Növbəti Bakı Şopinq Festivalına start verilib

Bu gündən etibarən ölkəmizdə üçüncü Bakı Şopinq Festivalına start verilib.Azərtac xəbər verir ki, növbəti ticarət festivalı mayın 31-dək davam edəcək. Budəfəki festivala Bakıda yerləşən 800-dək mağaza qatılacaq. Alıcılar bu mağazalardan yüksək keyfiyyətli geyim, elektronika, məişət texnikası, mebel, ətriyyat və kosmetika, eləcə də digər məhsulları yalnız Bakı Şopinq Festivalı günlərində mövcud olan xüsusi kampaniya və endirimlərlə əldə edə biləcək. Payız festivalında olduğu kimi, bu dəfə də supermarketlər festivala qoşulacaq.Festival zamanı həm yerli, həm də xarici vətəndaşlar endirimlərdən faydalanmaqdan əlavə, “Tax- Free” nişanı olan mağazalardan etdikləri hər 100 AZN-dən çox alış-veriş zamanı Əlavə Dəyər Vergisinin (ƏDV) müəyyən qismini geri ala biləcəklər. Həmin məbləği nağd və bank hesabına - karta köçürmə yolu ilə əldə etmək mümkündür.Bütün bunlarla yanaşı, festival zamanı dəyərli hədiyyələrin oynanıldığı lotereya, həftəsonu əyləncəli oyunlar, moda nümayişləri və digər müxtəlif tədbirlərin təşkili də nəzərdə tutulur.Hər zaman olduğu kimi, yerli əhali və turistlər bu festivalda iştirak etməklə rəngarəng və əlverişli fürsətlər qazanacaqlar. Xatırladaq ki, ƏDV qaytarılması yalnız “Tax- Free” nişanı olan mağazalarda mümkündür.Bakı şəhərində yerləşən istənilən mağaza, restoran və kafe Bakı Şopinq Festivalının iştirakçısı ola bilər.xeber100.com

Neft Fondunun iştirakı ilə hərrac keçirilib

Mayın 1-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Xəzər dənizində neft şirkəti yaradılacaq

Azərbaycan ilə İran Xəzər dənizində kəşfiyyat və hasilat işlərini həyata keçirəcək birgə neft şirkəti yaradacaqlar.Bu sözləri İranın neft nazirinin müavini Əmir Hüseyn Zamani yerli mətbuata açıqlamasında deyib.Onu sözlərinə görə birgə şirkətin yaradılması cari il martın 28-də İran Prezidenti Həsən Ruhaninin Azərbaycana rəsmi səfəri zamanı tərəflər arasında razılaşdırılıb. Hazırda İran tərəfi lazımi işləri həyata keçirərək yeni birgə şirkətin qurulmasının hüquqi əsasını hazırlayır. Birgə şirkət hər iki tərəfə iqtisadi səmərə gətirəcək.xeber100.com

Nyu-Yorkun NYMEX birjasında neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,36 dollar ucuzlaşaraq 74,28 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,25 dollar azalaraq 67,85 dollar təşkil edib.xeber100.com

Bakı-Tivat reyslərinə aviabiletlər satışa buraxılıb

Aprelin 30-dan etibarən Azərbaycanın milli aviadaşıyıcısının saytında Monteneqronun məşhur kurortu Tivata həyata keçirilən reyslərə aviabilet əldə etmək olar.“Azərbaycan Hava Yolları” QSC-nin (AZAL) mətbuat xidmətindən Azərtac-a bildirilib ki, AZAL aviaşirkəti tərəfindən “Pasha Travel” şirkəti ilə çarter proqramı çərçivəsində həyata keçirilən birbaşa aviareyslər yay uçuş qrafiki üzrə iyulun 5-dən sentyabrın 15-dək həyata keçiriləcək.Reyslər komfortlu “Airbus A320” laynerləri ilə yerinə yetiriləcək.Tivat — Monteneqronun Vrmas yarımadasında Kotor körfəzinin sahilində yerləşən müasir kurort şəhəridir. Mülayim iqlimi, gözəl çimərlikləri və rahat yerləşməsi hər il çoxlu turist cəlb edir. Tivatda infrastruktur yaxşı inkişaf edib, yerli limanının saysız-hesabsız balıq restoranları və kafeləri bütün dünyadan qurmanların zövqüncə olacaq. Şəhər parkı nadir bitkilərlə zəngindir.xeber100.com  

Avtomobil Yolları Dövlət Agentliyinin məlumatı

Bakı şəhərində avtonəqliyyat vasitələrinin təhlükəsiz hərəkətinin tənzimlənməsi məqsədilə, Xətai rayonu Yusif Səfərov küçəsində üfüqi nişanlanma xətlərinin rənglənməsi ilə əlaqədar aprelin 30-da həmin ərazidə axşam saat 22:00-dan etibarən hərəkət tam və ya qismən məhdudlaşdırılacaq.Bu barədə Azərtac-a Azərbaycan Avtomobil Yolları Dövlət Agentliyinin mətbuat xidmətindən bildirilib.Sürücülər alternativ olaraq Xocalı prospekti və Nəcəfqulu Rəfiyev küçələrindən istifadə edə bilərlər. Məhdudlaşma səhər saatlarınadək qüvvədə olacaq.xeber100.com

“SDL Nobel” şirkəti yeni müqavilə imzalayıb

“SDL Nobel” BP şirkəti ilə yeni 3 illik müqavilə imzalayıb.“SDL Nobel” şirkətindən Azərtac-a bildirilib ki, bu müqavilə çərçivəsində “SDL Nobel”, BP şirkətinin Azərbaycanda quruda və dənizdə yerləşən qurğuları üçün metal konstruksiyaların istehsalı və quraşdırma xidmətlərini göstərəcək.Yerli şirkət olaraq “SDL Nobel” öz sahəsində ən yüksək xidmətləri göstərmək və regionda iri beynəlxalq və yerli müştərilərin tələblərinə cavab vermək məqsədilə 2016-cı ildə yaradılıb.“SDL Nobel” özünün birgə sahibləri olan “Nobel Oil Services” (UK) Limited və “SDL Denholm Limited” şirkətlərinin qabaqcıl yerli və beynəlxalq təcrübəsindən yararlanır.“2004-cü ildən etibarən “SDL Denholm Limited” şirkətinin BP şirkəti ilə oxşar müqaviləsi olub və biz əminik ki, onun törəmə müəssisəsi “SDL Nobel” əvvəlki nümunəyə uyğun olaraq mövcud fəaliyyətlərin və iş həcmlərinin uğurla həyata keçirilməsini davam etdirəcək”, - deyə “SDL Nobel” şirkətinin baş direktoru Piter Uoddel qeyd edib.“SDL Nobel” neft-qaz sənayesində quruda və dənizdə metal konstruksiyaların istehsalı sahəsində ixtisaslaşmış şirkətdir. Onun xidmətlər dairəsinə metal konstruksiya, texniki avadanlıqlar və obyektlərin quraşdırılması, istehsal edilmiş materialların təftişi, istehsal edilmiş materialların təzyiq altında sınağı və digər xidmətlər daxildir.xeber100.com

Azercell Telekom təqdim edir

Artıq üçüncü ildir ki, ölkəmizdə möhtəşəm "Formula-1" yarışları keçirilir. Uzun illər ərzində ölkənin bütün ərazilərini yüksək keyfiyyətli xidmət və kəsintisiz rabitə ilə təmin edən Azərbaycan rabitə bazarının lider mobil operatoru Azercell Telekom da bu cür irimiqyaslı tədbirə öz töhfəsini verməkdə davamçıdır.Bu il də Azercell Telekom Forumula 1 oyunlarının keçiriləcəyi stadionlar və digər əlaqədar ərazilərdə bütün müştəriləri üçün mobil rabitə sistemini ən yüksək keyfiyyətdə təqdim edir. Belə ki, şirkət tərəfindən Formula 1 tədbirlərinin keçirildiyi ərazilərdə 42-2G, 36-3G və 18 4G radio baza stansiyalarında gücləndirmə və tutum artırılması işləri həyata keçirilib. Bundan əlavə, 21 baza stansiyada 4-cü, 6 stansiyada 3-cü və 4-cü və daha 2 stansiyada 3-cü daşıyıcı tezlik əlavə edilib. Şirkət Crystal Hall və Formula1 ərazisində daha 3 baza stansiya quraşdırmış, Crystal Hall üçün transmissiya tutumunu 1Gbps -dən 2Gbps-ə qədər artırıb. Ümumllikdə Crystal Hall-da 2G, 3G və 4G şəbəkəsi üzərində çalışan 8 stansiya hər kəsə yüksək sürətli rabitədən yararlanmağa imkan verir. Azercell və onun tərəfdaşları Ericsson və Huawei şirkətinin peşəkar mühəndisləri tərəfindən əhəmiyyətli şəbəkə gücləndirməsi işləri görülüb. Onu da qeyd edək ki, Azercell Formula 1 ərazisinin şəbəkə monitorinqi üçün xüsusi olaraq nəzarət xəritəsi də hazırlayıb.Ölkədə 4G xidmətini ilk dəfə abunəçilərinə təqdim edən və ölkədə ən böyük LTE şəbəkəsinə sahib olan Azercell Şirkət ölkəmizdə keçirilən beynəlxalq yarışlarda hər zaman göstərdiyi yüksək keyfiyyətli xidmət ilə seçilib və bu istiqamətdə fəaliyyətini davam etdirəcək.xeber100.com

Brent markalı neftin dəyəri azalıb

Dünya birjalarında neft ucuzlaşıb."Apa-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,22 dollar və ya 0,32% azalaraq 67,97 dollar təşkil edib.ICE London qitələrarası birjasında Brent markalı neftin 1 barelinin dəyəri isə 0,10 dollar və ya 0,13% azalaraq 74,64 dollar təşkil edib.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 0,95 dollar bahalaşaraq 75,71 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,25 dollar ucuzlaşaraq 74,49 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,20 dollar azalaraq 67,99 dollar təşkil edib.xeber100.com