V Avropa İttifaqı-Azərbaycan biznes forumu keçiriləcək

Avropa İttifaqının (Aİ) Azərbaycandakı nümayəndəliyi Alman-Azərbaycan Xarici Ticarət Palatası ("AHK Azərbaycan") ilə əməkdaşlıq çərçivəsində iyunun 13-də Bakıda V Avropa İttifaqı-Azərbaycan biznes forumunu keçirəcək."AHK Azərbaycan"dan Azərtac-a bildirilib ki, builki tədbirdə biznes mühiti mövzusu üzrə plenar sessiya və kənd təsərrüfatı, əlaqələndiricilik və turizm sektorları üzrə paralel sessiyaların keçirilməsi nəzərdə tutulur.xeber100.com

“Zenith Energy” şirkəti TSX-V fond birjasının şərti razılığını alıb

Azərbaycanın "Muradxanlı-Cəfərli-Zərdab" yataqlar blokunun işlənilməsi üzrə operator olan Kanadanın "Zenith Energy" şirkəti Kanadada aksiyaların buraxılışı üzrə TSX-V fond birjasının şərti razılığını alıb.Bu barədə Trend şirkətin məlumatına istinadən xəbər verir."Zenith Energy" təsdiq edib ki, sadə aksiyalar 2019-cu il aprelin 5-də lazımi sənədlər verildikdən sonra buraxılıb.Şirkətin məlumatına əsasən, "Zenith Energy" TSX-V-dən yekun təsdiqi gözləyir.Bildirildiyi kimi, "Zenith Energy" bu vəsaitləri Azərbaycanda qazma işlərinə yatırmaq üçün cəlb edir.Qeyd edək ki, SOCAR və Kanada şirkəti arasında "Muradxanlı", "Cəfərli" və "Zərdab" neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında saziş 2016-cı il martın 16-da imzalanıb.xeber100.com

“Moody’s Investors Service” reytinq agentliyinin qərarı…

"Moody's Investors Service" beynəlxalq reytinq agentliyi Azərbaycanın uzunmüddətli emitent reytinqi və təminatsız prioritet öhdəlikləri reytinqini Ba2 stabil proqnoz səviyyəsində saxlayıb.Milli.Az xəbər verir ki, Trend bu barədə agentliyin hesabatına istinadən məlumat verir."Moody's" reytinqin eyni səviyyədə qalmasını davam edən fiskal islahatlar fonunda hökumətin kredit mövqeyinin möhkəmlənməsi və bank sektorunda risklərin azalması ilə izah edir."Moody's" həmçinin "Cənub Qaz Dəhlizi" QSC-nin təminatsız prioritet bondlarının reytinqini "stabil" səviyyədə təsdiqləyib.Agentliyin analitikləri proqnozlaşdırır ki, yeni fiskal qaydaların reallaşdırılması və dövlət borclarının idarə olunması üzrə hökumət strategiyası ölkənin təmiz kredit mövqeyini gücləndirəcək.xeber100.com

“Bakı Metropoliteni” QSC-nin məlumatına görə…

"Bakı Metropoliteni" Qapalı Səhmdar Cəmiyyəti metro qatarlarının təmir müddətini açıqlayıb.Trend-in məlumatına görə, QSC-nin Depolar üzrə İş Departamentinin rəisi Faiq Əhmədov bildirib ki, metro qatarları təmir ediləndən sonra 480 min kilometr hərəkət edir:"Bu prosesdə 30 min kilometr fərq ola bilər. Yəni 480 kilometrdən sonra qatar 30 min kilometr hərəkət edə bilər".F.Əhmədov əlavə edib ki, qatarlar hərəkətdə olduğu müddətdə vaqonların cari təmir olunması qatarın hərəkət müddətini sağlamlaşdırır.xeber100.com

Elektrik enerjisinin verilişində qısamüddətli fasilələr yaranacaq

Aprelin 12-də saat 12:30-dan 16:00-dək 110 kilovoltluq 5-ci Xırdalan hava elektrik veriliş xətti (EVX) və 110/35/6 kilovoltluq 137 saylı yarımstansiyada aparılan yenidənqurma işləri ilə əlaqədar Qaradağ rayonu, Müşfiqabad qəsəbəsinin yaşayış binaları, Yeni Müşfiq massivində həyət evləri, 28 May qəsəbəsi, Müşfiqabad-Sumqayıt yolunun sağ və sol hissələrindəki həyət evlərinə elektrik enerjisinin verilişində qısamüddətli fasilələr yaranacaq.Bu barədə Azərtac-a “Azərişıq” ASC-dən bildirilib.xeber100.com

“Kapital Bank” 2019-cu ilin nəticələrini açıqlayıb

"Kapital Bank"ın aktivləri aprelin 1-nə 3,6 milyard manat təşkil edib. Müştərilərə verilən kreditlərin həcmi isə 1,5 milyard manat olub. Bankda müştəri depozitlərinin həcmi 2,7 milyard manat, əhalinin əmanətlərinin həcmi isə artaraq 1 milyard manat təşkil edib.Bankın hesabat dövrünə tutulmalardan sonra məcmu kapitalı 391,2 milyon manat, adi və imtiyazlı səhmlər isə 225,8 milyon manat olub.Qeyd edək ki, "Kapital Bank" "Moody's" və "Standard & Poor's" beynəlxalq reytinq agentliklərinin reytinqlərinə malikdir. Bu reytinqlər ölkənin bank sektorunda yüksək reytinqlər sırasındadır.Azərbaycanda ən böyük filial şəbəkəsinə malik olan "Kapital Bank" 99 filialı və 13 şöbəsi ilə müştərilərin xidmətindədir.xeber100.com

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,25 dollar ucuzlaşaraq 73,73 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Avtonəqliyyat vasitələrinin hərəkəti məhdudlaşdırılacaq

Təmir-tikinti işləri ilə əlaqədar aprelin 12-dən 13-nə keçən gecədən etibarən aprelin 14-ü axşam saatlarınadək Binəqədi rayonunun Biləcəri qəsəbəsi ərazisindəki Xurşidbanu Natəvan küçəsi ilə avtonəqliyyat vasitələrinin hərəkəti qısa müddətlik məhdudlaşdırılacaq.Azərbaycan Avtomobil Yolları Dövlət Agentliyinin (AAYDA) ictimaiyyətlə əlaqələr şöbəsindən Azərtac-a bildirilib ki, sözügedən küçəyə avtonəqliyyat vasitələrinin daxil olması Yəhyə Hüseynov və Rəşid İsmayılov küçələri ilə kəsişmədən məhdudlaşdırılmaqla alternativ olaraq həmin küçələrə yönəldiləcək.Ərazidə sıxlıq yaranmaması üçün sürücülərdən alternativ yollardan istifadə etmələri xahiş olunur.xeber100.com

“Light” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,28 dollar geriləyərək 71,45 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,31 dollar ucuzlaşaraq 64,30 dollar təşkil edib.xeber100.com  

Azərbaycan, Türkiyə və Pakistan sərgisi açılıb

Aprelin 11-də Bakıda Azərbaycan, Türkiyə və Pakistan sərgisi açılıb.Azərtac xəbər verir ki, Azərbaycanda İxracın və İnvestisiyaların Təşviqi Fondunun (AZPROMO) rəhbəri vəzifəsini icra edən Yusif Abdullayev sərgi barədə danışıb. Bildirib ki, sərgidə üç ölkədən 50-dən çox şirkət iştirak edir. Sərgi tibb, kosmetika, tekstil, təbii dəri, idman geyimləri, qida məhsulları, turizm, inşaat, daşınmaz əmlak, mebel və sair sahələri əhatə edir.Aprelin 13-dək davam edəcək sərgidə 200-dən çox qeydiyyatdan keçmiş nümayəndə heyətinin, 10 min ziyarətçinin iştirakı gözlənilir.xeber100.com