“Brent” markalı neftin qiyməti azalıb

Dünya birjalarında neftin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 1,43 dollar ucuzlaşaraq 79,89 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,35 dollar azalaraq 79,45 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,28 dollar ucuzlaşaraq 71,56 dollar təşkil edib.xeber100.com

ABŞ-ın Enerji İnformasiya Administrasiyasının məlumatı

ABŞ-ın gündəlik neft istehsalı 10,72 milyon barreli keçib.Azərtac xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir.Bildirilir ki, ötən hesabat həftəsində ABŞ-ın xam neft hasilatı əvvəlki həftəyə nisbətdə gündəlik orta hesabla 2 min barrel artaraq 10 milyon 725 min barrelə çatıb. Bu, ölkə tarixində neft hasilatının ən yüksək göstəricisidir. Ölkədə neft istehsalı sonuncu dəfə 1970-ci ilin noyabrında maksimum – gündəlik orta hesabla 10,04 milyon barrel təşkil edib.Bundan başqa, ABŞ-ın gündəlik neft hasilatı son 19 həftənin 18-də artım göstərib.Ötən həftə ABŞ-ın neft idxalı əvvəlki həftəyə görə gündəlik 558 min barrel artaraq 8,16 milyon barrel təşkil edib. Ölkənin xam neft ixracı isə əvvəlki həftə ilə müqayisədə gündəlik 818 min barrel azalaraq 1,75 milyon barrel olub.Beynəlxalq Enerji Agentliyinin proqnozuna görə, tezliklə ABŞ dünyanın ən böyük xam neft istehsalçı ola bilər.EIA-nın may ayı üzrə proqnozuna görə isə, ABŞ-ın xam neft istehsalı bu il sutkalıq orta hesabla 10,7 milyon barrel, gələn il isə 11,9 milyon barrel olacaq. Bununla da ABŞ-ın dünyanın ən böyük neft hasilatçısı olan Rusiyanı geridə qoyacağı gözlənilir.xeber100.com

“Tarom” aviaşirkəti Buxarestdən Bakıya birbaşa uçuşlar həyata keçirəcək

Rumıniya “Tarom” aviaşirkəti paytaxt Buxarestdən Bakıya birbaşa uçuşlar həyata keçirmək niyyətindədir.Azərtac xəbər verir ki, bu barədə aviaşirkətin yaydığı məlumatda deyilir.Bildirilib ki, Bakıya olan uçuşların “Airbus A318” təyyarələri ilə həyata keçirilməsi planlaşdırılır. Aviaşirkət Bakı ilə yanaşı Ukraynanın Odessa şəhərinə və Gürcüstanın paytaxtı Tbilisiyə də uçuşlar etmək niyyətində olduğunu bildirib. Aviareyslərin bu ilin sonuna qədər açılması gözlənilir və hazırda bu istiqamətdə danışıqlar aparılır.xeber100.com

Dünya Turizm Təşkilatının 108-ci sessiyası işə başlayıb

İspaniyanın San-Sebastian şəhərində Dünya Turizm Təşkilatının (DTT) 108-ci sessiyası öz işinə başlayıb.Tədbirin açılış mərasimində DTT-nin baş katibi Zurab Pololikaşvili, İspaniyanın enerji, turizm və rəqəmsal texnologiya naziri Alvaro Nadal, İspaniyanın turizm üzrə dövlət katibi Matilde Pastora Asian və təşkilatın İcraiyyə Şurasının hazırkı sədri, Argentinanın turizm naziri Gustavo Santos çıxış ediblər.Bir sıra üzv dövlətlərin nazirlərinin, İcraiyyə Şurasının üzv ölkələrinin, İspaniya və Bask hökumətinin nümayəndələrinin iştirakı ilə keçirilən tədbirdə ölkəmizi Azərbaycan Respublikasının İspaniya Krallığındakı səfiri, DTT yanında daimi nümayəndəsi Anar Məhərrəmovun rəhbərlik etdiyi nümayəndə heyəti təmsil edir.Sessiyada turizmin müxtəlif istiqamətləri müzakirə olunacaq, təşkilatın proqram və büdcə komitələrinin müvafiq hesabatları dinləniləcək. Həmçinin DTT-nin yeni strategiya və prioritetlərinin təqdimatı olacaq, İcraiyyə Şurasının növbəti sessiyalarının keçiriləcəyi yerin müəyyən edilməsi kimi məsələlərə baxılacaq.Sessiya gündəliyə uyğun olaraq işini davam etdirir.xeber100.com

Trans-Anadolu qaz kəməri layihəsində

Biz Trans-Anadolu qaz kəməri layihəsində Türkmənistanın iştirak edəcəyinə böyük ümid bəsləyirik.Azərtac xəbər verir ki, bunu Türkiyənin Türkmənistandakı səfiri Mustafa Kapucu Avazada IX Türkmənistan Beynəlxalq Qaz Konqresinin (TGC-2018) qeyri-rəsmi görüşləri zamanı “МЕДИА-ТУРКМЕН ORIENT”ə müsahibəsində söyləyib.Səfir deyib: “TANAP layihəsi Avropanın enerji təhlükəsizliyinin möhkəmlənməsi üçün çox əhəmiyyətlidir və ərazisindən bu qaz kəməri çəkiləcək bütün ölkələr əsas tərkib hissələrindən biri TANAP olan “Cənub Qaz Dəhlizi” layihəsində Türkmənistanın iştirakında maraqlıdırlar. Türkmənistandan Azərbaycana Xəzər dənizinin dibi ilə boru kəməri çəkmək və Türkmənistan qazını TANAP vasitəsilə Avropaya göndərmək imkanı layihənin səmərəliliyini artıracaq”.Təbii qaz təchizatının şaxələndirilməsi strategiyasını həyata keçirən Türkmənistan üçün qaz ixracında Avropa istiqaməti öz aktuallığını itirməyib. Dövlət naziri, “Türkmənqaz” Dövlət Konserninin sədri Mırat Arçayev qaz konqresində bildirib ki, Trans-Anadolu qaz kəməri layihəsi gündəmdən çıxarılmayıb.xeber100.com

Dövlət Gömrük Komitəsinin məlumatına görə…

Tovuz Gömrük İdarəsinin əməkdaşları aksiz markasız araqların realizə edilməsinin qarşısını alıblar.Dövlət Gömrük Komitəsindən “Apa-Economics”ə verilən məlumata görə, idarənin Gömrük hüquqpozmalarına qarşı mübarizə şöbəsinə daxil olan əməliyyat məlumatı əsasında, Bakı şəhəri istiqamətində hərəkət edən "Setra S215HD" markalı sərnişin avtobusu Tovuz rayonunun avtovağzal ərazisində saxlanılıb. Avtobusun yük yerinə baxış zamanı oradakı üç karton qutuda Azərbaycanın aksiz markasıyla markalanmayan araqların olduğu müəyyən edilib.Daha sonra avtobusa Tovuz Gömrük İdarəsinin inzibatı binasının həyətində təkrar baxış keçirilib. Nəticədə, karton qutularda "Nemiroff" adlı 1 litrlik ölçüdə 48 ədəd araq aşkar olunub.xeber100.com  

Nəqliyyatın hərəkəti məhdudlaşdırılacaq

Yasamal rayonu, “Bakı Dairəvi-1” avtomobil yolunun Yeni Yasamal sahəsinə keçən hissəsində, həmçinin Qaradağ rayonu, Lökbatan-Qobu avtomobil yolunda üfüqi nişanlanma xətlərinin yenidən rənglənməsi və yenilərinin çəkilişi işləri aparılır.Azərbaycan Avtomobil Yolları Dövlət Agentliyindən “Apa-Economics”ə verilən məlumata görə, bu məqsədlə, sözügedən yollar boyu bu gün saat 11:00-dan axşam saatlarınadək nəqliyyat vasitələrinin hərəkəti hissə-hissə məhdudlaşdırılacaq.Sürücülərdən sözügedən avtomobil yolları ilə hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.xeber100.com

“AzeriLight” markalı neftin 1 barelinin dəyəri…

Azərbaycan nefti bahalaşıb."Apa-Economics" xəbər verir ki, "AzeriLight" markalı neftin 1 barelinin dəyəri 1,42 dollar və ya 1,78 artaraq 81,32 dollar təşkil edib.xeber100.com

Azərbaycan-Qazaxıstan işgüzar görüşü keçirilir

Mayın 23-də Bakıda Azərbaycan-Qazaxıstan işgüzar görüşü keçirilir.Azərtac xəbər verir ki, tədbirdə çıxış edən Azərbaycanda İnvestisiyanın və İxracın Təşviqi Fondunun (AZPROMO) rəhbəri Rüfət Məmmədov qardaş və dost Qazaxıstanla olan iqtisadi əməkdaşlıqdan, ticarət dövriyyəsindən bəhs edib.Onun sözlərinə görə, Azərbaycanın Qazaxıstanla iqtisadi-ticari əlaqələri, yatırılan investisiyalar ilbəil artmaqdadır. Belə ki, Aktau şəhərində Azərbaycanın böyük logistik mərkəzi yaradılıb. Həmçinin Qazaxıstanda 80-dən çox Azərbaycan kapitalı ilə işləyən şirkət fəaliyyət göstərir. Ölkəmizdə isə Qazaxıstanın 73 şirkəti çalışır.R.Məmmədov qeyd edib ki, bu rəqəmlər əslində ölkələrimizin mövcud potensialını əks etdirmir və ticarət dövriyyəsini artırmaq üçün hər iki respublikanın güclü potensialı var.xeber100.com

Təbii qaz təchizatında məhdudiyyətlər olacaq

Bakının Nərimanov rayonunun təbii qaz təchizatında məhdudiyyətlər olacaq.“Azəriqaz” İstehsalat Birliyindən Azərtac-a bildirilib ki, Ziya Bünyadov prospektində diametri 530 millimetrlik qaz xəttində aşkar olunmuş qaz sızmalarının ləğvi və Təbriz küçəsində diametri 315 millimetrlik yeni çəkilmiş polietilen qaz xəttinin mövcud şəbəkəyə qoşulması ilə əlaqədar mayın 23-də saat 09:00-dan təmir işləri tamamlananadək Nərimanov rayonunun bir hissəsinə təbii qazın verilişində fasilələr yaranacaq.Görülən işlərin Binəqədi rayonunun Dərnəgül qəsəbəsi, 31/26-cı məhəllə, eləcə də, 7-ci və 8-ci mikrorayonların bir hissəsinin qaz təchizatına təsir göstərməsi mümkündür.Aparılan təmir işləri gün ərzində yekunlaşdırılaraq təbii qazın verilişi təmin ediləcək. Yaranacaq məhdudiyyətlə bağlı “Azəriqaz” İstehsalat Birliyi bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.xeber100.com