Dünya birjalarında neftin qiyməti…

Dünya birjalarında neftin qiyməti bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,42 dollar bahalaşaraq 48,51 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 1,69 dollar artaraq 52,72 dollar olub.xeber100.com

V İnvestorlar Yarmarkası keçiriləcək

Azərbaycana xarici investorların cəlb edilməsi və mikromaliyyə sahəsində mövcud olan yeni xidmət sahələrinin təqdim etmək məqsədilə oktyabrın 6-da V İnvestorlar Yarmarkası keçiriləcək.Bu barədə Azərtac-a Azərbaycan Mikromaliyyə Assosiasiyasından məlumat verilib. Azərbaycan Mikromaliyyə Assosiasiyasının təşkilatçılığı ilə keçiriləcək tədbirdə mikromaliyyə, ixtisaslaşmış maliyyə ekspert və şirkətləri, beynəlxalq investorlar və texniki xidmət təminatçılarının şirkətləri, bank olmayan kredit təşkilatları və banklar, lizinq təşkilatlarının da iştirakı gözlənilir.Bundan əlavə, ikinci hissədə maliyyə institutları ilə investorların və xidmət təminatçılarının yarmarka formatında görüşləri planlaşdırılır.xeber100.com

“Bakı Metropoliteni” QSC-nin məlumatı

Növbəti həftədən “Sahil” metro stansiyası sərnişinlərin istifadəsi üçün bağlanacaq.Azərtac xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib. O bildirib ki, bu həftə ərzində sərnişinlər “Sahil” metrosundan istifadə edə biləcəklər. Metropolitenin 1967-ci ildə istismara verilən ilk 5 stansiyasından biri olan “Sahil” stansiyasında eskalatorların istismar müddəti başa çatıb və onların yeniləri ilə əvəzlənməsi zərurəti yaranıb. “Sahil” metro stansiyasında aparılacaq əsaslı təmir müddətində quraşdırılmış 3 eskalator sökülərək, yerində 4 eskalator quraşdırılacaq.N. Paşayevin sözlərinə görə, eskalatorların sökülüb-quraşdırıldığı müddətdə stansiyanın əsaslı təmir olunması da nəzərdə tutulub. Bu işlər çərçivəsində stansiyanın mərmər-qranit örtüyü, istismar müddətini başa vurmaqda olan, köhnəlmiş və müasir dövrün tələblərinə cavab verməyən avadanlıqlar yenilənəcək. Eskalatorların yenisi ilə əvəzlənəcəyi və əsaslı təmir işlərinin yerinə yetiriləcəyi müddət ərzində, birçıxışlı olduğu üçün, “Sahil” metro stansiyasının bağlanması zərurəti yaranıb.“Bakı Metropoliteni” QSC sərnişinlərin diqqətinə çatdırır ki, “Sahil” stansiyası avqustun 21-i sərnişinlərin giriş-çıxışı üçün bağlanacaq və qatarlar bu stansiyada dayanmadan “İçərişəhər” və əks istiqamətdə hərəkət edəcək. Təmir işlərinin 2018-ci ilin iyun ayının sonlarına qədər yekunlaşdırılması nəzərdə tutulur. Əsaslı təmirin aparıldığı müddət ərzində sərnişinlərdən getdikləri ünvanı əvvəlcədən nəzərə alaraq, metronun “Sahil” stansiyasına yaxın olan “İçərişəhər” və “28 May” stansiyalarının xidmətindən istifadə etmələri xahiş olunur”, - deyə N.Paşayev vurğulayıb.Qeyd edək ki, “Sahil” metrosunda aparılan təmir işləri ilə əlaqədar olaraq “28 May” və “İçərişəhər” stansiyasında gücləndirilmiş iş rejiminə keçiləcək.xeber100.com

Dövlət Statistika Komitəsinin məlumatı

Bu ilin ikinci rübündə yerüstü tikililər üzrə qiymətlər 0,3 faiz, yol və körpü tikintisi üzrə qiymətlər isə 0,8 faiz bahalaşıb.Dövlət Statistika Komitəsindən Azərtac-a verilən məlumata görə, ümumilikdə tikintidə (tikinti-quraşdırma işlərində) istehsalçı qiymətləri əvvəlki rüblə müqayisədə 0,4 faiz bahalaşıb.xeber100.com

“Layt” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,02 dollar ucuzlaşaraq 47,07 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,02 dollar azalaraq 51,01 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,11 dollar ucuzlaşaraq 52,88 dollar təşkil edib.xeber100.com

“John Deere” şirkəti ilə əməkdaşlıq perspektivləri müzakirə olunub

Avqustun 17-də Kənd təsərrüfatı naziri H.Əsədovla “John Deere” şirkətinin MDB ölkələri üzrə direktoru Dirk Strattman və Azərbaycan üzrə nümayəndəsi Maximilian Pauge ilə görüşündə şirkət ilə nazirlik arasında əməkdaşlığa dair müzakirələr aparılıb.Nazirliyin mətbuat xidmətindən Azərtac-a bildirilib ki, görüşdə nazir H.Əsədov “John Deere” şirkəti ilə əməkdaşlığa böyük önəm verdiyini, bu əlaqələrin daha da inkişaf etdirilməsi üçün böyük potensial imkanların olduğunu nəzərə çatdirib. Nazir şirkət ilə əməkdaşlığı daha da genişləndirmək məqsədilə təhsil sahəsində işçi qrupunun yaradılmasını və onun tərkibinə Kənd Təsərrüfatı Nazirliyinin, Təhsil Nazirliyinin, “John Deere”nin və fermerlərin də daxil olmasını məqsədəuyğun hesab edib. Əsas məqsəd isə yeni texnika və texnologiyalarla tanış olmaq, bu sahədə maarifləndirmə işləri aparmaq, eyni zamanda, tədrisə tələbatın müəyyənləşdirilməsi, uzunmüddətli tədris planının hazırlanması və qısa müddətdə işçi qrupu təsdiq edildikdən sonra plana əsasən sentyabr ayında ilk toplantısının keçirilməsidir.xeber100.com

İqtisadiyyat Nazirliyinin məlumatı

Azərbaycan məhsulları növbəti dəfə vahid ölkə stendi ilə bu il sentyabrın 11-14-də Moskva şəhərində keçiriləcək "Worldfood Moscow" Beynəlxalq Ərzaq Sərgisində nümayiş olunacaq.İqtisadiyyat Nazirliyinin mətbuat xidmətindən bildiriblər ki, sərgidə Azərbaycanın 30-dan çox şirkətinin meyvə şirələri, müxtəlif növ şərablar, təbii mineral sular, fındıq, meyvə-tərəvəz, konservləşdirilmiş məhsullar, qənnadı məmulatları, çay, süd məhsulları və sair yerli məhsullarımız təqdim ediləcək. "Worldfood Moscow" Beynəlxalq Ərzaq Sərgisində, həmçinin Azərbaycanın mədəniyyəti və mətbəxi, ölkəmizin turizm, biznes və investisiya imkanları təbliğ olunacaq.Qeyd edək ki, Azərbaycan Respublikası Prezidentinin 2016-cı il 5 oktyabr tarixli "Made in Azerbaijan" brendinin xarici bazarlarda təbliğini nəzərdə tutan Fərmanına uyğun olaraq, indiyədək yerli məhsullarımız Birləşmiş Ərəb Əmirliklərinin Dubay şəhərində keçirilmiş "Gulfood 2017" Beynəlxalq Ərzaq Sərgisində və Almaniyanın Düsseldorf şəhərində təşkil olunmuş "Prowein 2017" Beynəlxalq Şərab Sərgisində vahid ölkə stendi ilə nümayiş olunub, xarici ölkələrə 8 ixrac missiyası təşkil edilib.xeber100.com

İstiqrazlarının yerləşdirilməsi üzrə hərrac keçiriləcək

Avqustun 22-də Bakı Fond Birjasında (BFB) Maliyyə Nazirliyinin Dövlət Qısamüddətli İstiqrazlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, diskontlu, sənədsiz, adlı istiqrazların ümumi həcmi 20 və 25 milyon manat, hər bir istiqrazın nominal dəyəri 100 manat, tədavül müddəti 182 və 364 gün, ödəmə tarixi gələn il fevralın 20-si və avqustun 21-dir. "PAŞA Kapital" QSC anderrayter vəzifəsində çıxış edir.Hərrac zamanı qeyri-rəqabətli sifarişlərin istiqrazların buraxılışının 20 faizdən çox olmamaq şərti ilə qəbul edilməsinə icazə verilir. Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər.xeber100.com

“BP-Azerbaijan” şirkətinin məlumatına əsasən…

“Şahdəniz-2” layihəsi çərçivəsində dörd quyu tamamlanıb.Bu barədə Azərtac-a “BP-Azerbaijan” şirkətindən məlumat verilib. Bildirilib ki, birinci yarım ildə “Şahdəniz Mərhələ 1”in mövcud platformasında (Alfa) “SDA11” qaz hasilatı quyusunda qazma işləri bərpa olunub və bu işlər hazırda davam edir. İkinci rüb ərzində “İstiqlal” qazma qurğusu yatağın şimal cinahında dördüncü quyunu (SDC01 quyusu) tamamlayaraq qərb cinahda daha dörd tamamlama işi aparmaq üçün “SDD01” quyusunun yerləşdiyi əraziyə keçirilib.“Maersk Explorer” qazma qurğusu “SDF01” quyusunun məhsuldar lay hissəsini qazaraq “SDF02” quyusunda da həmin işləri aparmaq üçün o əraziyə keçib və hazırda həmin işlər davam edir.Bu iki qazma qurğusu artıq “Şahdəniz Mərhələ 2”dən hasilatın başlanması və ondan sonrakı tədrici artırılmasına hazırlıq çərçivəsində 13 hasilat quyusu qazıb və bu quyulardan yatağın şimal cinahında yerləşən dördünü tamamlayıb. Qazma işləri hasilatın planlaşdırılan sabit səviyyəsinə nail olmaq üçün tələb olunan bütün quyuların qazılması istiqamətində davam edəcək.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,24 dollar bahalaşaraq 47,79 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,31 dollar artaraq 51,11 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 1,42 dollar ucuzlaşaraq 52,38 dollar təşkil edib.xeber100.com