 15-i səhmdar cəmiyyəti, 31-i kiçik dövlət müəssisə və obyekti, 5-i yarımçıq tikili və qeyri-yaşayış sahəsi, 7-si isə nəqliyyat vasitəsidir. Seçim etmək və hərracda iştirak statusu qazanmaq istəyənlər komitənin rəsmi saytı (emdk.gov.az) və ya Özəlləşdirmə portalına (privatization.az) daxil ola bilər.xeber100.com

OPEC-in qərarı olmadan neft hasilatı artırılmayacaq

İraq Neft İxrac Edən Ölkələr Təşkilatının (OPEC) qərarı olmadan neft hasilatını artırmayacaq.Azərtac xarici KİV-lərə istinadla xəbər verir ki, bu barədə İraqın neft naziri Thamer Ghadhban deyib.“İraq neft istehsalını artırmaq üçün birtərəfli qərar qəbul etməyəcək. OPEC üzrə hasilatın azaldılmasına dair sazişə sadiqik və potensial tədarük çatışmazlığını kompensasiya etmək üçün istehsalın artırılmasına dair birtərəfli qərar verməyəcəyik. Bu saziş neftin qiymətinə dəstək oldu və qlobal neft bazarına inamı bərpa etdi”, - deyə o əlavə edib.Xatırladaq ki, ötən il dekabrın 7-də Vyanada OPEC-ə üzv və qeyri-üzv dövlətlərin nazirlərinin V görüşündə neft hasilatının gündəlik 1,2 milyon barrel azaldılması ilə bağlı razılıq əldə olunub. Yeni qərara əsasən, yanvardan etibarən Azərbaycan gündəlik hasilatın təxminən 20 min barrel azaldılması ilə bağlı öhdəlik götürüb. Sazişin müddəti iyunda başa çatır. OPEC iyunda keçirəcəyi iclasda neft hasilatının azaldılmasına dair sazişin müddətini ilin sonunadək artırmağı nəzərdə tutur.xeber100.com

Dubay-Bakı-Dubay aviareysi ləğv edilib

Mayın 6-da həyata keçirilməli olan Dubay-Bakı-Dubay aviareysi ləğv edilib.Azərtac Heydər Əliyev Beynəlxalq Aeroportunun onlayn tablosuna istinadla xəbər ki, “Flydubai” aviaşirkətinin yerli vaxtla saat 11:00-da “FZ 709” saylı Dubaydan Bakıya uçuşu ləğv olunub. Bu gün Bakıya həyata keçirilməsi nəzərdə tutulan reys ləğv edildiyindən “Flydubai” aviaşirkətinin yerli vaxtla saat 12:10-da Bakıdan Dubaya olan “FZ 710” saylı uçuşu da ləğv olunub. Aviareyslər “Boeing B737-800” təyyarəsi ilə həyata keçirilməli idi.Dubay-Bakı-Dubay aviareysinin hansı səbəbdən təxirə salındığı məlum deyil.xeber100.com

Əmək və Əhalinin Sosial Müdafiəsi Nazirliyinin məlumatı

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Məşğulluq Xidməti tərəfindən cari ildə artıq 1610 nəfər özünüməşğulluq proqramına cəlb edilib.ƏƏSMN-dən Milli.Az-a verilən məlumata görə, onların əksəriyyəti əlilliyi olan şəxslər, sağlamlıq imkanları məhdud uşaqları olan valideynlər, məcburi köçkünlər, şəhid ailəsi üzvləri, ünvanlı sosial yardım alan ailələrin üzvləri və digər həssas qruplardan olanlardır.Proqrama cəlb edilənlər üçün bir aylıq təlimlər keçirilir. Təlimlərdə iştirakçılar biznes fəaliyyətinin təşkili ilə əlaqədar zəruri bilik və bacarıqlara yiyələnirlər. Yekunda iştirakçıların özünüməşğulluq fəaliyyətinə hazırlıq səviyyələrinin, onların hazırladıqları biznes-planların qiymətləndirilməsi həyata keçiriləcək.Biznes-planları uğurlu hesab edilən və özünüməşğulluq fəaliyyətinə hazır olduğu müəyyən edilən iştirakçılar kiçik ailə təsərrüfatlarının formalaşdırılması üçün mal və material formasında aktivlərlə təmin ediləcək.xeber100.com

Mayın 3-də USD/AZN rəsmi məzənnəsi 1,7000 manat təşkil edib

Mayın 6-na manatın məzənnəsi açıqlanıb.Mərkəzi Bankdan Trend-ə verilən məlumata görə, 06.05.2019-cu il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.Qeyd edək ki, 2019-cu il mayın 3-də də USD/AZN rəsmi məzənnəsi 1,7000 manat təşkil edib.xeber100.com

Trans-Adriatik boru kəməri Albaniyanın ərazilərini qət edib

Azərbaycan qazının Avropaya nəqlini nəzərdə tutan Trans-Adriatik boru kəməri (TAP) Albaniyanın dağlıq ərazilərini qət edib.Milli.az bildirir ki, bunu TAP-ın Albaniya üzrə meneceri Malfor Nuri deyib.O bildirib ki, TAP xarici investisiyaların həcmi baxımından Albaniyanın ən iri layihəsidir:"Biz fəxr edirik ki, çətinliklərin öhdəsindən gələrək boru kəmərini dəniz səviyyəsindən 2 min metr yüksəklikdən keçirə bilmişik".Qeyd edək ki, TAP boru kəməri Cənub Qaz Dəhlizinin Avropa hissəsini təşkil edir. 878 km uzunluğa malik bu kəmər Türkiyə-Yunanıstan sərhədində TANAP-a birləşir. Boru kəməri Avropada Yunanıstan, Albaniya və Adriatik dənizinin altından keçərək, İtaliyanın cənubunda bitir. 2020-ci ildə istifadəyə verilməsi planlaşdırılan TAP-ın ilkin ötürücülük qabiliyyəti 10 milyard kubmetr olacaqdır. Gələcəkdə əlavə kompressorlar vasitəsilə bu həcmin 20 milyard kubmetrə çatdırılması gözlənilir.xeber100.com

Manatın ortaçəkili məzənnəsi 1,7000 səviyyəsində formalaşıb

Aprelin 30-da Azərbaycan Mərkəzi Bankında (AMB) Dövlət Neft Fondunun da iştirakı ilə hərrac keçirilib.Bankdan Azərtac-a bildirilib ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Avtomobil yollarında tətbiq edilən məhdudiyyətlər aradan qaldırılıb

Formula 1 Azərbaycan Qran-Prisi ilə əlaqədar avtomobil yollarında tətbiq edilən məhdudiyyətlər aradan qaldırılıb.Bu barədə Azərtac-a Bakı Nəqliyyat Agentliyindən məlumat verilib. Bildirilib ki, hərəkət istiqaməti dəyişdirilən 17 müntəzəm marşrut xətti (1, 2, 4, 5, 6, 18, 31, 37, 46, 53, 61, 65, 77, 88, 125, 205, H1) üzrə avtobusların əvvəlki sxem üzrə fəaliyyət göstərməsi üçün iş aparılır. Proses tədricən həyata keçirilir. Mayın 1-dən isə qeyd edilən xətlər üzrə avtobuslar tam olaraq əvvəlki sxem üzrə sərnişinlərə xidmət edəcək.xeber100.com