“Bakı Metropoliteni” QSC-nin məlumatı

Metroda yaranan sıxlıq və gecikmələr tam aradan qaldırılıb.Azərtac xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.O bildirib ki, qatarların hərəkət intervalı bərpa olunub və metro stansiyalarında yaranan sərnişin sıxlığı tam aradan qaldırılıb.Qeyd edək ki, martın 5-də “Nəriman Nərimanov” metro stansiyasında işarəvermə avadanlığında baş vermiş texniki nasazlıq səbəbindən saat 08:15-dən etibarən qatarların hərəkət intervalında gecikmə baş verib.xeber100.com

“Caspian European Club”un iclası keçirilib

Bakıda “Caspian European Club”un sədrinin birinci müavini və baş icraçı direktoru Telman Əliyevin sədrliyi ilə klubun idarə heyətinin üçüncü iclası təşkil olunub.“Caspian European Club”dan Azərtac-a bildirilib ki, toplantıda klubun strategiyası, həmçinin 2018-ci ilin sonuna kimi həyata keçirilməsi zəruri olan yeni layihə və məsələlər müzakirə olunub.T.Əliyev iclasın idarə heyətinin üzvlərinin və “Caspian European Club”un işçi komitələrinin rəhbərlərinin iştirakı ilə hər ay keçirildiyini qeyd edib. Hər toplantı ənənəvi olaraq idarə heyəti üzvlərinin bir ofisində təşkil olunur. Budəfəki iclas Avni Dəmirçinin rəhbərlik etdiyi “Ziraat Bank Azerbaijan”ın ofisində baş tutub. A.Dəmirçi, eyni zamanda, “Caspian European Club”un tərkibinə daxil olan “Banking & Finance Committee”nin rəhbəridir.İdarə heyətinin hər bir üzvü hesabat təqdim edib, rəhbərlik etdiyi işçi komitəsinin cari fəaliyyəti və gələcək planları barədə məlumat verib. Bundan əlavə toplantıda, həmçinin ilin sonunadək keçirilməsi nəzərdə tutulan tədbirlər planı təsdiqlənib. Aprelin 18-nə planlaşdırılan V Beynəlxalq “Caspian Energy Forum Tbilisi – 2018”, iyun ayında baş tutacaq VI “Caspian Energy Forum Naxhchivan – 2018”, eləcə də müvafiq olaraq sentyabr və dekabr aylarında keçiriləcək “Caspian Energy Forum Baku – 2018” və “Caspian Energy Forum Prague – 2018”ə hazırlıq müzakirə olunub.“Caspian European Club” Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyi ilə 2002-ci ilin iyununda yaradılıb. “Caspian European Club”, “Caspian American Club” və “Caspian Asian Club”un sədri Azərbaycan Prezidentidir.Yarandığı ilk gündən “Caspian European Club” neft sahəsindən əldə olunan gəlirlərin qeyri-neft sektoruna yönəldilməsinə xidmət edir. Sıralarında 5 mindən çox şirkət və təşkilatı birləşdirən “Caspian European Club”, “Caspian American Club” və “Caspian Asian Club” dünyanın 70 ölkəsində fəaliyyət göstərir, dövlət qurumları ilə özəl sektor arasında dialoqun dəstəklənməsi istiqamətində fəal iş aparır.xeber100.com

Beynəlxalq Enerji Agentliyinin hesabatında

Qlobal neft tələbatının 2018-2023-cü illərdə gündəlik 6,9 milyon barrel artaraq 104,7 milyon barrelə çatacağı gözlənilir.Azərtac xəbər verir ki, bu barədə Beynəlxalq Enerji Agentliyinin (IEA) 5 illik bazar analizini əhatə edən “Neft 2018 Hesabatı”nda deyilir.Hesabata görə, ABŞ, Braziliya, Kanada və Norveçdə neft hasilatı artmağa davam edəcək. Bu dövrdə qlobal neft tədarükündəki artımın 60 faizi ABŞ-ın payına düşəcək. Qlobal neft tələbatı 2018-2023-cü illəri əhatə edən dövrdə gündəlik 6,9 milyon barrelədək artaraq 104,7 milyon barrelə çatacaq. Qlobal neft tələbatındakı çoxalmaya Asiyada iqtisadi artım və ABŞ-ın neft-kimya sənayesi təsiredici olacaq. Bu dövrdə qlobal neft istehsalının həcmi isə gündəlik 6,4 milyon barrel artaraq 107 milyon barrelə çatacaq.Bununla yanaşı, Neft İxrac edən Ölkələr Təşkilatı (OPEC) üzrə xam neft hasilatı 2023-cü ilə qədər gündəlik 750 min barrel artacaq.Hesabatı şərh edən IEA-nın icra direktoru Fatih Birol deyib: “Neft yataqlarına qoyulan investisiyaların az olması qlobal bazarda narahatlıq yaradır. Səmərəsi azalan neft yataqlarının inkişafı üçün daha çox investisiya qoymaq lazımdır. Qlobal mənada gündəlik 3 milyon barrel neftin itkisinin qarşısını almaq üçün bu investisiyalar mütləq edilməlidir. Bu göstərici Şimal dənizindən çıxarılan həcmə bərabərdir”.xeber100.com  

“SalamAir” aviaşirkəti yeni uçuşlar həyata keçirmək niyyətindədir

Omana məxsus “SalamAir” aviaşirkəti Bakıya uçuşlar həyata keçirmək niyyətindədir.Azərtac Omanın “Əl-Ruyə” qəzetinə istinadla xəbər verir ki, aviaşirkətin icraçı direktoru Məhəmməd Əhməd Azərbaycan paytaxtı Bakı da daxil olmaqla Tehran, Tbilisi, Dəkkə və Katmanduya uçuşlar həyata keçirməyi planlaşdırdıqlarını söyləyib.xeber100.com

Mərkəzi Bank USD/AZN rəsmi məzənnəsini açıqlayıb

Azərbaycan Mərkəzi Bankı (AMB) martın 6-na olan USD/AZN rəsmi məzənnəsini açıqlayıb.Bankdan Azərtac-a bildiriblər ki, Azərbaycan Mərkəzi Bankının martın 6-dan etibarən USD/AZN rəsmi məzənnəsi 1,7001 manat səviyyəsində müəyyən olunub.xeber100.com

Novruz bayramı ilə əlaqədar satış yarmarkaları təşkil ediləcək

Novruz bayramının yaxınlaşması ilə əlaqədar olaraq paytaxt əhalisinin kənd təsərrüfatı məhsulları ilə təminatının yüksəldilməsi, süni qiymət artımının qarşısının alınması məqsədi ilə "Ərzaq məhsullarının tədarükü və təchizatı" ASC satış yarmarkaların təşkilinə start verib.Bu barədə "Apa-Economics"ə ASC-dən məlumat verilib.Yarmarkalar aşağıdakı ünvanlarda fəaliyyət göstərəcək: Səbail rayonu, Badamdar qəsəbəsi, Seyran Məmmədov küçəsi 1; Nəsimi rayonu, Mərdanov qardaşları küçəsi 59 (Təzə bazarın aşağı hissəsi); Yasamal rayonu, Abbas Mirzə Şərifzadə küçəsi 207 ("İdeal" şadlıq sarayının yanı); Suraxanı rayonu Əmircan qəsəbəsi, Səttar Bəhlulzadə küçəsi (Suraxanı maşınqayırma zavodunun qarşısı); Suraxanı rayonu, Yeni Günəşli qəsəbəsi ("Günəş" ticarət mərkəzinin ərazisi) ünvanlarında keçirilir. "Yarmarkalarda əhaliyə təklif olunan məhsullar Səhmdar Cəmiyyətin regionlardakı məntəqələri tərəfindən yerli istehsalçılardan tədarük olunub, eyni zamanda, öz məhsulunu paytaxta gətirərək satmaq istəyən fermerlərə təşkilatı dəstək verilib. Şənbə və bazar günləri keçiriləcək yarmarkalara gündəlik olaraq 70 növdə, 30 tondan artıq kənd təsərrüfatı və qida məhsulları çıxarılacaq. Səhmdar Cəmiyyət yarmarkalara avans hesabına yerli fermerlərdən tədarük olunaraq “Eloba” brendi altında qablaşdırılmış noxud, ağ lobya, qarabaşaq, düyü məhsullarını da çıxarıb. Bütün məhsullar bazar qiymətlərindən orta hesabla 20 faiz ucuz satılacaq", - deyə məlumatda vurğulanıb.Yarmarkalar mart ayının sonuna qədər fəaliyyət göstərəcək.xeber100.com

Bakı Nəqliyyat Agentliyinin məlumatı

Bakı Beynəlxalq Avtovağzal Kompleksində aparılan təmir-tikinti işləri ilə əlaqədar müvəqqəti olaraq 2, 13, 14, 20, 29, 37, 67, 83, 91, 96, 117, 130, 134, 142, 158 nömrəli müntəzəm marşrut xətləri üzrə avtobusların son və aralıq dayanacaq məntəqələri dəyişdirilib.Bakı Nəqliyyat Agentliyindən "Apa-Economics"ə verilən məlumata görə, sərnişindaşımada fasiləsizliyin pozulmaması məqsədilə edilən dəyişiklik 05.03.2018 tarixindən tətbiq ediləcək.Dəyişikliyə əsasən qeyd edilən müntəzəm marşrut xətləri üzrə avtobusların son və aralıq dayanacaq məntəqələri “Avtovağzal” metrostansiyasının qarşısına keçiriləcək.xeber100.com

“Azəriqaz” İstehsalat Birliyinin məlumatına görə…

Cari ildə 124 çoxmərtəbəli binaya təbii qaz verilib.“Azəriqaz” İstehsalat Birliyindən (İB) Azərtac-a bildirilib ki, birlik çoxmərtəbəli binalara təbii qazın verilməsi istiqamətində fəaliyyətini davam etdirir. Görülmüş işlərin nəticəsidir ki, İB 2018-ci ilin yanvar-fevral ayları ərzində hüquqi və fiziki şəxslərin müraciətlərini araşdıraraq, müvafiq sənədləri təqdim olunan 124 çoxmərtəbəli binaya təbii qazın verilməsini təmin edib. Həmin binalarda ümumilikdə 5 min 769 ailə yaşayır.“Azəriqaz” təbii qazın satışı ilə məşğul olan bir qurum kimi zəruri sənədləri təqdim etmiş, bütün normativ-texniki və təhlükəsizlik tələblərinə cavab verən istənilən çoxmərtəbəli binanın ən qısa müddətdə “mavi yanacaq”la təmin olunmasında maraqlıdır.xeber100.com

“Caspian Energy Forum Tbilisi – 2018” keçiriləcək

Aprelin 18-də Gürcüstanın “Caspian Energy Georgia” şirkəti V Beynəlxalq “Caspian Energy Forum Tbilisi – 2018” təşkil edəcək. Gürcüstanın mühüm payı olan bir sıra nəhəng regional enerji və nəqliyyat layihələrinin həyata keçirilməsi, həmçinin beynəlxalq biznes ictimaiyyətinin nümayəndələrində Gürcüstan iqtisadiyyatına böyük maraq yaradan əlverişli investisiya və işgüzar mühit ilə əlaqədar foruma Avropa, Amerika və Asiya qitəsini təmsil edən çox sayda iştirakçının qatılacağı gözlənilir.Bu barədə Azərtac-a “Caspian European Club”un sədrinin birinci müavini və baş icraçı direktoru Telman Əliyev məlumat verib. O, həmçinin qeyd edib ki, açılış mərasimində Gürcüstanın Baş naziri Georgi Kvirikaşvilinin və hökumətin iqtisadi blokunu təmsil edən üzvlərinin iştirakı nəzərdə tutulub.V Beynəlxalq “Caspian Energy Forum Tbilisi – 2018”ə Gürcüstan və Azərbaycan hökumətləri, “Caspian European Club”, “Caspian American Club” və “Caspian Asian Club” rəsmi dəstək verir.T.Əliyevin sözlərinə görə, “Caspian Energy Forum” Xəzər-Qara dəniz və Baltik regionu ölkələrində ildə bir neçə dəfə təşkil olunur və biznes-hakimiyyət dialoqunun fəallaşması, neft və qeyri-neft sektoru şirkətləri arasında sıx əlaqələrin yaranması, transmilli şirkətlərlə kiçik və orta biznes nümayəndələrinin görüşləri, eləcə də biznesmenlər arasında qlobal əməkdaşlıqda maraqlı olan investor, ekspert və analitiklər üçün ənənəvi meydan rolunu oynayır.xeber100.com

Müstəqil Dövlətlər Birliyi İqtisadi Şurasının 77-ci iclası keçirilib

Moskvada Müstəqil Dövlətlər Birliyinin (MDB) İqtisadi Şurasının 77-ci iclası keçirilib. İclasda Azərbaycanı Baş nazirin birinci müavini Yaqub Eyyubov təmsil edib.Azərtac xəbər verir ki, iclasın gündəliyinə MDB ölkələrinin iqtisadiyyat sahəsində qarşılıqlı fəaliyyəti ilə bağlı geniş məsələlər daxil olub. İclas iştirakçıları MDB Hökumət Başçıları Şurasının müzakirəsinə təqdim ediləcək bir sıra sənədlərin layihələrini bəyəniblər. Söhbət Birlik dövlətlərinin intellektual mülkiyyət bazarının formalaşması və inkişafı haqqında Sazişin, Dövlətlərarası standartlaşdırmaya aid sənədlərin yayılması haqqında Sazişin, Energetikanın innovasiyalı inkişafı və qabaqcıl energetika texnologiyalarının işlənib hazırlanması sahəsində MDB ölkələrinin əməkdaşlığı Konsepsiyasının və bu konsepsiyanın reallaşdırılması ilə bağlı Təxirəsalınmaz Tədbirlər Planının, habelə 2025-ci ilə qədər olan dövr üçün quduzluğun profilaktikası və ona qarşı mübarizə sahəsində MDB ölkələrinin Birgə Fəaliyyəti Kompleksinin layihələrindən gedir.İqtisadi Şura xidmətlərin azad ticarəti barədə Sazişin layihəsi üzərində işi davam etdirmək üçün Birlik ölkələrinin iqtisadiyyat nazirlərindən (nazir müavinlərindən) ibarət yüksək səviyyəli işçi qrup yaradılmasını qərara alıb və 2018-ci il üçün həmin qrupun iclaslarının qrafikini təsdiq edib.İclas iştirakçıları 2018-2020-ci illər üçün Qazaxıstan Materialşünaslıq Tokamakında elmi tədqiqatlar proqramını təsdiq ediblər.xeber100.com