“Azərbaycan Beynəlxalq Bankı”nın yeni kampaniyası çərçivəsində…

“Azərbaycan Beynəlxalq Bankı”nın 2 iyul - Polis günü ərəfəsində start verilən kampaniyası çərçivəsində bankın maaş kartına sahib olan asayiş keşikçilərimiz nağd pul kreditini bu bankdan 2 faiz endirimlə əldə edə bilərlər.Bankdan Azərtac-a bildiriblər ki, kampaniya iyunun 30-dan iyulun 14-dək keçərlidir.Kampaniyanın özəllikləri bunlardır: kreditin məbləği 15 min manatadək, kreditin müddəti 36 ayadək, illik faiz dərəcəsi 2 faiz endirimlə, 3 min manatadək zaminsiz, kreditin rəsmiləşdirilməsi komissiyasız.Müxtəlif ehtiyacların qarşılanması üçün nəzərdə tutulmuş bu krediti “Azərbaycan Beynəlxalq Bankı”nın bütün filiallarından almaq olar. Bunun üçün sadəcə şəxsiyyət vəsiqəsi ilə bankın filiallarına yaxınlaşmaq kifayətdir. Kredit rəsmiləşdirilən zaman müştəri avtoödəmə sisteminə qoşulmaqla aylıq kredit borclarının ödənişini banka gəlmədən rahat şəkildə həyata keçirə bilər."Azərbaycan Beynəlxalq Bankı"nın digər məhsul və xidmətləri barədə məlumatları bankın 36 filial və 40 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin www.facebook.com/azerbaycanbeynelxalqbanki/rəsmi Facebook səhifəsindən əldə etmək olar.xeber100.com

Əmanətlərin Sığortalanması Fondunun məlumatı

Əmanətlərin Sığortalanması Fondu ləğv prosesində olan "Dekabank" ASC-də öhdəliyi qalmış kreditorlara müraciət edib.Fonddan Azərtac-a bildiriblər ki, bankın bütün kreditorlar qarşısında olan öhdəliklərinin yerinə yetirilməsi prosesinin davam etməsinə baxmayaraq, bəzi kreditorlar hələ də vəsaitlərini götürməyiblər."Dekabank"ın ləğvedicisi Əmanətlərin Sığortalanması Fondu vəsaitlərini götürməmiş kreditorlardan vəsaitlərini götürmək üçün bankın Bakı şəhəri, Xəqani küçəsi 14/16 ünvanına müraciət etmələrini xahiş edir.xeber100.com

Dünya birjalarında neftin qiyməti…

Dünya birjalarında neftin qiyməti bahalaşır.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,28 dollar bahalaşaraq 45,14 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,29 dollar artaraq 47,60 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,52 dollar bahalaşaraq 48,49 dollar təşkil edib.xeber100.com

Əmanətlərin Sığortalanması Fondunun məlumatı

Ləğvetmə prosesində olan “Yunayted Kredit Bank” “MilliÖN” ödəmə sisteminə qoşulub.Azərtac xəbər verir ki, bu barədə Əmanətlərin Sığortalanması Fondundan verilən məlumatda bildirilir.Fond “Yunayted Kredit Bank”a kredit öhdəliyi olan müştərilərin diqqətinə çatdırır ki, artıq kredit ödənişini onlara yaxın ərazidə yerləşən “MilliÖN” sistemi vasitəsilə həyata keçirə bilərlər.xeber100.com

2017-ci il dövlət büdcəsi haqqında Qanunda dəyişikliklər edilməsi barədə…

İyunun 30-da Milli Məclisin növbədənkənar sessiyasının sonuncu plenar iclasında 2017-ci il dövlət büdcəsi haqqında Qanunda dəyişikliklər edilməsi barədə layihə müzakirə olunub.Azərtac xəbər verir ki, iclasda iqtisadi siyasət, sənaye və sahibkarlıq komitəsinin sədri Ziyad Səmədzadə qanun layihəsindən danışıb.Sonra “Azərbaycan Respublikasının 2017-ci il dövlət büdcəsi haqqında” Qanunda dəyişikliklər edilməsi barədə məlumat verən maliyyə naziri Samir Şərifov diqqətə çatdırıb ki, sosial mənzil tikintisi ilə bağlı əhalinin ehtiyaclarının daha geniş şəkildə əhatə edilməsi və vətəndaşların güzəştli şərtlərlə mənzil əldə etməsi ilə bağlı xərclərin artırılması üçün 50 milyon manat, ölkəmizin 14 rayon və şəhəri üzrə yeni tikilmiş uşaq bağçalarının istismara verilməsi ilə bağlı xərclərin maliyyələşdirilməsinə və hazırda fəaliyyətdə olan uşaq bağçalarının, uşaq texniki yaradıcılıq mərkəzlərinin, ilk peşə-ixtisas təhsili müəssisələrinin və bəzi təşkilatlar üzrə əməyin ödənişi xərclərinin tənzimlənməsi üçün 68 milyon manat vəsait yönəldiləcək.Hesablama Palatasının sədri Vüqar Gülməmmədov diqqətə çatdırıb ki, “Azərbaycan Respublikasının 2017-ci il dövlət büdcəsi haqqında” Qanunda dəyişikliklər edilməsi barədə qanun layihəsinə Hesablama Palatası da rəy verib. Palatanın rəyi müsbətdir.Müzakirələr zamanı çıxış edən Milli Məclisin deputatları əhalinin sosial rifahının yaxşılaşdırılmasına xidmət edəcək bu dəyişiklikləri yüksək qiymətləndiriblər.Sonra dəyişikliklər səsə qoyularaq qəbul edilib.xeber100.com

Mərkəzi Bankda hərrac keçirilib

İyunun 29-da Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın ortaçəkili məzənnəsi 1,7021 səviyyəsində formalaşıb.xeber100.com

Dövlət Statistika Komitəsinin məlumatı

Kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 307,4 milyon manatlıq məhsul istehsal edilib.Dövlət Statistika Komitəsindən Azərtac-a bildiriblər ki, əvvəlki ilin yanvar-may ayları ilə müqayisədə məhsul buraxılışı kimya sənayesində 22 faiz, rezin və plastik kütlə məmulatlarının istehsalında 57 faiz, əczaçılıq məhsullarının istehsalında isə 2 dəfə artıb. Əsas kimya məhsullarından izopropil spirti istehsalı 46 faiz, yod istehsalı 1,4 faiz, polietilen istehsalı 5,1 faiz, lak-boya məmulatlarının istehsalı 58 faiz artıb. Bununla yanaşı, azot istehsalı 0,3 faiz, oksigen istehsalı 69,7 faiz azalıb. Rezin və plastmas məmulatlarından plastik borular, borucuqlar və şlanqlar üçün fitinqlərin istehsalı 19,9 dəfə, polivinilxlorid borular, borucuqlar, qollar, şlanqların istehsalı isə 12,9 dəfə artıb.xeber100.com

Latviya-Azərbaycan biznes forumu keçiriləcək

İyulun 17-də Latviya Respublikasının paytaxtı Riqa şəhərində Latviya-Azərbaycan biznes forumunun keçirilməsi planlaşdırılır.Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, forum çərçivəsində Latviya iş adamları ilə işgüzar əlaqələrin genişləndirilməsi üçün ikitərəfli görüşlərin təşkili nəzərdə tutulur. Latviyaya səfərdə iştirak etməkdə maraqlı olan sahibkarlar iyulun 7-dək AZPROMO-ya müraciət edə bilərlər.xeber100.com

Londonun ICE birjasında “Brent” markalı neftin qiyməti…

Dünya birjalarında neftin qiyməti bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,20 dollar bahalaşaraq 44,86 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,17 dollar artaraq 47,31 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,17 dollar bahalaşaraq 47,97 dollar təşkil edib.xeber100.com

Əmlak Məsələləri Dövlət Komitəsi ictimai təqdimat keçirəcək

İyunun 30-da Əmlak Məsələləri Dövlət Komitəsi (ƏMDK) tərəfindən “Daşınmaz əmlakın qabaqcadan qeydiyyatı: üstünlüklər və faydalar” mövzusunda ictimai təqdimat keçiriləcək.Bu barədə Azərtac-a komitənin mətbuat xidmətindən məlumat verilib.Tədbirin keçirilməsində məqsəd komitə tərəfindən daşınmaz əmlakın qabaqcadan qeydiyyatı prosesinin mahiyyəti, prosedurları, üstünlükləri barədə ictimaiyyəti maarifləndirməkdir. Eyni zamanda, bu prosesin vətəndaşlara verdiyi faydalar və ümumilikdə daşınmaz əmlak bazarının inkişafındakı müsbət təsirləri barədə məlumatlandırmaqdır.xeber100.com