“AzerGold” Qapalı Səhmdar Cəmiyyətinin məlumatı

"AzerGold" Qapalı Səhmdar Cəmiyyəti Azərbaycan istehsalı olan qızıldan və gümüşdən sikkə və külçələrin hazırlanması layihəsinə başlayıb."AzerGold"dan Milli.az-a verilən məlumata görə, külçə və sikkələrin hazırlanması Cəmiyyətin inkişaf strategiyası əsasında icra olunur.Layihə ölkənin qızıl hasilatçısı kimi yerli və beynəlxalq bazarlarda tanıtımı, "Made in Azerbaijan" brendinin təşviqi ilə yanaşı, yerli sahibkarlıq subyektlərinə dəstəyin təmin edilməsi və daxili bazarın inkişaf etdirilməsi məqsədini daşıyır. 999.9 əyarlı külçə və sikkələrin istehsalı və "AzerGold" brendi altında təqdim edilməsi yerli bazarda məhsul çeşidinin artırılması və əlverişli iqtisadi münasibətlərin inkişafına təkan verəcəkdir. Nominal dəyəri olmayan qızıl və gümüş sikkələr, həmçinin qızıl külçələr üç çəkidə olacaq: 5, 10 və 20 qram.İstehsalın ilkin mərhələsində qızıl və gümüş sikkələrin "Heydər Əliyev Mərkəzi", "Qobustan" və Qarabağ xalçasının naxışı "Çələbi" olmaqla üç müxtəlif dizaynda istehsal edilməsi planlaşdırılır. Bütün məhsulların üzərində Azərbaycan qızılı/gümüşü olduğu qeyd olunacaq.xeber100.com

“Azeri LT CIF” markalı xam neftin qiyməti azalıb

Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,19 dollar və yaxud 0,24% azalıb.Milli.az report-a istinadən xəbər verir ki, "Azeri LT CIF" markalı neftin qiyməti 77,96 dollar/barelə bərabər olub.Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.xeber100.com

Beynəlxalq Assosiasiyanın təşkilatçılığı ilə…

Enerji İqtisadiyyatı üzrə Beynəlxalq Assosiasiyanın (IAEE) təşkilatçılığı ilə oktyabrın 18-20-də Bakıda “Xəzər regionunda və Mərkəzi Asiyada enerji sektorunda qlobal hadisələrin nəticələri” mövzusunda III Avrasiya konfransı keçiriləcək.Azərtac IAEE-yə istinadla xəbər verir ki, konfransda Xəzər regionunda ucuz enerji qiymətləri fonunda alternativ və bərpaolunan enerji layihələrinin inkişafı perspektivləri, davamlı inkişaf üçün enerji siyasəti, elektrik enerjisi sahəsində iş birliyi, enerji səmərəliyi və saxlanılma yerləri, həmçinin alternativ və bərpaolunan enerji mənbələri üzrə regional strategiya kimi məsələlərin müzakirəsi nəzərdə tutulur.Konfransda SOCAR, Energetika və İqtisadiyyat nazirliklərinin, “BP Azerbaijan”, Alternativ və Bərpa Olunan Enerji Mənbələri üzrə Dövlət Agentliyi, "Cənub Qaz Dəhlizi" QSC, “SOCAR Polymer” və digər beynəlxalq təşkilatların rəhbər nümayəndələri iştirak edəcək.xeber100.com

“Azərbaycan Xəzər Dəniz Gəmiçiliyi” QSC-nin məlumatı

“Azərbaycan Xəzər Dəniz Gəmiçiliyi” QSC dənizçi peşəsində çalışmaq istəyənlərə xəbərdarlıq edib.QSC-nin mətbuat katibliyindən Azərtac-a bildirilib ki, son zamanlar dənizçilik üzrə fəaliyyət göstərən müxtəlif tədris müəssisələrinin gələcəkdə “Azərbaycan Xəzər Dəniz Gəmiçiliyi”ndə işlə təminat vədləri verməklə bəzi şəxsləri təhsil almağa sövq etməsi ilə bağlı məlumatlar daxil olur.“Belə müəssisələr özlərinin “Azərbaycan Xəzər Dəniz Gəmiçiliyi”nin nəzdində olduqlarını, müəssisəni bitirənlərin birbaşa olaraq QSC-də işə qəbul ediləcəklərini bildirir və bu yolla dənizçi peşəsində işləmək arzusunda olan şəxsləri aldadırlar. “Azərbaycan Xəzər Dəniz Gəmiçiliyi” QSC qeyd edir ki, dənizçilərin (sıravi heyət) işə qəbulu, əsasən yaranmış tələbat daxilində Gəmiçiliyin tabeliyində olan Azərbaycan Dövlət Dəniz Akademiyası və onun nəzdində Azərbaycan Dənizçilik Kollecinin məzunları arasından QSC-nin “İnsan resurslarının idarəedilməsi Qaydaları”na uyğun olaraq müsabiqə yolu ilə aparılır. Əlavə tələbat və təcili zərurət yarandığı, o cümlədən Gəmiçiliyin tabeliyində olan təhsil müəssisələrini bitirmiş müvafiq kadr olmadığı halda, QSC kənar tədris müəssisələrinin məzunlarının müsabiqə yolu ilə işə qəbulu məsələsinə baxır. Azərbaycan Dövlət Dəniz Akademiyası və onun nəzdində Azərbaycan Dənizçilik Kollecindən başqa digər tədris müəssisələrinin Gəmiçiliyə aid olmadığını bütün maraqlı şəxslərin diqqətinə çatdırır və QSC-nin “İnsan resurslarının idarəedilməsi Qaydaları”ndan kənar işə qəbulla bağlı verilən vədlərə inanmamağa çağırırıq”, - deyə məlumatda bildirilir.xeber100.com

Neft Fondunun 2017-ci il üzrə fəaliyyəti haqqında illik hesabatı dərc olunub

Azərbaycan Respublikası Dövlət Neft Fondunun (ARDNF) 2017-ci il üzrə fəaliyyəti haqqında hesabatı, maliyyə fəaliyyəti haqqında hesabatının auditinin nəticələrini özündə əks etdirən illik hesabatı dərc olunub.ARDNF-in ictimaiyyətlə əlaqələr departamentindən Azərtac-a bildirilib ki, fondun 2017-ci il üzrə hesabatının dizaynı Azərbaycan musiqisinə həsr edilib. Hesabatda milli muğam, klassik musiqi və caz ənənələri barədə maraqlı məlumatlar yer alıb, bir sıra görkəmli Azərbaycan xanəndələri, klassik musiqi bəstəkarları və caz ustadlarının yaradıcılıqları işıqlandırılıb.xeber100.com

9 bankın əmlakı satışa çıxarıldı

Əmanətlərin Sığortalanması Fondu Azərbaycanın Xammal və Əmtəə Birjası vasitəsilə ləğv prosesində olan QSC "Bank Standard" KB, "Texnikabank" ASC, "Kredobank" ASC, "Bank of Azərbaycan" ASC, "Qafqaz İnkişaf Bankı" ASC, "Zaminbank" ASC, "Atrabank" ASC, "Royalbank" ASC və "Dəmirbank" ASC-nin balansındakı daşınar və daşınmaz əmlakı 58 lot üzrə satışa çıxarır.Milli.az bildirir ki, Fonddan Qaynarinfo-ya verilən məlumata görə, 32 lot üzrə əmlak birinci dəfə, 3 lot üzrə əmlak ikinci dəfə, 12 lot üzrə üçüncü dəfə, 11 lot üzrə isə dördüncü dəfə hərraca çıxarılır. 3 sentyabr 2018-ci il tarixində keçiriləcək hərracda 8 ədəd bankomat, 2 ədəd generator, 9 ədəd inkassator maşını, 1 ədəd qeyri-yaşayış sahəsi, 1 ədəd minik avtomobili, 6 lot üzrə kompüter və rabitə avadanlığı, 1 lot üzrə mebel və texniki avadanlıq, 1 lot üzrə 60 ədəd pos-terminal, 10 sentyabr 2018-ci il tarixində keçiriləcək hərraca 10 ədəd minik avtomobili, 2 lot üzrə mebel və texniki avadanlıq, iki mənzil, 17 sentyabr 2018-ci il tarixdə keçiriləcək hərraca bir minik avtomobili və bir mənzil, 25 sentyabr 2018-ci il tarixində keçiriləcək hərraca isə 11 ədəd minik avtomobili və iki lot üzrə generatorlar və müvafiq texniki avadanlıq satışa çıxarılır.Hərraclar açıq formada Xammal və Əmtəə Birjasında, Bakı şəh., İ.Hidayətzadə küç., 156 (20A) 1933-cü məh. ünvanında keçiriləcək. Hərraca cıxarılan əmlakın vəziyyəti ilə buradan tanış olmaq olar.xeber100.com

OPEC ölkələri ABŞ-a işləməkdə ittiham edilib

İranın neft naziri Bijan Namdar Zanqane bildirib ki, OPEC-in bəzi üzvləri təşkilatın neft hasilatının həcmi ilə bağlı olan son qərarlarını təhrif edərək, öz hərəkətlərini Vaşinqton ilə əlaqələndirirlər.Milli.Az bildirir ki, bu barədə İranın "Khaneye Mellat" agentliyi məlumat yayıb."Bəzi iştirakçılar OPEC-in neft hasilatı ilə bağlı son qərarlarını özünəməxsus şəkildə şərh edirlər....və ABŞ-ın maraqları çərçivəsində hərəkət edirlər", - deyə agentlik Zanqanenin sözlərini sitat gətirib.O əlavə edib ki, "bu problemi müzakirə etmək üçün OPEC-in iclasını çağırmaq lazımdır".xeber100.com

Mərkəzi Bank valyuta məzənnələrini açıqlayıb

Azərbaycan Mərkəzi Bankı 24 avqust tarixindən etibarən valyuta məzənnələrini açıqlayıb.Mərkəzi Bankdan Milli.Az-a verilən məlumata görə, avqustun 24-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir.Manata nəzərən avronun məzənnəsi 1,9656 manat təşkil edir.1 türk lirəsi 0,2786 manat, 1 rus rublu 0,0250 manat, 100 İran rialı 0,0040 manat, 1 gürcü larisi isə 0,6603 manatdır.xeber100.com

“Rosneft” 2018-ci ilin maliyyə nəticələrini açıqlayıb

Rusiyanın aparıcı neft-qaz şirkəti "Rosneft" 2018-ci ilin I yarısının maliyyə nəticələrini açıqlayıb.Milli.az bildirir ki, şirkət yanvar-iyun aylarında, təxminən, 309 mlrd. rubl və yaxud hazırkı məzənnə ilə, təxminən, 4,6 mlrd. ABŞ dolları mənfəət əldə edib."Rosneft" ötən il qəbul etdiyi qərara uyğun olaraq, mənfəətinin 50%-ni səhmdarlarına dividend kimi ödəyəcək.Xatırladaq ki, neft-qaz nəhənginin nizamnamə kapitalı 105 981 778,17 rubldur. Bu məbləğ hər birinin nominal dəyəri 0,01 rubl olan 10 598 177 817 ədəd səhm əsasında formalaşıb. Şirkət dividend ödənişinə 154,5 mlrd. rubl yönəldəcək ki, bu da hər səhmə 14,58 rubl (0,22 dollar) dividend deməkdir."Rosneft" mənfəətinin məbləğini və dividendlə bağlı qərarını açıqladıqdan sonra fond birjalarında onun səhmləri 1,6% bahalaşıb.xeber100.com

Dövlət Statistika Komitəsinin məlumatı əsasında…

Ötən ilin müvafiq dövrü ilə müqayisədə cari ilin yanvar-iyul aylarında diri çəkidə ət istehsalı 3 faiz artaraq 280,8 min ton olub.Dövlət Statistika Komitəsindən Azərtac-a bildirilib ki, hesabat dövründə süd istehsalı 1,2 faiz artaraq 1 milyon 199,4 min ton, yumurta istehsalı 0,7 faiz artaraq 1 milyon 22,4 milyon ədəd, yun istehsalı isə 1,4 faiz azalaraq 14,7 min ton təşkil edib.xeber100.com