Monitorinq Komitəsinin Müştərək Texniki Komissiyasının iclası keçiriləcək

Oktyabrın 20-də Avstriyanın paytaxtı Vyanada Neft İxrac edən Ölkələr Təşkilatına (OPEC) üzv və kartelə daxil olmayan ölkələrlə əldə edilən neft hasilatının azaldılmasına dair Vyana sazişinin monitorinqi üzrə yaradılan Birgə Monitorinq Komitəsinin Müştərək Texniki Komissiyasının iclası keçiriləcək.“Russia News Today”xəbər verir ki, Liviya, Nigeriya və İraqın nümayəndələri də görüşdə iştiraka dəvət edilib.İclasda ölkələrin neft ixracının monitorinq üzrə mexanizm müzakirə olunacaq. Həmçinin saziş üzrə hasilat kvotasının artırılması, sazişin müddətinin daha da uzadılması da iclasın gündəliyində yer alan mövzulardandır.Xatırladaq ki, ötən il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. Bu il mayın 25-də OPEC Nazirlər Şurasının 172-ci iclası çərçivəsində OPEC-ə üzv və qeyri-üzv dövlətlər arasında neft hasilatının azaldılmasına dair sazişin müddətinin 2018-ci ilin birinci rübünün sonunadək uzadılması barədə razılıq əldə olunub.xeber100.com

“AzəriLayt” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 1,97 dollar ucuzlaşaraq 56,97 dollar təşkil edib.xeber100.com

Bakı-Tbilisi-Qars dəmir yolu xəttinin rəsmi açılışı keçiriləcək

Bakı-Tbilisi-Qars dəmir yolu xəttinin rəsmi açılışı oktyabrın 30-da Bakı şəhərində keçiriləcək.Azərtac xəbər verir ki, bu barədə Azərbaycanın xarici işlər naziri Elmar Məmmədyarov oktyabrın 8-də Tbilisidə gürcüstanlı həmkarı Mixeil Canelidze ilə görüşdə məlumat verib. Nazir deyib ki, açılış mərasimində bir sıra dövlətlərin nümayəndə heyətləri iştirak edəcək.Elmar Məmmədyarov Mixeil Canelidzeni mərasimə dəvət edib.xeber100.com

Azərbaycan-Avstraliya biznes-forumu keçiriləcək

Oktyabrın 18-də Avstraliya iş adamlarından ibarət nümayəndə heyətinin ölkəmizə səfəri çərçivəsində Bakıda Azərbaycan-Avstraliya biznes-forumu keçiriləcək. Tədbir İqtisadiyyat Nazirliyinin dəstəyi və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə baş tutacaq.AZPROMO-dan Azərtac-a bildiriblər ki, tədbirə turizm, logistika, nəqliyyat, tikinti, təhsil, hüquq, daşınmaz əmlak, üzüm, şərab, ağartı məhsulları və ət istehsalı, mədən sənayesi və digər sahələrdə fəaliyyət göstərən 20-dən artıq Avstraliya şirkətinin qatılacağı gözlənilir.xeber100.com

“Azəravtoyol” ASC-nin məlumatına görə…

Oktyabrın 7-də axşam saat 22:00-dan etibarən paytaxtın Səbail rayonunun İstiqlaliyyət küçəsində, həmçinin 24:00-dan etibarən Neftçilər prospektinin Rəşid Behbudov küçəsi ilə kəsişməsindən Yusif Səfərov küçəsi ilə kəsişməsinədək olan hissəsində yeni üfüqi nişanlanma xətlərinin çəkilməsi işləri aparılacaq.Bu barədə Azərtac-a "Azəravtoyol” ASC-nin mətbuat xidmətindən bildirilib.Sözügedən ərazidə işlərin aparılması ilə əlaqədar olaraq avtonəqliyyat vasitələrinin hərəkəti tam və ya qismən məhdudlaşdırılacaq.Rənglənmə işlərinin səhər saatlarınadək yekunlaşdırılması nəzərdə tutulub.Avtonəqliyyat vasitələrinin hərəkətinin tənzimlənməsi məqsədilə yol-cizgi və yolgöstərici xətlərinin yenidən rənglənməsi və yenilərinin çəkilməsi işləri davam etdirilir.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,04 dollar ucuzlaşaraq 50,75 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,01 dollar bahalaşaraq 57,01 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 1,02 dollar bahalaşaraq 58,94 dollar olub.xeber100.com

“SOCAR PETROLEUM” Qapalı Səhmdar Cəmiyyəti yeni kampaniyaya başlayıb

“SOCAR PETROLEUM” Qapalı Səhmdar Cəmiyyəti (QSC) ASAN Radio ilə birgə sürücülər üçün yeni kampaniyaya başlayıb.QSC-dən Azərtac-a bildirilib ki, “SOCAR PETROLEUM” hər il olduğu kimi, bu il də müştəriləri üçün yeni kampaniyaya başlayır. Bir il müddətinə davam edəcək kampaniyanın məqsədi QSC-nin öz müştərilərinə dəyər verməsidir. Bu gün müştərilərin seçimlərinin geniş olduğu mühitdə keyfiyyətli xidmət təklif edən, standartların bütün tələblərinə cavab verən yanacağın satışını həyata keçirən yanacaqdoldurma məntəqələrinə üstünlük verirlər.Həftə içi üç gün hər dəfə günün fərqli saatlarında ASAN Radionun efirində “Taksi vaxtı” verilişi yayımlanacaq. Bakı şəhərində 5 saylı “ASAN xidmət”, Sumqayıt şəhərində 1 saylı “ASAN xidmət” mərkəzi vardır. Hər müsabiqədə radionun aparıcısı tərəfindən elan olunan “ASAN xidmət”ə birinci yaxınlaşan sürücü qalib hesab olunur və 30 manat dəyərində kuponu əldə edir. Kuponu əldə edən qalib “SOCAR PETROLEUM” QSC-yə məxsus bütün yanacaqdoldurma məntəqələrinə yaxınlaşaraq 30 manat dəyərində istənilən növ yanacaq əldə edə biləcək.xeber100.com

“Azərsu” ASC-nin məlumatına görə…

Bakı şəhərinin Binəqədi, Yasamal və Nərimanov rayonlarının bir hissəsinə içməli suyun verilməsində məhdudiyyətlər olacaq."Azərsu" ASC-nin ictimaiyyətlə əlaqələr şöbəsindən Azərtac-a bildiriblər ki, Bak şəhəri Ziya Bünyadov prospektində yeni çəkilmiş yağış-kanalizasiya kollektorunun mövcud sistemə birləşdirilməsi işləri ilə əlaqədar müəyyən ərazilərə içməli suyun fasilələrlə verilməsi zərurəti yaranıb. Bununla əlaqədar, oktyabrın 6-da gün ərzində paytaxtın Binəqədi, Yasamal və Nərimanov rayonlarının bir hissəsinə içməli suyun verilməsində məhdudiyyətlər olacaq.Yaranan narahatlıqla əlaqədar “Azərsu” ASC abonentlərdən üzr istəyir.xeber100.com

“Qazprom” korporasiyası öz nümayəndəliyini açacaq

Rusiyanın “Qazprom” korporasiyası Azərbaycanda öz nümayəndəliyini açacaq.Şirkətin yaydığı məlumatda bildirilir ki, Direktorlar Şurası Azərbaycanda “Qazprom” korporasiyasının nümayəndəliyinin açılması ilə bağlı məsələləri razılaşdırıb.Xatırladaq ki, “Qazprom” Azərbaycan ilə 2000-ci ildən əməkdaşlıq edir.xeber100.com

“AzəriLayt” markalı neftin qiyməti ucuzlaşıb

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,04 dollar ucuzlaşaraq 49,94 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,02 dollar bahalaşaraq 55,82 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 0,13 dollar ucuzlaşaraq 57,92 dollar olub.xeber100.com