“Trans-Adriatik” qaz boru kəmərinin 80 faizi tamamlanıb

Azərbaycan təbii qazını Avropaya daşıyacaq “Trans-Adriatik” (TAP) qaz boru kəmərinin Yunanıstan və Albaniya marşrutunun 80 faizi tamamlanıb.Azərtac xəbər verir ki, bu barədə boru kəmərinin operatoru olan TAP AG şirkəti məlumat yayıb. Bildirilir ki, boru kəmərinin 765 kilometrlik Yunanıstan və Albaniya hissəsinin 610 kilometrində borular torpağa basdırılıb.Xatırladaq ki, bu il Avropa İnvestisiya Bankının İdarə Heyəti Yunanıstan, Albaniya və Adriatik dənizindən keçərək İtaliyanın təbii qaz şəbəkəsinə qoşulmaq üçün Cənubi İtaliya sahillərinə çıxan TAP boru kəməri üçün 1,5 milyard avro məbləğində maliyyələşdirməni təsdiqləyib. Bank bildirir ki, layihə Cənub Qaz Dəhlizinin bir hissəsidir və Avropa İttifaqının enerji siyasəti çərçivəsində strateji cəhətdən əhəmiyyətli bir komponent kimi, Avropa Şurası, Avropa Komissiyası və Avropa Parlamenti tərəfindən müəyyən edilən təşəbbüsdür.Avropa Yenidənqurma və İnkişaf Bankı (EBRD) da TAP üçün 1,2 milyard avroya qədər kredit ayırmağı planlaşdırır. Bu məbləğın 500 milyon avrosu EBRD tərəfindən birbaşa kreditlə, 700 milyon avrosu isə sindikatlaşdırılmış kredit formasında olacaq. Kreditin ayrılması barədə qərarın cari ilin ortalarına qədər qəbul ediləcəyi gözlənilir.Qeyd edək ki, TAP qaz boru kəməri layihəsi üzrə işlərin - mühəndis, təchizat və tikinti işləri də daxil olmaqla ümumilikdə təxminən 70 faizi yekunlaşıb.Boru kəmərinin Adriatik dənizindən keçəcək 105 kilometrlik hissəsinin tikintisini həyata keçirən İtaliyanın “Saipem S.p.A” şirkəti hazırda mikrotunel sahələrində çalışır. Burada müvəqqəti yol və sahə hazırlığı tamamlanıb. TAP-ın podratçısı hazırda mikrotunelin tikintisini həyata keçirmək üçün çuxurun qazılması işlərini görür. TAP-ın keçdiyi 3 ölkədə işçilər 65 milyon kilometr yol qət edib və 23 milyon nəfər-saat iş görülüb. Layihə qrafikə uyğun icra edilir və TAP 2020-ci ilədək Azərbaycanın “Şahdəniz” yatağından ilk qazı almağa hazır olacaq.xeber100.com

AZAL yay uçuş cədvəli çərçivəsində

“Azərbaycan Hava Yolları” (AZAL) yay uçuş cədvəli çərçivəsində marşrut şəbəkəsində üç yeni istiqamətə - Səudiyyə Ərəbistanının Dammam və Ər-Riyad şəhərləri (iyunun 15-dən sentyabrın 1-dək), eləcə də Monteneqronun populyar kurortu olan Tivata (iyulun 5-dən sentyabrın 15-dək) birbaşa reyslər yerinə yetirəcək.“Azərbaycan Hava Yolları” QSC-nin mətbuat xidmətindən Azərtac-a bildirilib ki, reyslər komfortlu “Airbus A320” laynerləri ilə yerinə yetiriləcək.Aviabiletin qiymətinə baqajın pulsuz daşınması (23 kiloqrama kimi) və soyuq və isti yeməklərin tam çeşidi daxildir.xeber100.com

“Bakı Metropoliteni” QSC-nin məlumatı

Təmir işləri ilə əlaqədar “Koroğlu” stansiyasının “piramida” adlandırılan giriş-çıxışı aprel ayının 21-dən müvəqqəti olaraq bağlanılır.Azərtac xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.O bildirib ki, stansiyanın digər bütün giriş-çıxışları (“Alov” parkı, Nəqliyyat Mübadilə Mərkəzi, Milli Gimnastika Arenası, avtomobil dayanacağı, şəhərətrafı kənd və qəsəbələrə hərəkət edən elektrik qatarları istiqamətində) açıq olacaq.“Bakı Metropoliteni” QSC yaranmış narahatlığa görə sərnişinlərdən üzr istəyir.xeber100.com

“Brent” markalı xam neftin bir barrelinin qiyməti…

“Brent”in qiyməti 41 aydan sonra ilk dəfə 74 dollar/barreli ötüb.Azərtac xəbər verir ki, “Brent” markalı xam neftin bir barrelinin qiyməti 2014-cü il noyabrın 27-dən indiyədək ilk dəfə 74 dolları ötüb. “Light” markalı xam neftin bir barrelinin qiyməti isə 69 dolları keçib.Hazırda “Brent” neftinin bir barreli Londonun ICE birjasında 74,36 dollara, “Light”ın bir barreli isə Nyu-Yorkun NYMEX birjasında 69,22 dollara alıcı axtarır.xeber100.com

“Expo Batumi Travel” turizm sərgisi açılacaq

Mayın 11-13-də Batumidə XI Beynəlxalq “Expo Batumi Travel” turizm sərgisi açılacaq.Gürcüstan mətbuatı xəbər verir ki, “Geonet Express” şirkətinin təşkilatçılığı ilə keçiriləcək sərgidə Azərbaycan, Almaniya, Türkiyə, Rusiya, Ukrayna və digər ölkələrin turizm şirkətləri təmsil olunacaq. İştirakçılar Türkiyə, Azərbaycan, Rusiya, Ukrayna, Ermənistan, Litva, Polşa, Belarus, Almaniya və digər ölkələrin məhsulları və şirkətlərinin fəaliyyəti ilə tanış olmaq imkanı əldə edəcəklər.Sərgi çərçivəsində, həmçinin reklam və informasiya turları olacaq, təqdimatlar və jurnalistlərlə görüşlər keçiriləcək.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 0,20 dollar ucuzlaşaraq 73,06 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,59 dollar bahalaşaraq 72,17 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,58 dollar artaraq 67,10 dollar təşkil edib.xeber100.com

Azərbaycan-İsveçrə biznes forumu keçiriləcək

İsveçrənin İqtisadi Məsələlər, Təhsil və Tədqiqatlar üzrə Federal Departamentinin rəhbəri, nazir Yohan Şnayder-Amman iyulda Azərbaycana səfər edəcək.Azərtac xəbər verir ki, bu barədə İqtisadiyyat Nazirliyindən məlumat verilib.Səfər çərçivəsində Azərbaycan-İsveçrə biznes forumunun keçirilməsi, Sumqayıt Kimya Sənaye Parkı və Balaxanı Sənaye Parkı ilə tanışlıq məqsədilə həmin sənaye parklarında təqdimatların təşkili nəzərdə tutulur.Qeyd edək ki, hazırda Azərbaycanda İsveçrə kapitallı 71 şirkət fəaliyyət göstərir. Azərbaycandan İsveçrəyə 1,2 milyard ABŞ dolları məbləğində investisiya yatırılıb. 2017-ci ildə ölkələrimiz arasında ticarət dövriyyəsi 240 milyon dollar təşkil edib ki, bu da 40 faizdən çox artım deməkdir.xeber100.com

“Made in Azerbaijan” brendinin təşviqi mexanizmləri ilə bağlı…

Aprelin 17-də AZPROMO-nun təşkilatçılığı ilə İxracatçılar Klubunun növbəti iclası və "Made in Azerbaijan" brendinin təşviqi mexanizmləri ilə bağlı seminar keçirilib. Tədbirdə 100-ə yaxın sahibkar iştirak edib.Azərtac xəbər verir ki, AZPROMO-nun vitse-prezidenti Yusif Abdullayev İxracatçılar Klubunun Azərbaycan məhsullarının xarici bazarlara ixrac edilməsində istehsalçılara dəstək göstərmək və ixracatçılar arasında daimi ünsiyyət platformasını formalaşdırmaq məqsədilə yaradıldığını qeyd edib, sahibkarlara göstərilən dəstək mexanizmləri barədə məlumat verib. Vurğulanıb ki, rəqabətqabiliyyətli məhsul istehsalı, ixracın diversifikasiyası, qeyri-neft məhsullarının ixracının genişləndirilməsi qarşıya qoyulmuş prioritet vəzifələrdəndir. Bu məqsədlə ölkəmizdə qeyri-neft sektorunun ixrac imkanlarının genişləndirilməsi, biznes mühitinin daha da yaxşılaşdırılması istiqamətində ardıcıl və sistemli tədbirlər həyata keçirilir."Made in Azerbaijan" brendinin təşviqinin istehsalın artırılması, ixracın coğrafiyasının və həcminin genişləndirilməsində əsas mexanizmlərdən olduğunu qeyd edən Yusif Abdullayev bu istiqamətində 2017-ci ildə görülmüş işlər və 2018-ci ildə reallaşdırılacaq tədbirləri diqqətə çatdırıb.Tədbirdə sahibkarların sorğusu əsasında xarici ölkələrdə müxtəlif məhsullar üzrə aparılmış bazar araşdırmalarının nəticələri sahibkarlara təqdim edilib.Seminarda "Made in Azerbaijan" brendinin təşviqi mexanizmləri ilə bağlı yeni qaydaların üstünlükləri diqqətə çatdırılıb, bu barədə AZPROMO-nun İxracın Təşviqi Departamentinin direktoru Fuad Cəfərovun təqdimatı dinlənilib.Sonda sahibkarları maraqlandıran suallar cavablandırılıb.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 1,21 dollar ucuzlaşaraq 73,26 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,10 dollar bahalaşaraq 71,52 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,9 dollar artaraq 66,31 dollar təşkil edib.xeber100.com

Bakı Fond Birjasında hərrac keçiriləcək

Aprelin 18-də Bakı Fond Birjasında (BFB) Azərbaycan Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, hərraca çıxarılan notların həcmi 250 milyon manat, bir notun nominal dəyəri 100 manat, tədavül müddəti 28 gündür. Notlar mayın 16-da ödəniləcək.Hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) artıq olmamalıdır.Hərrac zamanı notların buraxılışının 20 faizdən artıq olmamaq şərtilə qeyri-rəqabətli sifarişlərin qəbul edilməsinə icazə verilir. Mərkəzi Bankın qısamüddətli notlarının alıcıları yalnız lisenziya əsasında fəaliyyət göstərən yerli banklar ola bilər.xeber100.com