“Türk Hava Yolları” yeni təyyarələrin istifadəsinə başlayıb

“Türk Hava Yolları” (THY) İstanbul-Bakı aviareyslərində “Airbus A330” təyyarələrinin istifadəsinə başlayıb.Azərtac xəbər verir ki, bu barədə “Türk Hava Yolları”dan məlumat verilib.Bildirilib ki, bu cür təyyarələr THY-nin günorta saatlarında həyata keçirilən aviareyslərində istifadə olunacaq.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,11 dollar ucuzlaşaraq 51,45 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,09 dollar bahalaşaraq 57,50 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 0,44 dollar ucuzlaşaraq 59,38 dollar olub.xeber100.com

“Azərbaycan Dəmir Yolları” Qapalı Səhmdar Cəmiyyətinin məlumatı

“Azərbaycan Dəmir Yolları” Qapalı Səhmdar Cəmiyyətində (QSC) “Təsərrüfatların qış mövsümünə hazırlığı barədə texniki tədbirlər” planına əsasən işlər həyata keçirilir.QSC-nin ictimaiyyətlə əlaqələr şöbəsindən Azərtac-a bildirilib ki, tədbirlər planına əsasən, Sərnişin Daşımaları Departamentinin kollektivi qış mövsümündə sərnişinlərin mənzil başına təhlükəsiz şəraitdə çatdırılmasını təmin etmək məqsədilə bütün qüvvələri səfərbər edib.Vağzallarda, inzibati binalarda, təmir sexlərində dam örtüklərinə, qapı və pəncərələrə baxış keçirilir, istilik sistemləri yoxlanılır, ehtiyac olan yerlərdə təmir işləri aparılır.Sərnişin təsərrüfatında çalışan işçilərin xüsusi geyim və ayaqqabı ilə təmin edilməsi həyata keçirilir.Beynəlxalq istiqamətdə, ölkə daxilində hərəkət edən sərnişin qatarlarında, eləcə də elektrik qatarlarında istilik sistemlərinin vəziyyəti yoxlanılır, çatışmazlıqlar aradan qaldırılır.Görülən işlər sərnişin qatarlarında xidmət mədəniyyəti səviyyəsinin daha da yüksəldilməsinə hesablanıb.xeber100.com

Bakı Fond Birjasında hərrac keçiriləcək

Oktyabrın 3-də Bakı Fond Birjasında (BFB) Maliyyə Nazirliyinin Dövlət Qısamüddətli İstiqrazlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, diskontlu, sənədsiz, adlı istiqrazların ümumi həcmi 10 milyon manat, nominal dəyəri 100 manat, tədavül müddəti 91 gün, ödəmə tarixi 2018-ci il yanvarın 2-dir. "PAŞA Kapital" QSC anderrayter vəzifəsində çıxış edir.Hərrac zamanı qeyri-rəqabətli sifarişlərin istiqrazların buraxılışının 20 faizdən artıq olmamaq şərtilə qəbul edilməsinə icazə verilir.Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının "Üzvlər" bölməsində yerləşdirilib.xeber100.com

“İctimai internet” layihəsi çərçivəsində

Nəqliyyat, Rabitə və Yüksək Texnologiyalar Nazirliyinin təşəbbüsü ilə “Bakı Telefon Rabitəsi” MMC (“Baktelekom”) tərəfindən həyata keçirilən “İctimai internet” layihəsi çərçivəsində “Pulsuz Wi-Fi” xidmətindən istifadə edənlərin sayı milyonu ötüb.Nazirlikdən Azərtac-a bildirilib ki, ötən həftədən “Baktelekom” tərəfindən elan edilən “Milyonuncu ol, noutbuku sən apar” kampaniyasının qalibi müəyyənləşib. Noutbuka Orxan Cabarov sahib olub.Qeyd edək ki, 1 ay öncə “Baktelekom” tərəfindən istifadəçi artımını stimullaşdırmaq məqsədilə “Pulsuz Wi-Fi” xidmətinin 500 mininci istifadəçisi mobil telefonla mükafatlandırılmışdı.Məlumat üçün bildirilir ki, bu həftə “Pulsuz Wi-Fi” zonalarının sırasına daha biri əlavə edildi. Artıq “Port Baku Residence” və “Port Baku Mall” arasında yerləşən parkı (“Fashion Avenue”) ziyarət edənlər də ictimai şəbəkədən faydalana bilirlər.Yaxın vaxtlarda Dədə Qorqud və Nərimanov parkları da “Pulsuz Wi-Fi” xidmətinin əhatə dairəsinə daxil ediləcək.Dövlət Bayrağı Meydanı da daxil olmaqla, Dənizkənarı Milli Parkı, “İçərişəhər” Dövlət Tarix-Memarlıq Qoruğu ərazisini, Heydər Əliyev Mərkəzinin parkını, Sahil, Sabir, Xaqani, Axundov, Hüseyn Cavid, Səməd Vurğun, Muğan bağlarını, Qış və Zabitlər parklarını ziyarət edənlər “Pulsuz Wi-Fi” xidmətindən yararlana bilərlər.xeber100.com

Dünya birjalarında neftin qiyməti ucuzlaşıb

Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,12 dollar ucuzlaşaraq 52,02 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,14 dollar azalaraq 57,76 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 0,48 dollar ucuzlaşaraq 59,82 dollar olub.xeber100.com

VIII Rusiya-Azərbaycan regionlararası forumu işə başlayıb

Sentyabrın 28-də Stavropolda “İnvestisiyalar, innovasiyalar, turizm” mövzusunda VIII Rusiya-Azərbaycan regionlararası forumu işə başlayıb.Azərtac xəbər verir ki, Azərbaycanın İqtisadiyyat Nazirliyi və Rusiyanın İqtisadi İnkişaf Nazirliyi tərəfindən təşkil olunan forumda nazir Şahin Mustafayevin rəhbərliyi ilə 120 nəfərdən ibarət nümayəndə heyəti iştirak edir. Forumda sənaye və humanitar sahələrdə əməkdaşlıq, turizmin inkişafı, səhiyyə sahəsində innovasiyalar və digər mövzularda “dəyirmi masa”lar, işgüzar əlaqələr birjası keçiriləcək, ikitərəfli əməkdaşlığa dair sənədlər imzalanacaq.Xatırladaq ki, Rusiya-Azərbaycan regionlararası forumu 2010-cu ildən keçirilir. Ötən il Bakıda keçirilən forumda hər iki ölkəni təmsil edən 70-dən çox şirkətdən 500-dən artıq iş adamı iştirak edib, ikitərəfli əməkdaşlığa dair 12 sənəd imzalanıb.xeber100.com

Neft Fondunun iştirakı ilə hərrac keçirilib

Sentyabrın 28-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7002 səviyyəsində formalaşıb.xeber100.com

“AzəriLayt” markalı neftin qiyməti ucuzlaşıb

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,33 dollar bahalaşaraq 52,21 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,28 dollar artaraq 58,72 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 0,21 dollar ucuzlaşaraq 60,30 dollar olub.xeber100.com

Dünya Turizm Günü münasibətilə

Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsi tərəfindən 27 sentyabr –Dünya Turizm Günü münasibətilə Qız qalası meydanında “Beynəlxalq Turizm Günü” adlı festival keçirilib.Azərtac xəbər verir ki, festivalda İndoneziya, Türkiyə, Hindistan, Özbəkistan, Meksika, İran, Macarıstan, Koreya, Yunanıstan, Polşa və digər ölkə səfirliklərinin nümayəndələri iştirak edib.Festivalda iştirak edən ölkələr stendlərində təmsil etdikləri ölkələrin mədəniyyəti, mətbəxi və milli xüsusiyyətləri barədə əyləncəli və maraqlı məlumatlar verib, suvenirlər nümayiş etdiriblər. Paytaxt sakinləri və qonaqlar həmin ölkələrin bələdçi xəritələri, təhsil imkanlarının əks olunduğu kitablar, bukletlər, broşürlərlə də tanış olublar.Festival mədəniyyətlərarası dialoqun inkişafına töhfə vermək, o cümlədən Azərbaycan mədəniyyəti və tarixini, İçərişəhərin turizm potensialını dünyada tanıdılması məqsədi daşıyır.Xatırladaq ki, Dünya Turizm Günü 150-dən çox ölkədə qeyd olunur.xeber100.com