“Rabitəbank” Lombard Plus kredit kampaniyasına start verib

"Rabitəbank" yeni Lombard Plus kreditini təqdim edir.Bankdan Azərtac-a bildiriblər ki, "Rabitəbank" 25 illik yubileyi münasibətilə tam yeni və daha sərfəli şərtlərlə Lombard Plus kredit kampaniyasına start verib. Kampaniya çərçivəsində təcili pula ehtiyacı olanlar çox sərfəli şərtlərlə Lombard Plus kreditindən yararlana bilərlər.İndi hər kəs zamin və ya iş yerindən arayış təqdim etmədən, aylıq cəmi 2,5 faiz olmaqla 25 ay müddətinə, 10.000 AZN-dək Lombard Plus kreditini heç bir komissiya olmadan əldə edə bilər. Lombard Plus kreditini əldə etmək üçün yalnız şəxsiyyət vəsiqəsi və təminat üçün qızıl və zinət əşyalarını təqdim etmək kifayətdir.Lombard Plus kreditini "Rabitəbank" ASC-nin istənilən filialından qısa zaman ərzində əldə etmək mümkündür.xeber100.com

Beynəlxalq Avtovağzal iş qrafikində dəyişiklik edib

Bakı Beynəlxalq Avtovağzal Kompleksi qarşıdan gələn Novruz bayramı ilə əlaqədar iş qrafikində dəyişiklik edib. Belə ki, martın 15-dən 27-dək Bakı Beynəlxalq Avtovağzalı gücləndirilmiş iş rejimində fəaliyyət göstərəcək.Kompleksdən Azərtac-a bildirilib ki, bayram ərəfəsində yarana biləcək sərnişin sıxlığının qarşısını almaq və kompleksin ahəngdar işləməsini təmin etmək məqsədilə bir sıra tədbirlər həyata keçirilir. Qeyd edək ki, hazırda gün ərzində 300-340 nəqliyyat vasitəsilə təxminən 7-8 min sərnişin yola salınırsa, bayram ərəfəsində 600-dən yuxarı reyslə 16 mindən çox sərnişin daşınması nəzərdə tutulur.Bayram günləri regionlara səfər edəcək sərnişinlərə biletləri bir neçə gün öncədən almaq tövsiyə olunur. Biletləri Avtovağzalın kassalarından və ya onlayn qaydada 10 gün öncədən əldə etmək olar.Əlavə sual və təkliflər üçün vətəndaşlar (012) 406 01 58/59 nömrələrinə müraciət edə bilərlər.xeber100.com

Mərkəzi Bank USD/AZN rəsmi məzənnəsini açıqlayıb

Azərbaycan Mərkəzi Bankı (AMB) martın 16-na olan USD/AZN rəsmi məzənnəsini açıqlayıb.Bankdan Azərtac-a bildiriblər ki, Azərbaycan Mərkəzi Bankının martın 16-dan etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

“Azəriqaz” gücləndirilmiş iş rejimində işləyəcək

SOCAR-ın “Azəriqaz” İstehsalat Birliyi Novruz bayramı ilə əlaqədar martın 20-dən 26-dək gücləndirilmiş iş rejimində işləyəcək.İstehsalat Birliyindən Azərtac-a bildirilib ki, bayram günlərində istehlakçıların təbii qazla fasiləsiz və keyfiyyətli təmin edilməsi, eləcədə “Qaz təsərrüfatında təhlükəsizlik Qaydaları”nın tələblərinə uyğun olaraq qaz təchizatı sisteminə nəzarəti gücləndirmək məqsədilə birlik tərəfindən zəruri tədbirlər həyata keçiriləcək. Belə ki, 24 saat fəaliyyət göstərən 185 və 104 nömrəli “Çağrı Mərkəzi”nin fəaliyyəti gücləndiriləcək, eyni zamanda birliyin Təmir-Tikinti İdarəsində, Texniki istismar şöbəsində, Bakı Regional Qaz İstismarı Departamentində, Sumqayıt Qaz istismar sahəsində və Regional Qaz İstismar İdarələrində məsul şəxslərdən ibarət sutkalıq növbətçilik təşkil olunacaq.“Azəriqaz” İstehsalat Birliyi bütün təbii qaz istehlakçılarını bayram günlərində təbii qazdan istifadə zamanı xüsusi ilə diqqətli olmalarını, texniki təhlükəsizlik qaydalarına ciddi riayət etmələrini xahiş edir.xeber100.com

“AtaBank” Novruz bayramı kampaniyası çərçivəsində

"AtaBank" Novruz bayramı kampaniyası çərçivəsində "Lider" təcili pulköçürmə sistemi üzrə komissiyanı endirib.Bankdan Azərtac-a bildiriblər ki, aprelin 30-dək davam edəcək kampaniyada xidmət haqqı üzrə komissiyanın minimum həddi 0.9 faizədək endirilib.Xatırladaq ki, "Pul köçürənə/alana mobil danışıq dəqiqələri hədiyyə" aksiyası hələ də davam edir. Aksiyanın şərtlərinə əsasən, "AtaBank"ın filial və şöbələrində ən azı 1000 – 2000 - AZN/EUR/USD və ya 58 min RUB-dan yuxarı pul köçürənə və ya alana 1 manatlıq, 2001 AZN/ USD/EUR və ya 120 min RUB-dan yuxarı pul köçürənə və ya alana 2 manatlıq, 3501- AZN/EUR/USD və ya 200 min RUB-dan yuxarı pul köçürənə isə 3 manatlıq mobil danışıq dəqiqələri hədiyyə olunur.1993-cü ildən fəaliyyət göstərən "AtaBank" ASC 100 faiz yerli kapitala malik, qabaqcıl texnologiyalı universal Azərbaycan bankıdır. Bank Bakıda və ölkənin müxtəlif regionlarında 31 filial və şöbəsi vasitəsilə korporativ və fərdi müştərilərə tam xidmətlər spektrini təqdim edir.xeber100.com

Əməkdaşlıq haqqında memorandum imzalanıb

Martın 14-də Bakı Media Mərkəzi və Azərbaycan Respublikasının Qida Təhlükəsizliyi Agentliyi arasında əməkdaşlıq haqqında memorandum imzalanıb.Azərtac xəbər verir ki, əməkdaşlıq memorandumuna əsasən tərəflər qarşılıqlı əməkdaşlıq əlaqələrini inkişaf etdirmək, ictimaiyyətlə əlaqələrin qurulması, müxtəlif layihələrin icra edilməsi, eləcə də Korporativ Sosial Məsuliyyət işinə töhfə vermək üçün birgə fəaliyyətlərin təşkili məqsədilə razılığa gəliblər.Azərbaycan Respublikasının Qida Təhlükəsizliyi Agentliyinin sədri Qoşqar Təhməzli çıxışında qida təhlükəsizliyi sahəsində innovativ layihələrin icrasının vacibliyini vurğulayıb.Agentliyin sədri diqqətə çatdırıb ki, rəhbərlik etdiyi qurum 2017-ci ilin fevral ayından Prezident İlham Əliyevin imzaladığı Azərbaycan Respublikasında qida təhlükəsizliyi sisteminin təkmilləşdirilməsi ilə bağlı əlavə tədbirlər haqqında Fərmanla yaradılıb. Bu ilin yanvar ayından isə artıq fəaliyyətə başlayıb. Sözügedən fərman qida təhlükəsizliyi sahəsində təkmilləşdirilmə sisteminin həyata keçirilməsidir.Q.Təhməzli bildirib ki, ən vacib məqamlardan biri qida təhlükəsizliyi zəncirində iştirak edən subyektlərin özlərinin qida təhlükəsizliyi haqqında məlumatlandırılması, eyni zamanda ictimaiyyətin maarifləndirilməsidir. Bu məsələ həm də yaxın zamanda qida təhlükəsizliyi anlayışının formalaşmasını və hər bir Azərbaycan vətəndaşının sağlamlığına ictimai nəzarəti təmin edəcək.xeber100.com  

“2018-2025-ci illər” üzrə Dövlət Proqramı qəbul olunacaq

Bu yaxınlarda “2018-2025-ci illər” üzrə qida təhlükəsizliyi sahəsində Dövlət Proqramı qəbul olunacaq. Hazırda qida təhlükəsiziliyi ilə bağlı qanun üzərində işlər gedir.Azərtac xəbər verir ki, bu barədə jurnalistlərə müsahibəsində Azərbaycan Respublikasının Qida Təhlükəsizliyi Agentliyinin sədri Qoşqar Təhməzli deyib.Onun sözlərinə görə, həmin proqrama əsasən Azərbaycanda qida təhlükəsizliyi üzrə Strateji Yol Xəritəsi müəyyənləşdiriləcək. Həmin sənəddə mediaya da önəmli yer veriləcək.Küçələrdə, yol kənarlarında səhər saatlarında iri və xırda buynuzlu heyvanların kəsimi məsələsinə toxunan Q.Təhməzli deyib ki, buna ciddi nəzarət həyata keçirilməlidir: “Bəzi insanlar elə düşünürlər ki, hansısa heyvanın göz önündə kəsilməsi onun sağlamlığından xəbər verir. Bu, tamamilə yanlış düşüncədir. Heyvan mənşəli qidalar üçün mütləq şəkildə ekspertiza rəyi lazımdır. Yaxın gələcəkdə tez xarab olan məhsulların çatdırılması və qidalanma, eləcə də digər vacib məsələlərlə bağlı standartlar müəyyənləşdiriləcək".Agentliyin sədri əlavə edib ki, istehsal müəssisələri qida təhlükəsizliyi üzrə qeydiyyatından keçəcək, onlar üçün standartlar müəyyənləşəcək. “Onlar sadəcə ixrac etdikləri məhsulların qida təhlükəsizliyi sertifikatlarını alacaq, idxalçı dövlətlərin tələblərinə uyğun müvafiq sertifikatlarla təmin olunacaqlar”,- deyə Q.Təhməzli vurğulayıb.xeber100.com

“Caspian Agro 2018” sərgisi keçiriləcək

Mayın 16-dan 18-dək Bakı Ekspo Mərkəzində kənd təsərrüfatı və qida məhsullarının nəhəng regional forumu – XII Azərbaycan Beynəlxalq Kənd Təsərrüfatı “Caspian Agro 2018” sərgisi keçiriləcək.Bu barədə Azərtac-a sərginin təşkilatçısı “Caspian Event Organisers” şirkətindən açıqlama verilib.Məlumata əsasən, sərgi aqrar sektorun ən müxtəlif sahələrini təmsil edən şirkətlər üçün nəzərdə tutulmuş kənd təsərrüfatı texnikasının, habelə avadanlıq və texnoloji həll variantlarının tematik nümayişini təmin edən ən iri regional platforma statusunu bir daha təsdiq edəcək.Həmçinin tərəvəzçilik, sənaye təyinatlı bağçılıq və üzümçülük sahələri üçün müasir kənd təsərrüfatı texnologiyalarını təqdim edən bu sərgi layihəsinin məqsədi meyvə-tərəvəz biznesinin sahə və bağlardan tutmuş istehlakçılara qədər bütün prosesi çərçivəsində həm yerli, həm də qlobal müstəvidə mövcud olan ən yaxşı məhsul və xidmətləri nümayiş etdirməkdir.Azərbaycan Respublikası Kənd Təsərrüfatı Nazirliyi “Caspian Agro” sərgisinə yaxından dəstək göstərir. Həmçinin sərgi BMT-nin Ərzaq və Kənd Təsərrüfatı Təşkilatı (FAO), Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) tərəfindən dəstəklənir.Bu il “Caspian Agro 2018” sərgisində Azərbaycan, Almaniya, ABŞ, Belarus, Çin, Gürcüstan, Niderland, İtaliya, İspaniya, Rusiya, Türkiyə və digər ölkələri təmsil edən kənd təsərrüfatı məhsul və avadanlıqlarının istehsalçı və distribütorları iştirak edəcəklər. İlk dəfə sərgidə Vyetnamın da məhsulları nümayiş olunacaq.xeber100.com

“AtaBank” güzəşt kampaniyasına başlayıb

Daim müştərilərinin qeydinə qalan və Azərbaycan xalqına töhfələrini verən "AtaBank" Novruz Bayramı münasibətilə müştərilərinə bayram sevinci yaşatmaq məqsədilə 2015-ci il dekabrın 20-dək verilmiş və ya restrukturizasiya edilmiş, əsas borc məbləği 100.000 ABŞ dollarınadək olan kreditlərə güzəşt kampaniyasına başlayıb.Bankdan Azərtac-a bildiriblər ki, kampaniya lombard və əmanət girovu ilə verilmiş kreditlərə şamil olunmur. Kampaniya martın 30-dək davam edəcək. Ətraflı məlumat almaq istəyənlər banka müraciət edə bilərlər.1993-cü ildən fəaliyyət göstərən "AtaBank" ASC 100 faiz yerli kapitala malik, qabaqcıl texnologiyalı universal Azərbaycan bankıdır. Bank Bakıda və ölkənin müxtəlif regionlarında 31 filial və şöbəsi vasitəsilə korporativ və fərdi müştərilərə tam xidmətlər spektrini təqdim edir.xeber100.com

Azərbaycan-Hindistan məhsullarının sərgisi açılıb

Martın 13-də “Amay” Ticarət Mərkəzində Hindistanın PHD Ticarət və Sənaye Palatasının (PHDCCI) eksklüziv Hindistan məhsullarının nümayişi və sərgisi açılıb.Azərtac xəbər verir ki, Hindistanın Azərbaycandakı səfiri Sanjay Rana jurnalistlərə müsahibəsində bildirib ki, PHD Ticarət və Sənaye Palatası Azərbaycanda yeni partnyorlar axtarışındadır.Səfir qeyd edib ki, “Hindistanın Ən Yaxşıları – Eksklüziv Hindistan Məhsulları” sərgisində 95 şirkət müxtəlif məhsullar təqdim edirlər. Bu məhsullara elektrik və elektronik məhsullar, velosiped, düyü, çay, ədviyyat, qablaşdırma, əczaçılıq, hədiyyə və əl işləri, dəftərxana ləvazimatları, ev mebelləri, tekstil və geyim, zərgərlik məhsulları, kosmetika daxildir.“Azərbaycan və Hindistan arasında iqtisadi və ticarət əlaqələrinin, biznes əməkdaşlığının genişləndirilməsi və daha da möhkəmləndirilməsi məqsədilə Hindistan-Azərbaycan biznes-forumu çərçivəsində PHD Ticarət Palatası ilə Azərbaycan Sahibkarlar (İşəgötürənlər) Təşkilatları Milli Konfederasiyası (ASK), Azərbaycan Respublikasının Ticarət və Sənaye Palatası və Azərbaycan İxracın və İnvestisiyaların Təşviqi Fondu (AZPROMO) arasında Anlaşma Memorandumu imzalanacaq”, - deyə Sanjay Rana söyləyib.Xatırladaq ki, bu tədbirlər Hindistan Hökumətinin Ticarət və Sənaye Nazirliyinin, Azərbaycan Sahibkarlar (İşəgötürənlər) Təşkilatları Milli Konfederasiyasının (ASK), Azərbaycan Respublikasının Ticarət və Sənaye Palatasının və Azərbaycan İxracın və İnvestisiyaların Təşviqi Fondunun (AZPROMO) dəstəyi ilə Azərbaycan və Hindistan arasında ikitərəfli biznes əməkdaşlığı çərçivəsində keçirilir.Sərgi martın 16-dək davam edəcək.xeber100.com